小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年8月29日 星期一

中日混血女友 我的女朋友系列 外傳二

呢篇,係冒死而打的。

原因,因為女主人唔鐘意我提佢。

上圖為最近新作!AMX-003 GAZA C!金屬色加水貼
對我來說,完成度算高吧。

對我來說,呢個外傳都已成往事十年多,當時一齊時間都唔長,好似三兩個月咁上下。

點解我要冒死提佢?因為如果唔係佢,我應該唔會去識女主人。

簡單講下佢咩款?

UM。。。四份一日本血統(婆婆)。皮膚較白小肥,所以相對身型較吸引某D著重身材0既男仔。(男主人睇樣的!女主人的童顏最好!

溝佢個陣,佢仲要有男朋友的(我真係一個亂9黎0既人)。當時佢讀緊嶺大歷史系(又係學生妹,不過果陣我都係26歲左右),住女宿,上左支劍擊莊,打佩劍。

佢0既大學生活真係輕鬆又頹廢。

畢業後做乜?我唔知,因為已經散左,更加從來無再聯絡。

因為相處時間短,佢只能算係咁多個入面,最無重要性0既一個,唯一的是,叫做有一個女朋友的名份。印象中連我D朋友都無見過佢。

不過,如果唔係佢,我又唔會試下去溝女。否則後續就識唔到阿女主人啦,係咪?所以佢係我生命線中一個轉捩點黎。


(古巨基首漂流教室,入面竟有胡定欣)

未同呢個女朋友一齊之前,我有兩三年空白期無去拍過拖。

空白期究竟做過D乜?

當然緊係工作啦,當工作變成遊戲,而又為左遊戲有所犧牲左,我會超級認真的!咪以為唔駛努力,由2004-2006呢三年,晚晚都要預備定材料炒旦,有部份東西,十年後今日依然用緊!

回番少少帶,上一個(2004)點解會散?只係我唔想穩穩定定打份工,我想自己闖下。果陣剛剛再進修完(做乜去讀書?因為2001失戀後太得閒),本來可以安安定定打份政府工。

我想為自己走一敝,結果變回單身(哈哈,這是一個理由?!)

詳見我的女朋友系列 外傳一

空白期間,事業梗係越黎越好。當年未興講有冇收租樓,結果我0既收入同埋對我前景0既預期變得好美好!

當然,咁0既條件係會引到女埋身的,絕對有用過收租樓!(有機會再講,我覺得呢D條件都無女埋身,一定係自身有問題,不是樣衰細粒,便是七頭性格。)

當年,我形容自己係老千股扮未來藍籌!
哈哈哈!

同呢個四份一混血一齊,為何?其實都係一時興起,"不如拍番拖!"(我就係咁隨心亂黎)

當時佢仲有一個唔係好理佢0既男朋友,於我而言,靠把口,已輕鬆搶左過黎,用左唔駛兩個星期,見左兩次就攪掂。

分手原因?哈哈哈~~~

其中之一,我阿媽唔鐘意佢(當年我阿媽小手術入院,佢來過探病),個原因好攪笑,因為我阿媽姓陳,佢又係姓陳喎。(我估唔單止係咁0既)我估,可能佢太白,我阿媽又覺得佢血色唔好,哈哈~

(果套超人對BAT MAN,明明因為阿媽一樣姓,先和好如初一齊打大佬!中西方對老母姓乜睇法好唔同!)

同樣,我好唔鐘意D女因為我收入OK而埋我身(我估當年都係四五萬一個月左右。),因為我成日都怕炒旦有一日無得炒,同埋我亂來沒章法0既做事作風,對想搵穩定飯碗0既女仔我非常反感。

在我眼中,計埋女主人,幾個女朋友入面,最唔聰明應該係佢。大學生0者,我都讀過,無乜大不了架咋。。。只要你無用心讀過書,有個學位又有咩用

同樣,我都知佢阿媽都唔太鐘意我,因為我係第三者之餘,又係果個原因。。。

"我係獨子,第時家庭負擔會較大"

真係痴九線!一黎養自己父母人之常情,二黎收入好,又何來成為負擔呢??

