2016年7月30日 星期六

我的實習時代一 (男主人工作系列)

為免大家錯失舊文,連結在此。

難得女主人出文透露佢D客,我十萬分支持。佢真係見盡香港人PK無賴精神。

女主人職業 (by 女主人)

又黎老野回憶時間。見止凡兄一次過放咁多歌詞,其實我都有。


歌詞咁長,節錄如下

想 我都好想好似中o左頭獎
有野唔洗做 老細又吹我唔漲
日日等出糧 無乜野需要緊張
就係咁o既樣 乜都唔駛撈就至理
想我都好想好似中o左頭獎
有野唔洗做 老細又吹我唔漲
日日等出糧 無乜野需要緊張
就係咁o既樣 乜都唔駛撈就至理想

其實我好少聽RAP歌,當時實習日日同班大學同學唱。。。

男主人生意同大學科目完全無關,而呢個所謂專業,我十幾年間只係做過三日替工。每年比錢續牌就算,三四百蚊無所謂啦。

當年,由鄉下中學黎到呢一科半神科科目,見盡失手名校生,入到黎睇住佢地由屈屈不得志至被洗腦加接受現實,真有趣。我打從第二年已經唔想做番呢一行,就拍下拖玩玩下咁過左。

因為我真係好唔想做,阿導師(黃郁文咁0既樣)又成日扮哂野,扮專業串我地,但為人其實縮骨到不得了。

話說實習結束當日,我地叫左PIZZA同兩位導師FAIRWELL,同黃郁文講我地叫埋余生,佢話:"有魚生食咁好?"其實係我地叫埋另一導師阿余生咋。食矇左佢。。。

當年,佢入唔到U(1994年後呢科係DEGREE來啦),傻下傻下讀左呢科,咁0岩97又有移民潮,佢先上到位做呢個職位0者!再者,我真係覺得唔係咩專業,什至可有可無。。。

一同實習同學有五個,三男兩女。十幾年後今日,佢地係咪做到"大懶堂"境界?

***
又係晒高達時間,RGM-79Q GM Quel (MG)。重噴,武器全部唔見哂,角又斷。重噴金屬色,為左練習下一隻砌重高達!無砌後感,溝色其實好好玩!


五位同學如下

男同學SAM,讀書時為人驚死驚執輸都不得了,讀書就非常一般。畢業後去左讀電腦!又係讀個D無乜用0既MCSE!哈哈。。。之後成為左IT人。同大學同學迅速結婚(當年條女樣就一般,不過出黎做野又OK番,至少好過捱殘哂個班先。)

阿SAM做左幾年IT人,唔知點解又番番去做大學本科專業。唔知係咪IT唔好搵?定係想要穩定收入?(唔知佢係做政府定私人)

另一男同學阿蔡,當年實習六星期之間最FRIEND係佢,因為再對上一個實習又係同佢一齊。

同佢咁多野講,好有可能係比較唔專業(哈哈),當然,呢D嘻嘻哈哈朋友,畢業後唔會有聯絡啦。相信佢都唔想同我聯絡,因為我非他們族類呢。

畢左業先知,佢係NON-JUPAS入黎。我估大概係佢/佢家人唔想佢就咁打份工無技能,比佢入黎讀多三年吧。佢仲有家姐定阿哥係更高檔相關專業,可以彈生意比佢,順理成章佢一畢業就創業啦。(佢成績最差,應該政府唔會請!)老婆?好似睇過下相,非常唔靚就係,仲衰過BELINDA(邊個黎?按此淺淡同學妻)。

最後一個男同學阿STEVE,認真對佢好感有限。就係由開學已經對大家唔順眼果種,我又覺得你講野無聊你又覺得我七個種啦。實習期間都有交流0既,佢又係個D懶有道理講野好似好有智慧但其實無乜料果D。

畢業後?佢應該同我一樣都係無野撈,走過去做監考員(我並非讀教育相關學位,真係唔知點解佢有門路),200蚊一粒鐘,做半日。係當年失業0既我已經係好正。

而家,應該都係做番老本行,詳情真係唔清楚。

男同學0既發展都係唔好,我一向認為呢行又係女仔做先有著數。

另外兩位女同學呢?

女同學CAR,肥矮唔靚,又係衰過BELINDA(其實班上BELINDA都唔係好差,只因全班質素好一般!),我估佢畢業就入政府。至少而家係政府,有老公仔女幸福生活。

或許同阿老公係真愛,真係好難想像。廿歲已經成個師奶咁,如果唔係工作上識/軟飯王,最初相識時,真係好難令人動情。不過人地幸福就得啦,係咪?

