小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年4月26日 星期二

細數四年共收股息

無原因低燒左一星期, 到而家重燒緊,趁命仔還在,打多一篇。

本來應該係講一個拋妻棄女0既保險AGENT,留番下次POST。

總結下呢四年以來的股息。

2013收取2012年度股息$278000

2014收取2013年度股息$440000

2015收取2014年度股息$410000(因換馬同被行駛期權少左,不過當年權金為12萬)

2016收取2015年股息$580000

四年共股息171萬。

平均每月帶來現金$35600

股價?上過又落過,現價算低位。現在係5蚊,股價大約係4.3-7.X 之間吧(高位在2015年八月)。乜除淨會一路除落去咩?

因男主人多數股息再投入以清還貸款,所以無用係生活方面。

近幾日諗,如果患有不治之症(睬!),即時放下工作,股息都夠家人使用,係老婆一係食自己,一係一齊慳DD。(未計保險賠償啦)

相對租金支出,真係九牛一毛。何不次次住新野?亦好好彩收入算高,唔受租金SUFFER。

收租果班,只害了年青一代,害了收入一般的一代。果班雙租人真係食飽飯搵屎ALL。

昨日動作,將現金轉去輝立,還清絛數,射哂全部股票番銀行。



痴九線,輝立收股息手續費竟然貴過銀行,呢間野,真係忍夠佢了。白白蝕左貨款手續費,當買個教訓!

2016年4月22日 星期五

租樓分析租務市系列 -- 高槓桿下,無人叫你鎖定利潤?

叫做剛剛病好, 連續低燒左幾日....


童年回憶,仙魔大戰菓子!300蚊30包,放係公司慢慢食!


上文提過唔會有人搵我出書,點知真係有,非常受竉若驚。因男主人不能在退休前現真身,同時我會要求女主人要寫埋一份,更重要係我並非投資BLOG根本無人買,只能手痕都要忍。

舊文重溫可看下LINK


又講下我附近D 屋苑價格同成交變化,拿,我絕對唔係專家亦非呢類專業。如果有人寫BLOG為左賺你顧問費,你真係要小心。要知道,任何活動,不論投資、創業、ALL屎、做愛均有風險,千祈咪亂信人呀!小弟金句:

"平坦的不一定是好"

又黎溫下書,男主人該區,唔計公屋居屋,分四類盤

A近地鐵,再分為A1最近;A2次之,有大單位,更有相連。部份有靚景。

B分別在三個唔同地方:B1靚景,方便;B2偏辟但清幽有靚會所;B3全區最新

C比較集中,行去MTR要十至十五分鐘算方便,樓齡過三十。C1全區量最大;C2有迷你三房套崱。

D盤量應第二大,唔近MTR但巴士方便,樓齡大過男主人。雖完左大維修但依然殘殘舊舊,因唔想出錢結果好多見人地方無整。

兩個小朋友去左愉景新城玩,原來要入場費。老婆話,佢地開心咪得。


剛剛發現有D盤成交跌穿三球

雖然中原個租務成交唔會全部成交,我CHECK埋美聯,跟本無人租。。。最近果個要數到三月,真係平過兩年前仲要高十幾層。

B2盤,星期六又去睇。記得上次租個陣,得兩個盤,仲要得一個有得睇(一樓!),另一個盤搵唔到業主。結果唔知點解好彩睇到即日扑鎚攪掂。而家?座向唔太好個D跟本無人租,同埋因為位置唔適合打工仔番工,租得一係彈性上班,一係唔駛點趕0既人。

呢期A1A2同B3去得好快。應該係D人UPGRADE 租上去?定係原租客傾左減租?

B盤同D盤租金相差,得番三四千蚊。即係咁,C盤係中間真係唔知點好,不過佢因為方便,依然減下就有人要。

好明顯供應多過需求好多。
空租期加長,相對減低租金回報。

本金三厘FULL PAY回報計,租金每跌一千,樓價應跌。。。

1000X12/0.03=40萬,未計所有雜費。

如果你五成按,當然回報更高,又另一條式。

唔係想計數,樓價未跟得足租金跌幅,是否因為大家唔肯賣轉哂租?諗住守幾多年?

