小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年7月24日 星期日

BLOG 聚 VER2 (CHERRY 狸貓太子 言投資)

UM...兩次參與BLOG 聚是有原因的,亦得女主人同意。只要約我,就會出現。

繼上次止凡東昇REX MANDY BLOG聚後,今次係另一幫人。

我估我除左唔會見80後求死同埋鐘意係人地個BLOG鬧其他人個位大嬸之外,我應該所有BLOGGER 都可以一見。

只怕你會覺得失望:
"車,呢條旦散大叔係咪做IT黎砌機架!"

趁我仲記得個大慨,寫低先,人物介紹(上次真係訓醒就唔記得哂!)



CHERRY:哈哈!斯斯文文全程無鬧人,重點是真人靚過profile pic!

狸貓太子
:講番BLOG名好D,穩重道理型,你有咩重要決定要非專業意見一定會搵佢個D。

言投資:言兄在YAHOO年代已認識,當年常常識借平錢買股票再分期歸還。真人是位FIT爆肌肉型年青小伙子。

加埋我呢個IT大叔,走在街上就似辨工室放飯,整電腦,接待員,經理,文員仔走在一起。

BLOG中內容都係投資無乜關係,反而同BLOGGER有關多D。

例如,我兩邊都見過,關於UNLINK一事,其實是個美麗的誤會,兩邊都沒有小氣的人,只是當初太多人食花生又留言變成好似好大件事而已。我個人感覺就係兩邊都唔知咩事咁出事。

有關劏工廈拆售一事,小弟認為有冇錢搵都好,始終唔係住宅呢類民生野,即使買左變水魚(其實買得都應該有相關知識吧),他日難保成為日後年青人創業的第一個辨公室!至少,我同女主人都租過劏鋪,佢提供左平D0既租金,為創業初期減少唔少壓力。

另外,我再次提出BLOGGER的真實性,如各位朋友看到,不妨留意下你睇開BLOGGER係咪提供真實往績。

例如,有人話由一百萬到一億!嘩,而家仲要攪天使基金幫年青人。拿,咁突然出現億級富翁。其實,如果真係真,佢應該一二千萬果陣就彈左出黎。現在,真係語出驚人,太驚人了。

又例如,果位向巴菲特借一千萬的"水淹土",真係有一千萬,又點會三個人夾錢買三百幾萬將軍澳樓收租呢?更攪笑係叫人去買細價好多0既日本物業。。。。係都炒其他國家大價D啦。

又又例如,80求死,一層亮賢居加按到幾多大家都知,佢持有幾多收租樓大家心裏有數。日日講到自己半退休又仲要做唔鐘意做0既工作,咩料?

上面三個例子其實無乜新意,下面個D先係重點!

只披露持股百分比又唔講全部金額幾多,HOLD成幾十隻二三線股,可唱好又可唱衰!計回報係好似OK,不過唔同股唔同買入時間。究竟係整體低時買左個D 升番,定係真係咁勁計到重新估值?哈哈。。。佢重要比人發現/懷疑開新ACCOUNT鬧人。。。

另外又有無限金錢,買極都有,勁過出糧。此人留言好似ROBOT!留埋D硬係有道理又唔知點覆佢好,就似IPHONE入面個SIRI咁!我好後悔鬧走左佢!識得玩原來好好玩!

****

另,不約而同發現某大嬸係BLOGGER。不停見佢留言(係A度留言鬧阿B,超攪笑),原來佢D BLOG都只係抄番黎,唔知算唔算寫BLOG,其實正確黎講佢係一個留言者

可能上左年紀又無乜細藝,咪去教化下年青人,學下自己以前成功例子。阿大嬸,呢D係以前0既事!其實要親人間凝聚力夠,唔一定靠錢。

女主人話,寧願D仔女住近自己,都唔太想送佢地出國,除非真係佢為追夢。係孝順0既,就唔會咁。

****

我又講多次,其實我在準備財自由,最大問題係自由後會否太悶?我唔想做義工唔想用第二D方法去搵錢,旅行去得幾多?上網搵都無乜呢D例子可以跟,我又唔信無可能,更加唔信一定要走番其他財自人0既舊路(因工作本身都有時間,不嬲都唔駛同人迫,財自去行街我唔需要!再者我又無乜物慾又不是怪獸家長,正正常常現在已夠錢洗。錢太多也是種煩惱決不自找。)

呢個七月,狂砌高達,悶?有少少,不過行下街又幾爽,陪下小朋友都唔錯。是否咁簡單可以持續?去做YOUTUBER吧!都係個句,慢慢摸索下,反正仲有時間,做好準備就唔雖要行番前財自人0既舊路啦。見下BLOG友其實都係計劃之一。

會否教人創業?咪玩。。。自己搵適合自己架啦。我唔會搵呢D陰質錢。。。

"退左休好悶"好多時都係太老才退(工作太耐習慣了?)或者未退個D人講(更加唔成立啦)!我認為只要準備充足,一定會有充實又自由0既生活0既!(其實而家炒旦生意非常上軌道,我都好自由了)

其實,一路一個人行街周街食行到邊食到邊,我成日都做。若閣下財自後只為此,肯定唔夠。(哈哈)



番到屋企,女主人係度又睇大陸綜藝節目,仲留左榴槤比我食TIM!



