2016年9月19日 星期一

以債租樓 首次收債息

自從上個月轉左去 INTERACTIVE BROKERS 之後,一直試緊以下操作。

1。買美國公司債
2。買金ETF
3。做(2)的COVERED CALL(當佢係GLDI做,原來好難攪。。。)
4。低息借錢

女主人0既愛麗絲 Q POSKET!
黎緊會出其他公主系列,真心幾靚。

見有BLOG友(魔兄)買HSEA 同HSEB (不詳述,請GOOGLE),同埋有BLOG友買不同月份派息之股票做到月月有息,我又PAT PAT痕試下。

不過自己就買半年派一次息0既公司債。

買年期短,息高高地。

世上邊有咁筍?當然評級唔高,都係B1-B3級別,兩三年到期個D。

買上六隻,
每隻半年派息一次,
就可以月月派息。

大約每隻買左十萬美金,即係六隻要HKD470萬左右。

1,5%年利率之下,每月六千港紙利息左右。

中秋節追月日終於收到首隻利息,無稅又無扣手續費之下,袋左3750美元(未計我高於PAR買的成本)。



阿Q精神,小弟除左無限補時之外,就係以X買Y!

此為以債租樓!

!!!!咪撚ON9。。。

其實D錢係自己,都係左手交右手,債券派息D錢,同我股息D錢,同我小生意搵番黎D錢,放哂同一個POOL度,其實無分別!

點解收租仔當D租金收入係用黎供樓?其實佢地份工作收入也是供樓。

偷換慨念而已,D錢入左袋就係你,又講乜鬼租客代供?又講咩幫人供樓?

算吧,左邊袋個一蚊同右邊袋個一蚊係一樣架。除非,你真係唔工作,得一邊袋有錢!

不過,得把口話半退休0既大把,
真係可以楊逍、范遙又有幾人?

每當有人話財自,總有人話唔夠,出黎多多口水,其實可能佢又做唔到,講我又有咩謂?等自己好過D?

如池兄所講,成吉思汗不斷征討,先有大業。不過我話,好似宋朝咁,收埋研究下宋明理學閒適一下,人民所得滿足感又不一樣吧。

再者,多錢唔代表你要蝦人,做個大唐盛世也不錯。

大話怕計數,如果我付出HKD470萬(只是借來吧,收租仔最鐘意叫呢D做零成本),每月生出現金流已經夠租樓有突好多,粗略計下YTM至少5%,交租後仲有錢剩。

喇,你話幫人供樓,調番轉諗,出600萬FULL PAY 自住也非不可,仲好鬼低息。首先,你要夠流動資產去借。不過未計差及管而已。

咁。。。其實我呢個CASE,真係可以坐定定睇時間食糊喎。

等唔砌,咪又做多幾年,個現金成份再大D,到時選擇又更多了。


中秋去左屋苑個草地玩,另追月日又去冒險樂園放電!

早兩日經過書局打書釘,見到財叔本財自書,要計,我足足可以早佢十年財自,而且唔係靠物業

我反而最想知係,佢當年讀得書0既同學,現在是否在乞食或在捱騾仔,還是成就已經遠超一般人。(當年讀得書,起步快,不論錢同名利也不難到手)

可惜,卻令一眾年青讀者,
以為讀書或許無用,
以為財商現金流才是皇道,豈不可悲?

我明白,從佢本書裏,看到一絲絲被人睇唔起想出一口氣0既感覺,就正如80後求死隊長一樣,嬴左就想牙斬斬。

其實,有D人跑得更快(同年齡之輩比較)你尾燈都未追到。。。

有機會再講下最小弟現在的投資組合。

強烈請求~~~
SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

50 則留言:

  1. 70兄真係够勇,預祝你成功!

    我也不太明,為何手持N個物業的投資者,咁想出書赚取别人認同,難道這真是香港人的核心價值?

    回覆刪除
    回覆
    1. 真為一路以來,負過資產,比人笑過。

      而家威威要人認同。

      尤其六十七十後都係以為只懂守規舉就可成功的一代,結果比人陰左一野。

      只能臨老威威。

      刪除
    2. 余秋雨講o既:讀書人辛苦大半世,有文化但冇錢,依然生活得自在;生意人辛苦大半世,有錢但冇文化,就會屎忽痕,點都要出本書扮下有文化。

      刪除
    3. 係.
      不過出書又差左少少.

      係都好似D 真有錢人咁, 買番個榮譽博士, 唔得? 係D 學校設施冠下名啦~~~

      刪除
  2. 其實財叔算唔算吸血收租仔呢?