最後一位女同學I!不得了,佢係班上少有樣算靚又身材好0既女同學。我0既COMMENT係樣黑左一D(我唔鐘意),有幾分似陳芷菁!身材係好,高瘦凸!我有冇溝過?梗係無啦,一黎呢D機會唔會係果陣時0既我,二黎我0既初戀身材更好(但其實我唔太睇身材,睇樣加分多好多,女主人童顏係最好的!!!要講三次!)!

讀書係點?又係幾乎完敗我(小弟已經算中上游個D,所有PRESENTATION都係A,WRITTEN差D0者)!

畢業後呢D跟本入硬政府(再之後出番私人執業),之後又係結婚生仔(老公都有錢,唔知是否醫生定係咩專業),可惜。。。

到最後離婚收場。

個仔跟番阿媽,成為阿媽寄托。阿媽走出陰霾後去做自己鐘意做0既事,行山,毅行,三項鐵人,越野單車,獨木舟,潛水。。。(拿,連運動都勁,你話呢D咩女黎?點會吼我呢種IT LOOK?),仲要唔係齋參與,有獎個D級數喎!

早半年,見到同班男性七頭痴埋佢度一齊行山,拿,我唔知佢係咪想溝人,但當年讀書佢已經係小兵一隻。當然,最後呢位女同學都係單身啦(至少FB見到係咁)。

當年真正大懶堂,又有誰做到?或者當年真係太無聊,只係隨住時代唱這歌吧。。。

最後呢次實習,我咩成績?C+!真係幾乎最差個次(睇番張TRANSCRIPT,分別係B+,C,B+,C+,C+,B+),攪乜鬼係飄忽?係LAW!呢D咁主觀0既實習評分,其實我係後期已唔L出力,拎到好GRADE只係扮下野扮下高深就得。

呢個都係我唔鐘意扮專業代表有料0既原因。當年今日,事業上有突破個D,全部係當年有熱誠個D,而非走線死讀爛讀個D。

好GRADE大部份落左女仔手上。。。

最近留意到,我個科其實到今日都幾難入,五科最好(BEST FIVE)要28分,即係點?即係最少三個5*兩個5!中大醫學院讀醫都係多兩分,即五個5*。

讀得咁辛苦,畢業入政府都係兩皮左右,今時今日做個SALES都有,做個靚靚秘書都唔差好遠。

其他相關文章

男主人工作系列

15/9/2014 我的藍海一: 我的生意像澳牛
7/10/2014 我的小生意續約了
11/11/2014 墨西哥餐: 做乜要咁辛苦?
31/12/2014 小時候 小茶飯 做咸SITE!
1/2/2015 我的財富累積大道(上)
3/2/2015 我的財富累積大道(下)
20/2/2015 新年比人問搵幾多?
16/4/2015 最沒信心的事 -- 傳承
23/6/2015 我深信的人生遊戲
24/7/2015 退休教授 -- 意想不到的 facebook friend request
17/7/2015 年青人應如何創業(一)
18/8/2015 三分工作,你會點揀?
9/11/2015 如何活得無悔? 收租死不足惜
1/12/2015人生遊戲二 魚與熊掌
5/2/2016 鋪王其實都係我個客!
21/3/2016 教育路上奔馳
4/5/2016 生意前傳 -- 被人蝦的經歷 
13/5/2016 港仔做生意 - 墨西哥餐去左賣咖哩魚旦



2016年7月29日 星期五

女主人職業 (by 女主人)

剛剛忙完手上草圖, 終於可以安靜下來好好打打日記

對於這張新單的客人  我是有點擔憂的

我替她起了一個外號叫做[Pink lady}

因她真的很Pink   年紀嘛...估計是三十尾到四十頭

每一次見到她  她都是粉紅色衣服   粉紫色鞋   粉紅色帽   粉紅色袋  再加上粉紅色妝容(即粉紅色唇彩+眼影)

實在令我一見難忘...樣子跟這個有幾分像...



噢! 我好像從來都沒有介紹過我是幹什麼的

男主人做的是飲食業   是一個炒蛋高手

而我...做的是製衣業  職業...

算是一個裁縫



Pink lady令我回想起了有這樣的一件事...
記得那時我正在放產假

店內來了一個客人想找我們幫她做一件晚禮服  是要趕在一個月後的訂婚宴上穿著

那時店內同事已感覺到這個客人是比較麻煩的一類

通常遇上這類要趕貨期又要求多多的客人  我們都是不想接單的 為免自找麻煩

那時我就叫同事編了一個藉口說手頭上的訂單已滿 需要排到3個月後

當大家都以為這個客人就那麼容易打發掉的時候...

