2016年8月25日 星期四

東方日報財經版 訪問

初到訪者,你好。這不是投資BLOG。

上面有兩個系列值得一看,分別係"我可以唔撈嗎"以及"心態決定境界"。

連結如下

http://hk.on.cc/hk/bkn/cnt/finance/20160824/bkn-20160824190414634-0824_00842_001.html

隱形富豪股票資產8位數 食息做財務自由人




睇個標題,隱形富豪肯定唔係,任何人只要有三層FULL PAY收租樓,已經多過我啦,係咪?

先感謝財經小妹CHOLE訪問我呢位大叔,內容大致上都同訪問一致,真好。

話說年半前已經有媒體搵我,自今年開始,小弟認真左玩BLOG,同時準備多D玩意比自己,好讓退下火線之時,唔會無哂"人生意義"

係度廢UP一下,
小弟只要唔出樣,
唔透露工作內容,
會接受所有訪問的。

為乜?一不為錢,二不為名。只為此BLOG點擊率。係咪好無聊?非也,對我來說,是個好玩遊戲。

同時,亦希望年青人不要傻傻的相信別人走的舊路必勝(例如買樓收租,打份好工等等),趁還年青還有夢想,何不嘗試去實現?反正,衰左無乜大損失,對吧?

講番個採訪,係朗豪坊來的。我奇怪點解揀咁多人的地方,原來想影下相同片。

如果唔係透露得工作,我成個鋪頭都係高達,裝修也OK。我仲有高達頭盔,戴住訪問可以唔駛背住鏡頭!哈哈哈~~~!

另外,不得不讚攝影師GARY好勁,三兩下拖延計完成短短拍攝。(唔知佢拎番扭得太實果個腳架底坐未呢?)

之後同左小記上上面食TEA,期間錄音訪問。我又怕我太多野講阻住佢收工,因為佢訪問完就收工了。同時,我又怕太多資料不著邊際。

訪問同我心中所想差不多吧。

如真係要補番幾句漏左,因都同財經無關,係BLOG度UP下。

1。認真多謝父母親自少以來賦與我選擇的自由。(同時我亦會給予我子女)

2。感謝我老婆肯一路同我癲。(其實佢算半個美女,幼齒系。不過佢過往上鏡唔會上財經版。。。)

3。小弟的真正財富,並非來自投機投資,而是來自工作。

4。每人背景,家庭,風險承受能力各有不同,勿亂跟

5。三層FULL PAY已過千萬,其實這數不算多(不過全倉流動資產有幾人?)

6。年輕人,應追夢,錢財身外物。搵到你鐘意0既事物,你估仲會做得唔好?

訪問完後,過左兩天就係生日。

我相信女主人都好期待出街會點,我正因失左聲,把聲好古怪(變左聲音經過處理),再加上其實於投資而言,跟本回報不高,無乜大不了,唔知可以點寫。

點知,出左街,文字版行先,都OK喎!朋友們都話背影認唔到係我!(太好了!)

半夜出埋條片!

我老婆睇到狂笑,因為真係好有心機剪接呢!兩個仔女係度睇,個女問係咪爸爸黎!我叫佢自己估,最後佢話唔知~~~!

另一邊廂,有朋友都發現左係我,因為認得我個女。

之後,被人轉載去左DISCUSS

一如我同老婆所料,香討無窮人,一千萬真係跌左都唔駛執當碎銀。仲有邊有人買建行咁ON9?係都買QQ啦,已經九位數字了~ 仲有,得個一千萬,豪少少0既樓都買唔到呀!

又係喎。都係個標題衰,應叫做"死窮鬼無錢學人財自!"

講笑,其實香討網民反應我同女主人預左,我呢個IT大叔先唔會放在心裏。

因為自由意志是我的,
葡萄是你的,
只水吹做不到是大部份人的。

也讚一讚,有人突破盲點,指出資產同流動資產的不同。我不詳述了。

相比其他被訪問後放上DISCUSS(香討)的BLOGGER,我的負面評級相對就很正面。也感謝他們比面。

再講多次,
小弟一不為錢二不為名,
只希望文字裏尋求遊戲感覺,
好讓真正退休之時,唔會無哂"人生意義"!

另外,訪問中數字大部份都正確,我何必做假?21歲大學畢業好正常,我八月出世喎!

