小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年11月22日 星期二

小朋友利是基金 回顧

事先聲明,如果以後我見到有人講利是基金又好,講類似操作又好,因為我好很七肯定我係第一個講而D人又係睇我果度學番黎,如各位讀者使用,請交出3%版權費,或者引用番我,否則我一定嬲嬲豬你!

拿,我真係好肯定我係自有METHANE NITROGEN同CARBON DIOXIDE 化何反應產生NUCLEIC ACID 以來,首個"生物"用呢個TERM!

哈哈,方丈份人好小器(唔知咩器),而我呢D小人物,你唔怕蝕到你HIHI又唔怕我係陰謀,你咪抄LAW!

咩係利是基金?咪就係將新年,佢地生日,長輩生日,收到D利是就會去買股票。

買乜?只能買有息派下,長輩又識,最好可以以股代息。。。

即係乜?咪又係匯控!

最貴由80蚊開始買,一路以黎最低四十幾又買過,而家升番六十蚊以上。

當然,拉埋係蝕錢,好在係一通買,佣平!連碎股都係好平!

有圖有真相,連有幾多都睇到。成本一數,其實係以股代息扣減出來的。

反正,一年利是都係一萬幾千,蝕極有個譜,小朋友咁細個,最適合玩無限補時啦,係咪?

基金年費同手續費?就係每次以股代息個D現金零頭(幾十蚊),我就懶得計番比佢喇。

上星期女主人生日,但係無厘頭食左兩餐,另一間係


G. Cuisine

原來止凡都係呢度攪過BLOG聚。靜靜地係唔錯0既。

最後,唔知咩事女主人今個月生意奇好。。。有利我地自由大計。

20 則留言:

  1. 咁唔民主架 XD
    池某的化骨龍有得揀,佢地可以選擇自己的錢自己花,盡情消費;亦可以將D錢存池某的「池記銀行」,劃一年息10厘,好快佢地就知咩係複式威力,連零用錢都話要存。搞到池某的投資都要meet target,回報低過10%就係做蝕本生意了。

    回覆刪除
    回覆
    1. 我都想存錢入池記銀行...

      刪除
    2. 哈哈。你個仔聰明識複利效應。
      我個兩件暫無金錢觀念,只知年宵汽球一個要六十蚊。

      刪除
    3. 我兩個小朋友啲利是做左免息貸款比佢地老豆,年期18年。

      刪除
    4. 哈哈哈,森而兄咁做好衰呀 LoL

      我幫阿仔係銀行開左户口做儲蓄,打算效法池兄,整一個半桶水投資基金和半桶水儲蓄基金,細個就我決定比例,大小小就俾佢哋自己話事

      刪除
    5. 我都想存錢入池記銀行... x2........

      刪除
  2. “唔知咩事女主人今個月生意奇好。。。有利我地自由大計。”

    恭喜哂70兄及你太太!財自之路又踏進一大步了:)

    回覆刪除
    回覆
    1. 係, 如果月月都咁好生意, 我估財自時限縮短一半.

      刪除
  3. 細路仔玩無限補時,到識錢時仲有時間追,出咗嚟做嘢至嚟玩,到退休時已經無力啦,*.*

    回覆刪除
    回覆
    1. 哈哈,玩無限補時都要贏在起跑線。

      刪除
    2. 每年幾幾蚊利是, 起跑線應該輸哂了.

      刪除
  4. 我都前排幫小朋友D利是買左手匯控喎,不過如果之後新利是,我會入盈富基金。匯控都係風險高了一點,始於將來都係留俾小朋友,同教佢地理財同用現金流買野。

    回覆刪除
    回覆
    1. 哈哈, 果度好少錢.
      重點係要四大長老唔會多多意見.

      唔會問你"xxx好咩? 點解唔買匯豐銀行"

      刪除
    2. Yes, good point. 買匯控始終都好多人明白。買其他野,係咁俾人Q。

      刪除
  5. 哈哈, 竟然將細路d錢去買老人家會買既股. 買番隻年輕有力既騰信, 或者也是一個好選擇

    回覆刪除
  6. 我咁啱又有將隻仔啲利市錢買股票! 不過我唔會買 5 號仔啦, 我個思維好簡單:有咩穩定增長股可以揸 15-20 年唔使出出入入呢? 原來好難諗架 ... 由於錢唔多, 只係買咗 700 (增長), 388 (獨市), 是旦執隻醫療股, 兩隻指數/ETF, 呢幾年都算不過不失, 點都好過揸現金既 ...

    70後咸魚A

    回覆刪除
    回覆
    1. 小弟咸魚B 覆咸魚A

      無咁多錢分散買呢...佢地先得個幾歲人仔`~

      刪除
    2. 又係既, 齋儲利市錢真係有排 (一年三四千, 十年先得三四萬), 所以我會送一兩手股票畀佢, 嫲嫲又送一兩手, 呵呵~~

      70後咸魚A
      P.S. 你邊係咸魚呀!? 我咪要做蝦乾?? XD

      刪除

各位每個留言,係我繼續9UP動力,必覆。

Related Posts Plugin for WordPress, Blogger...