誰知道不久後  同事打電話來說   這個客人又回歸了..

客人說如果我們不接她的訂單就會放火燒左我間舖 還叫我同事回家要小心一點

去到這個位置  要維護員工安全  我給這個客人打了一個電話  費了一翻唇舌

幸好在電話中客人都知道自己是錯了  事情才得以完滿解決...

真慶幸沒有接到這個客人的訂單

當時我又不在舖內  顧不到那麼多事情  如果接了又出事了就可能真的是要被燒舖了

由2009年從事這工作到現在  每天都應對不同類型客人

深深體會到兩句說話
「一樣米養百樣人」
   「世事豈能盡如人意   但求無愧於心」

有機會再說說其他奇怪客人

*******

來放放閃先  最近帶了帶了寶貝們四處去玩

一起去尋找藍精靈


跟細佬BB去食佢最鍾意車車雪糕  其實佢只係鍾意部車  哈哈




今早梳洗完出來就見到佢咁嘆咁瞓左喺度...
越大越可愛
發覺自己有些戀仔情意結

最後送上我最近很喜歡的一張相  是網上見到別人拍得很漂亮忍不住下載下來

看了心情就很陽光



2016年7月28日 星期四

食息過活 建設銀行 2015 年股息派發

睇到女主人話講下佢工作0既草稿,得幾句,爛尾多。

我唔等佢了。UPDATE下近期收到0既股息先。

2016(今年)收到建行2015年度股息,為HKD 575701!可否做食息達人靠食息過活?

(我即時轉走左D股息去支票戶口的)

上年收到2014年度交行建行股息HKD41萬,加埋權金12萬總數53萬
(故事一匹布,自己睇呢篇 2014 年交通銀行 派息日 收到股息

再上年收到2013年度交行股息HKD44萬
(連結按此2013 年股息派發

再再上年收到2012手度交行股息HKD278000
(連結按此2012 年 股息

講番今年,平均每月有HKD48000洗用,夠唔夠財務自由?可否靠股息生活?如果慳慳地肯定夠。已計埋屋租,供養父母金額不變。最大變數係小朋友,同埋老婆仲想做多幾耐。

其實今年建行減左派息,由上年0.301 減到得番 0.274!估計唔會再減息喇卦,維持而家都OK。

持有股票總值約一千零六十萬。

買唔買樓?剛見到七月中有掂住五球0既成交,睇黎好多人想甩手呢。只係我住緊呢度少盤,減價減租現像無咁明顯。

睇番舊文,原來我預計今年有70萬股息,哈哈哈~相差好遠呢。

再三年前,個仔剛出世,昨日剛好三歲。


老婆辛苦了。(圖中為聖安娜汽車立體旦糕,兩磅,三百幾蚊。唔算好食。)

預計明年(2017)股息不變吧,應該派完息會有210萬現金(其中130萬是女主人的),即我實有80萬現金左右。又睇下準唔準。

再預計2019年鋪租完左,將持有現金400萬(扣左比女主人後);而女主人應該有現金300-400萬左右。

除非目標樓盤升到二千萬(三年咁樣升,你估後生一輩會否動亂殺業主?),否則8球現金買區內99%單位任揀無難度。

所以,除非女主人忍唔到手,否則從來不會急於求死。

以上未計股票升值喎!唔升唔跌也可以的,如果升番往年高位HKD7.5,即時股票總值大升,買乜都得啦係咪?

預計九月開始,會撥番三五七萬入去搡作買下股票,到時再分享吧。不過唔好仲意細細注當搵餐茶。。。

以下是BB LEGEND 370 KNIGHT GUNDAM 騎士高達!手油補色唔多,真易攪。



未手油前係咁


佢長大左係點?係咁樣。。。哈哈!(我一早砌左~~~)


再呼籲下,LIKE下我下面個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年7月25日 星期一

靠財務自由 享受人生美好的時光

應該玩夠了吧!

