2016年10月1日 星期六

你依然對夢想頑固嗎? 心態決定境界12


呢篇其實又係想打好耐,一路無乜MOOD打,比R兄篇文提醒我,再唔打攤凍左就無用。

講多N次,這個不是投資BLOG,小弟投資成績只係非常一般,亦係左抄右抄之流,只為稍作調整,以適合自己懶人性格。

而我自己亦都係我行我素一派。。。

好處係,做事總出奇制勝,你諗我唔到;
相反,由細到大比人睇係古古怪怪(又串串地)。

而我父母,或許忙於工作,或許無為而治,或許因學霸成績不在他擔心,一路都放羊比我自己去走我0既路。

幸好,小弟係一般中學出身,長期是位學霸,你想跟我,連車尾燈都未追到。此小小世界觀,直到大學才大開眼界。

再有互聯網(80後神器),世界才變得更大。小弟太太(女主人)亦都係網上識的。


至少頭個三十年人,
命運還是緊緊掌握在手裏。

以下的MV,我問女主人有冇睇過,原來佢每次都係靜音睇。。。或者佢係一條咸魚?

強烈建議,開聲開聲!靜靜睇!唔好SCOLL 文住。。。留意太空人是誰以及睇哂成個MV

(五月天我只聽過這一首,如外界留言,佢地最勁係將一首普通0既歌,加個MV變成好受歡迎)

呀,或許,你要靜靜一個人睇,話唔埋你要張紙巾

如果你睇過,不如睇多一兩次。



可以的話,再睇一次,留意歌詞。

小弟0既夢想?都唔知係好彩定唔好彩,已經係我25歲0既時候完成左。我渺小,所以夢想比較單簡,加上當時天時地利人和,我莫名其妙地成功了。

達成0既感覺?其實無乜,當時無乜錢又無女乜都無,太多事情擔心了。

到左三十歲,我仲會久唔久發夢番番果個地方做果樣事情。一覺醒來,若有所失,但感覺依然是美好的!

最令我有體會的,只是這一句


"我身在 當時你 幻想的 未來裡"

我相信,每人細個,都諗過大個會點,個老婆咩樣,會唔會出人頭地等等。噢,如我小時候的我會同我好似隔世追兇咁講電話,我會毫不後悔同佢講,我對得你住,並無辜負你之前古怪0既選擇!

各位朋友,若你還年青,是否還有更應該做的事?還是每天依你"能夠做的東西"生存下去?若小時候的你追問你現在如何,你會點解釋?

如果你好似我咁0既年紀,會否講出為生活而煩惱等等的一堆藉口?

如果你已經一把年紀,會否告知你好幸福?還是告知他,不應該再走一次錯路?導致而家窮得只剩下錢?

現在當下,其實就是你小時候很想長大看到的世界吧?
是外界改變了你,還是你改變了自己去適應這個世界?

"走過的 叫足跡;走不到 叫憧憬"

若然你未試過,又覺得唔得,也許只能憧憬真正行過,無論成功與否,也算行過。對自己來說也算成就的一種。

"如果你 能預知 這條路 的陷阱 

我想你 依然錯得很過癮"


姑勿論成功定失敗,未試過就註定GAME OVER,而且這個遊戲只有一次機會,老左就無機會。你睇幾多阿伯講佢後生個陣點點點?你睇幾多老到退休0既,話自己財自左,結果窮得只剩下錢(年紀大當然相對多資產)

如果收租樓要用你十年八載去完成,花在這裏青春還值得嗎?叫你去收租,覺得這才是正氣正途,不是在謀殺你的青春嗎?

無錯,小弟離地收入未必可以貼地了解後生一輩,但各有前因,我一早已達到夢想,而BASE ON 夢想之外,意料不及令我在某一範疇成功左少少。都係個句,你鐘意0既事情,點會做得唔好?事情做得好,又何愁無錢?

