2016年4月13日 星期三

心態決定境界 -- 淺淡同學妻

小弟開始 BLOG MINING...並唔係因為無野寫 (樓市好精彩丫), 而係想將以前D 文分類一下.

話唔埋, 有日有高人請我出書(哈哈哈! 口語化到咁! 其實我中文考左個A 番黎架), 無人睇, 無人睇得起. 自資就得~!

呢篇最初其實想講D 人格衰自然成就低(反之亦然)

新買SHF女亂馬!好鐘意!一定買埋男亂男同珊樸!


舊文LINK 如下

心態決定境界1 <運輸街車哥哥>

心態決定境界 2 <文員姐姐無手尾>


心能決定境界3 - 論創業 <叫朋友做影相佢當我點佢>


心態決定境界4 <四十幾五十歲個班西口西面女人>


哈哈!

而家睇番, 標題唔係好符合, 應該改做男主人口臭口賤系列.

係我形容我以前D 女朋友個陣, 有人鬧我咁口衰唔係咩好人。喂, 我無話過我係好人, 不過我一定唔會害你, 更加唔會老作, 係唔靚就唔靚。

總好過講野永遠中庸,笑裡藏刀個D人,害左你教壞你都唔知。至少各位知我唔係咩聖人,講乜都唔好盡信,我更加心安理得。

原因?我唔係靠個BLOG搵食~!所以,其實。。。

我從比你地唾罵之中得到快樂!
(按:2016年中文作文題目之一)

男主人個老婆女主人,雖然唔係靚到DUM一聲個D,但至少佢呢個年紀都叫做好好睇睇算OK。應該仲溝到仔0既,如果我瓜左。

我又衰格,好鐘意睇下舊同學D老婆咩樣

尤其係大學同學,因為佢地都係所謂專業人士,收入算中中等等(不過未必夠自由行年代賣錶個班搵得多喎!),咁照收租仔係討論區咁講,良禽擇木而棲,應該溝到內外在美都有0既女仔卦!

哈哈,非也!佢地D老婆好多係社工,老師,物理治療師,護士等等專業人士/半專業人士。即係人工OK又穩定個D 啦。

個樣?嘩。。。唔講以為係男人。

例如,戴個眼鏡成隻細龜咁,但下半身係女人。

當然,唔係個個都咁惡劣!學女主人見到我咁講,佢會反駁:"可能人地有內在美呢!"

喂,男人一場,咪玩啦,邊個會揀內在美?安慰自己咩。。。

佢地選擇,當然黎可能圈子細,黎可能溝唔到靚女,黎可能穩定收入可以幫手供樓!哈哈哈。。。現代社會女人多左一個"功用"?



記唔記得佢地兩個,個女0既都唔差,男0既都醒目!2014年300萬買,未駛蝕。2015個班真係屍橫遍野了。好多成交近400萬,最近成交非常非常少!對上一個係360萬。

哈哈,講番我D同學,會否細細個就驚死,揀最穩陣個條線黎行??

反而去左創業0既同學,依舊單身,但事業有成。

咪住,呢D唔係等價交換喎!點解唔可以有撈得掂又有靚女女友/老婆?



童年回憶!BB戰士17號(而家出到三百幾了!)
武者頑駄無
我用錯油攪到手油露底色,有點失敗。。。不過,總算又完一個小小目標!
女主人話似多拉A夢。。。


不如講下自己!

女主人我上網識0既!我根本無同事,點識?朋友?NO WAY,要開始0既一早開始左!

我識佢個陣,佢仲係欠卡數一筆0既文員秘書仔,一齊兩年後佢創業,個老細仲暗笑佢經濟唔好先出黎攪生意仔。(之後經濟好好,好到而家都仲係好!)講真,佢番工,都係做下花瓶。

我同學個D,有部份識於大學時,咁都OK好樣,好多同自己同學結婚個D好得人驚,簡直係賣剩蔗竟然有男同學要,實在太寂寞喇佢地。工作識個D,肥醜,瘦黑。。。真係樣樣齊!

當年大學,我有個仆街同學(笑笑口但背後玩9你個種)同我講:

"不如你考慮下BELINDA啦!" 

BELINDA係女校出黎又老土又矮又小肥唔靚成個阿婆咁樣。。。

咪玩啦!!當年我未拍過拖,都唔會咁不擇食!(我中學時代已有人暗戀我,唔知戀我D乜,我又唔係靚仔。我估係我太似D老千股了。。。

最後BELINDA 去左邊?同另一男校中學上黎0既男同學結婚~!

或者佢地係真愛,不過你唔試下,又點知靚女唔會有真愛?

你睇中三四球阿婆樓,覺得自己溝唔到靚女,自我安慰這是安樂窩???

