2016年9月8日 星期四

Azzita 電動平衡車創業 我影響的師弟之一

本BLOG非投資BLOG,一切投資事情皆我個人行動。每人風險承受能力不同,請勿跟車太貼。
本BLOG亦非搵錢,所以有咩大茶飯唔好找我,除非資金會用作慈善用途

咁寫黎做乜?

1為紀綠自己故事,BLOGSPOT計有三四年紀錄,有時站在最終看最初非常有意思。

2希望刺激年青人創業,趁後生乜都試下,成功也好失敗也好,反正無野好輸。

3提出世代鬥爭重要性,下一代如果無辨法命中上一代要害,跟佢地走舊路,最後只會變成佢地奴才。。。(例如你傻傻收租做人BUFFER?)

今次立會選舉2016,我無得投票,不過好滿意今次結果。年青人上台,不論是否有幕後金主,至少對年青一輩,命運自決觀念是一支強心針。

只要有決心,搵出漏洞,對付前一輩0既人輕而反掌!今次係乜?網絡力量!同埋年青人個一種熱血。

(講明先,我有得投都係投建制,因佢地真係幫到我屋企老人家!)

男主人窮鬼一個,無車無樓無番狗!番工閒時坐巴士,趕時間坐的士!(唔鐘意坐地鐵)

有日,坐巴士番公司時,見到個師弟,細說大家近況!

先講講幾年前阿師弟背景:

1做紀律部隊,幾年前辭左職。
2辭職後我最UPDATE係做緊EBAY生意
3有一拍左好耐0既女朋友,係佢師妹黎(再細我一D)
4師弟細我好多,當年應22歲左右。現今28歲吧。


************

2011年1月16日YAHOO BLOG文節錄(不在BLOGSPOT)

每逄星期日, 我番完自己工作, 都會去女主人個邊"踩下線", 我唔係去幫手, 只係覺得去行下幾舒服....
過去, 都有唔少嘉賓黎探我, 講實在d, 都係d 舊朋友舊同學黎吹水懷舊一番.
今個星期日, 有兩個師弟入黎傾計.
多謝你地杯hot mocha!
私穩關係, 佢地0既事倩我唔係度講了, 我想講0既係, 呢兩個年青人都係二十二歲, 仲有大把青春.
如果佢地早一日知道呢個遊戲點玩, 或者會行少好多冤枉路.
或許佢地係想學期權, 都係個句, 教人唔係唔得, 不過到呢一刻為止, 都係教果個死果個, 有個好frd 0既同學提過我:"你亂教人, 等同殺左佢", 恍然大悟, 自此唔再教現實生活中0既人, 始終人人情況唔同, 可能別人0既資金有限, 一野死左成世都搵唔番....
投資方面, 師承三人, 分別係"買股票", "玩期權" 同埋"點借錢" (後兩者網上學習, click link 可以到佢地網誌, 前者係生活中自己朋友黎)
理財方面, 男主人並無任何啟蒙, 真真正正自己諗出黎, 早係06 年初玩股票果陣, 已經plan 定財務自由了....當年仲未識得女主人.
今日同兩個年青人傾開, 先明白點解咁多人睇完poor dad rich dad 咁大回響, 而我自己一d 都無....
女主人講:"可能佢地特登過黎, 想學番d 野或者有點得著, 你九唔搭八同人吹水, 人地會唔開心"
其實呢樣野好難做到, 一黎我怕殺左佢, 二黎無理由好似教書咁教佢, 我又唔係成功人仕.
今日我只係將我0既故事講番比佢地知, 就正如我當初係yahoo blog 搵d 三十幾至五十幾歲0既失敗blog 睇一樣. 生命無take 2, 學識人地點樣會炒車/一事無成, 先可以避免失敗.
到四五十歲人先發現, 買入優質資產產生現金流 / 借貸同負債, 係唔係已經太遲? 已經比人少左十幾廿年複利光陰....
又或者, 做多五六年野, 先發現中左三份工陷阱...到時真係欲哭無淚...
最後一句, 廿歲出頭後生仔, 無野好輸0既時候, 好應該試下唔同0既工作/生活, 等自己搵到屬於自己0既路. 當然, 本身人工好好的話, 就利用空閒時間搵d 野試下啦.

當年, 我放棄打工仔生活(其實加埋都係一年多少少), 果陣好鐘意聽呢首歌.
"逆著風 讓自己體驗每一個感覺"
註: 其實見番你地, 我好開心~~~


************
入面提到,有兩個師弟

其中一個已UNFRD左我,因為佢是黃我是藍。。。唉~

另一個(之前做紀律部隊那位),早幾日見番,原來剛剛創業!

咩來?就係電動平衡車維修同提供場地!GOOGLE可以搵到佢地。

觀塘「踩」場 電動平衡車任飆


有FB PAGE,有個五千呎場地!



八月三十一日買左個老翻LEGO,$188。
砌左好多晚,八月六日完成!
一共669塊加PC件,成品在下方!
(無砌高達,唯有父債女還!)

主攻年青人市場,開業半年,已回本。抵讚。

如果我後生少少,又或者有人陪我去,我都想去包場玩下呀

聽到呢度,我已經無咩問落去。無謂問埋D傻仔問題!

咩係傻仔問題?就係D人知道我做乜,或者女主人做乜,就會一知半解咁亂九問野,又或者一開始就問你商業機密。

呢位師弟,為理想放棄左D乜?

佢話,放棄左份人工!哈哈,我估開頭個份紀律部隊人工應該唔錯架。咁EBAY個陣應該又唔多錢(佢稱為TRADING,應唔唔係我呢D外行人諗得咁簡單0既)

另外,放棄左條女,就係今年年頭,佢太忙唔得閒理佢,同埋被埋怨,再加上覺得大家越黎越遠喎(呢個一定,由公務員穩定工作轉去搵朝唔得晚又唔知成功與否0既生意仔)

仲要,唔係一般傳統老一輩憧得0既生意模式喎!

