2016年8月22日 星期一

生日有感 是順風還是逆風?

先講講,今日(八月廿一日)雖然是小弟生日,不過我依舊會開工。

(寫完先驚覺呢篇野9UP成份太重,希望各位朋友不要見怪,比面壽星仔。)

曾幾何時,我會係生日放自己一日假(好正常丫)。唔知幾時開始,因為成日放長假,呢一日假變得完全唔重要。

我同女主人依然各有各開鋪,收工食個飯已經好正。

男主人唔貪食,靜靜地食番餐就好夠,傾下閒計,已很享受。

整個小櫻比你啦,女主人童年回憶~!

食左私房菜,算係法國菜吧。兩個人食左一千蚊多少少,真係好抵。相比食自助餐,呢D更0岩食。

LUXURY PRIVATE KITCHEN
幫佢賣下廣告
最好食,係個隻生蠔,牛都OK!

女主人關心我砌模型一事,其實我唔玩WHATSAPP GROUP都會繼續砌。九月份應該可以再開始噴油。要忙0既都忙完喇。

回老家接番仔女回家,兩姐弟感情越來越好呢。他們的年紀還小,係我地呢D年青父母黎講,最美好的回憶就係呢幾年了。

男主人性格,想做就去做,近兩個月做左唔少過往唔做0既事。

1。加入別人的WHATSAPP GROUP,投資或模型(如有模型GROUP,請介紹下)

2。轉左個戶口去IB,平息借錢買野,暫時槓桿50%都未到。

3。又要威又要戴頭盔式,接受左媒體訪問!(最早年半前已有人搵過我,不過當時唔想真身出現。。。越近財自,就越唔怕被起底。)訪問出街時,會再行文。

講開接受訪問,女主人經驗多好多。ROAD SHOW,幾份大報紙,TVB兩三次,創富坊,有線,雜誌,佢仲出埋樣!哈哈!

訪問我0既小妹妹,認為我好順利。我估佢講投資同埋工作吧,我同佢講,如果可以揀,用身家交換佢十年青春,返老還童我都願。始終錢財身外物。

我就唔會同個D憶萬富豪比(係真定係假?哈哈哈~),同D年紀大機器壞老人家比都唔會(複利效應喎!花甲之年仲要講錢?做乜?個仔唔生性又唔理你?)

究竟,我算一帆風順,定係逆著風走得快?

了解自己最大問題

唔少教育研究指出,GIFTED通常都有SOCIAL BARRIER。

不過,有SOCIAL BARRIER 0既就未必一定係GIFED。至少我唔覺得我係。

如果唔係有SOCIAL BARRIER,可能我唔會次次抄小路走,唔去跟人行。反正一向離群開,做古怪野,D人都習以為常。

中學年代好少事,都有三五朋友。入到大學,見D同學密集式專業洗腦都咪話唔驚!我呢D古怪人,打從一開始已經唔想做番本行,真係正牌攪攪震!

"唔想做你又讀?"

唔通我轉科由YEAR1讀起,SIDE屋企錢咩?

十幾年後今日,佢地做番本行有幾多(唔鐘意做0既,好難維持吧?),到今日仲做番本行0既,以收入計,又係咪真係咁高人一等?我真係唔覺。

使命感?其實仲有更神科0既一線專業吧。。。

人各有志我梗係明。不過當日嫌我古怪,其實人大左,走一條定好哂0既路才是古怪吧?人各有志定係人各有相同的志呢?

正因SOCIAL BARRIER極重,我唔係好識兜圈圓滑,一出口就中人要害。好明顯天生唔打得工。

即使打工,一係死忍DUP低頭,睇下幾時八號風球;當做到白頭,只能係快餐店同其他阿伯講:"做生意好大風險,我後生個陣點點點,年青人唔好諗住一步登天,唔好怕蝕底!"(傻的嗎?真係話佢ON9又驚阿伯嬲)

好多人,比我更好,一步登了天。你仲諗住二三十年後租客就幫你FULL PAY層阿婆舊樓?

