小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年10月31日 星期一

數數女主人身家 我可以唔撈嗎21

暫定每個月月尾一篇埋數文,以提示自己退下火線程度如何。同時,又笑下女主人個燈神倉。

既然財自是必然,達成時間便成為目標之一,同樣,財自之後0既打算就成為目標之二。

是實質唔撈定係一種態度?視乎你點講比人聽吧。

唔少人都係為左逃避工作,又或者想多D得閒時間。小弟生意其實算幾好玩,有錢有尊重,只是覺得,想轉變一下,人生剩番幾十年(希望),留番黎陪下屋企人,做D傻傻地但自己認為正確的事也不錯!

財自不是一個夢想或希望,是小弟人生必然面對的"問題",所以,不要勸我唔好財自了。

早幾日同老婆飲早茶,佢問我佢幾時唔撈。哈哈,肯定佢又受左班港豬0既氣,扭計生去意。見佢停留係做義工呢D思想上,我估佢未READY吧。

我都講左目標金額佢聽,下文再述。

講工作

其實無乜大轉變,要轉變都係一月0既事,黎緊十一月我要搵一晚好好PLAN下。因有小小名氣,唔愁無生意,只愁做得受氣

其實,唔受氣,人都開心D,生意都做得好D就真。

近日成日有唔食開炒旦0既人黎問有冇炒旦食,如果大心"做大佢",真係開分店都唔怕蝕。

可惜我最怕0既,係煩!要我管咁多野,我唔要D錢好過。

講資產

建行現價5.6。跌左,不過唔太影響自己。

現時資產分佈如下,幾乎無現金(月月還哂比老婆),只有負債。

槓桿比率為1.8,即係10蚊買左18蚊0既野,港豬可以諗,呢個係四成半按揭。

息口1.36%PA,唔駛還本,每月還HKD11000以下。

預計一年整個組合收息約HKD120萬,扣左利息開支都有100萬。

當然,MPF同保險個D雞仔數就唔計了。

本月收息只有三萬港元(來自美債),因整個組合十一月才正式攪掂。。。預計四五萬無走雞。

GLD買來是玩期權。GLD現價121.7,我128買入,賬面蝕唔少。但本月權金為1.7,十一月權金為1,抵銷部份虧損。(其實只佔3%總資產,對MARGIN IMPACT不大。)

以上全為男主人單人資產,無計女主人在內。

講目標

目標就同女主人資產有關,第一目標是五球,第二目標是八球。用黎做乜?可以買番個自住物業了。

原來,由2009(定2010)目標樓盤只係升左80%,講錢,男女主人已今時唔同往日,當時只夠比首期,今天已可以近FULL PAY。

始終,細價樓同中價樓升幅唔一致。(貴野我唔會同佢癲。)

女主人D股票繼續跌,哈哈!~~~~賬面唔見左兩三萬

至於現今,因為我又還錢(二十萬)比佢,佢又出糧比自己,結果加埋有232萬

股票加現金,女主人現有263萬。佢重有40萬爛數未收(我是債仔),預計今年或明年一月還清,即有303萬。

離500萬(或550萬),仲有好遠。

不過,男主人計過,收埋明年七月建行股息,應有160萬左右(但要提番D債息出來)。

九個月內,女主人要儲到36萬或87萬!前者無難度,後者?哈哈。。。應該唔得。

點知佢話,將公司一個戶口入面個幾十萬(唔知幾多十,佢從來唔睇唔用),派番比股東!

咁,呢個目標就接近好多了。

再之後?玩多兩年就唔做了,到時若未買到樓,就達成八球現金。女主人要麽再玩多兩年,要麼再出力一點,齋靠我的話,有咩突發事故就番唔到轉頭了。



近排真係懶到爆燈,噴完油,放低又唔滲線又唔手油。樓上兩隻都係未完成品。。。

其他集數,經典重溫,睇下以前我點諗退休唔撈?

