2016年8月6日 星期六

如何擊敗老土ON9大叔(心態決定境界11)

此文由早幾日同女主人去食泰國野啟發,其實食野遇到呢D人都唔係第一次。

BB戰士 NO.397 LEGEND 11 武者飛驅鳥
(我唔識佢我太老餅,不過噴完又幾型!)
更多相在文末

相信大家都遇過,特徵如下:

講野大聲
講野大聲之餘,又好似講埋比你聽咁,至少個咀方向係向住你
中年大叔
對面通常有一個上左年紀但打扮得斯文/妖艷0既大嬸,或是準女朋友吧
最正係,你講咩TOPIC,佢又偷聽到,不知不覺比你話題帶住走。。。

講番個日咩事,就係食野時佢地先坐,我仲記得佢叫左爐燒烏頭,小食拼盤,同埋唔知D乜。(唔係我八卦,係我八卦睇下有咩好食咋~)

我同女主人都係食鹽燒魚,春卷單點,柚子沙律,仲有好正但比較辣0既冬陰公炒飯(呢期好鐘意冬陰公味!)

其實個男人吹佢有幾威唔緊要,大聲到係我耳邊講都唔緊要,佢溝緊女呀!阻人溝女可能死了要落地獄被燒春袋(女士們免疫了!)。最反感呢。。。先看下圖:

問番女主人,佢掛住食(個男人個喇叭咀向住我,女主人接收唔到),佢只係記得佢捉緊 POKEMON 個陣,個男人仲話D人玩呢D好無聊。(女主人按:"我玩乜又關你咩事?!")



唔好意思,果陣都差唔多食完,我影條魚比朋友睇,估唔到用得番張圖。

個冬陰炒飯都食左大半,佢係裝係個椰青度。

個男人臨走打包左個飯,仲同侍應講唔係我地呢個唔好落錯。

臨走時佢好大聲咁細細聲同佢個準女友講:

"我唔會叫呢D炒飯,因為個椰青係重覆使用,其實仲有田螺都係假,只係將螺肉放係個重用0既殼入面。"

"我咁講係咪好衰呢?哈哈哈~~~"

其實,以我認知,只有菠蘿炒飯個菠蘿會重覆使用吧,個椰青已刮左椰肉係個炒飯入面。另,田螺果個我覺得好好笑,D手工咁勁,其實買新鮮螺唔係更方便咩??

勿論真偽
勿笑佢認叻
亦都勿話佢口衰
係我眼中,呢班老杘忽特點係。。。

無膽
怕死
以為自己理論可以用足100年。

****

唉,講明先,無特別指任何人,不要再係A度講B,C度講D,E度講F。

咁多BLOGGER比人口臭爆料(又玩估人?A阿麻資金,C按樓買股收息,E跌市唔見50%,其實佢地三個本人唔想比人知,阿大嬸你又何必踢爆

刷個鞋,魔術師是我偶像!真。百毒不敢侵!

講多次,以下非指任何人,切勿對號入座。

***

其實時移世易,仲有冇需要將某d食物材料重用?有需要冒呢d風險?

當然,佢又可能錯唔哂。

玩模型入面,一樣有呢d人。例如唔信大陸野,又覺得淘寶賣家係大陸人好唔可靠又好鐘意反口,例如無寄貨又話寄左貨。

其實。。。佢地有冇真正試過淘寶?成日都話有個朋友點點點賴左野,我由2007開始玩淘寶,真係十年都黎緊,真係自己七所以出事機會多過賣家問題。

可能,佢地跟本唔知開個天貓要幾十萬人仔保証金。。。你香港開個小小小鋪仔可能入埋貨都唔駛咁多錢!

小弟出生年份,正好係x世代尾y世代頭你叫我去服從,我又唔係好得;你叫我走你舊路,我又心有不甘覺得有第二d路。

而y世代最強工具,正是佢地出生在資訊科技起飛年代。

兩代人,各自話自己唔識電腦,但實際it proficiency程度可以差好遠。

兩代人,對打機概念唔一樣;兩代人,對程式交易概念唔一樣。

各位讀者blog友,無論你係y世代定係alpha世代,沿著舊路走,只會成為上一輩buffer。要擊敗上一代,未來才有希望。

缺口在哪?我都唔知架!(唔好打頭!唔該,個樣要黎搵食!)

我只能夠,用我有限眼光說幾個範疇

1 資迅科技(幾乎是必殺技)
2 物業維修或藍領技術,到最後佢地都要迫住比錢你
3 佢地唔識教仔,尤其係年紀較大又有學問0既x世代!因為佢地只有自己範疇內的學問!
4 佢地以為自己可以用錢堆切小朋友快樂童年,其實白白送錢比人
5 佢地以前接觸唔到0既投資(未必是新東西,只是全球一體化之下,而家咩都買到)

若然閣下已經有穩定工作及收入,呢d野關你咩事?哈哈。。。

如果你有小朋友,或者將會一路衰老(這是必然)

你最想看到的,二十年後,本地的領袖是收租大嬸這一輩,還是果位80後求死隊長?

