2016年9月1日 星期四

我的財富大道(2016) 四十五萬人次

不知不覺45 萬人次了。眨下眼咁快,果然同錢銀一樣,後期加速得好快,也謝謝各blogger 比面互link。亦多謝各讀者厚愛。
(如果我LINK漏左,提下我。。。)


講過會找數,一百萬時抽獎抽高達

打算加番個google ad sense,以不扣除成本之下,全數捐與慈善團體(東華,保良,明愛之但一間。)

今日東華三院賣旗,每年必買!

咩叫唔扣成本?我只花自己時間。拿,若有一日我癲到買google ad words或facebook promote,我自己掏荷包比,絕不從ad sense 扣除。

就同打機課金一樣,玩得過癮便可。

以下是財富累積大道上下集:

我的財富累積大道(上)


不知不覺,今日建行$5.8,即而家淨資產值$1160萬,比上次有紀錄下(2015年二月,建行$6.2),850萬多左唔少。

原因主要並非來自股票升值(跌左丫)及收息,係主要用左三球買股票(如下LINK)

男主人3球終於出手了!回顧:準備下一次出手


哈,咁算咩成績?係喎,我由頭到尾都話我財富係來自工作,投資成績我一向麻麻,只求有個資金停泊處。

潮漲潮退間,資產多少我都無乜所謂,佢唔減派息會一路持有。

同樣,如果三年內佢癲到上十蚊,即時take profit 走人。

細佬番適應班了。。。令人擔心,佢實在太曳。

東方日報報導出街後,最好睇係discuss d comment。

1。我個頭,並非影相咁誇,但我溝到女喎(而家都應該溝到)。睇番我老豆,當年佢已好前海FEEL,係度講下,早日睇醫生係可以減速既。食寶康絲啦。

2。七十後94年買樓?噢,我係好尾既七十後。爭四個月就80 後,所以有人計到係八十後。我估求死隊長我我都係差一歲。

3。有人話回報低,其實你揸住幾球流動資產,唔會all in 700啦,買非成份股又唔會咁大注。當年我個期權short call 倉去到四五百張交行,一轉倉手都震埋。

4。持有派息大市值股我可以放心去工作。

5。另,月入十幾萬非老作,小弟d 老前輩收入更高,我只算係同年紀個批叫好少少。比起食大茶飯既生意,我呢d 根本不算什麼。(太多人未見過大蛇柯尿,我只是蚯蚓)

6。另另,資產只是我一人,我老婆應自己有三百萬左右(佢唔鬼計,我次次要問佢先知個數),並非discuss 酸友講每人得五百萬。

7。又有人睇錯一年儲三球,其實係一年儲一球呀,邊有咁勁。另外,每月180k,並非一開始做到,都係呢兩年既事。

2010 前
我都只係一件搵三五七萬一個月既廢青

9。其實,工作收入effect 遠遠比投資回報大;同樣,自住樓而言,工作收入快過樓價升幅呢。如我唔做收租仔,買或不買也差唔幾。
2010 前股市跌,我要all in 才比到首期
2016 我all in 已是可以full pay.

家姐五歲挑戰難度,我做監督好Q辛苦!今日進度係咁多。開學再砌!

財富大道最後直路,為期三年。

當我多三球現金,加埋女主人就六球。我地住普通平民區域,一千萬樓已算最好,差唔多全區任揀。

咁點供?股息,債息就攪掂啦。

九月十二日首次收債息,到時再寫。

再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

65 則留言:

  1. 呢篇馬虎左少少, 冇咩串80後小卒.

    另, 為什麼不把生意發大後, 再轉手比人做?

    回覆刪除
    回覆
    1. 唔串佢啦,好悶,而佢又已經留係無錢買而鬧AGENT階段。
      生意唔發大,因一開始已經打算做到咁上下摺左佢。
      我兩公婆樂天知命,都係求搵夠收山而已。不用大富大貴~

      刪除
    2. 好難遇到好徒弟。
      再者,教識徒弟無師傅者極多,仲要未滿師就走,會大失預算。

      刪除
    3. 收我為徒吧, 唔收人工也可以, 或者你試下工先,太蠢可以即炒, 有意便PM我.
      債券我只有香港中銀及中電, 貪佢唔會摺.

      刪除
    4. 學砌高達?
      炒旦呢。。。廿五歲以上學黎太遲了。。。做唔到幾多年。

      刪除
    5. 我同你是同年的, 勤力些可否搭夠?

      刪除
  2. 知足才會自由
    不然一世也是金錢的奴隸

    回覆刪除
    回覆
    1. 是的, 在香港愛鬥大的環境下,好多人盲目追逐金錢.
      追逐唔到就放咀砲...