拿,我呢度唔係投資BLOG,不過當年我重係股票新丁時佢阿媽挑過我機

我記得見過呢位老母一次,佢整親頸,禮貌上去探下佢。無啦啦問我買咩股票,我買左中人壽交行咁上下啦(已賣左幾世)。佢仲同我講,佢持有好多匯豐(當時至少120蚊!),每次收息唔記得幾萬定十幾萬。

呀,唔記得講,呢位婦人已離婚!唔駛做,因前夫(有點錢)十年前包港人二奶仲同埋二奶一齊生埋仔。個阿媽唔駛做,靠贍養費就儲到咁多股票!

上天係公平0既,阿EX個細佬又係個D讀書不成0既後生仔。。。

EXEXEX細佬,
EXEX細佬,
EX細佬,
都一樣係讀書唔成0既逆青。

女主人果個係大佬。。。哈哈~

咁0岩,在這班老母眼中,我都係負擔好X重0既獨子!(女主人阿媽,即係我外母,因居港時間只有二十多年,份人相對無咁現實。相處得最舒服算係佢了。

呢個末代女朋友而家點?我都唔知,應該結婚生仔已成肥師奶!(女主人生左兩個依然比人叫阿妹架!鋪頭D客以為佢係打工仔!童顏是無敵!)

不過,或多或少,如果唔係佢,我唔會拍番拖,
否則不停穿花蝴蝶虛渡光陰,
就識唔到女主人喇!

後記,我阿媽對我D女朋友都係一兩句講完。相反,講得越少就越近合格線。

我唔係愚孝,不過係我有得揀之下,點解唔計埋佢老人家感覺在內?

總結一下

第一位:唔係好出聲(自信心問題,成長問題。如果佢唔係讀名女校,對佢人生應有正面影響)
第二位:好好口(我都同意,可惜我有我要走0既路。)
第三位:又係姓陳,眼神怪怪地,血色唔好

女主人?印象中係"幾好",當然,而家評價應該非常正面,點解?

當呢個新抱去同佢地飲茶果陣,D酒樓茶友就恍然大悟!點解我兩個仔女個樣都OK靚,"因為有個靚媽媽"

不論女主人,我老豆,我阿媽,
聽到都應該心裏暗爽!
(最慘係我。。。付出基因被人無視)

阿老人家健康還可以,
仲可以一拖二帶佢地去社區中心玩遊戲!
右上為中心幹事姐姐。

一路怕爛尾0既女朋友前傳終於完結,謝謝收看。

後記,我D咁0既毒J都溝到女,重有女主動反溝,如果你係70/80/90後,有樓有學識有少少錢,都未能脫獨,是否自身有D問題?

 爛尾BOSS機,反而卒機完成左!


再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

57 則留言:

  1. 70兄,你個仔個頭遮住o左山谷o既風光:|

    回覆刪除
  2. 趁未被女主人強迫刪文之前先睹為快。

    回覆刪除
  3. 其實溝女最緊要睇下口,同有無心去溝,基本上都唔會無女既,不過有錢就再easy d lor

    回覆刪除
    回覆
    1. 哈,你爆肌加樣ok....
      有部份真係先天不足性格又難攪架。

      刪除
    2. 女主人EQ咁高,我都相信她不會介意你呢篇文既=)

      "如果你係70/80/90後,有樓有學識有少少錢,都未能脫獨..."
      咁有時緣分既野,遇唔到就係遇唔到。但基本上,這個世界並不存在很喜歡你卻毫無表示的男士,也沒有很難追的女士。難,只是因為雙方不愛或不夠愛。

      刪除
    3. 感情可以培養。
      做愛都要出力,脫毒也要主動吧。
      守株待兔不如漁翁撒網。

      刪除
  4. Hello. 睇左你個blog好耐,今次第一次留言,因為睇到"付出基因被人無視"果句,忍唔住笑左出聲...haha

    回覆刪除
    回覆
    1. 哈,我都鐘意呢一句。
      昨晚好眼訓地完成此文,改了又改。
      其實,個女個樣係似我law....

      刪除
  5. HI, 感謝你的分享, 我有種被點醒的感覺.