點解寫埋D咁0既野?近排FB 見有個同學,同個嫰口幾好樣妹妹仔結婚,妹妹仔不停UPLOAD蜜月相,真係好細。

邊個同學咁成功?其實佢畢業後,無屋企負擔,家人又係醫生律師個種,結果阿同學讀完幾年大學,再讀左五年牙醫!這些機會MA。。。

點識個女仔?牙醫助護!!!簡直係源源絕0既供應啦~~~!

最識食仲唔係佢!?拿,你唔好話我知呢D唔係真愛。

我?我命水運氣好之餘,更加鐘意走一條唔同0既路,亦都唔想比任何人左右(老婆家人除外),其實結果都幾好丫!

比我財務自由但係攬住阿BELINDA,我不如日日係公司噴高達唔番屋企好過了。

最尾補多句,我更加唔想仔女樣子太差。。。不論男女,樣貌對工作讀書等表現有正面影響,至少三歲至三十歲人生快樂程度都會跑左前面。

留個靚樣,好過留收租樓!

(樣子影響人生,另再行文)

如留言想鬧我,不如慳番淡氣按"ALT+F4",我由細到大都係咁。傷害到任何人弱小心靈唔好意思,不過至少我唔會誤導你老點你。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

61 則留言:

  1. feel到樓主好似有種看盡人生百態既感覺!哈哈BTW編文好funny!!

    回覆刪除
    回覆
    1. 早晨呀。
      其實我只是濕九一條,見過太多人走線不成咁就一世。
      Funny 同串咀真係一線之差。
      謝謝收看

      刪除
  2. 愛情同樣呢家野好難講啦,明朝憲宗後宮佳麗無數都唔揀,比個大佢十九年o既奶媽獨霸龍床二十幾年,到老太婆死時仲話「貴妃一去,朕亦不久於人世了」,人地擺明有戀x癖,唔係睇樣o既。

    回覆刪除
    回覆
    1. 呢d 同兇宅成交一樣係個別例子。
      斷估唔會咁多同學都有辟好卦。
      有!可能係供樓辟!

      刪除
  3. 娶阿婆既人可能是為人民而戰, 除害呢:D

    回覆刪除
    回覆
    1. 中學個陣會叫佢地做英雄,為民除害。
      不過其實有好多女供應,同樓一樣。
      明明質素差到無人要,偏偏又要揀,望下隔離左右,等下就好多女供應,後生個d 又長大左(新樓不斷有)。

      刪除
  4. 同樣口賤既路過。
    一向都唔buy有樓=有女,我眼見身邊食女最多既從來都係關個樣同口才事。
    不過成篇文我最buy一句:
    比我財務自由但係攬住阿REBECCA,我不如日日係公司噴高達唔番屋企好過了。

    回覆刪除
    回覆
    1. 非常正確。
      有樓係無用架,成日見d 人出膠文問要有樓男定靚仔男。
      主張人死儲爛儲節衣縮食個d 我最反感,你放棄人生,唔代表後輩要跟你一樣。

      刪除
  5. 樓主GE文,我睇左好耐。但第一次留言,我睇你GE文,就係中意你GE誠實同口賤...不過賤通常都係太過忠於事實,同自己個感觀。但係自己主場就係要寫D 真野,唔係寫黎做咩先~~ 撐樓主~~

    回覆刪除
    回覆
    1. 謝謝支持.
      我估你同我一樣, 都討厭偽善0既騙子.
      兜口兜面拆穿佢, 就比人話你無禮貌...哈哈

      刪除
  6. 同意,廣告都有講你的樣子如何,你的日子也必如何

    回覆刪除
    回覆
    1. 同意,廣告都有講你的樣子如何,你的日子也必如何

      KK叔

      刪除
    2. KK 叔, 係呀, 樣好重要.
      同樣學歷之下, 有樣會跑嬴一大截!

      刪除
  7. 很有趣的文章, 其实我认识很多家有丑妻的朋友,都过得很苦,丑妻工资高,脾气大,故这些朋友不时要到深圳发泄下 ,从不敢过夜,因为要准时回家交人,有时想想,发泄完了如果回家丑妻还要交功课,不知这些人该如何被摧残得梨花泪下,这时会想起一些周星驰的电影片段,大笑一场。
    所以,一直认为做人要有讲究,千万不可以随便,不然一失足成千古恨!

    回覆刪除
    回覆
    1. 閣下內地同胞?
      香港人邊得閒交功課呢?
      不過, 帶出街真係好肉酸...

      刪除
  8. 呵呵70後兄文筆真搞笑!但始終情人眼裏出西施、各花入各眼,只要自己不後悔個人的選擇便可。

    很同意上天給人不同的外貌,是不公平的。就算天生唔算好靚,但只要五官端正、身形平均,其實可以好low maintenance便keep到個樣,多哋精力搞下其他野都得。

    相反,假如係成日生痘痘/較肥/較矮人士,一生中,將需要花更多時間及金錢,在健身、置裝、護膚、美容etc產品上。都咪話唔嘔血啊!

