小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年12月1日 星期四

女主人賣股後大升 我可以唔撈嗎22

哈,變左每月月尾都幫老婆報倉。

今個月變動?佢7。5賣左中車,之後該股大升至7。7!(原來仲悄悄賣左匯豐!)


另外,佢轉左150萬去citibank,為左幾千蚊等值0既迎新優惠。

150萬三個月活期息0。8%,即$3000
迎新$2200
出糧戶口又有$1200現金+200惠康
被介紹$200(再加搵個介紹人幫手回贈600)
指定開戶銀行500惠康
股票戶口開戶$200

即一共現金$7400+700惠康

回報金額好過女主人賣中車0既回報。

靜靜雞講下,我都申請左,不過未補文件。今次轉股票,有咩送?下篇再講。

講工作

年結又到尾升。已訂下2017年工作部署,女主人成日以為我講笑,其實每次擺陣影響深遠,除影響收入亦影響自己作息!

今年假期特別多,有成半個月白交租。好彩只佔收入少數,問題係手停口停,收入應該得番一半,大約十萬元。

因預計玩到2019,現在炒鵪鶉旦比炒駝鳥旦好,為左2019年頭減少炒旦工作,現在d駝鳥旦炒哂就唔入貨了。

另,有特別人士要求食炒旦,因小弟怕事一路唔理佢,似乎來年要做埋佢生意了。十幾年前我已聽過,幾歲個陣報紙都講過,周星馳被迫拍戲。。。

明查暗訪之下,應該安全0既,始終一房房人都唔同,有惡有唔惡吧。

講資產

由用INTERACTIVE BROKERS 至今回報如下,已計及股息收益。不過因債券價格下跌,金價下跌,reits下跌先會負數。如全部債價以par計算,係正數的。同埋已先付息的債券當左係蝕。


GLD option 而家點?一月sc125,三月sp124(轉左倉,半生不死準備接貨吧!)

SGX REITS息已收到,一共USD3000,三個月後再收~!(蝕匯蝕價中)
HSEB已除淨,提供十二月股息USD3800
另美債GNW7.7 會於十二月提供債息USD940(已減先付利息)

都係個句,等建行升到10蚊就即時唔玩!現價5.89。


講目標



女主人資產計下

獅子銀行 10 2萬
美帝銀行 150萬
證券行  19萬
男主人欠款 40萬

即一共有311萬

男主人?只有20萬現金左右,未能找數比女主人。

短期目標為550-600萬現金,
預計來年八月達到。

女主人約能產出63萬現金,再加佢個神秘戶口(神秘在佢都唔知入面有幾多錢),共有現金83萬。

男主人跑數90萬,建行股息54萬(如人民幣不再跌,不減派息),共有144萬。

兩人相加,有538萬。未達目標。

若適當地從IB戶口取出若干金錢(債息REITS息優先股股息),便可達標。

再者,女主人個神秘戶口有幾多錢,連佢自己都唔知(我估最多都係三十萬)。

其實,如未達標,咪又等多一個月LAW,哈哈哈!

*********

其他集數,經典重溫,睇下以前我點諗退休唔撈?

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3 (減父母家用至自由咁仆街?)
我可以唔撈嗎 4 (葵花寶典)
我可以唔撈嗎 5 (你真係信做埋唔夠交租?)
我可以唔撈嗎 6 (幾日千萬富翁)
我可以唔撈嗎 7
我可以唔撈嗎 8 (我係溫室小花,你做唔做得起?)
我可以唔撈嗎 9 (性格是遺傳)
我可以唔撈嗎 10 (唔同年紀, 目標不一. 六十歲仲講有收租樓?)
我可以唔撈嗎 11 (讀書真係無用?)
我可以唔撈嗎 12 (深水埗玩具模型倉有我整0既模型)
我可以唔撈嗎 13 (買夠貨)
我可以唔撈嗎 14 (千金難買少年窮)
我可以唔撈嗎15 (建行減派息 成功財務自由)
我可以唔撈嗎 16 (入廠維修
我可以唔撈嗎 17 (去蕪存菁;又上千萬)

29 則留言:

  1. 目標在望!

    幾時再試下過退休生活?

    回覆刪除
    回覆
    1. 哈哈,介紹人你好,每年我有合共六星期大假,年年都過。
      過到厭了,不過唔撈可以長期專注睇住d 仔女就真。

      刪除
    2. 70兄努力左咁耐,而家真係踏入收成期了,利害利害

      多謝你俾我介紹

      刪除
    3. 咁又未必, 學D 阿婆話齋, 一個浪冚死我地。
      買乜都記得FULL PAY!

      刪除
  2. 社會上有頭有面有地位有勢力既人, 大多數都係對平民十分友善, 因為我呢幾年要同不少油佬, 皇室成員等等交流. 我發現, 通常真正有財勢的人係好開明, 好尊重d有專業知識既人.

    最唔掂個一埋, 係呢類皇室家族既跟班或關係比較遠既親戚, 例如, 佢地會講'我係某xxx皇子既親戚既朋友既表弟', 只要我出聲, 咩都可以做到' (事實上只係小薯仔一個,冇咩權勢), 成日用自己同皇子若有若無既關係去恰人.

    回覆刪除
    回覆
    1. 睇情況啦。
      唔做佢生意就乜事都無,做佢生意,始終要TAKE RISK,勿論佢友善與否。
      反正供不應求,我又唔會多左收入。

      刪除
    2. 油佬多數友善定串串的?

      刪除
  3. //有特別人士要求食炒旦
    冇乜特別的,池某公司早排都收到上市公司主席楊先生律師信,善意回應一下就擺平。只要互相了解對方處境,唔會無故為難人的,冇人會專門去同人結仇。

    回覆刪除
    回覆
    1. 唔做佢生意就乜事都無,做佢生意,始終要TAKE RISK,勿論佢友善與否。

      唔接觸才不會結仇呢。

      刪除
  4. 真係好犀利,對女主人既身家咁了解👍🏻,我對自己個女主人都係只係知個約數,如五十萬一百萬咁,好難知道五十幾萬一百零幾萬咁清楚,好令人欣賞。

    回覆刪除
  5. 我諗家陣仲有唔少讀者以為70兄做茶記XD

    回覆刪除
    回覆
    1. 荃灣真係有間70s食店...

      刪除
    2. MIKE,求地址,哈哈哈!
      係,的確好多人以為我做飲食,其實我執紙皮架咋。。。

      刪除
    3. 青山公路荃灣段南豐對面,新開架

      刪除
  6. 我覺得你要定期比番息女主人囉~ 自己又去第到套息 XD

    回覆刪除
  7. 向?如是,無事的。:)

    回覆刪除
  8. 講真唔接觸就最穩陣,不過有時想避都避唔到,呢d時候再閃就可能引黎衝突,既然避唔到就食得小心d。

    回覆刪除
  9. 回覆
    1. 天路兄, 應該唔駛~ 都幾肯定.
      15DEC派息第一次, 到時就知.

      刪除
  10. 轉倉入花旗有現金券送
    又有兩個月3%活期息,都幾和味!

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...