小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年9月5日 星期一

舊拍檔教識我的二三事

你不明白我,可能我們層次不同;
更有可能,從小時候我們的資質已經大不同。


男主人2002年開始炒旦。

伸延閱讀如下

我的藍海一: 我的生意像澳牛

我深信的人生遊戲


頭一年是打工,只能算只一位雜卒,師承牛津大學碩士畢業中年男

之後離開左,去左讀書,同時同個拍檔去左一齊炒旦。

佢提供場地,我游說佢走去做藍海式炒旦(特別市場炒旦,客源不同)。

話說我拍檔其實2002年已經相識,如果以炒蛋形容我既工作,當時我哋都係一個外賣仔!(時間重疊左?因為正職炒旦,PART TIME外賣)

有邊個人年青時沒有捱過?當時乜都唔識,又無目標,反正無野好輸,就乜野相似工作都去做下。

當時我拍檔剛剛2002年俾人栽員,之前喺明報做編輯

2003年嗰陣,有日佢打比我,佢開咗個辦公室。諗住學人炒蛋,用黎補貼租金。(即係話,佢最初都只係打算用炒旦黎濕下腳,無諗過會搵到咁多錢)

好多人好想知我做乜,
其實講出黎真係得啖笑。
(同樣地,呢D得啖笑又搵到錢,不過唔係人人得咁解0者)

開頭我拍檔佢自己又唔識炒,本業又唔生性。結果日日蝕租!呢樣,應該係大部份人初創業0既死穴,走不出棄不掉!

個陣佢搵我哋外賣仔"合作",成班外賣仔,冇一個理佢!當然啦!D人都覺得炒蛋冇前途又無保証有錢搵,得我一個睬佢!如果講炒蛋經驗我絕對多過佢!咁最後當然可以力挽狂瀾造得唔錯啦~

講炒蛋我應該教咗同幫咗去唔少,
但係如果講做人或者人生經歷佢應該比較多,
佢大我十一年。

BB LEGEND NO393 FULL ARMOR GUNDAM
其實係裝備左三神器0既KNIGHT GUNDAM
好辛苦咁用膠紙分色,再金屬色噴涂,再加手油。

以下簡單講下佢嘅性格

<一> 小男人半生
點解小男人?因為佢一向做明報小編輯人工低,佢老婆叫做係公務員,應該都高級嘅社工!

聽聞佢老婆係潮州人,結果睇錢睇得重除咗睇錢睇得重又鍾意自己話事。喺屋企鬧仔女逼佢哋讀書,我相信我拍檔啲小男人又唔敢出聲,佢D性格應該係咁樣做成的!

<二> 妒人富貴
正因為佢比較小男人,而佢嘅財富度積聚得比較遲!成三十幾歲人先你搵到錢,結果當佢見到佢自己樹仁書院(都仲未係大學)嘅後輩上左位,就心懷不忿,好似人哋 呃咗佢錢咁樣 。

同樣地,女主人當年攪生意,佢都唔抵得,成日暗窒我放棄炒旦幫老婆,其實我同女主人生意係互不干預的。

<三> 一朝得志
最後雖然我脾氣暴躁,但都唔會喺生意度玩嘢!佢賺到少少錢就一朝得志,得罪客人不特止,仲俾客人玩返轉頭!(好彩果陣我已自立門戶,否好無辜!)

<四> 貪得無厭
其實唔止我老婆,我以前啲女朋友都講過!其實自己開一檔炒蛋搵嘅錢更多!唔使分番份畀佢!

其實分俾佢個份,都已經可以夠交租有突,當然係佢嘅角度覺得我走唔甩要用錢去交租比佢。其實我只係因為想避免孤獨地炒蛋,同埋有時可以放下長假又唔使我蝕租。結果我都留喺佢度直到2011年我終於離開咗佢~~

最後,佢開我每月17000,我比左兩個月就走左。之後見佢想分租比人。。。一路叫價由九千去到三千,講真,邊有人會理佢?真係比到幾千蚊,不如慳慳地租個細鋪仔啦。

呢口價17000,到今時今日都仲貴過我0既鋪租!(低成本創業。。。)

再講多一次,論炒蛋佢有排都未係我嗰皮
論技術同論經驗我都俾佢多
不過呢,講人生經歷,佢比我多。
無論佢成功定失敗
都仲係有好多野可以學習!

如果講佢上半生,佢做人都算ok,只係下半生突然搵到錢,因財失義,見利思遷。

當年佢嘅炒蛋只係一片紅海,係我教佢走入呢個藍海市場。

藍銀色甲,係銀色加透明藍同小量透明綠
出黎效果比我想像中好!