三十年後,D盤真係變老人家,話唔埋變成深水步舊樓翻版。

魔術師講,佢話有人標榜要三層收租樓先完美。

唔好講笑,三層收租我真係唔夠用。我用D盤做例子,假設無哂任何SSD同壓測,五成按我先買得6層。(1000/150=6.67,剩番一球比雜費)

而呢個又假設租到最新個租金,9K,2厘息30年。

每層供番5544一個月,我得3千幾入袋。已經無計差地租佣金稅項等等。。。六層都係得2萬一個月,邊夠洗?

係,三十年後有人幫我供完,不過呢一刻咪又係要做!到時D盤係咩樣我地唔知,附近有咩靚野新野更好選擇呢?

呢個時候又會有人講升值!係,有得升就係。咁跌呢?

留意,我係用1000萬去槓桿一千萬番黎。二千萬資產中有一半係負債。仲要煩簽租約,約睇樓,維修,CHECK下六層樓有冇交租等等。

拿,2009年買故事又如何?當時極低層賣180萬。1000萬可以買11層

即而家每月都係得三萬幾一個月。。。(11X3400),都唔夠喎!

不過2009年女主人才剛創業,男主人都係做左幾年野。。。CASH少於五球

2003年買?實夠!!!不過我果陣連十萬都未有喎!

你做到一定係前輩。

後輩,咪聽你講做你BUFFER LAW!

加按整餅,留意班前輩係有賣樓用CASH填數,有REALIZE個利潤架!

邊個教你唔賣齋坐貨咁無陰公!?

最狗賤0既人,唔係乜都唔教你,係教其一不教其二,教其利不教其害!

部份加按未賣樓,仲有得也文也武個班(2009個班),其實還款額一d都唔細。借90萬要還3千3。

一般正常打工仔,有幾多個三千三?整餅唔整番三四層點算整餅?

最後,討論區無聊見到有人話收入低打工仔要靠收租樓。係,如果搵兩三萬,每月多三千蚊係幾爽(但自由唔到!),但首期(2016要150萬,2009要90萬)又有幾多較低收入打工仔可以儲得到幾次?

我無話投貨乜野好,不過討厭收租仔當自己係地主,當自己係王道,更過份者當自己識計數。或者,只係付6食中個浪咋

同買股一樣,如果你舊年年中買股,真係輸得好慘。。。以為渣打高息?哈哈哈。。。得罪講句,當時好多人都吹緊要買!

你睇下而家邊個收租仔會叫人realize利潤?
好似無!

講多次,我乜七都唔識,好多事,只係心安理得就可以。買股票非唯一資金出路,只係我認為方便我自己,股息收入一年一次又可方便套現。期權?未上到七蚊都唔打算做倉。

近排升市,家庭資產約有千二萬。今年股息平均每月約$48xxx上有長輩下有小朋友,勉強夠用。

我兩公婆都係公屋長大,一個讀書ok一個讀書好好,無學壞過聽教聽話地長大。現在,長大了,我們身份也不同。

可能,我地係小心眼收租仔(總有業主是正常的)眼中最怕的。。。



小小生意人!!(有人怕到如上圖!)

你唔賤,正常係唔會玩9你!

下一篇應該係講我如何要下星期還哂輝立D錢,轉番貨去銀行做OD。

未完成。。。MG 嫣紅突擊

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年4月13日 星期三

心態決定境界 -- 淺淡同學妻

小弟開始 BLOG MINING...並唔係因為無野寫 (樓市好精彩丫), 而係想將以前D 文分類一下.

話唔埋, 有日有高人請我出書(哈哈哈! 口語化到咁! 其實我中文考左個A 番黎架), 無人睇, 無人睇得起. 自資就得~!

呢篇最初其實想講D 人格衰自然成就低(反之亦然)

新買SHF女亂馬!好鐘意!一定買埋男亂男同珊樸!


舊文LINK 如下

心態決定境界1 <運輸街車哥哥>

心態決定境界 2 <文員姐姐無手尾>


心能決定境界3 - 論創業 <叫朋友做影相佢當我點佢>


心態決定境界4 <四十幾五十歲個班西口西面女人>


哈哈!

而家睇番, 標題唔係好符合, 應該改做男主人口臭口賤系列.

