2016年8月17日 星期三

月餅失衡論 買定咁多樓做乜?

由唔知邊年開始,男主人開始買月餅比兩邊屋企。題外話,病情好番好多,各位有心。

此圖不是我,若你有成隊筋肉人幫手,請佢地食月餅是理所當然吧!

又唔知由邊年開始,女主人開始買月餅比佢D供應商,順帶買埋男主人個份,結果我慳番一筆!(哈哈)

其實,應該係供應商買野比佢吧???何解調轉左??大概係當慰勞下D工人大哥吧

試過有一年,過關檢查,比人篤爛哂D月餅,唔通怕我地放左"反清復明"字條係月餅入面?哈哈~

上一年,女主人依舊買月餅,例如外家兩盒,男家兩盒,自己屋企一盒。

點知,我阿媽自己又係酒樓經理游說下買左月餅。唔緊要,三四盒好易食完。

更加估唔到0既係,男主人收左三四盒月餅!!(過往收過果籃,月餅都係一盒,我一向唔收禮物,旅行手信都OK,特登買又唔係幾好意思。)

結果,成七八盒月餅,我同女主人加埋兩老,又點食得哂!?

我媽是慳檢老一輩之人,會慢慢食食到十二月,實在非常唔健康~!

今年女主人好醒,提出唔買月餅!

佢估計,佢會收到月餅,而我,因為男主人生意SCALE大左,收到月餅可能比上年多。(前年收到半島奶黃月餅,第一次食。同美心奶皇月餅無乜分別丫

佢打算派利是比班工人大哥就算,實際過送月餅;同時,佢又覺得我收番黎0既月餅可以夠全家食。

係我立場,根據往年紀錄,其實唔一定。(我都唔會炒炒下旦問食客會唔會送月餅比我吧。。。一問就大獲,會有雙位數!!)

咁如果一盒都收唔到點算?女主人又好鬼醒,因為送都係一星期前送,如果中秋前一星期都無,大不了出街買兩盒番黎。既健康又環保!(唔係為左慳錢,男主人最討厭浪費食物!)

月餅又唔會無得賣0既,反正都係要兩三盒,何必一早買定?

我唔係想講道理,不過,樓同股都一樣。

股票又唔會走左去,而家唔算貴,已經算平。買入也OK。無貨可以小入,有貨咪儲下錢睇下佢有冇得跌LAW!又係個句,買入時機比一砌重要!買唔到,咪等下,呢隻唔跌,實有其他好選擇喎~

樓又係一樣,自住都係只要一間,唔買可以租!如果舊年買左,而家好有機會坐緊艇,槓桿之下,唔見多少?當然,你2007-2009買落又係死唔去仲一大舊錢加按,不過,十年八年之間,你無生仔結婚?果度仲0岩住?

以我所知,2009加按層九龍站物業,遠比2009年加按層十九亮賢居吧!BLOGGER 之真假,真係好易睇到架咋!老老實實,我真係未比AGENT水過,是否你個人樣太七呢。。。?

仲有,成左家0既雙租族,如實力只屬一般,都只能租新界大西北三房單位(你睇下乜SIR個D真實個案就知)!真實加按後,現金流部份其實唔多,只係租客代供偷換概念之下能爽歪歪。

如前一篇文所講,用租金收入去租樓,一邊可有收租優越感,另一邊又可以話比人聽無放棄生活質素~!DOUBLE COUNT左喎!

拿,都係個句,人人背景不一樣,心態不一樣,可承受風險不一樣。我0既選擇又未必係0岩你架。

好鐘意食呢間"餃掂",推介松茸餃!

只係,我唔買只租,一黎有被動收入交租,二黎我兩公婆現金流相比租金真係九牛一毛,三黎我地都係傻傻地又唔驚死0既人,再升多十倍都未驚過(其實你加租,我加價,難道香港收租仔唔駛衣食行?)。

當然,點都會有兩手準備,投資加上工作十幾年(阿女主人後生過好多80後BLOGGER!我就2001年畢業0既。),儲到0既股,已經足夠用條OD LINE提出全數FULL PAY而家住緊果度。

仲未計動到老婆的現金。

呢D情況,有需要急於買樓嗎?可能,只要一次股市牛市就夠(邊個話股票會蝕死?無限補時最適合老散使用!)。時間越長,儲備越多,選擇就越彈性。

連個女都已經有小學MARK定,更加唔駛去花心機做怪獸家長,真係唔那兒來的福氣!

小女開始長大,再出鏡會比人認到。是時候小兒補上了!

可能,是我這家人堅持不以收租吸別人血以自肥,不作惡,自然沒報應。

我收股息收權金,心安理得,不用計較市值租金個一千幾百蚊去MARK UP租金。香討個班:"唔租過主,大把人等住租",今年應該無呢支歌仔唱啦。

今日股市跌番少少,家庭淨資產約1350萬左右(呀,我地除左每月幾千卡數,基本上無負債的)。未計女主人持有的內地小小小物業。

哈哈,若建行升到十蚊,即時TAKE PROFIT 走人,閂門拉閘唔做了。

預計資產可以累積成點,
遠比預計收到幾多月餅容易呢!

再呼籲下,LIKESHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

36 則留言:

  1. 唔做建行定係唔做炒蛋,哈哈:D

    回覆刪除
    回覆
    1. 即刻環遊世界,第一站去烏克蘭!
      70兄識歎呢呵呵~

      刪除
    2. 應該同老婆番大陸一路剷到上西藏!
      小弟鐘意番大陸...

