小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年9月22日 星期四

老人指路 大厄細 比屎餵

話說上學年,我個仔重未讀書。

幼稚園要家長整傳聲筒!但唔見佢教原理喎?
呀,現實生活,搵人做傳聲筒是懦弱的表現,現實會被同性異性睇小!
小弟個樣就真係七頭IT LOOK一個,不過千祈唔好比我有SAY。。。

朝早我湊番學上校巴,咁為左減輕我做0既野,當然教識佢自己著襪著鞋刷牙等等日常生活。其中一個環節,係個女好鐘意做0既:

就係按電梯掣,包括LIFT外同LIFT內。

隨住佢越黎越高,連番屋企個樓層都按到。。。如是者,佢樂此不疲。

當然,有時趕時間,佢又按得慢,我梗係會丙下佢。

今個學年,細佬都上K1喇,因方便管理,讀埋同一間幼稚園。(男主人樓下就有一間有小小名氣0既私立幼稚園,區外人會黎讀個隻,不過我唔讚成愉快學習,除非打算讀國際學校再出國)

咁兩老婆唯有一齊出動負責梳洗,暫時細佬學習自理都還可以,著襪著鞋著褲也OK,唯一係未識刷牙同ALL尿唔拎住自己條小蟲之外。

送完番學,仲可以兩公婆拍拖去食早餐!


去到搭LIFT,頭一星期兩姐弟又爭按LIFT掣!訓示後決定一個按LIFT外一個按LIFT 內。

點知,上星期開始,家姐作出讓步!竟然比細佬按哂,我叫佢按,佢按完叫番我下次比埋細佬按。

事先講明,我個女絕對唔係咩善良的妹妹,十分港女又貪靚,唯一好處係聽人意見同埋有口齒。肯定如果佢鐘意0既野係唔會讓比細佬玩。。。

原因?我估各位估到一二:

1。玩厭
2。朝早按掣,不如留番D心機照下鏡(貪靚表現,LIFT牆都是鏡)
3。細佬發夢唔按,比人鬧只係細佬,自己免卻奶野風險。

對,現在就是我玩夠了,反正又有比人鬧0既風險,不如比哂你玩,又可以站係個道德高地!小朋友識唔識呢D心計?當然唔識,不過如果避險始終懂一二0既。

其他事件都搵到唔少蛛絲馬跡!例如佢地一齊攪媽媽D化粧品,一定係細佬玩先,佢在一旁食花生,可能會小心D玩免比我地知(例如唔好整污糟隻手),番黎又可以講我地知係細佬玩先。。。(當然呢D CASE唔止一次啦。)


佢地各有自己錢罌,儲黎新年年宵買汽球!
(個女今日第一日做我小秘書,負責將現金分類及支票蓋印,一蚊人工一日。)

始終,家姐大過細佬,
見0既事多D,
而細佬又自得其樂無理到中間風險。

講到呢度,應該知我又想講乜:

<一>好多時,老野做好心,又未必真係害你。

例如,叫你做收租仔,可能係佢後生個陣經濟起飛係WORK,但現在香港經濟雖然大好,但能否好似過往咁倍數上升?早排經過貨櫃碼頭,櫃0既數量已經大不如前。大學生人工幾年無升過,是否老闆都是PK都是刻薄?還是開支去左第二度?

又例如,叫你打份好工,穩穩陣陣!又是否抹殺左追夢之路?尤其係,讀書一般0既老一輩,佢自我滿足一生走得不錯,但比佢讀書好0既前輩呢?你走去學,都唔會去學一個係同年齡成就入面唔高果個啦。

阿前輩錢比你多,
樓比你多,
自由時間比你多,
又是否只因佢撈多你二十年呢?

老野好多上左岸,或者上左一半,再或者佢地老到上唔上到都無乜所謂。但青春是你的,若跟一個人生比賽大半世都係LOSER0既人走同一0既路,是否明智?

有好多人呢,如果唔係1997令DOWNTIME十幾年,一早財自左,又駛乜而家先走出黎認叻?

<二>佢地無試過其他路,覺得自己幾十歲靠呢個方法安然生存,咪介紹比你。

佢叫你打工唔好怕蝕底,
叫你默默耕耘,
努力進修,定有出路?

而家咩年代?

即使我呢D GENERATION X,比人話政治冷感出生在夾層中,都建議做人要SAY SOMETHING ALOUD!

當年,我個年代,出聲就是異類;現在,回頭睇番,當年靜靜的一班人,也做著我當年的事情,足足遲了十多年。當年有個同學,因不滿某出名玩野老師加同佢頂撞,結果實習肥左要重出,佢嬲嬲地索性唔讀!其他百幾個同學點睇?只為小新聞,無人敢正視問題。。。

若然當年有人肯挑番個老師機,肯定實習制度會公平好多,至少,唔會比一個人決定生死而要去刷鞋!

如果你坐巴士,有人食煙你會點?可能你會出聲。我?一定0。1秒反應即鬧,幾個月前,我先係巴士鬧過有條友仔係車上面食菜肉包

人地唔敢講,咪我講LAW!

所以我現在好喜歡我的生意,打工仔最怕無份工,我?如果你攪我,我一定玩番你轉頭,因為,我老闆就係我自己,再者,我從來唔需要低聲下氣去搵錢。

或者係我好命水,但係我明白自己性格同長處,知道前人某些路跟本搵笨七

<三>基本上,年代唔同左,未來的日子是年青人的,你重聽班老野老點,是否忘記你父母為何叫你讀好書?就可能因為當年因智力或墨水不及同輩,希望係你呢代有所突破!