"每當我遲疑 從不曾忘記
活在我心深處 那頑固的自己"

呀。。。我唔敢認屎認屁,我就係成日唔聽人講!哈哈。。。連我老豆老母都咁話我(而家都係)。我外母直頭放棄左我(例如我唔食就真係唔食,唔好叫我試)

外人或許不知道,世上只有女主人明白,我果種執迷同頑固非常麻煩,去超市買一樣野,買唔到的話,我連其他野都唔買。

呀,個比喻用得好差,即係咁,即使明知前途好(真係好?),我都唔願意去做番我唔鐘意0既本行。我初戀情人問我想做乜,我只想乜都試下,看看我的出路在哪!我阿媽初期都叫我搵番份長工,其實個陣都已經撈得OK,用錢KO。

再而,用錢KO一切講三講四0既人,其實無乜人講三講四,因為大家都唔敢問我呢個古怪人。

到左今日,當我知道有D人覺得"車,佢好叻咩"0既時候,我真係開心到彈起。

因為,原來佢地好葡萄;但更重要,原來佢地只係用佢地用黎生存0既錢去衡量

這種境界,是否低了一點?成日笑人土豪,笑人無文化,笑人毒J個班友仔,其實是否心裏葡萄?

再者,我多項免疫,錢還算有DD;讀書?碩士而已,讀個博士也不難;毒J?我有個童顏老婆(成日比人望),同埋兩個可愛小朋友。

一切一切,都來自我的頑固選擇。年青的時候,選擇還是有的。光陰有限,一層自住一份好工一些職位,真的重要嗎?

每當你起身帶點懷疑的時候,能否勇敢諗下十年八年前,仲係好後生0既你,希望自己未來是怎樣?

講完,我寫BLOG 為左乜?我希望更多年青人醒覺,找出不行舊路而擊敗上一輩(包括我)的方法!不收分文不會開班!

想要走一條不同的路,必然要看看走不同的路的人是如何行出路來吧?

我亦希望,運用我自己僅有長處,從文字裏帶出這個訊息。如果各位鐘意,請多多SHARE FB PAGE,已經開始有點點成效,當來源不再單一,我更能暢所欲言。

我邊度長?睇左咁多篇都唔知。。。咪係我長處LAW!



昨日星期五都係在家養病,下次噴邊隻?哈哈。

再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE


38 則留言:

  1. 我細個,就算過過廿歲,就算睇完富爸爸啲書,對財富都仲係覺得“這些機會不是屬於我的“,無諗過會有物業,股票,事業,女,錢等等;

    頂多想過做揸巴士,郵差,揸火車,仲俾老豆話無大志呢,哈哈:D

    回覆刪除
    回覆
    1. “頂多想過做揸巴士,郵差,揸火車“~

      哈哈這才是小朋友應有的夢想吧!細細個就幻想有囡囡的~是蠟筆小新吧XD

      刪除
    2. 塘人兄,我當初都比我阿媽話呢個選擇不太好。

      不過我唔理佢,最後總會行出路來。

      刪除
    3. Cherry,可能好多太小男生細個已經想有女,不過就唔係咸蟲果種。

      女生不會明白的。

      刪除
  2. 依一篇文 應該係成個blog 嘅主旨
    建議長期置頂!!!
    講得超級好!

    回覆刪除
    回覆
    1. Jack 兄好耐無見。
      謝謝讚賞。
      不過,如何置頂?

      刪除
    2. 哈哈
      你的文章 我篇篇都有追嫁 XD
      好似可以把篇文章的日期set 去未來.. 咁就好簡單做到置頂嘅效果
      再唔係將篇文條link 用 [url=http://hk70s.blogspot.hk/2016/10/blog-post.html]文字[/url]
      放係頁頂

      刪除
  3. 好有共鳴,看到內心的自己。
    每個人的路也不一樣,不在乎別人眼光堅守自己的路!

    回覆刪除
    回覆
    1. 是的,除左父母,老婆,也要對得住自己吧。
      若然辜負了小時候的自己,人生沒了大半。

      刪除
  4. "如果你 能預知 這條路 的陷阱 我想你 依然錯得很過癮"

    呢個正. 我年少時個dream同錢冇關, 但總算係26-27歲完成左. 現在找緊另一個藍圖比較大既dream, 隱約在腦海已看到構圖, 但行動需時看時機等等, 正所謂天時地利人和.

    回覆刪除
    回覆
    1. 當然同錢冇關, 唔通叫人買樓收租二十幾三十年都算係人生的dream?