    回覆刪除
    回覆
    1. 算。
      不過佢個代有呢d 成績好正常,又不用打鑼打鼓。

      刪除
  3. 未睇過財叔本書, 不能評論呢. 不過70後兄講得岩, 現在50-65歲既人讀到書既, 成就差極有限, 由80後起, 時代不同, 就難好多了.

    回覆刪除
    回覆
    1. 盲點在於以為讀唔成書,成功。
      其實完全on99 無視左讀書個班有錢有財又有知識,跑贏幾條街。

      刪除
  4. 出版社專找人出書講買股買樓在長投資,背後不知是否有金主控制人們思想。

    回覆刪除
    回覆
    1. 我估純粹有市場咋卦。
      如果真係咁,收租仔就比人利用左了。

      刪除
  5. 買樓收租要顧好多問題, 按股買債 就 煩少好多野,利息又低d 。 但當然要像七十後兄有足夠現金去cover。

    回覆刪除
    回覆
    1. 小弟覺得,從來不是操作問題,亦不是風險問題,是道義道德問題。

      刪除
  6. //3。做(2)的COVERED CALL(當佢係GLDI做,原來好難攪。。。)

    咁係咪抵俾發行商賺?哈哈

    //當年讀得書,起步快,不論錢同名利也不難到手

    唔好講佢咁既年紀,我細佢起碼廿年,身邊同期朋友工作了十年左右,差距都可以好大,同埋個距離肯定會愈來愈大

    回覆刪除
    回覆
    1. 咁一定自己做好d,只係操作上多左。
      若怕煩,倒不如直接買金不做期權。

      另,此乃人工複利效應,其實到咁上下年紀,人大左會開始儲蓄。
      到無乜讀書既老野自己見到儲錢成果,卻睇唔到同輩可能一早儲完儲好左,而只睇到後生一輩月光族。

      其實佢地後生果陣,一樣儲唔到錢,因為學歷低人工低

      要比就同同輩比。

      刪除
    2. 我都打算買少少實金

      真正好有錢個班都傾向低調啦

      刪除
    3. 實金也好,不過我懶得去開保險箱。

      有錢個班,又無私會寫BLOG,有冇可能?

      要高調,買個東華總理番黎,同陳華鑫唱歌啦~!
      同LISA姐?想軀風咩!

      刪除
    4. 本地龍頭行啲保險箱好似好搶手!

      刪除
    5. 是好搶手,好彩我有一個,家人共用但我從未入過去睇。

      刪除
  7. 嗯..諗起有個一心搵錢畢業後入咗BIG FOUR做既朋友, 已經比佢拋離咗唔少了 (money-wise)

    回覆刪除
    回覆
    1. 學歷相同,佢走線揀左條正路。

      應思考一下現在的出路是否正確,還是有夢想去追尋?

      小弟當年中同有人入左big four,money-wise 我估我都跑贏。佢仲要係單身中女,幸福度斷估只能阿Q精神。

      刪除
    2. 無錯,佢好清楚自己想要D咩,揀啱咗。相反,自己當年選科都係亂咁嚟。有時都會羨慕佢比自己風光,不過要我跟佢條路行應該頂唔順,可能仲衰過而家。

      刪除
    3. 都係架. 如果要自己受苦才換到錢, 倒不如搵個鐘意0既人幸福生活.

      錢其實無乜用, 鬥來也沒意思.

      (但我好ENJOY 比人話我"車,佢有錢好叻咩", D 葡萄可以多到用黎釀酒!)

      刪除
  8. Blog主會搵有d溢價定discount既債去買?

    回覆刪除
    回覆
    1. 最好係at par.
      否則就預期ytm 內,95-110果d.

      刪除
    2. 95-110都幾闊,差少少已是勝負關鍵

      刪除
    3. 感謝回覆
      我係ix 新手
      見到麥記有發債4.75厘
      諗住用槓桿加大少少回報
      你覺得化唔化升
      息率唔算高 套息效果唔明顯
      但勝在公司現金流強,美股黎講算高息股
      應該係穩陣之選,唔知blog主有咩意見

      刪除
    4. 第一,風險自負。
      第二,佢發4.75厘,但YTM未必係。佢應該唔係AT PAR。
      第三,除左一隻2017到期,其他個D都成二十年到期0既永續債。
      第四,你借幾多又影響息率。
      有冇著數自己諗下吧。

      刪除
    5. 感謝回覆,希望可以向你多多學習

      刪除
  9. 出書搵食姐!市場上面出書搵食者有:開財自班/價投班/期指班/期權班[XX大師/X SIR/XX教室。。。]、賣日本樓/XX樓[XX地產關連人仕/去買XX樓。。。]、做顧問/收顧問費[森/X叔/X人。。。]、扮(期權/VIX/股)專家入基金/buy-side 搵兩餐[XXXX/。。。]、教人寫PROGRAM 做BB 級程式買賣[麥xx]、仲越玩越偏門,今日經過書局見到有人出書講alternative investment 添,作者努力開發藍海市場,反而令我有點專敬佢!(所以唔開佢名 XD)

    回覆刪除
    回覆
    1. 哈哈, 藍海市場? 比左介紹費先!