      刪除
    3. 我都好鐘意返大陸, 西藏我踏足過三次
      bigtiger

      刪除
    4. 烏克蘭靚女多,大陸之前份工個個星期都返,依家唔想再去.
      月餅沒有興趣, 反而棱角就好想食

      刪除
    5. 烏克蘭,非正式統計,應為男性最想去的地方呢。
      你睇到厭實在太浪費了吧!

      刪除
    6. 厭的只是大陸, 不是烏克蘭, 我未去過烏克蘭,
      有機會都會帶太太去,因為我只對亞洲女性有興趣

      刪除
  2. 我一家三口都好鍾意食月餅,上個月已經買左盒食...

    奶黃月餅我老婆識得自己整,家人朋友同事試過都話好味過街賣個d

    松茸餃有無肉?

    回覆刪除
    回覆
    1. 有肉. 齋個D好似唔覺有....可能我唔ATTENTION TO DETAIL~

      刪除
    2. 這間味道不差, 可惜服務太差, 要多隻碗都唔肯比.
      之前在荔枝角道有間食湯餃很好味, 現在搬了.

      刪除
    3. 可能我單一個人去食(老婆唔食呢d),又係非繁忙時間去食,覺得都ok 禮貌呀。

      刪除
  3. //連個女都已經有小學MARK定
    呢樣真係少好多麻煩,連個仔都可以世襲。

    回覆刪除
    回覆
    1. 是的, 雖然唔係最好個間,不過都好前.
      阿仔D天聰都開始見到, 總算放下心頭大石.

      刪除
  4. 其實有樣野一直想請教,如一隻股票公佈有$0.3 息,但買入價到現在已升$0.35,你會先折現?定其他做法?

    回覆刪除
    回覆
    1. 諗下咩市況同埋有冇更好選擇吧...
      升左3蚊實走...十年股息喎~

      刪除
    2. 即先睇自己有無更好錢途先,再睇住原來既目標調整注碼😮

      刪除
  5. 講白d, 其實好多加按再買既人, (即係所謂既一開二, 二開四, 個一堆), 現金流都不會很強勁, 只係在樓市大升市, 便可以不停可以同人吹, 自己層樓今個月升左十萬, 下年可以再加租等等.

    回覆刪除
    回覆
    1. 如果佢仲要工作,收租果一蚊,同佢地工作果一蚊其實無分別。
      佢地交租,都係用錢交,由邊度黎其實中樣。
      有家室個班,可能月入六萬以上,單身果班真係哈哈哈啦。。。

      刪除
  6. 惜衣惜食 非為惜財 緣惜福

    現代人有時真係太浪費

    回覆刪除
    回覆
    1. 可能我係窮公屋仔出身,又唔係捱到中年先得志個班偽中產。
      唔好講話非洲好多人無得食,就單單我食唔哂留比第二個食,唔好買咁多,已經好滿足。
      月餅價格有下調空間。

      刪除
  7. 傳統月餅已停買多年,但總會有一兩盒係屋企出現,老人家唔食得多,老婆又少食,次次差唔多我一個食晒!

    回覆刪除
    回覆
    1. 咁會變大肥佬。。。
      小朋友都鐘意食既,不過食太多真係唔健康。
      閒閒起都雙黃。。。

      刪除
  8. //前年收到半島奶黃月餅,第一次食。同美心奶皇月餅無乜分別丫!

    嘉麟樓?我又分得出唔同味喎。

    回覆刪除
    回覆
    1. 係。
      我反而覺得美心好食少少。。。

      刪除
    2. 半島奶黃月餅同嘉麟樓係唔同價的。嘉麟樓好食過半島。

      當嘉麟樓要排隊又炒貴後都係留返俾有需要的人去食,我食奶黃包得。十幾年前walk in 買倒,而家要上網訂....

      刪除
    3. 原來唔同架?
      咁我估唔係嘉麟樓了。
      斷估唔會咁崇拜我,送咁罕有既野比我卦。

      刪除
  9. 「BLOGGER 之真假,真係好易睇到架咋!」


    哩句真!我當年都係自己寫真野, 都係發覺有部分blog友就中意作大, 更中意「隱惡楊善」......

    回覆刪除
    回覆
    1. 唔講總好過作大。

      最憎吹到自己好勁個d. 話自己係誇國公司管理層,其實只係麥記經理。

      刪除
  10. 元朗個grand yoho賣五百萬都大把人走去買, 香港真係多有錢人
    D錢多到唔知點用

    回覆刪除
    回覆
    1. 五八萬出兩成首期,都係一球,咁中年人士應該有。
      仲有發展商會提供特別方法幫你供。

      刪除
  11. 其實銀行既OD line 講明吾可以拿去買樓,如果發現左係可以即時call loan, 尼個係金管局既規定

    回覆刪除
    回覆
    1. 原來有呢d 規定。不過佢點知我拎黎做乜?
      查冊都查唔到喎,個班九成七成按收租仔,一查冊就中招。
      Btw,如有資產可od full pay,相信大部份人都一早買左樓。
      靜靜雞話你知,用某證券商,可拆借美元轉港紙。。。

      刪除
    2. 如果没错你是否讲着 IX那间证券?

      刪除

各位每個留言,係我繼續9UP動力,必覆。

Related Posts Plugin for WordPress, Blogger...