話說,今個月又用左黎試下唔做野會否悶死!答案依然是否定,太好了。

踏入八月份,開始又忙番D,換左機器,感覺效率又高D。

今日又同女主人講下行家0既故事(其實十幾年間,通電話會有,真正見面少之又少。),諗諗下,而家部機得我一個用黎炒旦,人地一部機又多士又牛扒又雞扒。其實我好幸福。

不過,炒旦量高,我都好怕機器頂唔住。

昨日BLOG聚,又撩起女主人心裏一團火,連佢都想寫BLOG記低佢D千奇百怪0既客人(佢地D先有得出書!!)。(佢中文都係A)相對我高高在上咁炒旦仲要排長龍仲要無得食,女主人EQ高好多,佢D故事更加有趣,至於佢用咩方法演繹?等佢真係寫先講啦,走數機會好高

女主人新送我的BB LEGEND!其實已砌好騎士一號(第三盒)!
呢一堆易砌過武者烈傳(二百幾號)好多!!!

*****

上一篇講開財務自由(下簡稱財自),其實未完,此文作個補完。

因為唔同年齡層0既人,大家比較0既東西唔同,所以財自並無大不了,不過就可以有更多時間去享受唔同年紀階段0既美好時光。

如果咁勁三十歲財自,其實你身邊班朋友只會話"咁好悶","點打發時間",又去叫你做義工去旅行。因為大家比較多數係工作成就,有冇女朋友/老婆,搵唔搵到錢,有冇大志/抱負/人生目標。

所以男主人呢一刻,聽番黎0既大部份意見都係咁,可能我唔信邪,我直接無視。

咁年青財自通常繼續搵錢。我過左,無得搭咀。

到左四十歲,假設單身,梗係好似魔術師咁穿戴名牌靚車再去識下妹妹仔(眾數!),簡單D講就係下半生用下半身!(魔兄太正人君子,應該無咁做到/過!)

講番有家室把啦,其實鬥錢無乜用,大家都定哂形,你叻你0既事,你財自好叻咩?我唔同你玩!

其實,要比較就會係小朋友讀書同成就同埋生唔生性(港豬眼中都係讀書=生性),咁財自之後同個仔溫書?非也,陪下佢地也好有樂趣。

女主人今日問:"個女點解咁有自信",哈哈哈,就係爸爸成日同佢傾計!例如學校運動會,女主人剩係問佢好唔好玩,其實應該同佢參與其中諗下點玩,某程度上是PROBLEM SOLVING SKILL。另外,由細開始我已經比佢選擇(2歲開始),當然好多時候要痛陳利弊。最重要,佢入左一間佢能力內0既學校,班上算係精靈果個!至少唔會有怪獸家長鬥呢樣鬥個樣,大家公平學習之下,個囡自然有成功感。香港教育系列 - BIG FISH LITTLE POND

再大個D會點?我唔知。。。

我成日同佢講:"第時大個帶唔帶爸爸出街?"

當然佢話帶,我仲叫佢買高達比我TIM!其實,到佢大個應該做唔到,點會咁老土呀!?玩下手十二三歲左右就已經唔再同你傾計,更唔好講傾心事啦。

另,難得兩個都好孝順長輩,可能我帶佢去寵物店都話佢知幼貓成貓老貓係點,等佢知道生老病死是必然吧。

係佢四五歲呢一刻0既時光,係我人生來說,係十分美好的。(你毒J收租打簿又有咩用?)

阿仔就快三歲,慢就係慢D,而家開始識得玩陳述,開始識搵理由/藉口,離同我溝通日子不遠了。

財自有咩好處?你話呢?放工番屋企教仔,你仲有幾多精力,你仲有幾細心可以諗多一步?

呢堆財自人最爽,當人人0既美好的時光一日得四個鐘,可能佢有八個鐘。報紙亦集中講呢D爸爸點樣財自去照顧屋企。因為當少人做到而你做到,的鶴立雞群仲唔係你?




五十歲,必須過渡中年危機,若財自無工作,無主動收入,成就感低0既情況之下,好有可能又番番去做野。表面為過日晨又有意義,實際無乜自我認同。幸好我是我行我素的人,話唔埋第時我又有另一種野玩呢(例如而家會去做YOUTUBER!)。小朋友又開始大,唔再依賴你,而打工一族0既生活水平可能又追到你,比較之下會無咁爽。

呢一個AGE RANGE財自0既人係最多,BLOGGER入面亦有為自我認同感而樂此不彼0既老一輩。所以話財自好悶,財自後番工,又係呢一班。話旅行去到悶,一黎體力問題,二黎呢個年紀經濟能力,財自與否都可以去旅行了,又無得比較無得威威。

相信到時女主人(或者我都係咁)會打BOTOX,唔好比自己咁快老,走出黎至少年青過同年紀但要打工0既人。唔駛捱又可以做運動,KEEP得好應該唔難。

仲有,另一半健康同時影響歡樂影度。仔大仔世界,父母又可能已經唔係度,除左你老婆,仲有咩人可以親近?

