小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年11月14日 星期一

女兒爛手,問道於盲(心態決定境界13)

男主人已經好耐無玩自己個FB ACCOUNT (此網誌FB ACCOUNT 就有玩,不過無人MESSAGE 我),FB呢一兩年有個好玩功能,就係會提示番你當年今日UPLOAD過咩相!

呼籲一下,按個FB LIKE,支持一下,是我繼續9UP分享0既動力!

LIKE過0既SHARE一下吧(我認我貪心~~!)

咁0岩女主人生日飯,睇番D舊相,發現有呢一張"爛手相"。


女主人係緊張大師,郁D就怕有事。男主人看在眼裏,其實大驚小怪。

應該係個女幾個月大,見到手掌好似爛爛地,女主人怕之餘,UPLOAD上BABAYKINGDOM問人咩事。

結果D人叫佢即刻睇醫生,又話因為乜乜七七攪到咁啦,更有人食哂花生話女主人唔識湊小朋友!重有人聯想到老婆隻手有倒刺傷口會感染比小朋友,真誇張!

最後係咩?其實只係個女戴左對紅色手套,入面個D紅色線甩左出黎!哈哈哈哈~~~!

有時候,問問題問錯人,可能重衰過唔問。

當然,唔少得我老婆同我外母0既祖傳醫術啦,例如ALL屎唔出就話熱氣,無胃口就話夜訓,流個鼻水就話凍親。當然入面有更多攪笑理由,我成日暗笑佢地係中醫師,勁到唔駛望聞問切。

呢期成日同女主人煲此劇,所以少左寫BLOG
劉詩詩D楚楚可憐FEEL係幾正0既

女主人仲諗住,照個全身MRI磁力共振,就乜病都可以搵出來!(哈哈,肯肯定小至感冒大至愛滋都驗唔到!)

當然,扮專家0既人,總有一個係你左近。

例如個女初出世0既時候,女主人有位女性朋友,連男人手都未拖過,就對感情事照顧小孩事指指點點。其實佢根本乜都唔識,究竟比意見係唔係適當,係唔係可信?

小至砌下模型,我整個抽風箱出黎,已有人認為十吋風扇太大風會抽走D油,令到模型件上唔到油,其實呢,唔通我加左個變速器又要話你知咩?哈哈哈。。。模型我係新手,整呢D小工具其實難唔到我(我係力氣唔夠,腦筋還有的)。

又有模型老野同我講,要戴防毒面具,其實當然出於好心。不過經我測試之後,風力已足夠抽走大部份東西,其實面具作用不大。佢地無抽風系統或者抽風太屎情況之下,先會咁樣。

男主人炒旦生意,有冇人識少少扮代表?梗係有啦!普通朋友實會問你D傻瓜問題,有少少生意頭腦個D又會比意見你,其實,你又唔係我,又點知我想做到某一個點之後放手引退,而非想千秋萬代咁做落去呢。

假手於人而收錢?噢,我真係無諗過,因為我享受炒旦。唔自己炒,不如唔炒。

錢並非睇得咁大,多有多洗少有少洗吧。

女主人當年創業,佢個班打工仔舊同事都好多意見!例如選址,宣傳,競爭對手等等問題,佢地都有專家式0既意見。其實呢,最後一條意見都無接納過,因為明知佢地唔識又未試過創業,聽佢九UP有咩用?不如自己諗。

當然,兼聽非壞事,
不過都要視乎意見提供者係咩人。

佢0既可信性,
視乎佢0既身份,學識,往績。

男主人就係成日唔太聽人講個D粉皮,你我都係同樣一知半解,瞎子摸象,你最安全0既選擇,會否係我最危險0既選擇?

講得誇D,你想長生不死,點知有人話你知食屎可以長生不死。但係教你果個人又唔係真正長生不死,可能仲後生過你。咁你信唔信?

感想有二

阿女都開始升小一,其實入一間OK好0既學校更係重要,但如果追逐入頂級名校,小朋友又係咪果D材料呢?讀好書需要好學校?一將功成萬骨枯,名校入面成為枯骨,又有冇人公開講出黎?

叫你追逐呢個遊戲0既人,佢勝出左未?還是大家無厘頭追逐相同東西,死就一齊死,跑得早過你更有優越感?

其二,教你財自0既人(物業又好股票又好),佢叫你咁做,點知佢加按再加按,表面有幾層樓收租之下,係咪真係唔駛做?還是佢口講風流工,實際日日比老闆X,DUP低頭日日等八號風球

最攪笑者,為收多幾百蚊一個月租金,奔波文件同銀行之間,還滿有成就感。租客有野,親自維修!哈哈哈。。。真係專業收租仔。

投資亦如是,百萬股票倉同千萬股票倉已經好唔同,總不能COPYCAT吧?小賭怡情式0既高回報,眼光是有的,可是對財自或財富增值又幫唔幫到手

買金等打仗?雖然香港真係唔少老人家老左仔女唔理佢,不過,呢班老SEAFOOD未見過打仗吧????如果打仗,我估好多人第一時間打呢班無人保護0既老SEAFOOD主意,有金都無命享了。

小弟並無財金知識,好多操作都係COPYCAT一D成功例子,左抄右抄過來,應變大多也是跟人或衰左之後才學精的。

寫BLOG目的,其實就係留給同我一樣咁無大志,想靠小小錢渡過餘生的後輩參考之用。

究竟無野做係咪真係會好悶?
究竟財自生活係咪日日訓覺?
係咪教識子女好食懶飛?
面對通漲咁樣坐食山崩係咪真係捱得住?