總結一下,成個訪問同出街都好合心意,在此多謝東方,或許,是我人生唯一一次在媒體出現,如此沉悶人生故事,遠遠唔夠高回報新聞好睇。(這個都是我無回應一個好好出版商出書的原因,跟本無人買。)

每篇都有一隻高達的話,今次肯定是他。




1/100百式連米加粒子砲
有人問點解次次做背景,其實我想在我值得紀念的文章才用它!

一位亡友的愛機,我總算練習左好耐才開始噴佢。他教我股票(只是如何買賣),名義上半個師傅。我教他溝女(他生前的老婆)。

佢同我講過,如不是父母有間居屋,他婚後生活會很麻煩。

DUSTY,你的睿智,永遠壞念。

(另,錯手得罪銀英傳中DUSTY的對手BLOGGER,大人有大量,唔好嬲啦。)

再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

68 則留言:

  1. 原來仲有條片, 真係唔講唔覺:)

    回覆刪除
    回覆
    1. 記者妹妹話先有文,半夜有片。
      我又唔為意啦。。。哈哈!六點個陣係無片的。

      刪除
  2. 朗豪坊咪幾好,唔使你入去「大埔工業邨」。哈哈。

    回覆刪除
  3. Discuss嗰度真係好多葡萄友=P
    睇佢地留言既馬蹓戲,仲開心過小朋友偷睇到三級戲!

    回覆刪除
    回覆
    1. 愛。鬥。大。
      所以俗語有云,睇香討會睇壞人。
      因為假野亂吹比例,比blogger 更多。

      刪除
    2. 睇咗兩版discuss, 得一個識得問一個月點揾18萬

      刪除
    3. 越是真實,葡萄有限,鬧我更少。
      留意好多人都係同樓比。
      也因為chole 小記寫得好。

      刪除
  4. 好睇呀,相信這篇報導或多或少都會影響到一些人,功德無量,加油。

    回覆刪除
    回覆
    1. 影響人就未必得了。
      或者咁講,令其他人知道選擇有很多,買樓收租未必牢不可破。

      刪除
  5. 做乜要企係到訪問咁辛苦?

    回覆刪除
    回覆
    1. 其實講幾句咋。
      九成時間係邊食邊訪問的。

      刪除
  6. 支持呀,訪問做得吳錯呀!

    回覆刪除
    回覆
    1. 係記者小妹做得好。
      講左一大堆野也能捉得住重點。
      其實好多後生一輩都好比心機做野,只係老屎忽要求可能太高。

      刪除
  7. 回覆
    1. 唔係啦。
      如果唔用呢四個字,篇野會少好多評擊。哈哈。
      香討教既,無九位數算咩富豪丫。

      刪除
  8. 70兄堅啊, 我都想有日可以財自成功日日砌高達~

    回覆刪除
    回覆
    1. 加油。
      我都唔係成日砌,呢排忙都停左兩星期了。

      刪除
  9. 訪問太短,唔夠喉,如果下次上埋電視帶頭盔果個節目就好!

    回覆刪除
  10. 東網個報導幾正面。我今朝有同我老婆講,我D blog友中又多一個出左櫃😁。幾有面!

    回覆刪除
    回覆
    1. 出櫃,哈哈。
      係,比我想像中正面。
      如改用千萬身家會比千萬富豪好一點。

      刪除
  11. 剛剛看完東網的報導, a very good & positive interview!
    香討我從來都唔睇,反智思想的人太多。香港人真的要學習如何去欣賞別人,參考別人值得學習的地方。

    回覆刪除
    回覆
    1. Starman 我都係睇左你個篇報導先去馬,因你都無出樣,我估我都得。
      香討不要太認真看待就得,一個討論區如果無noise 實會摺,搵假人出下野先生存到。

      刪除
  12. 得個背影,
    認到你先出奇啦,
    呵呵

    回覆刪除
  13. 因為自由意志是我的,葡萄是你的,-------正! 一個大讚!

    回覆刪除
    回覆
    1. 由細到大遇過太多妒忌人的葡萄。
      讀書又好過佢,條女又靚過佢。。。
      已見怪不怪。

      刪除
  14. 其實, 香討都有D勁人, 但人渣係主流。

    個訪問做得幾好, 夠真, 足夠KO晒D吹水7咕轆啦!

