2016年8月2日 星期二

女主人生意利潤 (女主人工作系列)

傍晚六點幾     新聞公告了在1晚上八時四十分改掛八號風球

七點左右正打算撤退之際     竟然仲有客人冒著風雨過來睇衫

我地向客人溫馨提示完風暖暴最新消息後    但客人依然旁若無人   我行我素咁睇  仲話佢女朋友都上緊來。

我安慰自己咁諗就當我地貨品真係好吸引佢。

*****

前兩日     同男主人講開每月利潤問題

慚愧地     我真係唔知道自己每個月搵幾多錢

咁點知道每個月公司係賺定蝕?!

其實好簡單    只要每個月公司條數係正數 而又可以供養到我日常生活(包括一切使費及俾家用)及每月固定有舊錢存入我私人戶口

我就知道公司係賺....

做左6年幾     非正式統計地只有一個月係入不敷支

因為果個月係新年只係返左十日工左右....其他日子都係放假, 所以接唔夠單

用最保守的計法      我每個月實際存入自己戶口的有75200元

75200 x 12個月=902400元

我就當呢個係我最純利潤     亦係我一年可以儲的錢

為免俾男主人哦我     而我自己都有點好奇想知下自己實際一個月賺幾多錢

終於的起心肝計下我純利究竟有幾多

打開個EXCEL    原來對上一次計數已經係2015年9月

計完2016年6月及7月    扣除左支出

38萬營業額     6月所得純利有        10萬
43萬營業額     7月所得純利有        13萬

****

雖然冇好確實咁知道自己賺蝕     但其實心裡也有個數

知道利潤係多左定少左

近半年公司被逼轉型 由最暢銷晚禮服       慢慢轉左童裝衫 十個有七個來的客人都係買童裝
在經濟咁低迷時勢     慶幸自己仲有一樣野可以企得住腳

亦好慶幸自己一年前想產品多元化而引入左童裝衫

我成日話我一路走來都係運氣        不過男主人說

有時運氣都係實力一種

呢句說話一直記在心上

「早起的鳥兒有蟲吃」    比別人努力     對客人的用心

相信這個也是引客人選擇我們的原因之一

(雖然有時我會揀客做)

****

今日睇相睇返一年前左右個女張相     覺得個pose好好笑

攝於國內間屋


*****

男主人後記,佢個格式我EDIT過先比佢出街,咁0岩我打完佢又打,佢要讓我出先啦~

為免各位錯失我上一篇BLOG文,可按此

儲夠七球就退休 我可以唔撈嗎18

各位朋友0既留言,
就係對無乜恒心將會爛尾0既女主人0既動力!

45 則留言:

  1. 個個月都有十萬以上既純利真係好唔錯,歡迎女主人加盟blog友打多d 文。

    回覆刪除
    回覆
    1. 都有淡旺季之分,試過之前個市好淡得三萬蚊。

      刪除
  2. 女主人賺錢叻之餘、對員工客人都咁關懷,真係好難得呢!

    回覆刪除
    回覆
    1. 對員工係,但對某d麻煩客人未必係架。特別係唔識尊重人既客人

      刪除
    2. 對員工真係好到一個點啦,可以遲到又可以早退。
      同小朋友睇醫生請假又唔扣大假。
      客人退貨唔扣佣。
      中五或中七就ok,呢d 工邊度搵。

      刪除
    3. 對於請人,我偏愛請女,哈哈。女仔賣野俾人感覺會容易受落一點,賣女人衫又好,西裝又好,到童裝都係,講句野都覺得你細心d.

      刪除
    4. 哈哈哈,又係既,女仔一般係細心好多

      刪除
  3. 其實最想知頭兩個月點揾客

    回覆刪除
  4. 女主人計數既方法真係好free style 同時又好logically!
    "有時運氣都係實力一種"<---證明女主人係實力之人啊!
    好奇一問, 想問女主人既生意係原有工作加興趣嗎?

    回覆刪除
  5. 勁, 不可能只是運氣因素. 自己的實力才是大部分成功原因.

    回覆刪除
    回覆
    1. 服務態度同對產品認識程度應該係致勝之道

      刪除
  6. 女主人唔計數咁每年點報稅......

    回覆刪除
  7. 我估做生意最緊要用心去做,成功與否就看個人資質吧。

    回覆刪除
    回覆
    1. 冇錯,用心好重要。用心未必一定會成功,但不用心最後一定會失敗。

      刪除
  8. 女主人,妳真係叻, 家下市道人人淘寶, 妳的成績真的很好, 加油
    mat

    回覆刪除
    回覆
    1. 礙於某些技術問題,我賣的衫相信仲可以賣多三五年。淘實未能完全取代

      刪除
  9. 女主人原來做呢行, 惡性競爭不大嗎?

    回覆刪除
    回覆
    1. 試過俾同行惡性抺黑,不過我好少理人點做,做好自己就算

      刪除
    2. 哈哈,以為男主人出賣我添。

      刪除
  10. 另外男主人大彈中年老師麻煩又難服侍, 女主人你又點處理?

    回覆刪除
    回覆
    1. 麻煩客人通常張單要寫清楚條款,講清楚有機會發生問題,佢肯接受就接單。對於不講理客人,盡可能在初次見面時就踢走。雖然咁講,我依然成日都衰心軟交學費。

      刪除
  11. //有時運氣都係實力一種
    應該說有實力才捉得住運氣。

    回覆刪除
    回覆
    1. 樂觀同阿Q想法算唔算實力? 有時換個想法記住自己依然擁有的那就是運氣。時常懷著感恩,想法正面,運氣先會有。

      刪除
  12. 童裝衫可以叫女兒做模特兒:)

    回覆刪除
  13. 被逼轉型後都有純利十幾萬, 未轉型前應仲多。

    回覆刪除
    回覆
    1. 都唔係, 轉左後好像都係差不多。

      刪除
  14. 果然係兩個成功大茶飯實戰個案!預祝你地可以早日到數提前退休!

    回覆刪除
  15. 作者已經移除這則留言。

    回覆刪除
    回覆
    1. 謝謝! 其實相對好多高薪人士, 我不算什麼。反而男主人比我好好多, 我呢份係少少受氣工。

      刪除
    2. 間中受下氣其實唔係懷事, 加油! (我仔女比你兩個大少少, 好多時我會刻意製造「機會」,等佢地習慣下受氣, 自己有錯冇錯都好, 都要正確態度面對。我覺得重點唔係對方對或錯, 而係道理原則在哪裡。)

      刪除
    3. //重點唔係對方對或錯, 而係道理原則在哪裡//
      這句我通常用來安慰自己, 可惜有些客人不講理, 所以道理原則用不著。
      用在仔女上又幾有趣, 多數我個女遭殃, 明明細仔錯左要兩個一起罰受罪。

      刪除
  16. "有時運氣都係實力一種", 我老婆對呢句有生理反應XD

    回覆刪除
  17. "有時運氣都係實力一種",哈哈,呢句真係好精警。男主人真係有很多一語中的嘅句子。其實打打吓諗番,呢句同"勝者為王"有異曲同工之妙。
    再想講的是,能從女主人的文字中感受到女主人之高EQ、之温文有禮。期待多出文 :)

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...