2016年12月5日 星期一

追過我的FREELANCE師妹

先講講小弟外貌背景。

讀書時期,半學霸咁0既樣,即係七啦。中四時唔過一百磅,中六先開始肥漲。。。

(話說中三時有個樣子同身材都唔錯女同學話我輕,佢可以抱得起我!我好後悔,應該當時挑佢機叫佢試下抱我!)

運動唔叻,但會打下波。講野又串咀,但又唔打得,成個叮噹阿福個D格。

小弟讀男女校,成日有得同女仔坐或者比女圍!

印像中,中二開始已經無男同學會坐我隔離,因為我實在太多野講。唔係好用腦0既班主任,通常將我呢D多咀的人放係角落或者搵成堆女同學圍住,以為從此安靜,當然太錯特錯。結果,我就從諸事八卦0既女同學木人巷長大。

我讀0既一路係精英班,曳人無乜,多口已算唔好,不過我又有成績護體,總之最後無事就得。

所以,小弟男同學緣份無乜,反而女同學就識唔少。因靚女通常讀唔到書(求出處!),中五畢業後好多就無KEEP住聯絡了。

現在?
R兄三個字貼切形容"一條佬"
我自己形容"BLOG界李力持"
我個女形容"砌機械人好叻0既男仔"
賣寛頻0既形容"先生你梗係做IT架喇!"

不過,又唔知點解,男主人咁既款都有人鐘意。不過中學時代男主人本住寧缺勿濫原則,一直都無接受又無著落0既。(如果成五十歲人,只求就手啦,仲講乜MISS RIGHT?)

人物簡介
師妹U,本文女主角,最後澳洲唔知咩大學唔知咩商科畢業,現未婚
師妹Y,配角一名,最後城市大學唔知咩環保學系畢業,現有兒子一名及老公一名。

其中一個淒美故事,就係阿師妹U。。。如果拍做台劇,可能都幾受落。

當年,我走去追阿師妹Y,不果;再戰,亦膠著!結果莫名其妙課外活動識得劇中師妹U,不時向佢訴下苦,佢又講下追佢個D小朋友(佢同級追同級,識食梗係搵師妹唔搵同學!)

我估果陣時,師妹已經對我有意,但我一D都無意思(亦無收女兵之意),一路都想溝阿師妹Y。你話似唔似台劇?

我幾時開始發現?就係某次大學OPENDAY,我同D同學去,佢話要跟埋黎(果陣佢中四定中五,對佢黎講好遙遠),有個男同學話我知,佢對住我同我唔係佢面前時是完全兩個樣子,果陣我先知知地,稍有戒心。

無幾耐,師妹Y我就很肯定溝唔到,仲發現學業唔太追得上,結果番去讀下書啦。(師妹Y現在點?頂,變成師奶Y!當年就係咁浪費哂我D時間)

再無耐,師妹U要去外國讀書(噢!靚女讀唔到書,唔靚0既都唔一定讀到書!),深夜來電之間好似話唔捨得我云云,我太眼訓唔係好聽得清楚!

到我入左U,佢每年回來都有搵我食飯唱K,唔覺有咩特別。

後來我拍拖了,我都唔記得佢講過乜。。。算吧,重點不是台劇般會最後開花結果!

今年,佢都應該三十幾,未婚,仲享受緊比人追。竟然呢D年紀都仲可以有渣靚車,收入高,後生過佢(特質並不在同一人身上,分開幾個吧),仲要有男朋友再加複數追求者,真係估佢唔到。

佢又唔算童顏,不過瘦底身型FIT,睇落重以三十以內,比好多CIVILIZATION。。。呀,係"師奶AZTION"0既女同學女師妹好好多(噢,沒有男師妹)。

打扮算時尚,又多港女打卡,引兵好正常。

最重要係,斯文人音樂底。西是鋼琴,中是古箏!著件旗袍彈古箏,真係可以引到唔少不知就裡0既男人。

咁大個人都未結婚?睇開DISCUSS都知梗係有問題!就係太港女,少少事都化大,又要人呵護個D啦。有咩問題,就拎男女不平等出來,如果我係條仔,真係頭也不回走左去啦。