係我形容我以前D 女朋友個陣, 有人鬧我咁口衰唔係咩好人。喂, 我無話過我係好人, 不過我一定唔會害你, 更加唔會老作, 係唔靚就唔靚。

總好過講野永遠中庸,笑裡藏刀個D人,害左你教壞你都唔知。至少各位知我唔係咩聖人,講乜都唔好盡信,我更加心安理得。

原因?我唔係靠個BLOG搵食~!所以,其實。。。

我從比你地唾罵之中得到快樂!
(按:2016年中文作文題目之一)

男主人個老婆女主人,雖然唔係靚到DUM一聲個D,但至少佢呢個年紀都叫做好好睇睇算OK。應該仲溝到仔0既,如果我瓜左。

我又衰格,好鐘意睇下舊同學D老婆咩樣

尤其係大學同學,因為佢地都係所謂專業人士,收入算中中等等(不過未必夠自由行年代賣錶個班搵得多喎!),咁照收租仔係討論區咁講,良禽擇木而棲,應該溝到內外在美都有0既女仔卦!

哈哈,非也!佢地D老婆好多係社工,老師,物理治療師,護士等等專業人士/半專業人士。即係人工OK又穩定個D 啦。

個樣?嘩。。。唔講以為係男人。

例如,戴個眼鏡成隻細龜咁,但下半身係女人。

當然,唔係個個都咁惡劣!學女主人見到我咁講,佢會反駁:"可能人地有內在美呢!"

喂,男人一場,咪玩啦,邊個會揀內在美?安慰自己咩。。。

佢地選擇,當然黎可能圈子細,黎可能溝唔到靚女,黎可能穩定收入可以幫手供樓!哈哈哈。。。現代社會女人多左一個"功用"?



記唔記得佢地兩個,個女0既都唔差,男0既都醒目!2014年300萬買,未駛蝕。2015個班真係屍橫遍野了。好多成交近400萬,最近成交非常非常少!對上一個係360萬。

哈哈,講番我D同學,會否細細個就驚死,揀最穩陣個條線黎行??

反而去左創業0既同學,依舊單身,但事業有成。

咪住,呢D唔係等價交換喎!點解唔可以有撈得掂又有靚女女友/老婆?



童年回憶!BB戰士17號(而家出到三百幾了!)
武者頑駄無
我用錯油攪到手油露底色,有點失敗。。。不過,總算又完一個小小目標!
女主人話似多拉A夢。。。


不如講下自己!

女主人我上網識0既!我根本無同事,點識?朋友?NO WAY,要開始0既一早開始左!

我識佢個陣,佢仲係欠卡數一筆0既文員秘書仔,一齊兩年後佢創業,個老細仲暗笑佢經濟唔好先出黎攪生意仔。(之後經濟好好,好到而家都仲係好!)講真,佢番工,都係做下花瓶。

我同學個D,有部份識於大學時,咁都OK好樣,好多同自己同學結婚個D好得人驚,簡直係賣剩蔗竟然有男同學要,實在太寂寞喇佢地。工作識個D,肥醜,瘦黑。。。真係樣樣齊!

當年大學,我有個仆街同學(笑笑口但背後玩9你個種)同我講:

"不如你考慮下BELINDA啦!" 

BELINDA係女校出黎又老土又矮又小肥唔靚成個阿婆咁樣。。。

咪玩啦!!當年我未拍過拖,都唔會咁不擇食!(我中學時代已有人暗戀我,唔知戀我D乜,我又唔係靚仔。我估係我太似D老千股了。。。

最後BELINDA 去左邊?同另一男校中學上黎0既男同學結婚~!

或者佢地係真愛,不過你唔試下,又點知靚女唔會有真愛?

你睇中三四球阿婆樓,覺得自己溝唔到靚女,自我安慰這是安樂窩???

點解寫埋D咁0既野?近排FB 見有個同學,同個嫰口幾好樣妹妹仔結婚,妹妹仔不停UPLOAD蜜月相,真係好細。

邊個同學咁成功?其實佢畢業後,無屋企負擔,家人又係醫生律師個種,結果阿同學讀完幾年大學,再讀左五年牙醫!這些機會MA。。。

點識個女仔?牙醫助護!!!簡直係源源絕0既供應啦~~~!

最識食仲唔係佢!?拿,你唔好話我知呢D唔係真愛。

我?我命水運氣好之餘,更加鐘意走一條唔同0既路,亦都唔想比任何人左右(老婆家人除外),其實結果都幾好丫!

比我財務自由但係攬住阿BELINDA,我不如日日係公司噴高達唔番屋企好過了。

最尾補多句,我更加唔想仔女樣子太差。。。不論男女,樣貌對工作讀書等表現有正面影響,至少三歲至三十歲人生快樂程度都會跑左前面。

留個靚樣,好過留收租樓!

