2016年8月19日 星期五

資產再配置 我可以唔撈嗎 19

第十九集!

如果一個月有兩集,應該退休之日,差唔多一百集。。。

講工作

上個月仲係頹廢中工作之下,今個月一開足個TUBRO就病左,不過呢一刻好番八八九九了。

預計不少於15萬吧,本月儲蓄應不少於六位數。

預計下個月會更好,至少都18萬卦,希望衝破20萬!因我個人WARM UP 左,炒旦數量自然上升。

今個月,有D旦有剩多左,我都由佢變壞就算,其實唔太應該。

休假後,又自從上半年不明發燒,我決定唔好再太激動。情緒影響健康,矛盾地,正因為有這種古怪情緒,炒旦先炒得靚。

近期因錢銀事情,將股票轉去新證券市場行,又加上少少病,工作開始忙,已經有兩星期無砌高達!

另,重遇番一個十多年前0既食客,佢將我炒旦功夫轉左去做煎旦,無啦啦我變左佢師傅。亦都從佢得知,有一排隊中食客原來係行家。咁攪笑?想黎食炒旦偷師?其實無咁0既必要喎。始終呢D野好睇個人性格,我連傳比仔女都覺得無可能,你又何苦黎偷學?

發現換左新機器,附加左JUST IN TIME功能,即係佢唔夠材料會自動SEND去總公司,再速遞黎我鋪頭,唔駛我次次MON住有冇料要訂,又幾好喎!!

講資產

呀,建行升到5。74,未計現金,一個月內,淨資產無啦啦多左一百萬(應該升得快過千萬豪宅)。

之前收到股息,全數比番哂女主人。現左仲爭佢幾十萬。

股票,我轉左去 INTERACTIVE BROKERS!經過網上填成粒鐘0既FORM,山長水遠去金鐘簽文件,再做轉倉,大約十日左右攪掂。

貪佢乜好?其實上網大把人講。。。

台灣人貪佢息平佣平(應該台灣食水好深)

大陸人貪佢借錢方便,同埋方便洗錢!重有佢地可以直接買港股/個D中港通股票!

香港人?係我角度,真係用得爽歪歪!

1。可以買美股,美債,美優先股!

2。美股美債美權佣平

3。槓桿出奇地高!一般香港大型股,可以按75%!即係按盡可以有4倍!好多人唔識計,其實係 1/(1-0.75)=4!

4。息口奇低,港元借1蚊,2.55%!借額過左78萬後計2.05%!再借過780萬1.55%(額咁借出,平過按揭,不用還本TIM!)

5。最吸引我,係可以借美金買野,美元借1蚊,1.9%!借額過左10萬後計1.4%!再借過100萬0.9%(平通街了吧?)

昨日個戶口用得,我已經有所行動。

不敗的魔術師講過話有隻ETN用SHORT COVER CALL 金ETF來派息,息口奇高。

詳見以下連結,該BLOGGER已講明風險所在及意注碼控制。並非任何邀約或推介~~~!

http://magician__yang.mysinablog.com/index.php?op=ViewArticle&articleId=11312325


再上GOOGLE FINANCE睇完,同GDI比,發現好有可能賺息蝕價。當金價一樣,個ETN價升唔足。已由高位唔見一半。

我好奇睇下自己SHORT結果係點,我做到2%,唔知點解佢可以派1。7%。

再加上果隻ETN內含管理費乜乜七七,我覺得搵笨(發行商Credit Suisse)機會唔細。

買左9萬幾USD0既ETF金(實物BACKUP,TRACKING 都不錯),另再做左SHORT STRANGLE 132/124。

升過就比佢,跌就平倉或接貨。我預接多佢十萬美金。

不得不提0既係,佢可以SET個組合一次過SUBMIT!仲有得揀先限價成交再剩番個一邊市價成交。非常自動化呢~~!

另外,買左三十萬USD美公司債,遲D等有息派再行文講下操作,始終要用過先介紹吧!
(呼籲下,LIKE我FB PAGE 會自動係FB NEW FEED 彈最新文章,咁就唔怕MISS 左,我有時得閒一日一篇,有時一星期先一篇。)

以上新買全是美金借入,約40.4萬,平均年息約1.53厘。



結果,現在資產分佈變左,如下

股票:78%
債券:17%
金(ETF):5% (未計SP接貨)

如無意外,債券部份合被增持,不過要揀退休前(2019)到期,而個RATING同YEILD又OK0既債券實在比較少。

講目標

1。如建行升到十蚊,即沽唔諗,閂閘收鋪退休去。
2。700萬現金目標不變,現金主人約有200萬,三年股息170萬,即係仲爭330萬。假設老婆鋪頭三年儲得100萬(機會好微),230萬我兩年可以達到。即使老婆一蚊都唔儲,我三年都攪得掂。
3。以上未計新加入美金借貨買債的回報。估計每月暫時有$7000港紙(未計SHORT金。)。最終目標係將買債部位由230萬加至700萬左右。