今篇題目,師妹講得多,FREELANCE呢?其實佢應該都私人教琴左十年八年,收入唔高唔低。

同某燈神女BLOGGER一樣,應該都係足夠自己搵自己洗住間屋到老咁上下LEVEL吧,我唔知BLOGGER咩性格,但阿師妹咁0既性格,只能夠做人個件香口膠,想走到最後結婚應該無乜可能。

點解我D資訊咁UPDATE?當然我唔會主動聯絡佢啦,只係半年前佢有感情問題,打黎問我0者。對已婚人事呢講,佢呢D情海翻波真係小事而已,唔鐘意咪識過第二個LAW!

SORRY,呢個唔係台劇,就此爛尾吧。

又係未完成品,爭手油滲線等工序。。。
金色果隻係TURNA卒機SUMO,右邊係閃光高達!

呼籲一下,按個FB LIKE,支持一下,是我繼續9UP分享0既動力!

LIKE過0既SHARE一下吧(我認我貪心~~!)

22 則留言:

  1. 師妹U似乎身型不太差, 樣就唔知了XD
    如果當年70兄受搭, 或許可以多一分呢XD

    回覆刪除
    回覆
    1. 如果當年受搭,應該係一個更失敗0既初戀.
      UM...至少講樣就唔係我杯茶啦~

      刪除
  2. 幾好睇,繼續post 多d。
    我形容你是政府高官的!
    幾有興趣佢開咩靚車。

    回覆刪除
    回覆
    1. 哈哈,無啦啦我似高官. (所以通常我都唔講野免得罪人)

      咩車真係唔知, 無詳細問, 唔知師妹識唔識人地咩車.

      刪除
  3. 講故仔最有興趣睇, 哈哈
    有FB 已經可以UPDATE 到部份舊同學的近況

    回覆刪除
    回覆
    1. 係, 大部份都係靠FB UPDATE 得知.

      老婆對今日呢篇話唔好睇...太悶.

      刪除
  4. "師妹U主動聯絡佢啦,只係半年前佢有感情問題,打黎問我0者。"應該不止咁簡單~~~~
    可能兵仔太SIMPLY、要向補回當年的單戀傷口遺憾、要再引下你、鬼知你唔過電、哈哈~~~~
    70後的風流往事、好令人流口水

    回覆刪除
    回覆
    1. 拿,我唔會多想。哈哈。
      其實佢講完,我都係窒佢咁0既口吻,我估佢幾無癮的。

      刪除
  5. "只係半年前佢有感情問題,打黎問我0者"。
    飛雲又要出場 XD

    回覆刪除
    回覆
    1. 即使單身,都唔會食呢D FREE RIDE。。。哈哈~~~

      刪除
  6. 喂喂喂,淨係得條標題,冇激情、冇動作o既?XD

    回覆刪除
    回覆
    1. 池兄,好難會有激情喎。
      台式爛尾版我的少女時代黎架

      刪除
  7. 借問一下, 師妹U Y 有冇機會睇到呢篇文? 如果有, 佢地會估到是自己嗎?

    回覆刪除
    回覆
    1. 我都唔係好清楚。
      可能我每個ex都有睇到我對佢地d comments. 哈哈。

      刪除
  8. [伸手mode]70 兄,請問你個幾隻sg reits 係咪都收過曬息,全部無扣稅?
    [/伸手mode]

    回覆刪除
  9. 個blog 關左search function?

    回覆刪除
    回覆
    1. 應該無關, 不過我無放條SEARCH BAR 出來0者

      刪除
    2. 唔該。咁我去google search 順便幫手提升下hk70s 的排名啦!xd~

      刪除
  10. 間唔中俾位你入下wow,可能佢心諗唔信食你唔到,haha

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...