我又唔係只得個叻字咁可憐(真正叻人是梁山宋江還是ON9呂布?)不用為成功感/存在感而繼續做一份自己唔鐘意0既工吧?

同兩個小朋友趟在床上,輪流一人講一個卡通人物遊戲也很有樂趣。

小朋友也不一定跟在父母才開心,每星期去長輩家渡假,曳下扭下計唔駛比爸媽管可能都好爽!

左面為阿毛唔識佢的。唔知邊個教細佬射波!
我老豆個手機長期加左個好油0既FILTER!嘔。。。

睇我D文章鋪排,就知我死剩把口,求求其其,錯左又兜得番,真係吹我唔漲架喎!

有機會講下我呢個唔識煮飯唔識摺衫由細比人縱壞0既末代港童,唔鐘意受氣唔聽人講唔走正路攪左劈屎出黎,比人知道以為衰過乞衣,但月入唔錯0既小小小小生意吧。

仲有,多篇文章帶有實數金額,亦為參考。離地與否,金額多與少?

有人覺得好多,其實更多人覺得少。

就簡單舉例剛剛早兩日止凡BLOG聚小弟資產肯定五強不入。

題外話,年青有為STARMAN兄寫BLOG原因很有趣,原來我們有相同取笑對象

謝謝市場先生小小意見,睇下唔加顏色背景會否更易閱讀。

*****

心態決定境界1 <運輸街車哥哥>
心態決定境界 2 <文員姐姐無手尾>
心能決定境界3 - 論創業 <叫朋友做影相佢當我點佢>
心態決定境界4 <四十幾五十歲個班西口西面女人>
心態決定境界 5 -- 淺淡同學妻
心態決定境界 6 -網誌被舊同學發現!
心態決定境界 7 -- 壞男人AGENT
心態決定境界8 - 短途旅行港人奇行種
舊拍檔的男性中年危機 (心態決定境界9)
煩膠阿四 以為自己做生意(心態決定境界10)
如何擊敗老土ON9大叔(心態決定境界11)
你依然對夢想頑固嗎?(心態決定境界12

28 則留言:

  1. 自己盤數最好自己計, 旁人意見頂多就有用既抄考, 無用既只好放棄吧

    回覆刪除
    回覆
    1. 當然,但世上好心人多,有心人也不少。

      刪除
  2. 70兄言簡意賅,今篇文章好多野值得反思

    回覆刪除
    回覆
    1. 你個留言有robot feel.
      哈哈。其實已好多廢話,算不上言簡。

      刪除
    2. 廢話當中包幾句道理,呢招利害

      刪除
  3. HAHA. 睇落去真係以為爛手仔, 原來係紅線

    回覆刪除
  4. background 淺色咗,睇落係舒服咗 :)

    回覆刪除
  5. 紅底白字睇落的確唔太舒服

    回覆刪除
    回覆
    1. 紅底白字應不會改。
      只是不會highlight 而已

      刪除
  6. 70兄,早幾日網聚傾得很痛快。
    非常同意「投資亦如是,百萬股票倉同千萬股票倉已經好唔同,總不能COPYCAT吧?小賭怡情式0既高回報,眼光是有的,可是對財自或財富增值又幫唔幫到手?」

    有時來看blog的讀者抱著的期望都不一樣,希望大家能夠了解理念/參考知識,而不是希望從中得到什麼tips。

    回覆刪除
    回覆
    1. Starman 兄,我同你個blog 都比人話離地。
      同樣,求死自稱已離地後生仔無父蔭學唔到,其實又唔係。
      若字裏行間可令後輩有所得著,話唔埋未來年青人真係可以打開霸權缺口呢。

      刪除
  7. 呵呵提起煲劇~我近排喺樂視睇允兒拍的内地劇,差唔多煲到最尾第49集,樂視就傳出盈警了:o

    回覆刪除
    回覆
    1. “武臣趙子龍“~
      連做丫環既都成個公主樣咁@@

      刪除
  8. 唔問唔知邊個盲,問題係越盲的越好為人師。

    回覆刪除
    回覆
    1. 池兄,視乎有害與無害吧。
      做到獨孤求敗,無招勝有招,根本教唔到人。
      做個傳真教臭道士,學一招旁身,至少可保平安既。

      刪除
  9. 我生活左三十幾年, 發現左一個社會現象, 經常懶係以專家角度比意見既人,都喜歡評論別人, 而對自己要求不高.

    通常真係做事既人, 係好少出口去評論他人. 只會專注做好自己既野先.

    回覆刪除
    回覆
    1. 死喇, 我中哂你講個D 問題!
      點算~~~~~~~~~~~

      刪除
    2. 最鐘意專家口吻評論我

      刪除
    3. 哈哈, 當然不是指70後, 70後兄呢d, 只係講下日常生活事件而已.

      刪除
  10. 人人情況唔同,就算個“專家”幾叻都好,教你都可能變害你,所以最好自己吸到幾多就幾多,再搵適合自己既方法。

    回覆刪除
  11. 哈哈, 有很多人都係講就天下無敵, 好多野都係做過先知, 資財越多管理既方式都會好唔同, 差之毫釐, 謬之千里.

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...