    請問70後兄有無2013以前的 BLOG文章?

    回覆刪除
    回覆
    1. 哈。
      2013 年前寫得好疏,同埋記下同女主人拍拖生活多。
      2010 前,投資也是期權而已。
      有機會就重post 番出來啦。

      刪除
    2. 作者已經移除這則留言。

      刪除
  6. HAHAHA 我 17 之後沒有一天空白期.

    回覆刪除
  7. 付出基因被人無視~ 哈哈
    我覺得你囡囡同你有些似,感覺都係嘴GEL GEL的XD

    回覆刪除
    回覆
    1. 無錯,而家已經識搵位入你。。。
      得個五歲人仔,第時實好麻煩。

      刪除
  8. 哈.. 我個ex個呀媽又係唔鐘意獨子..話唔識照顧人
    你估所有大哥都會照顧细佬咩

    回覆刪除
    回覆
    1. 哈,我的確唔識做家務。由細到大都是港童一名。
      識搵錢也不錯吧。

      其實好多呢D心態都係自私的。

      刪除
  9. 不如整返個EX的媽媽系列? XD

    回覆刪除
    回覆
    1. 好提議,不過五十字就講完。
      見面次數一次至兩次而已。

      刪除
  10. 哈,初戀無限touch,回憶愛情真係好正,後生未成家真係溝多D女有益身心。
    你夠膽寫,比個"讚"你。

    回覆刪除
    回覆
    1. "後生未成家真係溝多D女有益身心"
      非常認同,溝人又好,收女兵也好。
      否則唔知自己真係鐘意D乜,到傻下傻下結左先發現唔0岩就慘。

      刪除
  11. 打格仔女主人成個KAY BB 咁~~~

    回覆刪除
    回覆
    1. 果個係社區中心幹事。

      女主人?下面條LINK有相
      http://hk70s.blogspot.hk/2016/06/8.html

      刪除
    2. Oh sorry, 邊個社區中心,介紹我去

      刪除
  12. 回覆
    1. 都完左場, 攞埋獎品返屋企添啦

      呵呵…

      刪除
  13. 中日混血,恨死全港各大男士。。。哈哈。不過寫前度真係要好小心,一唔覺意另一半會呷醋。

    回覆刪除
    回覆
    1. 唔會,最正係而家個件。
      不論真心定假意都係。

      唐勤兄,好耐無見。

      刪除
  14. 為寫blog,你去得真盡,希望女主人不介意。

    回覆刪除
    回覆
    1. 講左會寫就會寫,決不走數。
      亦唔存在“去得盡”
      夠膽寫夠膽鬧,一向作風呢。

      刪除
  15. 嘩,寫到咁,真係多謝你既文章~

    回覆刪除
  16. Ex係女,ExEx又係女,ExExEx都係女,點解女主人只係唔中意你提Ex呢?應該係你嘅問題……

    回覆刪除
    回覆
    1. 哈哈~ 收到!查實我同老婆之間都有哩種心結,仲要係雙方都有,間唔中都回借機轟炸對方,邊個攻邊個守就視乎當時邊個強勢。可能,到幾十年後大家都冇晒男女性荷爾濛時,哩d就會變成飯後笑料。

      刪除
  17. 不如寫下溝女導航或脫獨系列?

    回覆刪除
    回覆
    1. 人人情況唔同喎~
      打扮,自信,口材,銀根,年紀。。。
      不同人不同問題。

      刪除
    2. 你咁講,攪到我想起之前套粉紅救兵

      刪除
    3. 無錯,我估投資單身blogger 中,同粉紅救兵一樣,多數是外表問題。
      性格只因外表差,從小被人無視養成。

      刪除
    4. 高低門檻借錢系列,我都好想你再分享下

      刪除
    5. 當然可以,不過我習慣好似成龍咁,試過才會講 。
      總不會常常借錢吧。

      刪除
    6. 市場上太多借錢廣告,反而難以比較息率。
      有過來人既分享,更易選擇。

      刪除
  18. 哈哈,等到你呢篇外傳二了。希望女主人大人有大量,原諒我們呢班老饕啦。

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...