UM。。。我不得不承認,我脾氣差。由細到大都係。我估如果打工,比老細X,我一係X番佢唔撈,一係又DUP低頭等幾時八號風球。

如果唔係脾氣,小生意絕對唔會做得住。。。呢個亦都係我認為傳唔到比仔女0既原因。


自由度之重要

如果唔係父母比大量自由度我,不論學業定工作,我都唔會揀到自己鐘意0既選擇。

係訪問中,我都強調過,感激父母親由細到大比我0既自由,自己揀中學,自己揀科,工作做D乜都唔過問。我媽媽從來無問過點解我唔做番我專業(只係提過下我搵番份長工,呀,佢唔知我諗法。)

反而以前D女朋友(s)個阿媽先會問!

同樣,我揀中(定佢揀中?)阿女主人0既原因,就係因為佢肯陪我癲!或者,可能識佢個陣佢先得果21歲,根本入世未深吧。同佢講我做乜炒旦,佢都只覺得係職業一種。

有冇睇過最頂幅圖?就係當年行長城0既故事。。。

正因佢肯同我癲,我見佢當年做秘書仔日日無所事事,佢試下攪佢個份小小生意。佢又肯跟試,否則佢而家唔會買野唔太睇價錢!!!

如果唔係咁唔識死,唔行大路,唔走線(意思係行捷徑,例如要小朋友嬴在射精前就一定係走線行為!),光明正大,唔欺負弱者以自肥(所以我好憎收租仔)。

走到呢一刻,行極都唔太算錯路(或者我阿Q精神),可能係無做過咩壞事暗事陰質事0既好報。

刻意順著風走,不如試下逆風。

人生短,適時玩。
工作,事業也是遊戲!

男主人寫BLOG並不為錢(花咁多心機,不如努力工作),亦不為名(會比人笑我為左十蚊,行多幾條街買高達!)

咁為乜?

非常老實,只為點擊率,當作指標玩玩,希望大家支持。

我接受訪問都係想試下係咪加到點擊,如果得,我又唔介意再繼續被訪問喎!

其次,希望能令後輩離開傳統框框,不要走老野們SET好0既路。

人收租你又收租
有冇諗過三十年後
係香港DOMINANT0既係邊D人?

比你揀,你想係而家D收租大嬸,定係90後?你想你仔女0既老細係邊個?

最後,在此感謝朋友提早為我慶生!如果真係要計,1998年已認識,當年玩新聞組的一班學生哥。(果陣?3HOME都未有喎。。。尖沙咀有間初代網吧叫CYBER X!)

圖中不是我家,圖中朋友有九龍站加按整餅,有雙租族,有高薪中女(唔好打頭),仲有父親留下資產的人。

不過,他們都沒有出書,
沒有覺得工作辛苦日日想財自,
更加沒有節衣縮食為買樓收租!

唯一比較特別,係我有兩個小朋友,佢地可以成日去旅行。。。

再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

75 則留言:

  1. 霸個第一先,我邊有買野唔睇價錢...

    回覆刪除
    回覆
    1. 你有。
      不過唔係貴野0者。。。
      入m記叫野食唔睇價錢。

      刪除
  2. 霸第二位, 祝生日快樂, 身體健康!

    回覆刪除
  3. 霸第三位,祝生日快樂,點擊率創新高。

    回覆刪除
    回覆
    1. 謝謝言兄,成你貴言。
      我當打機咁玩而已。

      刪除
  4. 七十兄生日快樂,祝你一家身體健康幸福快樂

    回覆刪除
    回覆
    1. Mike 哥,謝謝。
      最緊要屋企人健康。

      刪除
    2. 我細過你,叫mike就得啦。

      七十後兄親身證明左人生可以有很多條路,中途轉彎都可以做得咁好,我真係好佩服

      刪除
    3. 有勇氣去轉彎一定好過慢慢等死既

      刪除
  5. 睇到這句很有感慨:「。。。用身家交換佢十年青春,返老還童我都願。始終錢財身外物。」

    70後兄加油。

    回覆刪除
    回覆
    1. 大家咁話。
      細個有青春去玩,大個發現燃燒青春唔係好玩。
      不過比我回帶再黎過,便可繼續玩。

      刪除
  6. 七十後兄生日快樂,我成日都話除左身家外我同兄想法差不多一模一樣,不過我打工嘅,X完老細後攞包藥出來話我藥物影響咗自己,即時say sorry, 俾同事笑咗十年!Kakakaka

    回覆刪除
    回覆
    1. 謝謝紫龍兄。
      可以有相識十年既同事好難得,唔好話同事,相交十年既朋友都唔容易。
      Btw,你出到用藥,阿老細都唔想炒你啦。

      刪除
  7. 70兄生日快樂呀!
    祝你的生活愈來愈豐盛,enjoy=)

    回覆刪除
    回覆
    1. CHERRY 兄(哈),謝謝。
      仔女生性已萬幸,豐盛與否都唔重要了。

      刪除
  8. 揾到一條自己嘅路, 仲要開開心心有人陪住行, 等於日日慶祝啦!