咁佢既前半生又有啲乜嘢值得參考?

搵老婆一定搵個後生過自己幾年嘅

因為如果搵同年齡嘅女人做老婆,當你三十幾四十幾歲個陣,因為男人老得慢而女人老得快。(女主人咁童顏就例外)影相拍埋一齊好似姐弟戀,到最後個男人可能就會嫌棄佢老婆已離婚!而我拍檔就係咁個樣生咗三個小朋友最後都要離婚!社工自己都要離婚,自身難保,係咪好正呢?

女主人細我六年,所以呢,如果呢個BLOG由佢寫,"一位八十後女人仔,創業兩年已儲百萬",是否來得更震撼??(其實我差幾個月都係八十後了。) 

開舖裝修慳得就慳

我舊拍擋每次搬舖都花十幾二十幾萬去裝修!所以回本速度極慢,而當時佢都只係搵三五七萬一個月。咁你話幾時先回到本呢?呢樣都係佢同我決裂嘅原因,因為我比佢0既錢都只係夠交租,唔夠佢去計裝修條數!

男主人2011年正式獨立運作,成本約十萬,一個月回本。。。當然,我呢D CASE梗係本身有客底先做到。 

我要去報稅

當然佢冇咁好死會幫我報!只係如果佢將我條數計埋入佢公司嗰度,佢要交多D稅。結果我就自己計自己報。

我相信好多炒蛋行業行家都未必會報稅(因為收入唔多?)

當然而家梗係持之以恆行上地有去 報稅啦,搵人做稅務計劃咪輕鬆好多

提下各位,毛利有二百萬以上係唔可以網上報,倒不如比人幫手攪。 

千祈唔好同初戀拍拖至結婚

我拍擋就係未玩夠!或者咁講,佢未知自己鐘意D乜咪盲中中去左結婚。

結果人到中年,離左婚,好有可能係為左有得去玩。

玩妹妹仔都仲OK,佢走去識大陸女(唔靚),或者新移民女。而家係點?我唔知了。。。

如果有時光機,可能佢再溝多幾條女先揀定結婚可能仲好。

唔好嘗試去出名

正所謂人怕出名豬怕肥,當佢生意好果陣,成日想去包裝宣傳。其實個市場好細,唔駛出位都可以好好搵。始終,你唔知係暗角0既人會對你做D乜,工作上保持低調係好事。(其他地方HIGH PROFILE我又覺得好玩,但係工作就真係悶聲發財算了)

呀。。。我拍檔都一把年紀,我有時唔明佢做乜要咁高姿態

搵男人,搵個一開始就搵到錢0既

呢個唔係現實主義。我想講,如果係好似我呢D白手興家,係初段收入已算唔錯0既人,唔會因為中年突然暴發,繼而性情大變再拋棄糟糠!

正因為由經濟唔好個陣我收入已比同年朋友高(小弟公屋仔,無乜人有超厚家底),我更加明白錢唔係咩一回事。道理同讀書一樣,讀完大學,或者碩士,都唔係咩一回事。係咪?

拿,我話唔係咩一回事,因為我擁有,並唔係果D無學歷80後求死個種笑人讀書無用。

讀書當然有用,不過此劍在手,其實又無咩大不了,因為大把人有。

同時一千萬流動資產,都係大把人有(唔係講果D減完樓按無乜錢剩個D呀),其實都無乜大不了。

又再同時,有個四正老婆,老豆老母又無投訴,又唔係咩大不了。

再又再同時,小朋友樣子端好,其實亦無乜大不了。

不過,當同時四劍在手,幸福感便滿溢。

我唔係想串阿求死收租仔(其實佢係咪麥當勞經理?),我只係覺得,如果我拍檔有時光機從他年青時再來過,娶過一個喜歡的人,讀好D書,可能今日條路唔會走成咁。。。

前輩(老屎忽)走過的路,絕對有參考價值。

睇人仆街唔會開心,只會提自己唔好仆!

特別鳴謝唐勤兄(定係唐勤弟?)比面在BLOG中提到我。

最初寫此BLOG原因,都只係想講下,趁年青試下追夢亦無妨,何必要走別人訂下的路呢?當初別人用奇怪眼光看你,因為你好古怪;時日過去後,困在籠牢的他,卻想爭脫,反抗,走一條不同的路。

當初的怪人,回頭一看,人生不追夢不嘗試冒險,他們才是怪。

兩隻騎士好達,好正!
第三隻又放埋一邊遲D先做啦~

另,九月預計毛利約22萬!竟然比上年多。

即使股票唔升,我都可以係時限內財自。

"車,有錢,好巴閉咩?"