今次這篇算是近這幾年比較大的變動,我開左幾晚夜車,亦係我停左唔砌高達0既原因。


爛尾之卡碧尼。。。飲恨,能力有限。



玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3 (減父母家用至自由咁仆街?)
我可以唔撈嗎 4 (葵花寶典)
我可以唔撈嗎 5 (你真係信做埋唔夠交租?)
我可以唔撈嗎 6 (幾日千萬富翁)
我可以唔撈嗎 7
我可以唔撈嗎 8 (我係溫室小花,你做唔做得起?)
我可以唔撈嗎 9 (性格是遺傳)
我可以唔撈嗎 10 (唔同年紀, 目標不一. 六十歲仲講有收租樓?)
我可以唔撈嗎 11 (讀書真係無用?)
我可以唔撈嗎 12 (深水埗玩具模型倉有我整0既模型)
我可以唔撈嗎 13 (買夠貨)
我可以唔撈嗎 14 (千金難買少年窮)
我可以唔撈嗎15 (建行減派息 成功財務自由)
我可以唔撈嗎 16 (入廠維修
我可以唔撈嗎 17 (去蕪存菁;又上千萬)

儲夠七球就退休 我可以唔撈嗎18


再呼籲下,LIKE下SHARE下我個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

56 則留言:

  1. 終於有一篇冇提80後小卒, 哈哈

    回覆刪除
    回覆
    1. 講債可能變咗另一個!

      刪除
    2. 係喎,呢篇無影射果d 收租仔。
      講債,我係初哥啦,同埋我又知你地講邊個。
      果位blogger 無老點人買野喎。

      刪除
    3. "呢篇無影射果d 收租仔"~

      呵呵,講IB投資法好玩過串L Sir/求死嘛,70兄真識㨂=)

      刪除
    4. 應該兩三篇講完了。
      因為買完放係度,操作不多。

      刪除
  2. 果然大戶,一黎就借左40萬美金。 不過佢實在太方便,如你冇美金,買入美資產唔洗先換美金,直落margin 戶口。

    回覆刪除
    回覆
    1. 係。
      簡直好似賭場艇仔咁。
      咁方便比人借,唔借好似對唔住自己咁。

      刪除
  3. 如果係Reg T account的話,小心day trade margin%同over night margin%不同。過夜要留番50%的。

    回覆刪除
    回覆
    1. 香港無reg t.
      全部portfolio margin. 職員話既。

      刪除
    2. 可能我開港幣戶口(同埋錢少),所以我是用緊Reg T的哈哈
      你有冇去過佢公司聽個d TWS intro talk?

      刪除
    3. 應該而家改左。我乜都未放入去,最初揀個陣得現金同孖展。

      刪除
  4. btw介唔介意講多少少公司債?好多債目前YTM都唔算太吸引,師兄好似入咗D speculative grade嘅野?

    回覆刪除
    回覆
    1. 都係moody b 至ba 啦,investment grade 個ytm 太低。
      我見好多內房債都係差唔多grade.
      Default rate 同評級關係,有人做過research,揀d secured bond 吧。

      刪除
  5. 我都考慮緊轉用 INTERACTIVE BROKERS , 依家用緊KGI, 好貴!

    回覆刪除
  6. 我又詳細STUDY 下...我咁多美股...

    回覆刪除
    回覆
    1. 美股佣金差好遠。

      仲有我買金etf,好方便

      刪除
  7. IB 真係好強, 我試左個demo paper trade都覺得佢好多功能.
    個layout感覺自己好似變左trader咁. (可惜能力只係BB班, 要慢慢摸點用)

    回覆刪除
    回覆
    1. 係,我用佢個class 介面,簡單d.
      否則太多資訊,唔知邊度開始睇。

      刪除
  8. 你唔使幫我隱姓埋名,GLDI的缺點我一早寫咗,由於我唔係訓身食息,只係用來做微調配置配置的工具(黃金類只佔個人投資3%,GLDI佔黃金類少於50%),所以就算「有陷阱」都無問題。
    http://magician__yang.mysinablog.com/index.php?op=ViewArticle&articleId=11312325
    雖然話GLDI所有「投資」皆屬「賬面數(notional)」,派出的票息也是塘水滾塘魚由Index之中派出來,派完除淨股價下跌,數字遊戲而已。不過基於此股在美上市,美帝股市不像傷港一買就要買「一手」(例如SPDR金ETF(02840.HK),一手10股,每股HK$834(2015年9月30日收市價,下同),一手就要HK$8,340),可以逐股逐股咁買,依GLDI現市價收USD10.91計,只要能夠控制注碼,風險可以相當有限。基於商品項只佔魔術師(流動)資產配置的5%,而當中已持有實物黃金(澳洲柏斯鑄幣廠1盎司金塊),但問題是實金買賣差價較闊,故通常「有入無出」,得個儲字,要靈活調配資金,作少量與黃金價格相關的ETF/ETN作另外投資也無不可(以GLDI來說,金價升Index也會升,不過就追唔到每月3%以外的升幅)。

    回覆刪除
    回覆
    1. 乜你咁難服侍架。。。開名又叫我比代號,唔開又自爆。嘿。
      我有睇你這篇,仲有白銀系列SLVO。
      昨日跌到10.4,你篇文講10.9,派息仲蝕埋價。
      自己short 就算。。。
      我d 實金,係阿媽個保險箱度,有幾多我都唔清楚。

      刪除
    2. 係架,睇自己資金分配囉, 自己short GLD call點都好過買GLDI.