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3 (減父母家用至自由咁仆街?)
我可以唔撈嗎 4 (葵花寶典)
我可以唔撈嗎 5 (你真係信做埋唔夠交租?)
我可以唔撈嗎 6 (幾日千萬富翁)
我可以唔撈嗎 7
我可以唔撈嗎 8 (我係溫室小花,你做唔做得起?)
我可以唔撈嗎 9 (性格是遺傳)
我可以唔撈嗎 10 (唔同年紀, 目標不一. 六十歲仲講有收租樓?)
我可以唔撈嗎 11 (讀書真係無用?)
我可以唔撈嗎 12 (深水埗玩具模型倉有我整0既模型)
我可以唔撈嗎 13 (買夠貨)
我可以唔撈嗎 14 (千金難買少年窮)
我可以唔撈嗎15 (建行減派息 成功財務自由)
我可以唔撈嗎 16 (入廠維修
我可以唔撈嗎 17 (去蕪存菁;又上千萬)

31 則留言:

  1. //一年整個組合收息約HKD120萬
    真正的息魔!

    回覆刪除
    回覆
    1. 做色魔更加正....
      以上收息只是估計, 可能減派, 又可能美國加息...

      刪除
  2. 見到70兄逐漸靠岸, 開心之餘又羨慕, 哈哈XD

    回覆刪除
    回覆
    1. 哈哈, 塘人兄都唔差幾遠.
      到時多D飛番黎, 去掃街食正野~~~!

      刪除
  3. 勁, 由上年開blog至現在差不多一年, 呢個blog都算係其中一個最有風格既blog

    回覆刪除
  4. 一年100萬 股息, 東方好快又搵你。 XD

    回覆刪除
    回覆
    1. 哈,學收租仔吹大佢,一年100幻(佢地鄉音)好多人都做到,唔值得訪問啦。
      訪問下幾十歲人砌高達好過

      刪除
  5. 我仲有幾耐先可以好你咁。。。。

    回覆刪除
    回覆
    1. 師弟,你已經搵到一條出路啦~~~
      只是時日問題而已

      刪除
  6. 謝分享﹗
    其實財自最大的原因真係七十後兄提出的︰
    "唔少人都係為左逃避工作,又或者想多D得閒時間" -- 絕對認同,其實不如搵過份工可能會開心一點。但心態唔變,講咩都係9UP。

    至於錢債方面....錢債肉償,可能效果仲好。:D
    BBQ

    回覆刪除
    回覆
    1. 係,唔鐘意份工唔等如唔鐘意番工,如不喜歡自己份工,倒不如轉工。
      有些收租傻仔,轉唔到工,職位又唔好,人生無成功感,結果當自己"半退休唔做"為榮。
      其實重未夠錢唔做。

      刪除
  7. 日後可以選客, 只選合理又乖乖的客, 麻煩果D, 一腳踢門口, 嘿嘿.

    回覆刪除
  8. 女主人做生意叻、賺錢多、性格又好~真係唔話得呢^_^

    回覆刪除
    回覆
    1. 哈哈,如佢單身,應該引到不少軟飯男。

      刪除
  9. 唔好意思,想問點解只需還息,未使還本呢?

    回覆刪除
    回覆
    1. 唔駛唔好意思,大部份貸款都唔洗還本。
      點解要還本呢?

      刪除
    2. 小弟愚昧,
      唔洗還本?咩類型的借貸?
      可否進一步告知,謝謝

      bon.ip

      刪除
    3. 八月舊文有講。
      也可以 google "IB 美債"

      刪除
  10. 咁請問你用邊間做槓桿,有1厘幾咁好?

    回覆刪除
  11. 我都成日同自己講比多兩年時間自己,然後就全程投入家庭照顧屋企同兩個女。我老婆話你做到先好講。哈哈!

    回覆刪除
    回覆
    1. 哈哈,starman 你好。
      我份人比較無乜大志又行動性高,應該唔難做到。
      至怕未夠錢0者。

      刪除
  12. 70s兄咁公開透明,真係少啲本事都唔夠膽咁做。

    回覆刪除
    回覆
    1. 夠傻才會這樣做。
      或者有人同樣搵緊有冇呢d咁傻既前輩,咁可能幫到佢呢。

      刪除
  13. 你咁坦白無私乜都去share及分享,真心抵比個like你。




    回覆刪除
    回覆
    1. R兄過獎,反正又唔係大錢大秘密。
      好多blogger 只要細心計下,要估佢地資產其實都好易架咋。

      刪除
  14. 謝謝分享。請問假設我在IB 有一千萬資產,可否以港幣提款300萬左右?若可以,即是變相借平錢?

    回覆刪除
    回覆
    1. 理論上係。
      建議試下,我都想知可否draw 錢。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...