係,真係唔係咩一回事,只係人生在世,閒時定D目標比自己,生活才有趣味。

你不明白我,可能我們層次不同,
更有可能,從小時候我們的資質已經不同。

再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

50 則留言:

  1. 其實係咪代表要搵返啲同呢嘅朋友相處至長久?(記得R兄有咁提及過),呢幾年嘅際遇都感受到。

    回覆刪除
    回覆
    1. 我通常來者不拒。
      不過首先佢地唔怕我d 怪脾氣先。
      如level 差得遠,有共同話題就得。例如模型友唔睇身家,我技術低level.

      刪除
  2. //又再同時,有個四正老婆
    好眼訓,驟眼一睇以為同時有四個正老婆,即刻醒一醒。:)

    回覆刪除
    回覆
    1. 嘩。。。中東國家才可。
      池兄,每當睡眠不足,可幻想有四個老婆,有提振作用。

      刪除
    2. 哈哈,池兄一日瞓幾多個鐘?

      刪除
    3. 池兄會否要番shift? 同埋我估睇緊投票結果呢。

      刪除
    4. 哈哈。唔駛返shift。一日瞓七八個鐘。

      刪除
  3. //只係人生在世,閒時定D目標比自己,生活才有趣味。

    唔係嘅話,成世人流流長,日日機械式生活真唔知點過......

    回覆刪除
    回覆
    1. 對,人生如遊戲。
      有成就可解鎖,有boss 可打,有副技能練,可夠好玩。

      刪除
  4. “睇人仆街唔會開心,只會提自己唔好仆!”
    看人仆街其實很開心啊,只要是趴在我面前XDD因為在不遠的將來一定會有一波湧泉相報~~
    四個正老婆-w-分身有術??!

    回覆刪除
    回覆
    1. 你又不要咁衰,睇下係不幸定報應啦。
      收租仔仆街很肯定好睇加開心。

      刪除
    2. 不幸与报应也是很好啊,如果在其危急关头救了他,如果不论普世价值观的话,声誉和物质回报也很不错嘛XDD
      恐怕收租仔这个市场是必要的邪恶啦,没有收租仔,那不就会成了年轻人要住半世父母家才能上楼嘛O(∩_∩)O

      刪除
    3. 呵呵小弟也是太年轻啦(18岁)可能因为未被试过被反咬一口吧xdd

      刪除
  5. 每個人身上 都有值得學習的地方,優點就學,缺點就警惕自己唔好跟佢做。

    回覆刪除
    回覆
    1. 對呀,成功好難學足。
      但失敗就通常個幾種。

      刪除
  6. 性格决定命運,70兄的舊拍檔之所以失敗,並非不無原因呢~

    哈哈4個正老婆...轉少少字做"4個正情人",可能更爽=P

    回覆刪除
    回覆
    1. 如未結婚,情人爽d。
      無錯,天生既性格決定命運,有左錢無左幸福家庭。。。

      刪除
  7. 自己質地差想識個叻朋友指點下自己都有困難。

    回覆刪除
    回覆
    1. 咁又唔好咁妄自菲薄。
      總有d 你平時睇佢膠膠地,實際好叻既朋友。

      刪除
    2. 物以類聚,人以##。不過做朋友係講緣分

      刪除
    3. 係,相識係講緣份既。
      不過如背景價值觀相信,變成朋友機會較高。

      刪除
  8. 真人真事傳記,支持支持

    回覆刪除
  9. 唔知舊拍當知唔知有呢個blog,睇到肯定激死佢。

    回覆刪除
    回覆
    1. 我估又未到激死。
      雙方互相有恩亦有怨。
      就當是生命中過客吧。
      若非當年佢個大陸新移民女人多事幹,我呢舊肥肉唔會走,對我來說,走左搵多左錢又自主度高左law

      刪除
  10. 睇70後兄的炒蛋輪真係好正,尤其是「四劍」論同埋千祈唔好同初戀拍拖至結婚,哈哈。Anyway,唐某年紀比70後兄小一點點,剛好80後頭,算是老弟了。

    回覆刪除
    回覆
    1. 哈哈,blog 界中我算半個老餅。
      不過又唔係老好多。
      其實人生感滿足,再數多幾劍出來也可。
      我不用哂名牌哂生活品味去踩扁d 嘍囉,這些劍同時擁有,就應該唔係人人做到。
      例如,老婆樣貌,尋覓之間,勇氣運氣要兼備。

