小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年9月12日 星期一

經濟十年來 是越來越差?

男主人開始有儲文習慣,不過係儲標題,適當時打番內文便可以PUBLISH。

以免有時諗起又唔記左想打乜。今晚二人世界食飯個陣,問女主人開咩TOPIC好,佢揀左FREELANCE師妹,不過,我又唔想講女仔(講得太多了吧),即係問完佢又唔接受意見。

又有時,我唔知果個星期砌邊隻高達好,叫女主人同我揀一隻。其實都係BB戰士,但每隻難度不一,有時佢揀個D我覺得未夠能力砌,又唔理佢意見

其實,當時我心裏已有個大概想砌乜,不過又順手問下睇下中唔中0者。

其實我有既定答案及立場
所以口不對心在所難免

AMX011,ZAKU III CUSTOM
六七年前買入砌埋,搬過屋又放埋一邊
將佢重噴金屬色,其他乜都無攪。

今日同女主人講開(其實成日都講),經濟真係唔好咩?

2006至2016,每年電視訪問街上路人,過時過節又好,平時對政府意見又好。被訪問者都係講"經濟唔好"!真係十幾年不變。

其實,經濟真係唔好?

2006年,我應該全力初同拍檔一齊撈,一開始得三皮野左右。
2009年,女主人創業,營業額頭兩三個月先得個十萬(不是純利,佢條數好難計),我都係五至七萬左右
2011年,我拆伙,首月已過十萬,估計當年女主人每月都三四十萬營業額。
2016年,呢一刻我接近廿二萬,女主人今個月淡月都有三四十萬。

真係有差左?先唔理女主人已經第二次細鋪搬大鋪,個SCALE大左自己生意多左D,我呢邊簡直係從未差過。

或許同炒旦技術及商譽有關,但係都無理由直線上升吧。而我仲要三四年無加過價,大幅落後於通漲。。。(其實我懶,唔想加。)

咁個班話經濟唔好0既人,係咪真係咁諗?

講明先,我唔係用自己收入去計別人,不過我兩公婆生意都係普通大路東西,無錢自然會慳唔黎買。如果經濟唔好,我兩公婆都只能拍烏蠅!

出街食飯一樣有同樣現像,出名少少0既都要等位,話唔埋係同你講今晚FULL左,又或者兩個人唔招待,位都唔比你輪。

以前,我記得又一城間LITTLE ITALY係唔駛等位直入0既。。。

FB更加見到唔少朋友狂去旅行,富貴地生仔。。。

咁,究竟我加埋我身邊朋友,同電視入面個D人,係咪係兩個平行時空生活緊,而大家又互不接觸呢?

定係,個社會M形得咁緊要?(咪住,我都只係窮人中比較好少少個班,講讀書識字可能會階級好少少)

定係扮窮,扮經濟唔好,想LUR地搵錢?叫政府幫多D中產舒困?

我估,無非以下原因

1。人講你又講,當係開場白,咁我都無咩好反駁
2。扮豬食老虎,好似小學雞學霸考完試話唔識又話無溫書,但點知考出來好X高分
3。人心不足,自己好左,見到人地更好,但係又做唔到,咪覺得時不與佢,經濟差左!
4。我都唔排除,真係經濟好X差,世界末日到了麼,大家賣哂D身家出黎食餐勁0既。

其實佢地有既定答案及立場
所以口不對心在所難免

財演叫你買咩貨,基金經理叫你分散投資,收租仔叫你借盡一開二,全都有立場。

叫你買金可能好D,都係多個人加入,小量買入分散投資也好。

最後講句,如果香港經濟呢十年算差,咁日本個D叫咩???


估唔到淘寶番黎個支藍牙K歌無線咪(K068),最後係比個仔用黎唱兒歌!
其餘成員對支咪不大大興趣!
好唔好玩?其實只係一支喇叭,不過音質叫做好少少。



再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE


57 則留言:

  1. 後生仔豪駛豪食個班,我覺得佢哋有d係覺得反正買唔起樓,錢儲極都追唔上樓價,索性今朝有酒今朝醉...然後最後等接收阿爸阿媽淨落既資產,而家廿幾歲個批好多都係獨仔或獨女。

    回覆刪除
    回覆
    1. 認同。但其他年齡層都同時存在。

      我估經濟可能會變差,但因為現在太好,差都唔會變番97/03咁樣。

      刪除
    2. 其他年齡層係可能有樓係手,即使無加按無打算賣樓,賬面上身家呢幾年係多左好多,感覺良好,所以用錢用得好豪。

      刪除
    3. XX所見略同!
      賬面富貴。
      好彩有呢D假象,唔係生意就難做了。

      刪除
    4. 哈哈70兄和女主人是真正的NAV富貴,不只帳面咁簡單~

      即使經濟衰退,有足够的capital reserves,便可心安理得和趁低撈貨了。

      刪除
    5. xx是指爸爸嗎?哈哈哈,還是真IT人和貌似IT人?

