小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年10月26日 星期三

有錢要及早有 外母的財自系列

呢篇有關女人五十歲財務自由故事。

應該同時睇埋小弟以前工作拍擋個篇。


簡單講幾句,我拍擋就係後生時做左十幾年小男人搵錢唔多,屈服係公務員老婆腳下。到同我一齊炒旦,搵到錢就想女人,頂唔順老婆,有三個小朋友都離婚收場。

結論?要有錢要早D有,
當你感受過,其實就唔覺得係咩一回事。

男0既會咁,女0既又會唔會?

其實我外母2014開始財自左,應該五十出頭(早過唔少大叔大嬸),不過佢唔係靠D乜投資,資產又無乜,又有個一路食工傷唔太生性0既仔。

佢係靠個女,即係女主人,提供被動收入。

當年,就係做得唔太開心(都係換左主管個類啦),而又想多D時間照顧個孫(唔生性仔個女),而我同女主人比0既家用又多過佢工作,結果財自了。

之後佢一路有PART TIME做下,又有孫同外孫玩,如呢個年紀要為口奔馳,又或者個仔唔比你湊個孫,真係唔知人生還剩下些什麼了。

無錢也可以財自,只係方法唔同。一定要用資產?一定要收租?一定要好富貴?

當然,WHY NOT BOTH,樣樣都有就最好。

不過,若有錢,你0既價值觀又會否令你仔女唔想理你

呢期就有ON9收租仔走入銀行攪加按以為自己大支野,結果無人理佢淪為BLOG 界笑話。

講番今期目標人物,係我外母個妹妹

我唔知外母有多少兄弟姐妹,不過有個家姐有個妹,叫做外母姐及外母妹吧。

外母姐一早移左民,身在美國,當然唔駛做,因為有國家養之餘,佢個女都係做生意(意外地,同女主人同一生意,真巧合)。

外母妹五六年前仲係大陸,借假結婚移民去澳洲,現在打工5000澳元一個月。由大陸少奶奶(老公係中層公安吧),變做高收入(?)人士,黎香港探外母時口氣都大D。

例如好好笑咁用佢0既時薪黎衡量物品貴唔貴。。。不過聽到五六年前我果度0既租金,佢都話貴架,其實,佢未認識過香港生活指數吧。

剛剛果三星期,佢地三姐妹約定係美國相聚,一齊玩下。

外母係美國買番黎0既禮物(MAGICLIP香港只有少量水貨)
我個女,三星期無見,一見到婆婆黎個大擁抱!呢D才是親情!

番黎之後,外母一蚊都無用過,全程大家姐請(佢個女請啦);相反外母妹就自己比錢了。

當然,外母妹也不憧做人,常常唔留家食飯,約左佢美國的舊同學(男主人常常笑女主人鄉下不停輸出黑工!),當然,仲有幾年前假結婚借左錢又唔還,現在有錢唔還仲吃喝玩樂先令人嬲啦。

男主人意見?係我眼中女主人D親戚個個都無乜野,因為唔深交,佢地又覺得女主人有錢就唔八卦咁多啦。只係我對外母妹都唔太多好感,原因唔係佢鐘意哂命(就同求死隊長一樣,當係個笑話聽下,都係未見過大蛇就當自己大支野),而係外母妹好鐘意係我面前講佢D鄉下話

喂,明明我係度,你講鄉下話我唔識聽,唔通我講番英文?專重下我好喎。

外母多受人保護,並非無原因,相信同佢份人品比較溫和,以及份人無乜所謂有關。

錢真係咁重要?好多事情錢買唔到,反而"忽然有錢"帶來0既性格改變,可能令你剩番0既優點都破壞埋。

或許,果位傻仔求死以前只係讀書唔叻做事唔醒比同學同事無視,當佢以為自己有錢之後,連銷售員工都無視埋佢。。。哈哈。

通常呢D比人無視0既毒J,都有D同LEVEL0既朋友,而家資產多左,"財大自更大",會否連當初同佢一齊ON下ON下D FRIEND都無埋?

聽女主人講,外母妹的轉變,其實幾好笑。

識男女朋友都好,識個一早有少少錢0既,好過到佢有錢性格變,大把港女識左有錢老公生活大變不停哂命,係咪?好彩女主人由秘書仔變老闆,帶來轉變並不大。

剛剛今日同女主人飲個早茶.,成間酒樓都係阿伯阿婆,少量大叔大嬸。

下一篇,又係月結女主人資產了。

22 則留言:

  1. 飲早茶, 真寫意 :) 有人可能一路返緊工一路打去銀行追問D文件搞掂未...哈哈

    回覆刪除
    回覆
    1. 哈哈,你好衰,你梗係以為係新手或者得一兩套(咩量詞?)個D人!
      其實佢有好多套架!有幾套架!!!
      又番工又攪文件真係好忙。。。我呢D旦散唔會明白收租有幾爽。

      刪除
  2. 唔好意思入錯門口...呀...sorry...咁多親戚關係以為睇緊塘人兄個blog添...

    回覆刪除
    回覆
    1. 哈哈哈,家家有幾個可借題來寫blog 的人

      刪除
    2. 哈哈,其實我都有“貨”。某位遠房親戚周不時喺我blog度寫哋串既留言,但念在老媽份上,我先唔同佢開拖=_=

      刪除
    3. 哈哈, 每個人身邊, 總有葡萄親戚...

      刪除
  3. 如果咁計, 我外母四張幾就食香港政府財自左, 之後就得閒搞搞震XD

    回覆刪除
  4. 邊度有得睇 “ON9收租仔走入銀行攪加按以為自己大支野,結果無人理佢淪為BLOG 界笑話”??

    回覆刪除
    回覆
    1. 無聊去睇求死個blog

      睇完覺得收租真係好仆街, 有錢我寧願拎去搞小生意

      仍地成日諗住點樣買多幾層收租其實都幾畸形...

      又...我覺得求死份人應該幾悶...

      刪除
    2. 係, 欺負弱小, 不知所謂.

      其實加按借盡黎收租, 淨資產唔多的.

      刪除
    3. http://homebloggerhk.com/58716/
      呀乜sir 啲讀者好慘,投資剩係識得債基呢個選擇(2M 買債基.…)
      又或者買500k保險

      刪除
  5. 如果係突然負碌中六合彩, 或泊正好碼頭而搵多好多錢, 呢種人有錢後心態或性格一定變.

    但如果係自己由零開始, 或用好多心力, 或白手興家, 呢種人有錢後性格會變既機會比較細

    回覆刪除
    回覆
    1. 係, 不過亦同佃紀有關, 香港四十尾五十頭個輩, 捱到而家層樓先升值.

      咪忽然富貴LAW!

      刪除
  6. 現實中未遇過突然有錢扮大支嘢既人,有我一定會無視佢。

    回覆刪除
  7. 如果以好多人對財自既諗法,唔少食綜援住公屋既真廢物灠用者已經成功左。

    回覆刪除
    回覆
    1. 係喎.
      其實平有平做貴有貴做.
      特登死儲爛儲二三十年, 點知人地食政府幸福美滿家庭~~~

      刪除

各位每個留言,係我繼續9UP動力,必覆。

Related Posts Plugin for WordPress, Blogger...