      刪除
  3. 70s兄財務自由後可以再做多個訪問喎:)

    回覆刪除
    回覆
    1. 哈哈,我睇好70兄可習下郵,儲夠全港揾你訪問既報纸XD

      刪除
    2. 應該唔得。無乜新聞價值。
      可能直接非禮阿婆,仲快見哂各大報紙。

      刪除
  4. Discuss 好多都係酸友,冇乜正面回應。他們說回報低,其實處理幾十萬同幾百萬好唔同,幾百萬先要保本後再談回報。

    回覆刪除
  5. 就算你將來有工作收入,cash會增加,我覺得你都係keep一舊cash好d。大跌市時多d彈性。

    回覆刪除
    回覆
    1. 是的。keep cash 我老婆做緊,維持生活費。
      買貨可在跌市利用小量槓桿呢。

      刪除
  6. 70後兄, 能否分享住宅同舖頭續租時怎樣和業主傾? 謝謝

    回覆刪除
    回覆
    1. HKB 話回購開始,股價由49-50升到上依家58-59 都好好力下, 仲有回購額未有耐用完.

      捉緊TIMING 真係好重要.

      刪除
    2. 係,我老婆好似早排入左。
      點傾續租?send message 或打電話吧,無乜技巧呢。
      鋪租煩d,除非你預左搬鋪,否則唔會攪佢。
      住宅就好易話搬就搬。

      刪除
    3. HKB 話今年都唔減派息( 頭兩季都派0.01美元), 用上年全年息計HK3.96 現價60的話, 都仲有6.6% 全年; 就算上番80大元, 都仲有4.95%. (以全年收齊息計)

      呢期新樓狂推盤, 有幾多自住有幾多買黎收租? 租金會否有影響?

      刪除
    4. 租金點?唔知呢。
      睇仲有冇人租啦,內地人都唔多留港讀書。
      租開又好多忍唔住買。
      供求決定價格呢。

      刪除
    5. 經濟睇落唔多好, 定係只係某些行業? 但樓價又衝上, 有咩可以支持樓價再升?

      1) 供應量未來都增加 ( 應該價格向下)
      2) 人工唔見加多, 睇公務員都係3-5% ( 平手 )
      3) 失業率低 (呢個好搞笑, 個個唔做等收租, 無奶油唔跌? 返工頂住樓價? )

      其他咩因由?

      刪除
    6. 係喎,財自好似唔當失業人口。
      供應需求各有各講,例如好多人話越黎越多單身貴族,又話有投資需求。
      人人都自住又收租,咁仲有邊個租?

      刪除
    7. 剛從MONEY18睇到的地產新聞,

      啟德1號(I)睇樓客林小姐現居九龍東,認為樓價「冇平過」,年輕人難買樓,打算買3房畀子女住,如適合便會入票。

      以下是Q房網香港董事總經理 陳坤興

      原因可從3個方面反映,首先,新盤市場連同今個月已經連續5個月售出逾千伙新盤單位,反之二手交投則直至本月才顯著增加,故是次旺市可以說是「由一手起動、二手延續」。

      其次,近期一手新盤由細價樓作主導,過去數月間,一手新盤平均每宗成交價都按月下跌,今年5月份平均每宗成交價高達1,300萬元以上,上月已回落至1,045萬元,8月至今進一步跌至900萬元,入場門檻下調,成功吸納市場用家。

      70後兄, 唔好意思, COPY新聞

      最後一點是近期投資者將資金轉投樓市,相信是自英國脫歐公投後,環球市況不明朗情況下,投資者將資金轉移至風險較低的物業市場,加上最新本地通脹率只有2%,雖然現時買樓收租可能只有2至3厘回報,收租回報仍然跑贏通脹。

      刪除
    8. CASE 1: 林小姐, 不太深究...父母愛子女 無價

      CASE 2: 陳先生講的3個樓價升的理由

      只想講第三點, 投資為了抗通脹? 計年息的話, 其實有好多股票股息都跑贏通脹, 點解唔叫投資股?

      風險? IBOND 呀, 藍籌股都好穏.

      唔知樓價係咪高位, 但無奶油為抗通脹而買樓.

      刪除
    9. 得兩至三厘,即實際得一厘唔夠。
      地產持分者出文講樓市,睇頭幾行可以唔睇。

      刪除
    10. 我都覺得係你又買佢又買之下,仲有幾多人要租,租屋嘅需求仲有無得升?定個個都唔急出租,圍標咁頂住租金向上?