      點解我無呢種賬面富貴的感覺?

      我只係慶幸早幾年好彩買落樓,而家住屋成本比較低,其他無咩分別。

      刪除
    6. Cherry 是的。
      只要賤物鬥窮人,大家一齊縮就無乜事。
      否則?要拋番個身出黎由低做起,又無乜大不了。

      刪除
    7. Mike,爸爸也可,英雄也可,it 人(我扮)也可。
      你可能無加按,無紙上富貴。
      早幾年買,大把buffer啦。

      刪除
  2. 其中一個原因係消費觀念唔同左, 前一兩代係真係捱出黎, 唔捨得洗錢. 現在呢代唔同, 講求自我感覺良好, 享受, 和玩樂 (個人而言, 享樂人生其實沒有錯, 死慳死抵一開二真係咁happy咩?) 所以消費行業未必大受影響

    回覆刪除
    回覆
    1. 好似大陸咁, 新一代大部分都係月光族. 香港可能近二十年平均人工輸晒比通脹, 但d人識得花費左, 所以儲錢少左, 同時間對某一些消費行業影響可能不大. (個人估計而已)

      刪除
    2. 總有人無放棄,死儲爛儲0既。
      經濟唔好的話,單靠呢一個年齡層應該飲食業死左了。(最新2016立會投票年齡分佈,後生仔唔多)
      連勁歌金曲都係唱舊歌了。
      BTW,我都唔讚成苦行憎!~~好慘。。。

      刪除
  3. //佢揀左FREELANCE師妹
    我都鍾意睇呢個。哈哈。

    回覆刪除
    回覆
    1. 哈哈,師妹唔靚,只係師妹。
      女主人話,三十幾歲女人重可以不停有人追,好難得。

      刪除
    2. 我知道大家想睇,所以先選呢個

      刪除
    3. 唔靚,但斯文樣同埋瘦底,加埋佢個freelance 職業,可能厄到男仔去追既。

      刪除
    4. 好多網絡女神都係老千

      刪除
  4. 七十兄試多幾次問完又ignore女主人既意見,小心佢唔再答你

    回覆刪除
    回覆
    1. 哈哈,佢EQ好高,我成日都問完佢砌邊盒高達好,之後諸多理由,叫佢再揀過。
      輸打嬴要~~~

      刪除
    2. 下次你俾暗示,例如一邊問一邊指住其中一盒,大家滿足感都大d

      刪除
    3. 哈哈,你eq 都好高。
      我最後都一意孤行,同埋唔到出門口都未決定到砌邊隻。
      鐘意個d 怕砌衰,唔鐘意個d 怕side 自己時間。

      刪除
    4. 我都係有主見咁問LOL

      刪除
    5. 哈哈。
      就好似d女人問你邊件衫好睇d,其實問黎無謂,心中早有預定答案。

      刪除
    6. 下次決定合埋眼點指兵兵就算

      刪除
    7. 係喎,你提左我。。。
      下次你問我,我點指兵兵。

      刪除
    8. Ha. 我老婆都係咁。問問下都冇問啦。女人係咁。
      Ironman

      刪除
    9. 哈哈,唔問老公老婆,可以問邊個?

      刪除
  5. 工作太忙的話就真係無咩記性去寫文,開始感到自己老了,哈哈:D

    回覆刪除
    回覆
    1. 你係唔記得寫,我係想寫個陣唔記得本來想寫乜。
      哈哈。

      刪除
  6. 其實都有疑惑,今年好多公司話業績差左好多,但出街貴的食店也大排長龍,是否只是公司搵少左錢但未向員工開刀?

    回覆刪除
    回覆
    1. Bingo.
      既然員工都話經濟唔好,老細順水推舟,經濟唔好加少d 人工,共渡時艱。。。
      真係人人講大話。

      刪除
    2. 其實係咪驚經濟好,政府有理由加稅減福利?
      貴野多人buy,可能消費既要求高左,一係唔洗一係要好,
      同有啲人覺得老左無錢咪食呀公,新移民攞得我亦攞得。
      上一代成日都掛住最尾果幾年。

      刪除
    3. 應該係而家福利太多, 幾乎有加無減...
      你都0岩, 消費0既要求高左, 買唔起, 就自然覺得時不與我, 經濟唔好了.