六十歲唔能夠叫財自,只能夠叫提早退休吧。不在討論範圍內。不過,呢D年紀比較乜?比較兒孫吧,佢地生性否,有成就否,仲記唔記得你呢個老豆否,係咪好取決於你之前點對佢?如果你三十歲已財自,獲得相處時間更多,大家之間0既凝聚力是否更高?

一星期飲一次茶,定係過時過節探你,定係無乜特別事都唔會番黎睇你,是否睇你當初點樣管教?

再老D,我唔諗啦,同財自無關。身家散左比仔女就算。

****

以上,並非講財自後做D乜,入面都只係其中一樣,享受自己生最美好的時光

至於你會否再進修,會否教人做生意,會否去做義工,會否去出書,就人人唔同。例如我在砌高達一樣,而家就要搵下自已鐘意做/玩D乜吧。。。

明天建行股息應該到賬。其實36個月內工作收入儲起0既錢就係財自0既BUFFER。反而三年股息係要比番女主人,要還番錢比佢啊~~~

只計我一個的話,接近一千一百萬股票(現價計),三百萬現金(預計),應該粗粗地夠洗吧。(未計女主人)

今日望住佢個童顏(省略後二字),應該佢五張野仲會比人誤會做三十幾。佢而家仲有人以為佢係學生妹。。。有冇攪錯!

下圖為兩星期前成品。

雷霆吉姆(左為未上水貼,右上左,係咪好D?



金屬錄色(深淺兩色),珍珠白色珍珠灰色,星光銅,星光銀

呢張連滲線都未做!個盒好靚呢!隻野79蚊咋~


女主人對高達既知識,都唔係流架!

各位留言是令我繼續九UP0既動力,必覆!
如有任何頭暈身慶,水土不服,或者約我去街HEHE一番
按此EMAIL 我啦!

2016年7月24日 星期日

BLOG 聚 VER2 (CHERRY 狸貓太子 言投資)

UM...兩次參與BLOG 聚是有原因的,亦得女主人同意。只要約我,就會出現。

繼上次止凡東昇REX MANDY BLOG聚後,今次係另一幫人。

我估我除左唔會見80後求死同埋鐘意係人地個BLOG鬧其他人個位大嬸之外,我應該所有BLOGGER 都可以一見。

只怕你會覺得失望:
"車,呢條旦散大叔係咪做IT黎砌機架!"

趁我仲記得個大慨,寫低先,人物介紹(上次真係訓醒就唔記得哂!)



CHERRY:哈哈!斯斯文文全程無鬧人,重點是真人靚過profile pic!

狸貓太子
:講番BLOG名好D,穩重道理型,你有咩重要決定要非專業意見一定會搵佢個D。

言投資:言兄在YAHOO年代已認識,當年常常識借平錢買股票再分期歸還。真人是位FIT爆肌肉型年青小伙子。

加埋我呢個IT大叔,走在街上就似辨工室放飯,整電腦,接待員,經理,文員仔走在一起。

BLOG中內容都係投資無乜關係,反而同BLOGGER有關多D。

例如,我兩邊都見過,關於UNLINK一事,其實是個美麗的誤會,兩邊都沒有小氣的人,只是當初太多人食花生又留言變成好似好大件事而已。我個人感覺就係兩邊都唔知咩事咁出事。

有關劏工廈拆售一事,小弟認為有冇錢搵都好,始終唔係住宅呢類民生野,即使買左變水魚(其實買得都應該有相關知識吧),他日難保成為日後年青人創業的第一個辨公室!至少,我同女主人都租過劏鋪,佢提供左平D0既租金,為創業初期減少唔少壓力。

另外,我再次提出BLOGGER的真實性,如各位朋友看到,不妨留意下你睇開BLOGGER係咪提供真實往績。

例如,有人話由一百萬到一億!嘩,而家仲要攪天使基金幫年青人。拿,咁突然出現億級富翁。其實,如果真係真,佢應該一二千萬果陣就彈左出黎。現在,真係語出驚人,太驚人了。

又例如,果位向巴菲特借一千萬的"水淹土",真係有一千萬,又點會三個人夾錢買三百幾萬將軍澳樓收租呢?更攪笑係叫人去買細價好多0既日本物業。。。。係都炒其他國家大價D啦。

又又例如,80求死,一層亮賢居加按到幾多大家都知,佢持有幾多收租樓大家心裏有數。日日講到自己半退休又仲要做唔鐘意做0既工作,咩料?

上面三個例子其實無乜新意,下面個D先係重點!