      其實, 我只會打書釘, 因為D 書可以好快睇完. 同埋, 睇完好似無睇....

      真令狐沖劍法.

      刪除
    2. 呢D 無養份的書真係睇一本都多,時光寶貴。
      另,70 兄連NE 債都買都幾重口味!呢個行業小心D 好,未來兩年唔係咁易頂。

      刪除
    3. 其實我睇YTM 同評級架咋,無理會佢咩行業。應該是鑽油吧!?

      刪除
    4. http://stockcharts.com/h-sc/ui?s=NE
      明明油價見左底,但呢隻仲跌緊。不過你買短直債兩年幾好快過,出事機會不大。

      刪除
    5. 係喎,小弟受教了。
      不過,佢破產都係無息派,賣Q哂D野,總回番本金比我0既。
      畢竟佢D機器都值錢。

      刪除
    6. [麥XX]抄FB Y兄啲文...
      BTW 出書其實成本其實唔高,財經書喺香港唔愁唔發市,嗰少少錢當宣傳費分分鐘仲平過宣傳易!

      刪除
  10. 睇你寫BLOG行文,真係賞心閱目,下下鬼咁到肉。
    Anyway,善意一提,70後越漸富有,少點無謂的樹敵,有益無害:)

     

    回覆刪除
    回覆
    1. R兄提點不止一次, 當然有放在心裏. 或許有一天能會一會R 大哥.

      但小弟鐘意乜都講, 樹敵與否, 我又唔當佢係敵, 佢地要諗埋一邊真係無計.

      BLOG 中世界, 我只追求多人睇, 並非為什麼.

      要寫文抒情, 大可開過個新ACCOUNT, 哈哈哈~

      刪除
  11. 請教一下70後兄,撇除你對「收租仔」道德上問題,樓價回落後,買樓收租算唔算一個合理嘅投資選擇?看過你之前嘅文章,你同女主人都可能會襯樓價下跌先會入市,想請教你如何評定樓價合理值?

    回覆刪除
    回覆
    1. 何為合理?如果要煩去打理,我就唔會做了。
      我估我都係只會買一層自住而已,一係佢跌,佢唔跌我就谷大現金比重慢慢複利,最後(好快)就變左FULL PAY。

      刪除
    2. 謝回覆,小分不才,曾經相信過低息環境用樓生樓嘅概念可以財自,經常分唔清咩係真咩係假(有時講得大大地無經驗嘅人真係會信),我去過一次十年賺x億入教堂,真係似層層咁,唯一係覺得貴得交關嘅入會費先令我卻步。
      另外想問問之前你曾經有一文提過你係睇另一位師兄嘅blog學借錢(文中有連結),但佢啲blog已經被delete晒,請問有呢方面嘅經驗分享嗎?

      刪除
    3. 如樓價繼續升,不停一開二,的確可以財自。
      等同股票係咁升加大孖展比率一樣。
      果d 投資樓加按course 應該主辨者就可以財自law...
      果個blog 主叫鄧小閑,可以google 一下其他人backup. 都係用股息還孖展的技巧。

      刪除
    4. 其實match到個cash flow就得。

      刪除
  12. 寫得真係好抵死。希望之後再多啲狂抽水之作

    回覆刪除
    回覆
    1. 謝謝支持。
      其實本文沒有抽任何一人水,只係唔知點解好多人對號入座。

      純粹覺得租客代供一詞有點on9而已。

      刪除
  13. 其實樓來來去去都係加按,一開二,二開四,講到懶有技巧咁其實只要食到個浪就乜都得,食唔正就唯有自求多福。

    回覆刪除
    回覆
    1. 是的。
      其實股都一樣,不過持?持住銀行唔會call loan 迫倉之利,又睇中時下年青人追唔切首期,再加上中青大叔又信呢一套,結果挾高樓價以令後生。

      刪除
  14. 作者已經移除這則留言。

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...