      刪除
  7. 經濟差只是口頭禪, 亦是媒體吹出黎的.
    他們對比的是, 股市32,000 的時候,
    即是瘋牛時代,
    經濟有上有落, 波動時,
    心理上的作用, 只看見財演老吹,
    新聞不斷吹噓 經濟下滑...
    羊群便出來了...呵呵

    回覆刪除
    回覆
    1. 是的。我都想升番上狂牛時代,咁便可全身而退了。
      成日話經濟下滑,其實無下滑過。
      只係人工加得無隔離果個咁多,又追唔上樓價,佢地自己自信心低落者。

      刪除
  8. 尋日去屋村酒樓食飯都FULL都七彩...無BOOK位比人趕走咗...

    回覆刪除
    回覆
    1. 呢期中秋,間間酒樓都full 架。
      過左中秋,我同女主人最愛去食特價龍蝦伊面。。。

      刪除
  9. 等我都淘支藍牙K歌無線咪先~~~

    回覆刪除
    回覆
    1. 其實佢只係一個音質好d 既大聲公。。。
      你會錄歌就有用既。

      刪除
  10. 我自己就有吾同睇法
    尼一年中小企生意真係差左,見到營業額真係10-30%下跌。
    今年中秋,果藍同月餅券都少左,而且遲左到,感覺老闆真係賺少左。
    港資老牌老闆就係咁賣樓,後生個批就買樓,而阿叉個批又好有錢,貴一貴都買。
    在街睇過衣服既定價比上年係低左,折扣又大左,都令我有一種風雨來前的感覺。

    回覆刪除
    回覆
    1. 係。女主人買衫已轉戰香港,不再靠淘寶。
      真心平左好多。
      不過,跌三五成,都係去番2012,2009 呢d 位,跟本不算得上經濟係差。
      只係現在經濟非常好而已。
      有錢阿叉一個都唔識,謝謝資訊,已前來買野都一向好豪。

      刪除
    2. 阿叉多數都係做珠寶
      咁你咁講又啱既,如果去番2012年同09水平

      刪除
    3. 升左咁多, 跌番少少好正常丫.
      就好似股票咁, 跌少少, 唔會話係股災.

      刪除
  11. 我覺得經濟差出現在基層市民月入一萬至萬五、交了租而所剩無幾、而且非常多

    回覆刪除
    回覆
    1. 你都講得對,不過呢群一向生活質素唔好。
      例如2005年,月入八千,交劏房租都要二千。
      反而有公屋的,無加租但人工有加,經濟情況絕對好左,但口裏又話差左,只因無私樓。。。

      刪除
  12. 70兄,支K歌無線咪(K068),係邊間淘寶商店買?可唔可以share 條link? 感謝!

    回覆刪除
    回覆
    1. #淘口令#长按复制这条信息,打开手机淘宝即可看到【途讯 K068手机K歌宝 掌上KTV 唱吧麦克风蓝牙无线话主播神器】http://b.mashort.cn/h.05ziab?sm=aa595c

      刪除
  13. 但自從領匯入村、所有東西都貴了、可能70兄未試過低收入、低收人的工,加人工的%,可以3%以下、經濟差、老闆減人工5%以上.

    回覆刪除
    回覆
    1. 你講得岩。
      但電視訪問個班肯定唔係呢個階層,至少唔係剩係呢一層。
      所以係低收入人士手上搶錢既收租仔 我最睇唔過眼,取之有道呀。
      另,小弟都係公屋仔,慳食儲零用買野長大。低收入梗係試過,無收入都試過,所以才知咩叫差,真係買特價面包做lunch...

      刪除
  14. 呢十年經濟越黎越差? 其實應該講呢兩年經濟無之前咁好,相對地好似差左。但無何否認,呢幾年越黎越多人都感愛唔到經濟既成果,人工就算加左,樣樣野都加得重快。

    回覆刪除
    回覆
    1. 係。
      人工加,班仆街收租仔又話要加租。
      咁租金加,生意人唔加番佢地,又點對得住列祖列宗?
      收租都要衣食行玩,都一樣比人掠。
      苦了其他無關人士。

      刪除
  15. 近年樓價升咁多,財富效應之下自然洗得豪,可憐既係啲無產打工仔,好似森而媽公司賣童裝賣左十幾年都做唔住,好快要失業!

    回覆刪除
    回覆
    1. 最慘係無產年青人,心智被不斷消磨。
      冤有頭債有主,他日x債x償,認清誰是兇手。。。

      刪除
  16. 日本都唔係你想像中咁差, 照有人排隊食飯!~
    只有香港人成日都要" 又有李嘉欣, 得個百二蚊"者

    回覆刪除
    回覆
    1. 可能啦, 但就一D都無好過吧.
      酒井都唔掂幾乎要拍AV了.

      刪除

各位每個留言,係我繼續9UP動力,必覆。

Related Posts Plugin for WordPress, Blogger...