只披露持股百分比又唔講全部金額幾多,HOLD成幾十隻二三線股,可唱好又可唱衰!計回報係好似OK,不過唔同股唔同買入時間。究竟係整體低時買左個D 升番,定係真係咁勁計到重新估值?哈哈。。。佢重要比人發現/懷疑開新ACCOUNT鬧人。。。

另外又有無限金錢,買極都有,勁過出糧。此人留言好似ROBOT!留埋D硬係有道理又唔知點覆佢好,就似IPHONE入面個SIRI咁!我好後悔鬧走左佢!識得玩原來好好玩!

****

另,不約而同發現某大嬸係BLOGGER。不停見佢留言(係A度留言鬧阿B,超攪笑),原來佢D BLOG都只係抄番黎,唔知算唔算寫BLOG,其實正確黎講佢係一個留言者

可能上左年紀又無乜細藝,咪去教化下年青人,學下自己以前成功例子。阿大嬸,呢D係以前0既事!其實要親人間凝聚力夠,唔一定靠錢。

女主人話,寧願D仔女住近自己,都唔太想送佢地出國,除非真係佢為追夢。係孝順0既,就唔會咁。

****

我又講多次,其實我在準備財自由,最大問題係自由後會否太悶?我唔想做義工唔想用第二D方法去搵錢,旅行去得幾多?上網搵都無乜呢D例子可以跟,我又唔信無可能,更加唔信一定要走番其他財自人0既舊路(因工作本身都有時間,不嬲都唔駛同人迫,財自去行街我唔需要!再者我又無乜物慾又不是怪獸家長,正正常常現在已夠錢洗。錢太多也是種煩惱決不自找。)

呢個七月,狂砌高達,悶?有少少,不過行下街又幾爽,陪下小朋友都唔錯。是否咁簡單可以持續?去做YOUTUBER吧!都係個句,慢慢摸索下,反正仲有時間,做好準備就唔雖要行番前財自人0既舊路啦。見下BLOG友其實都係計劃之一。

會否教人創業?咪玩。。。自己搵適合自己架啦。我唔會搵呢D陰質錢。。。

"退左休好悶"好多時都係太老才退(工作太耐習慣了?)或者未退個D人講(更加唔成立啦)!我認為只要準備充足,一定會有充實又自由0既生活0既!(其實而家炒旦生意非常上軌道,我都好自由了)

其實,一路一個人行街周街食行到邊食到邊,我成日都做。若閣下財自後只為此,肯定唔夠。(哈哈)



番到屋企,女主人係度又睇大陸綜藝節目,仲留左榴槤比我食TIM!



*******

小弟有興趣開番個WHATSAPP GRUOP 吹水,但只希望係寫BLOG的朋友,如有興趣,SEND個EMAIL給我吧,我無乜要求,你個BLOG有五十篇文以上就可以了~~~!

2016年7月21日 星期四

煩膠阿四 以為自己做生意(心態決定境界10)

唔知係咪佢有睇我個BLOG,阿師妹近排情海翻波打比我傾(已上報女主人,同埋佢N年都唔會搵我架喎!)。不過八卦事留番遲D寫,應該不太多人係八公八婆下話

上星期重噴0既 MG AGE-2 DARK HOUND

同樣,砌後感在文末



此文靈感來自上次同止凡 東昇 REX 及 MANDAY的飯局。

話說講開攪投資班厄人錢,講下講下講到特許經營,好多呢D店都好難搵食

通常投資者/合伙人,以下簡稱"水魚",比左夠錢以為可以做老細,有人番黎做野幫佢搵錢,月月有錢入袋,生生不息,千秋萬代。。。

不過現實係點?上網SEARCH就知。

便利店開完一間係你隔離又開一間,最後阿老闆(以下簡稱傻仔),偷雞唔到蝕渣米,要自己落埋場做先收支平衡。一個唔覺意員工同你玩射波,你可能要請埋假番去開鋪。加盟費未計,仲有要跟足佢0既UPDATE 同維護,你估個D錢個上線有冇賺你?

另外,個D加盟食店一樣,食材價貴到仆街,你又想唔落場做呀?無乜可能。

仲有,斯文一點,攪間弓聞色幫人補下習教下小朋友?哈哈哈,佢只係提供中五學歷0既雜魚比你,要求有一大學畢業生坐陣。呢個位咪又係要老闆(以下間稱校長)落場做!只要有學生,你就要留低,咪以為可以UN UN 腳收錢咁天真。仲有,佢有限制唔比你開其他古怪班,詳情?請各準校長上網SEARCH下啦!