    回覆刪除
  15. 好正面,70兄厲害

    回覆刪除
  16. 70 兄樹大招風無計, 生活美滿的確會招人妒忌..哈哈
    話說小弟都係21 歲大學畢業, 點解從來無人懷疑過我....so sad...

    回覆刪除
    回覆
    1. BLOGGER 中我已算好低調吧.
      所以負評都唔算太多, 可以接受啦. 葡萄就由得佢葡萄~
      一年十二個月,過左八月生日的,都會21歲畢業~

      刪除
  17. 70後兄勁呀!
    ..努力工作獲得回報到達一定程度後先可以收息財務自由...

    萬事起頭難! 真心希望70後兄可以寫文講下如何創業, 創業選擇, 創業過程...

    回覆刪除
    回覆
    1. 創業就係做鐘意做0既事, 控制成本, 唔好一開始玩到咁大.

      刪除
  18. 70後兄呢篇訪問好正面,睇到努力工作的重要性和人生唔只一條路。

    回覆刪除
    回覆
    1. 係。
      大多人幻想廿年後full pay 財自。。。

      刪除
  19. 係香港尼個社會,個個都話結婚就一定要買樓,你都可以堅持租樓,真係好難得

    回覆刪除
    回覆
    1. 訪問中其實我有答過。
      當收入升幅快過樓價升幅,咁又何必急於求死?
      坐係度食花生也可,再升,我又比得起。跌,又有錢執死雞。

      刪除
  20. 香討唔使理啦,好多人講廢話,自己失敗就覺得人地都係失敗。
    幾年前剛大學畢業,我d fd係咁話睇香討d人講搵工難,人工低,呢樣個樣。
    吊起左佢地大半年先唔再睇,過左無幾耐就個個都轉晒工。
    唔敢講話份工好好,但係起碼係香港頭5%人工。
    痴得香討d負撚樣多,自己都會吸埋好多負能量,香討都係少去為妙。

    最後恭喜70後兄又多個成就解瑣 :)

    回覆刪除
    回覆
    1. Blog 友中,最明白小弟的,你肯定是其中之一。
      對,就是成就解鎖。
      以前好鐘意打機打到全成就,即使有多無聊(例如跳海死一千次。)
      香討地產個版,是但綁一件,已可以財自啦。如果佢地係堅及非吹水。

      刪除
  21. 好少留言,長期做CD rom, 要出黎支持下, good!
    睇背面同我多年的想像outlook有D出入,哈哈!
    support you always.

    回覆刪除
    回覆
    1. 謝謝KT 兄支持。
      你心目中係咩樣?哈哈。

      刪除
    2. 哈哈,現在看好似有D中年發福,70後兄真係要的起心肝開始游水做運動.(我真係有追你的每句留言,hehe)

      刪除
  22. 其實為點擊率,係幾無聊架,不過自己感覺良好咪得lor,反正人生做好多無聊野架啦

    回覆刪除
  23. 70後兄對香港市場SEO, facebook去增加流量等, 因為已玩過一排, 應該已有相當經驗, 介唔介意我私底下問你一些問題. (私式下做伸手黨)

    回覆刪除
  24. 百式終於做主角了!!
    家陣出(非工具性)的實體書真係冇乜人買,幾百本已叫做幾暢銷了.
    我重以為70s兄同我一樣係文弱形tim,原來都幾「大隻」下.

    回覆刪除
    回覆
    1. 人大食多左0者。
      我十幾歲個陣,一百磅唔夠。
      我絕對係文弱型,氣力無乜。

      刪除
  25. 我最鍾意70後兄成日鼓勵年青人闖下, 甚至創業! 香港被困於打工仔思維的人已經太多。

    回覆刪除
    回覆
    1. 有好有唔好啦。
      有人覺得我硬加自己個套去人地度。
      我又覺得,趁後生闖下,衰左最多乖乖番去打工,都叫做搏過下。
      到第時老左,都可以同兒孫講,我做過老闆!

      刪除
  26. 東網的報導都不錯、70後兄也真辛苦晒、想教化鼓勵年青人闖下~~~~
    香討係反智樂園、小弟真係睇都唔睇~~~~

    回覆刪除
    回覆
    1. 飛鳥兄,謝謝你的鼓勵!
      DISCUSS是酸葡萄之地,識玩其實好好玩!

      刪除

各位每個留言,係我繼續9UP動力,必覆。

Related Posts Plugin for WordPress, Blogger...