    回覆刪除
    回覆
    1. 難得有女士留言,其實樣唔好,真係幾無奈,但係化粧打扮可以搭夠。
      真係好醜個D,同男0既一樣,只能認命,或者放棄愛情去追求其他東西,否則好易比人厄。。。

      愛情又唔係人生必需0既,所以D人無女走去買樓收租其實幾反智。

      真係買,不如買架跑車啦,二手好平!

      刪除
  9. 唔可以否認有男人同醜女係有真愛既, 似終人人選擇唔同.

    不過你講得岩, 靚女未必冇真愛, 唔試過點知唔得? 一世人為左層樓,節衣縮食,後生都唔識享樂,溝下靚女,很可惜吧?

    回覆刪除
    回覆
    1. 為左住屋而唔去溝靚女,去溝收入穩定女,真係好可憐。
      相反,唔少女仔唔會因為樓去鐘意一個自己唔鐘意0既男仔。佢地會搵鐘意又有樓。
      所以,收租仔無女就無女。。。人樣問題。

      UM。。。百貨配百客,條件唔好配番條件唔好都無可口非。

      真唔真愛?二人相處耐左,點都變真愛啦。

      刪除
  10. 這就是人生百態--
    每人出生的條件不同, 受環境, 外貌... 所限
    所以人生像天平, 當中如何平衡, 考人智慧
    Vincent

    回覆刪除
    回覆
    1. 對,何時應強求,何時應不強求,實屬高難度。

      刪除
  11. 70兄就係講野夠直接,講d其它人唔敢講既
    樣當然重要啦
    但就唔明你d同學專業人事,應該更有條件,揀個好樣d咩??點會咁揀??

    回覆刪除
    回覆
    1. 條件又唔算好好。我估普通搵兩三四萬左右。
      咁我都唔知佢地,可能圈子細,樣x,想對方都搵到錢卦。
      靚個d 女同學,嫁高一級,醫生律師老公啦。

      刪除
  12. 看你的文章娛樂性很高!支持你!
    我同我老婆以前都是假專業人士,返工返到覺得沒什麼人生意義。之後就一起做d小生意。現在都有6個夥計啦。
    辛苦過以前,但是完全沒有以前返工時那種星期一恐懼癥。我對得住自己,對得住客人和夥計。吾使再做Dsup9辦公室政治野,所以現在做野比以前開心好多。
    不過這幾年就發現同D老友(返工的那批)話題越來越少。變左我老婆才是我最好的朋友。社會圈子好像也細左。
    DJ

    回覆刪除
    回覆
    1. 你說對了, 我都無番工恐懼症的. 做得好唔得都要自己負責, 要上心, 結果就係唔會做得差.
      我生意比較簡單, 外人以為好明白, 所以同朋友都有話題0既. 一講出黎, 人人都好似好明又好識咁, 實際上佢地係完全唔識做的.

      DJ 兄, 謝謝收看.

      刪除
    2. “人人都好似好明又好識咁, 實際上佢地係完全唔識做的”
      呢句很有同感!
      看了你的blog都有幾個月,很多大智慧啊70後兄。
      希望你能一直寫下去!
      老實說比很多什麼價值投資、什麼收租買樓、什麼天天嚷著要財務自由的blog好看得多。哈哈。

      DJ

      刪除
    3. 如無意外應該會寫落去。
      只會越黎越得閒,除非砌高達。哈哈。

      非常謝謝閣下支持。

      刪除
  13. 最鍾意聽70兄講賤野~越聽越過癮~ha

    回覆刪除
  14. 70後兄,多謝分享,古今愛情及婚姻有時令人摸不著頭腦.突然想起諸葛亮娶醜女黃月英的故事,不能不信有時戛良緣是天注定...

    回覆刪除
    回覆
    1. 可能諸葛先生娶靚女,日日精神煥發,唔駛多愁善多憂心,無咁早死都未定。
      話唔埋跳糟去曹營,更避免比人簒位呢。

      刪除
  15. 仲有文中男仔只係一名文員,佢老婆應該係醫院RN,邊個話溝女一定要講樓?
    Btw,求死又好似無女,佢個blog成日自言自語,十足精神分裂,點溝女?

    回覆刪除
    回覆
    1. 師兄擊中盲點,文員仔溝到rn 是個軟飯勵志故事。我d 男同學應去溝律師 ibanker。
      求死應係平時生活中同學入面,又七又唔起眼果種人,講野都無人理,唯有靠話有樓收租等偽財務自由吸睛。

      刪除
    2. 所以,能夠食軟飯先係真。男人終極目標,有才能有外表D女先肯貼錢養埋你假。
      又七又要扮勁果D ?