      至於我開名寫,明人不做暗示,我有將我research 得出來的結果寫出來, 買都係我自己以極少量資金買, 並無「介紹」過任何「搵笨」產品,特止澄清.

      刪除
    3. Hey,不是話你。講本身gldi咋。
      好多3x velocity 系列都係咁,佢講埋適合day trade...
      以權論權,3%呢d 走勢,好唔安全。

      刪除
    4. 如果只論GLDI, 可以唔提我個名. 如果你想俾返credit我, 先謝過了,不過為免誤會, 請勿只quote我提過買某樣「疑似搵笨產品」,而略過我的research warnings.

      刪除
    5. No problem.
      今晚改一改。
      Btw,你的女優介紹,小心身體。

      刪除
  9. 兵貴神速,70兄話做就做,目標明確又有哂步驟,小弟完全望塵莫及...

    回覆刪除
    回覆
    1. 想做就做,好易坐艇,哈哈。
      早陣子得閒,整呢d 咪快手dd

      刪除
    2. 師兄收入強勁,支出又控制得好,此類高難度動作,平常人真係無膽試

      刪除
    3. 個班乜sir 叫人買債券基金,仲危。偏偏好多人會去試。
      利字當頭呀。
      不過唔同人,現金流,家庭狀況,風險承受能力不一樣,不宜亂跟。

      刪除
    4. 係咁叫人孖展借到盡買債基個班直頭係人渣

      刪除
  10. 聽落真的很方便, 請問是否1M USD Minimum 開戶, 70兄可以開名用邊間IB嗎?

    Mat

    回覆刪除
    回覆
    1. 基本開戶一萬美金。
      孖展戶口十萬美金。

      一百萬美金起步個d 是講緊私人銀行。

      刪除
    2. 好想了解下, 可以告知是那間銀行做的?
      或email 給我 mathewyuen1@gmail.com 謝謝
      mat

      刪除
    3. IB應該只一家,如有另一家查找後不妨在此相告之!

      刪除
  11. 回覆
    1. 理論上可行。我無動機去做住,等人試。
      不過就咁拎錢出黎,好易唔夠孖展。比ib 自動平倉。

      刪除
  12. 多得70s兄,IB突然多左好多生意,森而都有啲心郁,但覺得美國投資產品比較複雜,唔識好容易中伏,都係睇定啲先,期待70s兄繼續分享經驗,比多啲機會我學下嘢!

    回覆刪除
    回覆
    1. 我估不會吧?
      始終開戶咁煩。
      我都係白老鼠式試下。

      刪除
    2. [計吓婆乸數]IB TT個價靚過銀行好多,計埋手續費仲有賺。

      刪除
  13. 兩公婆無計啦, 佢D錢等同你D錢XD

    回覆刪除
    回覆
    1. 係既。
      通常佢現金為主。
      我爭人錢為主。。。

      刪除
  14. 請問股票轉倉手續費是多少?需要在舊銀行/股票行辦手續嗎?

    回覆刪除
    回覆
    1. 間間手續費唔同呢,我中信約一千萬貨,轉左二百幾。
      要去銀行,ib 可網上攪掂。

      刪除
  15. 想問下IB有無可能可以好似你之前提到咁去借美金買港股呢?
    我都係IB新手,所以唔太識點樣操作:(

    回覆刪除
    回覆
    1. 當然可以。
      至於點攪,強烈建你開番個TWS 軟件,選PAPER TRADE 自己左轉右轉下~

      刪除
  16. 想請教轉倉到IB流程? 我打電話問聽好耐音樂都無人接?

    回覆刪除
    回覆
    1. IB 果邊,就account management 網頁有得transfer a position, 轉錢個頁。
      填好你射出銀行資料後,佢會比番IB 既CCASS ID 你。
      咁拎住去銀行射倉便可。

      其實同一通一樣,全網上攪掂。

      刪除
    2. 謝謝! 努力學緊, 睇來要去上課!

      刪除
    3. 試下非繁忙時聞打去問,我打兩次兩次都通。
      不過應該係網頁按按下就去到。
      Search "IB transfer a position"

      刪除
    4. 始終番工非常不便! 我巳經找到了. 謝謝! 還要學轉美元同找債劵, 今晚再試! 我除了銀行外只用過輝立咋!

      刪除
  17. "現金主人約有200萬,三年股息170萬"
    請問點樣做到架? 你用高風險產品嗎?

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...