2016年8月15日 星期一

以租養租 雙租族 北斗之拳的嘍囉


呢期工作開始忙,上個月密密砌高達,似乎熱情又有點減退(砌到悶悶地,比隻MG CROSSS BONE X1 攪到爛尾。。。)

搵呢幅圖發生左d小插曲。

話說,呢樣野我都同老婆講過。今次肯定唔係我d social barrier 出事。

呢幾隻野,可能係近期最好的了。下次砌高達真係唔知幾時。

小弟都有join 下d模型群組,話說有一老野(我已經係老,佢更老),句句窒住哂,我已經睇在我呢d小角色又勁忍左佢幾劑。老老實實,講野有骨,又唔係會有咩著數,你更加唔係我老細,無理由乜七都比你窒兩句。

離開左,少好多語音,電話更快~ 模型朋友fb再見吧

講番正題,話說果d唔知乜sir,出過下書,即管上個月得閒去書局睇下佢地d著作。

唔睇由自可,一睇都幾火。呢班正一北斗之拳0既嘍囉!有本事就打雷奧,何必做果班老野收租輩0既buffer?他日如樓價不幸下跌,死都死你先!!



例如,叫人出租自己間屋(或許多過一間),再去租另一間屋。為乜咁做?

1。如租細左,可以有正現金流!
2。如有幾間細,又可以租一間大,叫做唔會犧牲生活質素喎~
3。仲有d一早插左旗0既,本身供款唔多,直頭可以租番同一素0既樓,而又有現金流tim!
4。後生仔最多,租出自己新界私樓,去租市區套房。
5。竟然係因為唔想比stamp duty去換樓,你信唔信?無錢就無錢啦。

原來2012年已有,不是舊聞:
80後「上車」催生雙租族  新界買樓放租 租住市區方便上班

其實,或者我偏激,咁樣做都幾陰質

本來一堆人租,而家多埋呢d傻仔搶租,變相益左agent。

而呢班人,笑人地要租屋成日搬,自己又好自豪咁覺得無犧牲生活質素喎!最經典梗係一早買左兩三層舊樓0既人,去租新入伙屋苑啦。

真係黃子華金句

你有樓我有樓......我買你躉樓你又買我躉樓,然後我又買番我躉樓,你又再買番你躉樓,咁就大家都發啦!

時移世易,而家變左:

你有樓我有樓......我租你躉樓你又租我躉樓,然後我又租番我躉樓,你又再租番你躉樓,咁就大家都發啦!

其實,呢d傻方法,我十年前都用過,不過係用股票期權0既期權金去供樓。當年只係玩票性質,每月幾千蚊一d難度都無。

呢d以x養y之策,其實原理都係一樣。用租金交租唔係咩超卓見解。

如果租金回報一樣,根本只係益左經紀。當然,佢地用兩間細價樓黎租一間中價樓,因細價樓回報係呢十年拾級而上,變左有現金流之餘又叻叻無事。

不過,佢地只會記住自己好平個陣買,又唔去理現價0既租金回報已經跌到好低。

你成日記住你80蚊買hsbc,係120蚊個陣同人講你回報有十厘。點解唔賣左佢?果度50%,成五年股息啦。。。

等左五年,hsbc而家。。。五十幾蚊!

其實,有好多野利息回報都好過租金,唔少股票都有四厘。

例如,係好多年前,小弟一年股息,已夠租樓了;當然今時今日,夠租樓夠家用夠自己洗啦。

即係咁。。。
以租養租只不過係你買唔起多一間中價樓自住,只能夠用自己僅餘生息資產去交租。

張家輝話齋,而家無,你將來可以有。

就係呢個咁美好0既願望,令到好多收租仔義無反顧去坐貨。無錯,三十年後或者二十年後層樓就係full pay,期間仲有租客交租有少量現金流。之但係,升左賣q左佢再買其他野,複利效果更強呢。

就係美好三十年項望+用買入價計回報呢兩個盲點,厄左唔少年青人入市。

你2003-2007買左你0既事,何必要現在班後生suffer?

呀,我係咪都係咁?非也,如果我用股票開條od line,應該可以full pay 而家住呢度。

最後補充一下,d人成日講買樓有得做槓桿又有低息。

其實七成按揭股票都做到(夠唔夠彊一件事),低息?私人銀行利息更低!(去ib拆借美金更低!)