(樣子影響人生,另再行文)

如留言想鬧我,不如慳番淡氣按"ALT+F4",我由細到大都係咁。傷害到任何人弱小心靈唔好意思,不過至少我唔會誤導你老點你。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2016年4月6日 星期三

租金物價,邊樣減先? 收租仔駛唔駛食?

拿, 近期熱話, 又寫多幾篇啦.


租樓分析租務市系列



上星期, 就如<我可以唔撈嗎15> 所講, 同左AGENT 去睇租盤.

其實仲有成個幾月先搬,AGENT亦已轉左區,都老遠過來。一黎佢係師奶級服務較為貼心,二黎終極男女主人都會買樓,雖然唔知幾時,但銀碼係區內都算幾大,算是一舊肥肉。

以私樓講,男人住住B2盤(睇番上面D文知小弟將本區分做ABCD四盤,不計居屋),B2算係咁多個屋苑最少盤的,因自住多,交通外人打工一族唔覺得方便,大部份係有咁上下錢區內長輩供完。

不過,都有六七個租盤!
(上年得兩個,真係無得揀)

因女主人對座向有要求,我地只睇其中兩個

結論好新淨,兩個都係同時放賣又放租,又係有得傾租金,其中一個係自住搬走。

男主人打算再劈多10%先租,AGENT當然覺得難,但係都無話無可能。大家共識係。。。

等,等佢一排都租唔出,就要平租架啦。

再者,佢租左,我地仲有其他選擇。

再再者,租約到期,都仲可以交租懶死唔走。慢慢等,急急走。

即使係FULL PAY,每月差管地租加埋都近三千,如有物業稅就更多。再者,女主人又話:

而家賣唔出,遲D再跌更加租唔出賣唔出。

因為,比得以前租金,可以租地鐵上蓋龍頭屋苑,或者B1向盤,或者B3好新三房盤。想比少D,現價平兩成有交通方便C1盤了。

D盤,依舊無人買無人租。班傻仔收租好鐘意買D盤,因為平,當初又好好租,你乜都唔執都有人搶住要,因為全城缺盤。而家?哈哈哈。。。真係用黎養老鼠。

見有D討論區打手話,租客要比佣,搬屋;業主又要空租,比佣。係LOST LOST,只益AGENT 喎。

其實,跟本唔同!錯哂。業主只要收到好租就得,如果租客走,D錢白用。租客真係用左搬屋服務,又掉下雜物,AGENT仲幫佢搵間新淨屋,D錢抵比架喎。(一早講過,住舊左,減租都唔會留低。大家住過公屋,十幾年住到又殘又舊,有幾多人咁好心機去翻新?)

又有人講,唔租就訓天橋底,又話住屋係必要,租樓老來乜都無。

我話,有冇租收,你都要食野!做乜唔自己開間餐廳?你日日係屋企食唔出街食叫做好?

有D錢,有能力係可以洗。

同樣,你有D錢,投資都可以積番D陰德,唔好傷害無咁有錢個班,或者年青個一班。

小弟生意繼續OK,無跌過。女主人今個月已經幾好,一砌變番正常。



我呢隻手連光都會為我而燃燒! 
都要為打倒你而歡呼喝采! 
爆熱 GOD FINGER!

近期新作, MG 1/100 神高達 GOD GUNDAM! 史上最熱血最古怪0既機動武鬥傳G! 為小弟繼Z GUNDMA 後的第二最愛!




都係個句,有錢個班唔會慳,無錢個班點都慳。如果你係收租仔,睇下自己有冇慳多左?拿,你收少左租0者,我D PRODUCT 一定唔會平比你,你一係唔好食等餓死LAW。係咪咁講?

最ON9就係個D以為租約未完減租無影響,你賣又賣唔到(連租約實比人鋤價),個租每個月跌少少,仲要未必有客想租。真係陰D陰D打回原形。

一早講過

樓價跌,人工唔會跟住同幅度跌!衣食行更加唔會,平左租,做開生意0既重安全,創業0既更加有勇氣。






昨日老婆同個女去左迪迪尼,人少到無人排隊!旋轉木馬後面無人玩架!

如果你諗住靠呢班忽然有錢0既人令你可以租金上忽然有錢?SORRY,一切已成過去,而家又係上一輩話事,因為你幫佢地接左火棒,同時佢地買入價更低。

邊個BLOGGER咁無陰公?大家自己諗下。



Related Posts Plugin for WordPress, Blogger...