可能,我父母讀書唔算好多(爸爸是某澳門名校出身,無錢但全靠我阿麻夠怪獸吧),我老豆都只係同我講過渣筆搵食好過體力勞動,可能對我無乜大期望,我更加無乜壓力。

但係,如果我只係做番我大學本科專業,到而家阿婆樓收租年代,跟本只能一路工作一路生活,談不上財務自由,談不上算有兩個錢。

我0既本科專業,好聽唔好食;
我0既小生意,好食唔好聽。

期待真正財自,可以再多D時間陪下父母。當我問我個女幾多歲就唔同我出街0既時候,佢話佢唔會。雖然我知無可能,不過心裏依然暗爽

到你有一日能易地而處,將隻腳塞落人地隻鞋度,你就會明白當年父母最想要乜

我相信,父母只要你活得開心便可,若天天等待八號風球出現,何不闖另一出路?

<四>若只講買樓,後生仔買樓推高樓價,才是老野真正BUFFER,當數價波幅(非大跌)之時,呢班後生就係緩衝區,至少,佢地會用上十年時間去死供。

呢點唔詳述了,因此文比預期字數多左三倍,而我又講過N次。或許,樓價永不跌,反正我現金流升幅比樓價升得重快(最新新聞五年升左80%,我五年升左三四倍!)

其實收租老人又好收租後生又好,根本唔關我事。不過就好似有人係車上食包咁,我就係忍唔住要出聲。

女主人成日怕我上左YOUTUBE,我都未驚過。。。哈哈。

人地唔敢講,咪我講LAW!

係度感謝SHARE過我網誌LINK上DISCUSS0既"全職小股東"CHING,我每天也看看反向連結的。雖帶來流量不多,也再次謝謝SHARE到BLOGSPOT去不到的地方!

如果能力許可,請SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE


26 則留言:

  1. 路過。
    廣東話的“0既”字可以打得出來,嘅。使用漢語拼音,繁體或簡體打ge或kai都能打出來。

    回覆刪除
    回覆
    1. 其實我識的。
      不過以前有顯示兼容問題,所以一路用過0字代替了。

      刪除
  2. http://www.zdic.net/z/17/js/5605.htm

    http://ykyi.net/dict/index.php?char=%E5%98%85
    UniCode:U+5605
    倉頡:RAIU

    回覆刪除
  3. “人地唔敢講,咪我講LAW!“
    人地唔敢講,咪我講囉!
    http://www.zdic.net/z/17/js/56C9.htm
    http://ykyi.net/dict/index.php?char=%E5%9B%89

    回覆刪除
  4. 盲目跟從前人成功既路,真係除時踩屎都唔知。成唔成功都因時間性同當時環境。

    回覆刪除
    回覆
    1. 前人可以係。。。
      遠路以為是捷徑
      已是過期路
      擺明老點你

      仲當寶開心share 是否幫兇?

      刪除
  5. 各人有自己應走既路, 盲聽老野老點, 死得:|

    回覆刪除
    回覆
    1. 是的,你唔聽,d 老野仲好似當你吸毒行差踏錯咁tim...

      刪除
  6. 回覆
    1. 不要再說了.jpg

      教極佢都唔扶。。。

      刪除
    2. x2

      返學肯自己扶,係屋企就一定要人幫,我有時見佢方向正確就唔幫佢。

      刪除
  7. 小朋友特別鍾意撳掣,屋企開電視開冷氣要規定阿仔同阿女輪住撳。

    回覆刪除
    回覆
    1. 無錯。
      也可用身型規定。
      女按到燈制,但仔未夠高。

      刪除
    2. 哈哈,小朋友仲鐘意在商場撘扶手電梯時,伸手掂那塊懸掛住既透明板~

      我以前細個成日咁篤,俾阿媽鬧XD

      刪除
    3. 唉,我個仔試過按緊急煞停果個紅色制呀。。。

      刪除
  8. 五年現金先三四倍, 勁, 生意成功人士既功力所在.

    過去五年, (不過我起步基數低), 我NAV升左四五倍.

    回覆刪除
    回覆
    1. Joseph 兄你杜拜投資,一般港豬是學不了及不敢學的。老一輩的更加認為你是傻的。
      找到edge,抵你NAV 四五倍咁上。

      刪除
  9. //咁兩老婆唯有一齊出動負責梳洗
    原來唔止一個老婆?你大鑊了!哈哈!:)

    回覆刪除
    回覆
    1. 池兄硬係搵到文章漏洞。
      哈哈,其實係三個老婆。(發夢中)

      刪除
  10. 其實大部分老人都是因為有經驗上的優越感,來show off一下吧XDD跟著別人的路來行這樣就一生好嗎:D
    不知道為何很多人小時候都總會有些神經失常?可能那就是黑歷史的開始……
    p.s.小弟就是其中一個在巴士大吃大喝的熊孩子~只要不太影響(e.g.榴蓮、倒翻飲品之類的)別人的都應該沒問題吧:3
    70後兄想到的道德高地可能真有此事的吧,以小弟以前的同學為例~~~(小時候的我是踩底線前一格雷人派……

    回覆刪除
    回覆
    1. 小朋友當然沒事,十五歲以上在車食野,就真係要丙了。
      我小時候就睇人試底線,自己偷偷過埋界。
      因我是半佪學霸,捉到都唔會比人鬧的。

      刪除
  11. 反正又有比人鬧0既風險,不如比哂你玩,又可以站係個道德高地!

    小朋友未至於咁心計,不過本能上已經知道點會得人注意d俾人錫多d而俾人閙少d。就好似d bb知道喊就會有人氹佢咁。

    回覆刪除
  12. http://www.cnbc.com/2016/09/23/a-25-year-old-ceo-shares-9-career-secrets-every-young-person-should-know.html

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...