兩害取其輕,你懂的。

李嘉誠同李澤巨,你平時鬧會鬧邊個?

一家之主,你要胡楓定胡諾言?(哈哈~)

最後亂入,家姐剛剛星期三生日,五歲了!!小馬寶莉旦糕好靚呢,兩磅,$480


****

心態決定境界1 <運輸街車哥哥>

心態決定境界 2 <文員姐姐無手尾>

心能決定境界3 - 論創業 <叫朋友做影相佢當我點佢>

心態決定境界4 <四十幾五十歲個班西口西面女人>

心態決定境界 5 -- 淺淡同學妻

心態決定境界 6 -網誌被舊同學發現!

心態決定境界 7 -- 壞男人AGENT
心態決定境界8 - 短途旅行港人奇行種

舊拍檔的男性中年危機 (心態決定境界9)

煩膠阿四 以為自己做生意(心態決定境界10)


****
小弟有興趣開番個WHATSAPP GRUOP 吹水,但只希望係寫BLOG的朋友,如有興趣,SEND個EMAIL給我吧,我無乜要求,你個BLOG有五十篇文以上就可以了~~~!





48 則留言:

  1. 心繫腥梘o既海外 blogger 有得無得 join whatsapp group 先?

    回覆刪除
    回覆
    1. 有!你寫左十一年blog,又係科技人!上次留言講慳電膽呢~
      group 內也有兩三位留美港人呢
      email whatsapp 電話比我丫。

      刪除
  2. 阿叔 要溝女,緊係要叻叻。可能係佢口中條魚骨都係重用添架。

    回覆刪除
    回覆
    1. 係。
      其實阿叔不是窮阿叔。
      佢想show 佢成功又見識廣。

      刪除
  3. 魔術師兄個blog我都成日走去偷師 :-)

    回覆刪除
    回覆
    1. Me too.
      最鐘意睇港女同事或表弟。
      自慰新聞就麻麻。

      刪除
    2. //刷個鞋,魔術師是我偶像!真。百毒不敢侵!

      成篇文「出真名」的得我一個?你不如用暗號M算了。

      //港女同事或表弟。

      我唔係成日寫佢地。舊同事都係寫博士K多啲。

      //自慰新聞就麻麻。

      我係有理有節的,並唔係JJ派。

      刪除
    3. 哈哈, 隱惡揚善是也....再者你的真BLOG 名不是"不敗的魔術師" 嗎? 哈哈~~~
      一個立場, 有位就講, 講得多咪似(似咋下)JJ 文...

      刪除
  4. 我都認同資訊科技係其中一個可能既缺口。
    而維修藍領技術,係未來亦係搵到食既一環,外國水喉匠既人工都相當唔錯,香港既地盤工人工亦不差過某d白領,不過係辛苦既。

    回覆刪除
    回覆
    1. 辛苦工,辛苦錢。
      但有對方唔識做,要硬食比錢你。
      可能仲有香港人去挑剔去鬧呢班技術人員,如果佢地發火唔做佢生意,都幾頭痕。
      上一代讀得書既,都只係讀到書。
      佢地唔會上youtube 試下diy ...

      刪除
  5. 我都曾經有blog架,就係你講嘅遠古blogger...

    回覆刪除
    回覆
    1. 當年叫咩名?也是leo?
      好多遠古blogger 都有玩newsgroup 呢,你有冇?

      刪除
    2. 港燦,應該冇咩人識,哈哈。

      刪除
    3. 我記得。當年都ok 好睇。
      同會計仔同期架ma...
      何解封筆?

      刪除
    4. 個期yahoo就摺,加上股市低潮,好多blogger一係老吹、一係消失,建設性討論越嚟越少,所以冇咩心機繼續。

      刪除
    5. 東山再起!
      其實當時你講生活好睇過講投資啦.
      遠古BLOGGER 買少見少了

      刪除
    6. newsgroup, 我都有玩呀,我當年第一個網上買嘢,第一次買二手嘢,就係喺 newsgroup 度搵到,係一部由 2MB upgrade 咗去 8MB o既 Palm III。當時應該係 98/99。