    回覆刪除
    回覆
    1. 謝謝LEO兄。
      是的,找到對的另一半一齊行,好過獨J過活。

      刪除
  9. 回覆
    1. 謝謝東昇兄,最緊要及早搵夠加風險低~

      刪除
  10. 70後兄生日快樂。
    祝生活娛快,繼續想做咩就做咩:)!

    回覆刪除
  11. 祝你牛一快樂,最緊要身體健康。
    乜風都好,有風就可以起帆,一帆風順。

    回覆刪除
  12. 祝你生日快樂,早日財務自由

    回覆刪除
    回覆
    1. 謝謝billy 兄。
      快樂比財自重要。
      當然兩者都有就更好。

      刪除
  13. 生日快樂。
    身家同點擊只係一堆數字,多一些少一些並不影響生活質素。不過有時很奇怪,正是對這些數字的追逐,才能令自己保持謙虛、好學和鬥心。

    回覆刪除
    回覆
    1. 當年psycho profession 教,減肥都要買磅。
      有東西追逐下,遊戲才更有趣味。
      謝謝池兄。

      刪除
  14. 70後兄祝你生日快樂 年年有今日~

    每次睇完70後兄d post都忍唔住葡萄~ haha

    回覆刪除
    回覆
    1. 只係我比你老,複利效應而已。
      謝謝進步兄。

      刪除
  15. 有人陪你一齊癲,真係最重要。。

    回覆刪除
    回覆
    1. 係。
      好同學,你要加油,不論工作定其他事呢。
      過多幾年就難搵d...

      刪除
  16. 70 兄,想問個IB 問題:
    請問你做BOND/OPTION 時有無用過個Request for Quote(RFQ) function?

    回覆刪除
    回覆
    1. Option 無試過,我就咁mkt price 成左。
      Bond 試過,無回覆的。根本無人報價。。。

      刪除
  17. happy birthday...成日睇, 但第一次留言...

    回覆刪除
  18. 七十後兄生日快樂,祝點擊率升升升!!!

    回覆刪除
    回覆
    1. 已經是C奶一名,以前yahoo blog比較多留言,而家真係.....

      刪除
    2. 大家開始有其他事忙。
      照顧子女,屋企人,自己。
      再加上,股市無一次似樣大升幅,無得開香檳做專家,自然少左人寫少左人睇。

      刪除
    3. 都係,呢兩年投資上變化不大,等佢自然成長。

      刪除
  19. 生日快樂
    又撑枱腳過生日,正

    回覆刪除
    回覆
    1. 謝謝ww兄。
      年年生日都撐枱腳,無理由生日都要 ?湊仔架ma.

      刪除
  20. 祝生日快樂, 身體健康! 年年有今日 :-)
    Mat

    回覆刪除
  21. 祝70s生日快樂,點擊率爆燈,訪問出街後爆紅!

    回覆刪除
  22. 生日快樂! 祝所有東西都一直順利落去!

    回覆刪除
  23. 70後兄生日快樂!

    Jerry SIN

    回覆刪除
  24. 70兄生日快樂! 身體健康,生活愉快☺️

    回覆刪除
  25. 70後登上財經新聞, 蜚聲國際, 厲害厲害

    回覆刪除
    回覆
    1. 無咁誇張。哈哈。
      正所謂香討無窮人,一千萬其實好小。
      另已行文解說。

      刪除
  26. http://hk.on.cc/hk/bkn/cnt/finance/20160824/bkn-20160824190414634-0824_00842_001.html 勁!

    回覆刪除
  27. 70S兄 生日快樂! 剛你的新聞!加油!

    回覆刪除
  28. 生日快樂!祝早日財自。

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...