點同父母交代~~~

不過,阿師弟現已有另一新女朋友,我睇左相,照計身材樣貌比上一個正好多!!!!

哈哈,是否損失?還是所得更多?

我亦都有點沾沾自喜,因為佢提番舊事,原來我都親身同佢講過:

既然無野好輸,做乜唔去玩一下追下夢?

題外話,呢位師弟個妹是一位靚到爆0既TVB後生新聞女主播,大家差唔多每晚都見到的。(人以群分,你見果DON99收租仔,識得D咩人?)

我都問埋,黃絲師弟做緊乜?

佢繼續係公証行做文職。估計佢進修左個學位,話佢而家打打算考消防幫辨定督察喎!嘩,成28歲仔先去做,重未知成功否。是否浪費光陰?

你估打機升LEVEL要練功咩?

呢一條路,大部份70後都適用,就係讀好書搵份好工。有份好工,就可以不抗上一輩,因為上一輩會退休,你等下就有位上。

80,90後,又有誰會中呢D陷阱?現在人人想做政府,老師,護士為熱門鐵飯碗。

好彩另主人係70後到尾好近80頭。呢招唔0岩用。

再者,我從來認為,自己的路自己走,時移世易,人地成功只能參考不能亂跟。

最後,我唔知呢個算唔算成功例子,不過,


千里之行,始於足下。

看完此文,若熱血沸騰,何不想想自己有咩夢想?你唔係仲諗住好似求死隊長咁,乜都怕死只要求生存下話?你咁憎老人政治,郤又走去跟埋老野一樣守規矩(守佢地訂下0既規舉),另一方面又讚美衝擊同掟磚0既後生仔?

講多一次,我係藍絲。只係,無論社會安定與否,我都有方法安身立命,去適應去衝破前面0既問題。做人,唔應該係咁咩?

成品比想像中靚呢!我有冇份砌?我只係負責加固同監工,悶死我!超過90%係佢砌的!


舊文相關系列


再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

26 則留言:

  1. 睇完70後兄篇野 突然好熱血 :)
    不過年紀不是很輕了...

    回覆刪除
    回覆
    1. 咁就要衡量家人支持度及風險承擔能力了。

      刪除
  2. 今屆的選舉結果我也感到有驚喜。雖然不是每位當選的年輕候任議員的政見我都百分百認同,但議會多點年輕人的聲音,的確是一件好事。

    回覆刪除
    回覆
    1. 不論資金來源,見到後輩用cutting edge 方法擊倒上一輩,我無限個開心。
      香港才有希望。

      刪除
  3. 睇70後兄個blog真係好好睇~~好鬼熱血!

    回覆刪除
    回覆
    1. 謝謝zeni 兄支持。
      老人家只能以文字引發後生仔的熱血了。

      刪除
  4. 好奇想知三份工陷阱係咩? 條LINK瓜咗。

    回覆刪除
    回覆
    1. 應該同呢篇文相似

      http://hk70s.blogspot.hk/2015/08/blog-post_18.html?m=1

      刪除
  5. 謝70後兄分享!祝你師弟創業成功,能過一個熱血、且不會後悔的人生,已令不少zombies妒忌死了=)

    回覆刪除
    回覆
    1. 對,熱血的不止是錢。
      還有是遊戲的好玩之處,還有事業或事業心隨之而來的女人。
      非收租或齋有錢能做到的。

      刪除
  6. 一路都有搵d野搞下,但始終係有份正職,每月有糧出,不會全心全意。創業辭左份正職會比較專心d

    回覆刪除
    回覆
    1. 係,職場上高薪的,好難走番出來。
      所以追夢趁後生吧。

      刪除
  7. 拍到邊位TVB女報導咁開心,口廿呵呵:P

    回覆刪除
  8. 女兒很叻,健康快樂成長! 做爸爸的滿足了!

    回覆刪除
    回覆
    1. 叻唔叻唔緊要,最緊要開心。
      其次最緊要靚。
      女人靚,人生前半段美滿好多,前半段開局好,後半段都唔差得去邊。

      刪除
    2. 我反而怕, 我個囡都算係咁,我怕佢第時出嚟做野,靚仲累左佢,多是非左~

      刪除
    3. 唔會啦肯定。
      除非老細係個d 老女人又無滋潤,可能好唔鐘意靚靚後生女。
      應該七成以上既工,最開頭有樣好過無樣。

      刪除
  9. 七十後兄近排好鬼熱血!

    回覆刪除
    回覆
    1. 人人講收租,死氣沉沉。
      後生遙遙為怕番工怕老細想唔做?
      中正上一輩圈套呢。

      刪除
  10. 呢個故事唔錯. 小弟年齡不算太輕, (後生你幾年而已) 但仲有一d野係想去做做既. timing岩就會去馬.

    回覆刪除
    回覆
    1. 萬分支持,此BLOG文章會一路為你加油~哈哈~~~

      刪除
  11. 突然諗到,如果早10年睇到70兄既文章,人生應該大不同......時不與我!!

    回覆刪除
    回覆
    1. 應該又唔會咁誇。10年前2006好多人驚經濟只是死貓彈。又驚2007十年一個cycle 翻版1997,唔出黎撈又人之常情。

      刪除
  12. 好熱血...
    而家細佬都同朋友整緊小小野, 不過我要推一下先行一下, 我知未必成功, 加上我需要佢既專業資格幫忙...SO SAD

    回覆刪除
    回覆
    1. 噢,如果唔係全職,的確無乜動力。
      無動力,做得麻麻又無錢,繼續無動力。。。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...