我或許無能力做阿主角(其實我記憶已好模糊,否則唔會問人雷奧咩樣),至少,我有用過我自己方法,去走一d上一輩人(普通人啦)最怕走0既路,截其死穴。



噢,sorry,樓不是流動資產,即使你三四五層收租樓,都不足以達到私人銀行門檻。或者等樓價升或者等三十年,等佢可以加按拎舊錢出來吧。

(寫到呢度,個人病病地,喉嚨痛得要死~~~!)

再呼籲下,LIKESHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

47 則留言:

  1. 70兄講嗰位作者又開班授徒又自己做埋按揭代理,當然最愈多人買樓愈好啦,仲要講得理想啲先多人上堂㗎嘛;

    70兄保重身體啦!

    回覆刪除
    回覆
    1. 原來果條友有利益衝突。。。你唔講我都唔知。
      不過依班人繼續係美好願望中。
      多謝關心,應該抖下無事架喇。

      刪除
    2. 咁衰格做埋代理?真係唔講唔知

      刪除
    3. 其實呢位L Sir成日叫人買樓收租,同香討個位"鍾女社長",简直同出一轍~

      70後兄保重身體,健康財富兩得意!

      刪除
    4. 呢班都係平買既人。
      就等如當年有人80買匯豐,120個人叫人越跌越買價值投資。
      升時,人人多謝佢點醒自己,到大跌時人人慘死,佢先可以減少損失。

      刪除
  2. 依家合規出租只可做五成按揭,另外仲要交税(逃税犯法的説),又要好似求死咁打理「租客」壊家電裝潢的投訴,真係少啲心力都唔得,回報又唔係特別高。
    同埋我總係覺得班收租仔在心理上係double count咗租金收入,一面覺得可以有租客幇佢供樓,同一時間又覺得同一筆租金收入可以用來做生活費。

    回覆刪除
    回覆
    1. 其實都係carry trade,不過呢種carry trade 想變現就難啲,不過心理上擁有間屋嘅一部分都係一種安慰。

      刪除
    2. 班收租仔流傳著,有方法超過五成。
      但其實租客或代理責任上,一查冊就知佢偷雞。
      除非金錢不是來自樓按,但佢地已無其他可抵押資產。

      如果計carry trade,利潤實在少得可憐。
      心理上點止double counted呀,佢地供本當埋現兜兜入袋。
      你唔賣,唔加按,舊錢鎖死二三十年。到時唔知仲叫唔叫保值了。

      刪除
    3. //同埋我總係覺得班收租仔在心理上係double count咗租金收入,一面覺得可以有租客幇佢供樓,同一時間又覺得同一筆租金收入可以用來做生活費。

      搬龍門丫嘛

      //你唔賣,唔加按,舊錢鎖死二三十年。到時唔知仲叫唔叫保值了。

      假設樓價永遠向上咪係跑贏

      刪除
    4. 可惜一般人鍾意假設股票係輸多贏少

      刪除
    5. 咁呢幾年好多加按買股都係坐艇。
      才利用無限補時。。。

      刪除
  3. 请不要见怪,为何港人都以私银为目标。除了能够得到低息之外还有什么好处?谢谢

    回覆刪除
    回覆
    1. 應該不對,港人不以私銀為目標啊。
      港人多以買盡全港物業,等內地同胞來港訓街無屋住吧。

      刪除
    2. 哈哈,我非来自香港与大陆所以不明白。但是我已经在香港开户学习投资港股,希望以后多多指教

      刪除
    3. 马来西亚,这几年来我都是投资港股为主,所以接触了许多你们的部落

      刪除
  4. L樣sir最致命係教人用盡棺材本All in兼槓杆買債基收高息,債基一出事,佢唔著草唔得。

    回覆刪除
    回覆
    1. 債基都係跌。死唔去,除非槓桿太大。
      如以為債基係債卷,咁就大獲。

      刪除
    2. 事實上好多人以為債基安全過債券,以為個面價唔會跌兼年年有高息收,唔知會賺息輸價。

      刪除
    3. 班人好奇怪,咁都唔明~

      菠蘿包係包黎0既。。。
      債券基金係基金黎架咋。

      哈哈~~~

      刪除
  5. 回覆
    1. 謝謝。
      未到病又未到好精神,休息下應ok.