      刪除
  6. 有些藍領工真係好難取代

    回覆刪除
    回覆
    1. 大集團,條數又唔係大。不會monopoly.
      自顧又識運用資訊科技,應是好路數一條呀。

      刪除
  7. 呢篇文的一個有趣地方是:「冬陰公」都可以自成一個TAG,你將會寫好多篇冬陰公文?!哈哈:)
    TK

    回覆刪除
    回覆
    1. Tk 兄,咁都比你發現,好少人會睇tag.
      可能下次講冬陰公湯,冬陰公薯片。。。

      刪除
  8. 我都覺街上有哋父母教仔時,要講到大大聲俾附近既人聽咁,仲要以為自己好有道理、博人地讚佢咁:o

    回覆刪除
    回覆
    1. 我會大聲叫個女睇路,因為好多人唔睇路。。。
      尤其手袋黨,比袋角撞到塊面就慘。

      刪除
  9. Good point! 識上網搵資訊、搵資訊已經可以擊敗上一代。

    BTW, 你飛驅鳥同號斗丸兩兄弟上色好靚

    回覆刪除
    回覆
    1. 哈,過獎,遠睇才靚。
      我認為資訊科技係擊敗呢班老野既最好工具。
      唔係叫你去做電腦,好好運用已經足夠。

      刪除
  10. 回覆
    1. 都係之前個d,其中一個是新的。
      都係出出地名架喇。

      刪除
  11. //3 佢地唔識教仔,尤其係年紀較大又有學問0既x世代!因為佢地只有自己範疇內的學問!
    //4 佢地以為自己可以用錢堆切小朋友快樂童年,其實白白送錢比人
    //5 佢地以前接觸唔到0既投資(未必是新東西,只是全球一體化之下,而家咩都買到)

    基本上3、4、5都係我的中剷前同事和舅父等人的病徵。查實以港豬們人云亦云跟風驚死執輸的性格(銀幣的另一面就係主動放棄或直程唔去發掘自己嘅edge),大部分人都是待宰的「豬」,只要自己肯不隨波逐流,靜靜地行另一條適合自己的路,個世界其實可以好大。

    回覆刪除
    回覆
    1. 打撈番黎0既留言~~~
      其實, 我自己都未必做到5, 好大心理關卡....
      下個月試下先.

      刪除
    2. 我仲諗緊點樣可以賺上一代既錢...都有諗過做下一代既教育,賺怪獸家長錢..

      刪除
    3. //只要自己肯不隨波逐流,靜靜地行另一條適合自己的路,個世界其實可以好大。

      魔術師呢番說話真係好正,要俾like

      刪除
    4. Play group 已攪掂班家長。
      攪party 又得。

      刪除
    5. playgroup算唔算紅海?週圍都有好多。

      刪除
    6. 如你個playgroup 能令兩歲小朋友做到腦外科手術,你成功了。到時請我食飯啊

      刪除
    7. 哈哈哈,手術成功但病人死左算唔算數?

      刪除
    8. 扮做之MA! 好似個D 小小消防員咁~!
      完成有証書~

      刪除
  12. 而家BB戰士仲有無漫畫?細個玩果d一盒有一版咁大把,好難先買到連環幾隻去追劇情。

    回覆刪除
    回覆
    1. 梗係有啦, 實物個D 而家有得一本咁買架.
      網上都有得睇!
      再唔係, 我淘左PDF 版...

      刪除
    2. 我問完你之後都上網搵左,仲有埋中文,正

      刪除
  13. 又有講緊邊個咩, 真係估你唔到, 哈哈XD

    回覆刪除
    回覆
    1. 你估到0既~~~~
      大嬸好鐘意去你度留言, 可能知我係忠實FANS, 但可惜我好少睇埋留言.

      刪除
  14. 講到教仔的確係困難,用社會個套又會太怪獸,用自己個套又怕太放鬆,而最大問題係根本自己都同個時代有少少脫節,同小朋友講什麼知識道理好可能已經不適合呢個年代,更莫講話20年長大之後,如果小朋友入晒腦分分鐘害左佢地。

    回覆刪除
    回覆
    1. 我最想教到佢哋有獨立思考能力和有決心,能夠分清楚甚麼是自己最想要既野。給予太多指示反而害了下一代。

      刪除
    2. 我經驗淺。
      目標只有一個,學懂自己選擇

      刪除
  15. 大陸某d野例如電器我真係仍有好大保留.但模型我覺得有唔少都幾好.模魂隻三高達我覺得水準幾高,砌完靚過bandai robot 魂好多. 70s兄有砌過嗎? Btw,今次隻飛驅鳥BB上色特別靚.

    回覆刪除
    回覆
    1. 我都有用大陸電器,格力冷氣死忠。
      你砌過不孝子三高達?好似話合唔埋。我唔敢砌,會手痛。
      飛驅鳥本身分件幾好。坑又突出分明。手油較易。

      刪除
  16. 砌過。模魂D野就點都要用大力金剛指架喇。三高達ok喎,用力D就合得埋。

    回覆刪除
    回覆
    1. 最近見到,龍桃黑突好靚。。。
      不過國模真係會手痛,制唔過。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...