小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年10月12日 星期三

樓上來的財自老人聲音 如何救回GLD OPTION

近日,金價急跌,結果男主人買左兩個月左右0既GLD要跌了。

(個衰仔係有兩分靚仔。。。似我老婆!可惜實在太曳!)

賬面損失事小,期權要轉倉先煩。

持有SHORT CALL 130 同SHORT PUT 124現價120左右

九月權金約USD2.6,十月權金約US1.8

即係阿QD諗,即使被行使,接貨成本都係119.6。當然,GLD脹面就肯定蝕了。

接貨就無謂,應該會轉倉,同埋GLD OPTION 個SPREAD 唔大,轉下月或再下個月都有肉食。

感覺,遠好過做港股期權,成交唔多買賣差價都大(我已經係做建行),轉倉時真係硬食。

當然,佢再跌我又慘慘豬啦。月尾先攪。

債券方面,過幾日又收到4125美元公司債債息。



剛買入SGX幾隻REITS,等除左淨再寫。

只欠兩隻優先股,咁呢三年個借錢收息大計就完成了。計埋建行D息,每月有九皮野港紙走唔甩,利息只係一皮。

即係成個組合有一半以上係港股,
少於1/4係公司債,
少於1/6係優先股,
少於1/12係REITS,
少於1/24係金ETF。

即係點?我都未買齊,買齊至整個PIE CHART 啦!

再加埋工作儲得到個D,每月廿萬儲蓄煉成。應該可以兩年供完細價樓,可以做到十大傑青了!




*******

講番屋企事,早幾個月,阿仔仲未番學,每朝阿女換衫個陣,八點未夠,樓上已經有個阿伯係度唱歌。

當然,有時真係會嘈醒,有一期忍唔到佢,打去管理處投訴。其實佢可以過多一粒鐘先唱,等番學0既番學,番工起身0既起身吧。

呢個阿伯,唱D歌都算新,至少唔係除少鳳丫。比較新有王菲我願意,辛曉琪味道,仲有張韶涵隱形的翅膀!其他歌估唔到佢唱乜,唱到一舊雲!

經調解了解後,佢話佢會遲D唱啦當然。

其實,佢應該係一個人,住係一間六百萬左右單位(男主人對正0既樓上),退休又無野做。無乜病痛但又唔去旅行,又無乜興趣,朋友多唔多就唔知,不過我成日去食早餐都見到佢。。。

老來先得到0既六十歲退休生活,或者財務自由,其實一D都唔自由。

錢,
再比得多你都無用,
青春已用盡。

所以,年紀大個D,走去同報紙佬講你財務自由,其實無乜意思。相反靠炒樓炒股炒栗子0既後生仔,如果真係財自左加上真係辭埋工唔做,反而仲值得去睇去學習。

呀。。。十大傑青個條女,好似都番緊工。

喂!有人財自都仲想做,
係我咁不思進取0者。

咪住,有幾多人咁幸運可以搵錢個份工同佢最想做個份工係一樣?唔好自欺欺人好喎!

又或者,最有成功感就係而家個份唔高唔低有人管下個份工?呀,既然係咁,都只係追尋成功感,咁又有咩成功感大得過可以自己做自己鐘意做0既野?!

終於完成左BB三國傳隻張飛!又係28蚊係深水步黃竹街玩具模型倉買架!
幫阿老闆ARTHUR賣個廣告

仲爭劉備!不日砌埋佢!

男主人以前都諗過去深水步做叫賣,即係個D賣神奇菜刀,百潔布,神奇收肚褲個D大叔。當然初戀情人又當我亂UP,但佢唔知道,其實我最鐘意講野,尤其鐘意亂講野!

當你以為我亂講野,轉個頭先發現你ON9左,只係我諗0既野偏離左你個NORM咋,果種滿足感真係好過癮。

如果件資產三十年(或者十年)會供完,可以完全提供回報,但係十年入面你要繼續捱騾仔,咁又值得嗎?如果為左資產增值,咁就唔係講每月有正現金流啦。

即係,拎左傑青先至講自己點樣勤力點樣捱,其實會否是運氣?

男主人一路走來,除父母養育方法及揀到女主人呢D肯陪我癲0既女人外,一世人就係一靠運氣,第二靠脾氣

阿樓上來的大叔,其實好可憐。呢個年紀,住咩樓又有咩所謂?公屋老人都仲有老街坊可以傾計,舊酒樓可以飲茶,蛇齋餅糭可以食。住我呢邊個D私樓,真係無人踩你,如果你無個伴又無子孫理你,真係等死而已

與其努力製造老年才有0既財務自由,
不如現在準備一下朋友,子女,另一半如何安排吧。

二十幾至五十幾,可能仲係黃金時代,有工作有人生意義,一老左,錢只是浮雲,只怕到時寫BLOG教人買樓財自,只會比班後生仔笑你持老賣老,搵多我地三十年錢,有咩值得哂命?