      刪除
  6. //你有樓我有樓......我租你躉樓你又租我躉樓,然後我又租番我躉樓,你又再租番你躉樓
    這是一個很偉大的經濟理論
    http://ibook.idv.tw/enews/enews631-660/enews659.html

    回覆刪除
    回覆
    1. 一樣啫,收租仔心理上double count租金收入,同食屎創造GDP真係冇分別。

      刪除
    2. 創造有租收感覺,再創造唔駛自己交租感覺。其實同一舊錢來。

      刪除
  7. 見到好多L樣sir 教出黎的學生 買債基蝕好多,重要做哂杆桿。 慘。

    回覆刪除
    回覆
    1. 哈,債基是基,不是債。
      好多人睇到高息就中埋去。

      刪除
  8. 宜家香港普遍人都好迷信「買樓才會贏」, 着迷程度比當年匯控粉絲更深, 仲要係人數多幾十倍, 哩種心態本身已經係一個泡沫。升市加按買樓再加按哩個遊戲, 應該已經玩完。嚟緊係玩估J仔, 估下邊個水退露JJ。

    回覆刪除
    回覆
    1. 可能一路唔跌,持平三十年呢。
      咁果班人三十年後真係有層full pay 樓架。不過銀碼蝕哂比通漲。。。
      最慘唔係露J,係比人老點買左一兩層個班後生仔,機會成本就咁用左。

      刪除
    2. 買左個d超微樓個班應該係最慘

      刪除
    3. 只能自住,不能生仔。
      更加唔好講出租。

      刪除
    4. 麥包上年買環海話唔為自己打算都要為家人嘛…… 個個摸頂7頭,背後都有一個崇高理想,就算坐艇都係開心嘅,邊會慘呢?!

      刪除
    5. 有排都未有樓收,冇艇可坐。

      刪除
    6. 麥包都算經典,好似買親都出事

      刪除
  9. 其實吾同人有吾同投資需要
    當樓價不太高時,我覺得300萬買一層。槓桿8成
    係一個保險方法。
    有一層平價樓後,買股收息做期權係不錯既選擇。
    不建議一概而論。始終月入十萬不是一般人能達到
    更何況月儲五萬以上
    我係粉絲,不喜勿插

    回覆刪除
    回覆
    1. Jon 兄,你一句我係粉絲我即時收左皮。哈。
      300萬樓,應是什麼質素呢?
      夠唔夠未滿三十有小朋友的西家庭?

      三百萬不是小數目啊。
      難道佢地遲出世?就要捱一世?

      本來可以置身事外的我上。

      刪除
  10. 70s兄果然有睇北斗! 新ova五部曲有睇嗎?我覺得第二、五幾好.其他一般,甚至覺得有d畫蛇添足.

    回覆刪除
    回覆
    1. 我小學個陣去隔離屋哥哥睇過VHS 錄影帶。
      後期打北斗無雙,為了解劇情,一口氣睇哂d 漫畫。

      刪除
  11. 小弟就尼30 , 本也想過買樓, 但睇完70兄同starman 后知道有咁多借平錢的途徑, 更堅定我吾買住用啲錢做其他配置的信心 多謝.

    回覆刪除
    回覆
    1. 都係個句, 如果家人同自己覺得好想要, 咪買.

      如果有能力等, 等下, 讓錢變得更多先, 到時買得更輕鬆.

      刪除
  12. Based on the information,you and your wife earn good profit and income. However, it seems that your expenses record is strange (you say all your expenses charge to your wife business). I am curious whether you two pay tax. As your wife use government hospital and your child may get subsidy, I hope you two have fulfil your responsibility as a citizen to pay tax. Thanks

    回覆刪除
    回覆
    1. 首先,回應好似同文章無關。
      當然有交足。不會好似班收租仔咁,九成出租又唔打厘印。
      不過,咁大聲叫人交稅既人通常都係。。。希望我誤會左你啦shirely.
      條數比人攪,我完全唔理會。若不成立有限公司,交標準稅交到仆街。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...