      刪除
    3. 應該係平時完全唔起眼果種人。
      講野又無人理。

      刪除
  16. 男人大把選擇,
    只要有心出去溝,
    冇話唔得0既,唔駛屈就

    真係好老實,
    男人要內在美?
    呃自己0者

    要用一生換層樓?
    咪玩啦。。

    回覆刪除
    回覆
    1. 係想用租客租金換一層樓,有冇咁埋想?

      刪除
    2. 露底了,真正好戲即將來臨,
      只要一個單位放唔出,
      現金流一斷左,就火燒連環船,到時真正求死了

      呵呵…

      刪除
    3. 死一個求死預左, 希望唔好放過教人買收租樓托價個班老野.

      刪除
    4. 睇番呢兩個月成交價,好多已經去番13年中價錢,再跌應該就有雪球效應

      刪除
    5. 唔好話成交金額,連租務成交數量都跌,由一月到而家都無多番。
      暑假多人完租約,減租後會更一步將租金推底。過往八九月旺季不再。

      刪除
    6. 有人自稱「有錢人」,目標NAV1000萬,但其實層樓淨值200幾萬,幾十萬流動資產係借返嚟,仲敢話達成目標30%。最近又有大佬開blog,三十歲左右兩夫妻七層樓,千幾萬資產千幾萬負債。做收租仔真係咁吸引人?人生目標就係咁?

      刪除
    7. 哈哈, 兩夫妻七層樓, 佢地年紀未儲到咁多錢喎, 又一個成功靠父幹? 邊個BLOG?
      收租仔覺得坐係度有錢收, 唔駛維修唔駛換野...因為上升時業主大哂. 我個盤日日有租盤了, 但成交是零...

      刪除
    8. 前者:
      http://poorhaves.blogspot.hk/2016/04/20160408.html
      後者:
      http://rmylife1987.blogspot.hk/2016/04/blog-post.html

      刪除
    9. 前者佢唔識計0者, 佢都無害過或者老點過人.
      後者, 好有可疑. 造假居多. 計番年份無可能咁大槓桿.
      吹得仲勁過求死隊長.

      刪除
    10. 老老實實,我愈睇得呢類投資blog愈多,愈來愈覺得傷港點只得幾萬人過千萬身家?淨係阿乜sir開一堂都唔只咁少人喇!人人都話財務自由揸住幾層樓收租咁。我前一排下岡,搞轉按都搞咗一輪,點知一眾bloggers買樓好似唔使本咁,真係自愧不如。

      刪除
    11. 係喎! 我試過加按加唔到, 不過我無乜所謂, 果陣連申請信用卡都好麻煩.
      班友好似番大陸咁, 話有自己方法, 又唔講, 肯定書都無教.
      唔好話我話, 其實係吹水.
      係有, D AGENT 就大大聲講出來啦~

      刪除
  17. 老實講,內在美唔係唔重要,不過如果外在已經令人抗拒既,又點發掘內在美wow。
    講真,除非本身係好很肉酸,如果唔係落力d化妝修下身都補救得到。不過自甘墮落,咩都唔做既,咁就神仙都難救啦!

    回覆刪除
    回覆
    1. 係喎,唔知點解咁多人啃得落。
      但正常樣個d 又無著落喎,可能佢地幫唔到手供樓。
      同埋,化粧女只能做女朋友,第時生出黎太醜,小朋友又要輪迴多次醜的命運。

      刪除
  18. 見舊同事個女友,真係幾雄偉同大隻,可能財力都係

    回覆刪除
    回覆
    1. 舊同事口味獨特? 有否同呢位魁梧女人一齊買樓?

      刪除
    2. 咁又未買,佢之前果個ok架,係散左之後轉左口味....

      刪除
    3. 不過有時都諗香港做咩搞成咁者,買到樓,明明係計負債,就好似打爆機咁,外國人講緊假日會去d郊外house度過假日,香港就講緊可能做埋秘撈先夠

      刪除
    4. 我突然諗起雷霆戰域咁,自護果條友切曬手腳,就係為左贏部高達,明明係自護開發機體係落後左

      刪除
  19. 有啲野真係話唔埋,dream girl單新聞都令人匪夷所思。

    回覆刪除
    回覆
    1. https://hk.news.yahoo.com/dream-girl%E5%81%B7%E5%8D%A1%E7%98%8B%E7%8B%82%E8%B3%BC%E7%89%A9%E7%BD%AA%E6%88%90-%E5%AE%98%E5%BD%A2%E5%AE%B9%E7%94%B7%E4%BA%8B%E4%B8%BB-%E5%8F%A3%E7%88%BD%E8%8D%B7%E5%8C%85%E7%AB%8B-073400006.html

      刪除
    2. 攪野又唔同娶老婆。
      不過,真係劣幣驅逐良幣。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...