男主人檔生意,十年前已經有人想分一杯羹。仲唔止一次,雖然已是好多年前。

"阿男主人,如果要資金(或擴充),預埋我一份。"

其中一位仲要係現職投資銀行0既IT友(好似係HSBC),真係算X數啦你。

如果真係搵大錢,我就自己食左佢啦,點會留比你。

如果係個坑,我叫埋你入去踩,咁又是否當你朋友?

所以,好多合伙飲食生意(非指真正飲食,只係男主人生意個類啦,包括此人的墨西哥餐及咖哩魚旦),最後都係有人出力有人出錢。出力者嫌出份糧同付出成正比;出錢多者嫌回報低

(其實可能好過好多股票,
你出十萬,每月有一千其實已經好勁。。。)

近年少左人問,因為大家都長大了,各有家庭,同學間見面自然少左。同埋大家都成熟了,唔會咁ON9覺得咁樣係幫緊你啦。

個班人,真係以為有少少錢可以打本比人做生意?哈哈哈。。。

之後幾年,樓市上升,有人用收租樓當做生意。。。哈哈。又計回報又計P/E!

其實偷偷話你知,我生意P/E係小數,ROE超高,真係一個月就回哂所有資產,又一個月就回哂一年開支,剩低十個月就係淨現金流!喂喂,點解你比舊錢我要我比番呢D回報你?你又唔黎炒旦,傻的嗎?盤生意根本唔需要任何資金。

忽發奇想,咁多人鐘意做老細,但係又唔想出力,只想出錢。但係呢,又甘心日頭繼續做個員工,做一份自己又唔太鐘意0既工,又何苦。

喂,我係講緊你啊,話自己收租財自,但係又仲要番工個D單身毒男啊~~~

MG AGE-2 DARK HOUND 左圖為未噴,右圖為重噴!





COLOR CODE如下
GAIA 121 STAR BRIGHT SILVER
GAIA 125 STAR BRIGHT IRON
GAIA 32 ULTIMATE BLACK
上面就係呢幾隻色溝左五種唔同色出黎。

下期有機會講下人壽保險,雖身家千萬,有番一二百萬COVER下都未嘗唔係壞事。

心態決定境界1 <運輸街車哥哥>

心態決定境界 2 <文員姐姐無手尾>


心能決定境界3 - 論創業 <叫朋友做影相佢當我點佢>


心態決定境界4 <四十幾五十歲個班西口西面女人>


心態決定境界 5 -- 淺淡同學妻

2016年7月18日 星期一

淘寶 買模型油 買高達

呢篇唔係故事又唔係講錢!

為免錯失之前文章,可睇下以下LINK
家長日(女主人寫blog)
賣走童年回憶 -- 龍珠萬變咭
首次BLOG聚 (我可以唔撈嗎 18)
舊拍檔的男性中年危機 (心態決定境界9)
 
其實都係講錢!


以下係BB279,武者列傳09!隱密忍者農丸!早知心口金色都噴埋佢啦,手油唔夠靚!!請原諒老人家手殘出界!其他圖在文末!

正因模型油係易燃物品,好多速遞都唔會由大陸運到香港。

不過,有D集運公司,唔知佢真有牌定走法律漏洞定挺而走險啦,係可以運易燃物品0既!

我用立信集運!去香港首重20人仔,續重6人仔/KG。唔算平唔算貴,我送到我公司0既,送住宅36人仔,自己去荔枝角青山道拎15人仔。

即係話,2KG的話,分別係港紙25/31/50 (自取/工商/住宅)

淘D乜?我SHOW 下。。。

GAIA 121 -125系列,香港起碼都30蚊。 T-04 開油水中碼。都要70以上!
(香港仲要成日無星光金同星光銀!)

MR HOBBY 珍珠色系列,XC01 - 08 香港又係28蚊以上。(仲要唔齊色,山長水遠去到可以無!)

3M 6200 防毒面具,正版3M。
平過香港好多,香港要三百蚊以上!

首辨件騎士高達GK!
香港難搵又貴貴地(價錢較接近)。連白電油都可以運!

仲有可以順手淘寶高達水貼
香港網店都賣十五蚊一張!我每次都買定成百蚊番去慢慢貼。
HG MG PG 電鍍水貼 金屬水貼 是同價!香港又係特別賣貴D!


計下數,五支GAIA星光銀加支T09開油水,人仔如下
13X5
+35
+8(大陸段運運)
+26(香港段運費)
=134人仔

約160HKD!香港買?當你30蚊一支星光銀(已算平!仲唔知齊唔齊!)都已經150!仲未計支唔知有冇貨0既開油水(約60蚊)

起碼平左五十蚊!