留番淡氣係屋企唱歌吧。。。

原本未上色係咁樣的。。。

再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

28 則留言:

  1. 回覆
    1. 年輕人, 你做到未?
      如未, 食夠女未?
      如都未, 唔好打字住, 去找夢, 去孝順吧.

      刪除
  2. 追女, 投資, 工作/生意, 三樣都要有興趣先會做得好~ 當然, 三樣野都需要運氣, 只係有一些人做到後就追自己點樣努力捱過, 而略過運氣因素不提. 人之常情者.

    回覆刪除
    回覆
    1. 是的, 其實人生好多時是運氣, 加小小勇氣行出第一步.

      成功左掉番轉頭睇, 就全部當哂因為自己努力同叻仔...

      刪除
  3. 老老實實講,就算錢幾多,老來對住四面牆,身邊連講句嘢,分享下童年回憶嘅老伴都無時,到時咪話唔L孤獨;

    傑青條女愈爆愈多言行不一,大家放棄佢吧啦XD

    回覆刪除
    回覆
    1. 係, 唔生小朋友好小事, 但搵番個伴都好丫.

      如果我D 仔女一路單身, 我老左或者死左都會擔心佢地...

      刪除
  4. 點都生番個小朋友,起碼將來都有人陪下。
    SP and SC ,唔開番張LC 保護番?如冇貨爆上都幾頭癢

    回覆刪除
    回覆
    1. 博佢唔會爆升或爆跌.

      金一向都唔爆邊, 等到個班買金老野成日以為聽日打仗.

      如打仗, 第一個殺哂班老野食左佢又好, 霸埋佢D 收租樓啦.

      刪除
  5. 生小朋友最好一仔一女,據我非正式統計,係正常環境成長下,女較仔更會自覺孝順父母。

    回覆刪除
    回覆
    1. 係, 或者咁講, 男仔無咁多表達自己感情.

      相對表面無咁孝順.

      同埋撐住自己頭家之餘, 可以孝順0既能力又少左.

      刪除
  6. 個傑青真係好紅,不過我對呢單嘢冇乜興趣,買到樓又點,香港大把人有樓,做啲人地做唔到既事先值得敬佩。

    回覆刪除
    回覆
    1. 係, 唔知佢傑出在邊?

      兩年供斷,現在很難做到.

      但樓價唔高, 就唔難

      刪除
    2. 冇乜留意呢單無聊野添,兩年供完叫「傑」,咁一炮過full paid果D叫乜?

      刪除
    3. 名符其實係「樓奴」...

      刪除
  7. 十分同意你果句:
    錢,
    再比得多你都無用,
    青春已用盡。
    記得有個幾億身家70幾歲既前輩同我講,後生果陣一直努力希望日日鮑參翅肚,到而家發左達,又驚膽固醇,又咪要清茶淡飯。

    回覆刪除
    回覆
    1. 我估佢寧願身家得番1%, 換番後生三十年吧.

      刪除
  8. 其實老來唔使覆憂錢銀已經係一種幸福,唔係人人都做到及早財務自由。

    回覆刪除
    回覆
    1. 話分兩頭,老人家洗費相對少好多,又唔駛供養仔女,唔憂錢銀好容易,至少有間公屋已攪掂。
      夾硬上一層私樓個班就好危,老來得層阿婆樓。。。

      刪除
  9. 請教師兄:IB可以按同買賣香港IBOND?同埋個按值比率有95%嗎?謝謝

    回覆刪除
  10. //追尋成功感,咁又有咩成功感大得過可以自己做自己鐘意做0既野//

    叫你喺份工搵成功感好明顯係僱主既騙局 XD

    回覆刪除
  11. 所以及時行樂好重要,其實財唔財自又有乜所為,都係個名je。
    可能你捱左30年,跟住仲有10年命就瓜老襯,仲要個10年係有心無力,比你財自左又如何。
    掉返轉有d人玩足30年,要玩既要食既_,係個30年已經做足晒,淨返個10年真係唔要都無所為。

    最緊要係知道自己係做緊乜同無悔。

    回覆刪除
    回覆
    1. 非常正確,抓住精彩人生最緊要。
      太長遠的,即使美好,也值得懷疑。
      正如保險佬同你講供完會點,其實好多都做唔到。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...