      刪除
    2. 未到60都未算老餅吧,70後兄40歲未到,依然是年青一族吧,哈哈。

      刪除
  11. 以前暴風時期見你淨係講期權, 宜家變成70S, 開始了解多左你生活態度。你地兩夫妻確實係做到活出自己色彩... 聽落肯定係老土, 但現實世界中, 絕大部分人都做唔到!最起碼一樣野, 就係好多人到死個日都唔知, 原來自己做左一世羊生羊太仲以為自己識做人, 個腦入面全部係死規條, 做野要政治正確, 講野唔好得罪人, 冇獨立思考, 人人炒樓所以有樓就係成就...ON9...計下數先講啦。 去到尾, 其實個D只係算係活死人!

    回覆刪除
    回覆
    1. Leo 兄見笑了。
      以前跟風暴一樣方法玩期權,後尾資產多左,唔敢玩。
      亦唔明點解風兄仲繼續玩,注碼大易損手。。。
      網絡這個cutting edge 幫左我唔少。
      現在做些回饋而已。

      刪除
    2. 我個friend都係幾年前好積極玩權收息, 見佢去旅行密度就估到佢好唔好賺... 近兩年已經冇咁積極參與喇!

      話時話, web確實係一個學野好媒介, 正面好、反面好, 細心D分析, 總會有多少得着.

      刪除
    3. 哈,可能工作搵多左呢。
      經濟呢幾年好得不得了。
      不過網自學真係好方便。

      刪除
  12. 70後兄快人快語。4 剑論幾正。我本有四剑,但家父最近走了,只得三剑。
    Ironman

    回覆刪除
    回覆
    1. Ironman 兄你好。
      節哀,不過也有好機同教識小朋友生離死別之痛。父親有否什麼願望?可作為你的人生遊戲成就呢。

      快人快語,相反會被說成口沒遮欄呢。

      刪除
    2. 一時感觸,諗及亡父。不好意思。
      Ironman

      刪除
  13. 多謝70兄呢d真人真事分享,提醒下自己人生真係唔係只得一條路

    回覆刪除
    回覆
    1. 謝謝mike 兄支持
      其實身邊唔少呢d 人可以講,有正面有負面的。
      其中一位真係聽完創業,近排遇番佢,十分開心。

      刪除
    2. 學止凡兄咁講,生命影響生命。七十後兄幫到人,功德無量!

      刪除
    3. 嘩,讀者就未必幫到。
      上面講係我親身識既朋友呢

      刪除
  14. 原來70後兄比我想像中年輕幾歲...

    咁同初戀結婚真係唔make sense, 冇多d不同經驗, 老左, 對出邊既女人定力應該差d. 小弟估下者.

    回覆刪除
    回覆
    1. 你估得我太老吧。
      因多數七十後都四字頭,好多人以為係94,95年畢業個班。
      我成2001 先大學畢業。。。
      對呀,我拍檔就係咁。

      刪除
  15. 人生在世, 都離不開此四劍,
    妻財子祿

    唔好同初戀拍拖至結婚,
    呢樣正, 試多0的,先知自己要乜0者。

    呵呵。。

    回覆刪除
    回覆
    1. 玩到咁上下好結,否則又會錯過另一種幸福。

      刪除
  16. 人到中年突然搵到錢,一向無咩地位無自信即刻自信心爆鵬。有錢玩女人其實唔緊要,最緊要知道係玩,無小朋友離婚真係無咩所謂,但有小朋友既時候,玩女人玩到頭家散就真係唔得啦!

    回覆刪除
  17. 哈,(4劍)好比喻。揾老婆要比自己後生呢句真,同齡男女一過40歲,女的保養唔好,真係以為母子戀呀喂。

    回覆刪除
    回覆
    1. 被誤認為母子戀就真係慘慘豬。
      所以可能好多男的都刻意唔去保養。。。

      刪除
  18. 你不明白我,可能我們層次不同,
    更有可能,從小時候我們的資質已經不同。

    呢兩句野要好似70兄咁有底子先可以講...一個字型!

    回覆刪除
    回覆
    1. 老王兄,由細到大我呢個七頭都見唔少on9仔。
      真係他人笑我太七碌,我笑佢地on 99

      刪除

各位每個留言,係我繼續9UP動力,必覆。

Related Posts Plugin for WordPress, Blogger...