      刪除
    11. 唔急租係原因之一,業主等一兩個月無難度,資金錬唔斷就得。
      另一原因係 新丁租客驚無得住,好快都用市價租左。

      刪除
  7. 女主人既建行現在有賺了

    回覆刪除
    回覆
    1. 無錯,你真留意本blog 燈神動向呢!
      佢差d 5.5 個陣賣左。

      刪除
  8. 8月中去左香港睇醫生,見到香港好似好興炒蛋、滑蛋配黑松露,我每次見到都會諗檔野會唔會係你開:)

    回覆刪除
    回覆
    1. 哈哈,我估你誤會了。
      雖然我係醫療專業出身(講出黎仲好好聽果隻),不過炒旦生意同佢完全無關。
      我估你無乜可能見到我的,因為無乜生客。

      刪除
    2. 誤會誤會,睇醫生同炒蛋無關係,只係我食左個黑松露炒蛋諗起係未你。(希望有生之年,可以試到師兄既炒蛋)

      刪除
    3. 應該無乜可能,除非你有時光機。
      其實只係一d 社會地位都無既小生意而已,不值一試。
      只是搵到少少錢,才令外面既人好奇。

      刪除
    4. 咁真係可惜:( 點會不值一試,無論有冇社會地位,搵到幾多錢,大生意定小生意,只要係好食既我都想試。

      刪除
    5. 哈哈,我不是客氣說話,亦不會講大話。
      點都好,謝謝支持。

      刪除
  9. Discuss果啲就水過鴨背算數啦!最緊要自己知做緊乜同開心。
    話事話,每月三五七萬叫廢青,咁好多人都唔知叫乜好啦。

    回覆刪除
    回覆
    1. 我都係反諷一下。
      當年我三五七萬都未必可以一開四,咁多老屎忽收租仔認屎認屁(但仲要番工喎),我唔係佢地眼中廢青咁係乜。

      刪除
  10. 三五七萬都叫廢青,我呢d打份牛工得萬幾蚊既冇面見人��,香討留言大部份都係負評/唔抵得既多,有追開你既文再睇留言覺得好好笑

    回覆刪除
    回覆
    1. 香討高登負皮多,是未來大快活憤怒阿伯既 training centre.

      刪除
  11. 45萬,比你越拋越遠了。

    回覆刪除
    回覆
    1. 但論文章質量池兄高好多,次次你一update 我就去睇。。
      無計,blog 界一向劣幣(我)驅逐良幣。。。

      刪除
    2. 哈哈,學下財演大師搬龍門、改標準的手段,用個好阿Q的計法,原來平均每篇文的點擊池某高70後兄小小。
      真係想贏就贏、話贏就贏,要去多謝大師指點先。呵呵。

      刪除
    3. 終極搬龍門,將點擊率除番每張圖既數目,應該拋離我更多。

      刪除
  12. 勁,舊錢夠大保本重要過增值,等佢慢慢碌

    回覆刪除
    回覆
    1. 妍小妹,到舊錢大左少少,就唔敢咁勇。
      開頭無咩好輸,後尾好q怕無哂。

      刪除
    2. 估唔到70後兄都幾有心機去睇forum那些留言,有少少surprise

      刪除
    3. 我只是文章上有氣場,真人是個小朋友而已。
      最唔鐘意遇到成人世界懶認真的偽善者。
      酸葡萄由細見到大(我是半個學霸),當笑話睇左廿幾年。

      刪除
  13. 小弟最近先發現70後兄嘅blog,其實我係搵diy抽油箱先搵到,我睇左大約廿篇篇文章,覺得你指出時下好多偉論家不敢講嘅盲點,令我學到野。另外,敢問你檔生意係唔係喺ssp

    回覆刪除
    回覆
    1. 最開心係砌高達的朋友search 到我。
      我檔野唔係深水步,近旺角個頭啦。
      不過,我成日行去深水步睇模型。
      黃竹街球場對開的玩具模型倉有我作品,果隻double x and g falcon 是我噴的。

      刪除
    2. 因為我見你淘寶送貨至ssp,所以以為ssp
      另外想請教一個問題,你如何可以調節到心態,可以在市場不明朗下押重注?

      刪除
    3. 哈,我符碌架咋。
      總之唔好人搶你又搶埋一份就得。

      刪除
    4. 小弟覺得你第一句完全掩飾左第二句入面嘅心得,其實好難做到「唔好人搶你又搶埋一份」

      刪除
    5. 其實真無乜心得。
      唔好心急,衰多兩次就知買入時機比一切重要。

      刪除
  14. 討論區好多人鍾意挑骨頭,就係唔識得虛心學習。。。不過,點講你都唔係蚯蚓,其他人會好傷心!

    回覆刪除
    回覆
    1. 可能佢地真係大蛇呢。。。
      大家一齊做蚯蚓算啦

      刪除
  15. 70兄,您個blog真是寫得生動好看,每次看到你串那位求死朋友都很有共嗚😂

    回覆刪除
    回覆
    1. Starman 兄。他們這些年輕收租仔,流動資產唔多不在話下,連總資產當淨資產拎出黎講,十分可笑。
      你個blog 都好多收租大叔,現金流好低,全靠你點醒佢地,否則要等三十年才full pay 了。

      刪除
  16. 一路唔知你yahoo後開咗新blog. 撞到你先知。 追返先

    回覆刪除
    回覆
    1. 師弟,你既創業故事都好勵志呢,要唔要幫你賣下廣告?
      好岩年青人玩呢。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...