      刪除
    2. 總有d 人意志力較弱,又無乜夢想。
      結果比老屎忽吹兩野,突然人生目標出現,一窩峰走去買樓收租等所為既收成。。。

      刪除
  5. //你鐘意0既事情,點會做得唔好?事情做得好,又何愁無錢?
    呢句實在。池某身邊不少人喜歡把幻想當夢想,也幻想事情不用做就會好,當然錢也只是存在幻想之中了。

    回覆刪除
    回覆
    1. 果d 終極幻想,本身無能力無行動力,又睇得美式電影太多吧。

      刪除
  6. 就算係有份正職,都要分d 時間去做自己夢想做既野。如果唔係退左休就乜都冇,會好悶。

    回覆刪除
  7. 小弟太太(女主人)亦都係網上識的。

    回覆刪除
  8. 實在忍不住留言。

    你呢個 BLOG 最大主題係尋夢, 對於青年一輩絕對值得參考! 我同後生仔傾偈講讀書, 講工作, 我都會強調 find your passion : 當你對件事有熱情, 你就會自自然然做得好, 唔好都做到好為止 ! 亦會做得好開心! 錢, 只係成件事o既副產品。身邊好幾個 "成功" 個案, 都係一開始放棄高薪厚職, 離開 comfort zone, 經過長年累月o既奮鬥, 都能創出一番事業! 也如你所說 : "你鐘意0既事情,點會做得唔好?事情做得好,又何愁無錢?"

    但香港這個商業化城市, 整個社會, 你既長輩, 大部份人只會鼓勵你做專業人仕, 搵多 d 錢, 夢想唔可以當飯食 ... 個個只係為錢錢錢 ... 追夢, 無論大與少, 無論成功與失敗, 重點係對得住自己, 將來老咗, 連一點回憶也沒有, 後悔就太遲了 ... 錢再多, 也只是帳戶多個少個 0 而已 ...

    P.S. 個 MV 堅正, 堅感動, 尤其係梁家輝, 完全係畫龍點睛!

    70後咸魚A

    回覆刪除
    回覆
    1. 咸魚A 兄, 你講得出呢番說話, 肯定你不是咸魚啦.

      上一輩人, 在港英政府需要人打工情況下, 教導當時班市民讀書做份好工向上流.

      睇下果代發左達0既, 全部都唔係打工.

      即使而家個D 律師世家, 佢阿爺咪又唔係讀書讀番黎....

      刪除
  9. 70兄文章好正,要留起比阿仔大個睇,叫佢千奇唔好學老豆。

    回覆刪除
  10. 好正, 不多說, 己bookmark 呢篇文, 偶像!!

    回覆刪除
    回覆
    1. 哈, 只算是以文會友吧.
      真人只是七頭一名.

      刪除
  11. 我由細到大都無咩夢想,或者安安定定已經算係我夢想之一。

    回覆刪除
  12. 未出MV前已經聽緊:),自己本身係五迷,佢成隻新碟我最鐘意就係呢首歌。
    有時間睇埋下面呢兩首啦,我諗你都會鐘意。倔強係我咁大個人到依家為止最鐘意嘅一首歌。

    我和我最後的倔強
    握緊相手絕對不放

    倔強
    https://youtu.be/R2s-H_crYkc

    勇敢
    https://youtu.be/3wrto8oJu5A

    回覆刪除
  13. 70後兄應該開一個「追夢」系列,定義這個為「追夢」blog,哈哈。

    有冇聽下農夫的歌,這個年紀聽那些歌詞都好有感覺。

    http://cpleung826.blogspot.hk/2016/07/blog-post_28.html

    回覆刪除
    回覆
    1. 是的, 可惜人人身MATRIC 在中, 叫佢追夢不易.
      只能每一篇講少少.
      教人就似騙案...不能操之過急.

      刪除
  14. 最想是用不一樣的方法去擊倒上一輩,再封住下一輩......但未諗到方法....

    回覆刪除
    回覆
    1. 點解要封住下一輩?

      刪除
    2. 其實封住下一輩有咩用? 除非你無子女.
      到老左, 也是什麼也帶不走, 如能瀟灑走一會已經好好~

      刪除
  15. 個人認為, 有夢想, 會去追, 同時鍛鍊財商, 兩者相輔相成就最ideal.理財唔係純粹講錢, 過程中可以反映自己看清事情真相能力.

    雖然財商高底唔係追夢成敗關鍵, 但財商高, 追出黎個夢會更有立體感.

    回覆刪除
    回覆
    1. 香港地, 有錢才有SAY, 咁先可以叫追夢, 否則比人笑你白日夢.

      到你有錢, 可以笑九番佢當年無去追夢.

      刪除

各位每個留言,係我繼續9UP動力,必覆。

Related Posts Plugin for WordPress, Blogger...