仲有,未計你自己坐車時間同埋車錢!最慘係出到去先知無,行多幾間一樣無!!

你估我D時間唔係時間?

點比錢?
信用卡有CHARGE但都抵,用EPS最方便!學生哥無EPS?可以去7-11買淘寶點數增值,缺點滙率較差。

例如而家100HKD兌86RMB,EPS個RATE大約對到84-85RMB。淘點就再爭少少,可能82RMB。

買模型,香港抵D。除左熱炒或者舊模之外。

點解呢D 模型油香港咁貴?咪係代理食水深補貨又補唔齊!再加上鋪租太貴又焗你一定要香港買!

識得淘寶,向做水魚說不!

最後,其實我不停有成品,不過無UPLOAD。

加番兩張




大合照!


各位留言是令我繼續九UP0既動力,必覆!
如有任何頭暈身慶,水土不服,或者約我去街HEHE一番
按此EMAIL 我啦!

2016年7月17日 星期日

家長日(女主人寫blog)





今日係我一年一度最期待的家長日

可以了解個女唔同層面多一點 (男主人成日話我唔了解小朋友)


對於個女的學校活動      無論自己幾忙都好都要抽時間參與

學校旅行   運動日     校內開放日     所有需要家長出席的都必定現身

為嘅係唔想自己個女有份失落感       唔知道咁樣會否好怪獸


講返家長日      在家長日前一晚已經問定男主人有咩想問老師

佢話冇     點知暗地裡密謀緊一條問題.....

事後佢話怕講出來我會左想右想問埋老師奇怪問題壞佢大事....

見到老師      一如既往      老師對個女的評語都係不錯    今年又係拎操行



去到尾聲     男主人突然就爆出佢收埋左一晚嘅問題....

原來佢問老師有關升小學問題

其實這問題我也煩惱左好耐

始終第一個小朋友      對升小學呢家野真係零經驗

眼見身邊家長成日講邊間小學點點點       又熱烈地參觀小學OPEN DAY

而我     好像咩都冇做過     怪獸想法會上身    怕自己比人地做少左些什麼個女會輸蝕左

當然      只是怪獸地想    卻沒有付諸實行      懶...

幸運地     老師俾出左實際建議後    更幫我地打定強心針話如果抽唔中入去X小學

佢會叫校長寫信推薦入去     總之就一定冇問題咁話

睇得出老師真係好鍚我地個女

少左"小學"呢一個大煩惱      個人即時輕鬆左好多

因為家姐入到呢間小學     即代表細佬都好大機會入到

一時間KO左兩個煩惱     有時真係覺得好幸運


回想我自己小學(好多年前已被殺校    不存在了)

當時是我爸爸去教育局申請     我太細個亦唔知大概係咩情況

應該邊度有位就去左邊度讀     對於小學好與壞亦冇點講究

到左小六選中學       都係自已填表選中學

父母讀書不多    也不懂      當年自己也不懂

最後抽中左第二志願      入左區內一間Band 3 女校 (當年5個Band)

點解會選呢間做第二志願      已經記不清楚      好模糊

所以寫日記有寫日記好      就算記載的是多無聊事

畢竟是發生過在自己身上事      他日睇返都係一種回味

就算冇好的栽培      我都係咁樣長大過來      也不見得今天的我比別人差

所以我好同意男主人說沒有必要去跟人入埋玩同一個遊戲      冇意思的

我只要我小朋友生活健康快樂成長



最近聽到個女主動說想學琴     私心地我係好開心

因為我自小好羨慕人地識彈琴      如果佢學落去真係有興趣

我會毫不猶豫地買座鋼琴俾佢

自幼家窮      見人地屋企有個鋼琴      暑假有得去遊學

我都好想擁有

小時沒法子     到大時有能力      可惜已經彌補不到      已經回不到小時候

我承認我係想在個女度彌補自己小時曾經想擁有卻又無法觸及的

所以男主人成日話我俾太多物質個女

我也無法不承認     亦知道這樣不是很對    (幸好未算很病態)

我自己知道的    請老公你放心



題外話一下,  本想5.5 放晒建設走, 可惜佢爭少少到價就回落

男主人話我係燈神    我講出來指引一下道路俾大家

有機會再打     今晚實在太有興致喇

在男主人的多翻催促下終於要收手了!

以下係在釜山時部分隨手攝的相片
















Related Posts Plugin for WordPress, Blogger...