*******

小弟有興趣開番個WHATSAPP GRUOP 吹水,但只希望係寫BLOG的朋友,如有興趣,SEND個EMAIL給我吧,我無乜要求,你個BLOG有五十篇文以上就可以了~~~!

80 則留言:

  1. // 女主人話,寧願D仔女住近自己,都唔太想送佢地出國,除非真係佢為追夢。係孝順0既,就唔會咁。

    呢樣真係好鬼真。

    unlink事件我都覺得係誤會,過左就算啦。

    回覆刪除
    回覆
    1. 除非仔女好想,否則讀完書就番黎啦。
      係外地落地生根我會唔開心的,老婆又成日卦住d 仔女,真係無得安享晚年呀。

      刪除
  2. 笑左。雖然唔係單單野都睇得明,至少睇得明果D睇法係完全相同的。亦證明了任何衰野、假野都係呃唔到大家雪亮的雙眼。

    回覆刪除
    回覆
    1. 應該有唔少初睇blog 或較天真者相信是真的。
      所以應將假野得閒又提下,救得一個得一個吧。
      (我睇標點符號的,哈)

      刪除
  3. 阿大嬸當年在star forum時代被我鬧到無反抗之力,棄械走人,係我當年「代表作」之一。事緣當年佢自稱自己做經紀時幾叻幾叻,又係度教訓人,點知連有幾多隻恆指成份股都講錯(唔係唔小心打錯字,因為佢係一路咁不停回不停錯)。

    回覆刪除
    回覆
    1. 師兄,很肯定我同你係news group 交過手。1996年開始玩star,netvigator,cyber x仲有好多唔記得。

      你又爆大嬸料,班初生blogger 其實好想知。當年你玩投資newsgroup 我應該卜卜脆上識朋友group...

      另,唔難想像,佢d 仔女都一樣唔太受教。至少唔跟佢個一套,先會上網教化世人。

      你同我,一樣無收租樓,也一樣是可財自級數。

      刪除
    2. 財唔財自睇生活質素嘅啫,我依家有樓供,咪返下工囉。我可以話呢種想法我歷來咁多位上司同事,都無呢個層次。

      刪除
    3. 點解呢?上司及同事照計搵個份人工都差唔多。唯一分別係你比較了無牽卦,無乜人要養。
      定係你投資成績較穩健?

      刪除
    4. 佢地應該係窮忙族, 無乜財務計劃, 唔識投資增值嗰類...對於錢銀數字睇得唔夠「開」...我gut feeling覺得叫佢地做個100萬portfolio,佢地未必夠膽的.
      又例如, 我好記得有次舊公司搞charity, 電車部亞頭話農曆新年,各位同事開開心心在網上留言亙相恭喜, 一個留言佢就搞一蚊出去做慈善...點知最後走數! 計返,都係高4位數字至低5位數字, 都唔夠我買套西裝, 咁都慳肉唔肉酸啲呀?

      刪除
    5. 可能條樓債大吧,家庭開支高。
      呢d 人係乜sir 的肥肉。
      不過孤9寒是天生,捐左佢好過啦。

      刪除
    6. "都係高4位數字至低5位數字, 都唔夠我買套西裝"~

      呵呵我估魔術師兄也算是半個名牌控~你買哪個brand的西裝?Tom Ford??

      刪除
    7. 名牌是用來對付港女和狗眼看人低的中剷:
      https://magicianyang.blogspot.hk/2006/10/blog-post_58.html


      西裝:

      http://magician__yang.mysinablog.com/index.php?op=ViewArticle&articleId=1039712

      刪除
    8. Cherry: attention to details...我用開乜品牌在我個blog desktop 版右手邊有list XD

      刪除
    9. 講開又講,我得一套老西,好求其,十幾年前大學著個套。
      我估我行出黎似it 佬多過你。哈哈哈!!

      刪除
    10. 依家班港豬話大陸人土豪,其實只係酸葡萄,港豬以前風光時都係咁。呢種人最好就係以壓倒性的態勢踩扁佢。好似博士K在某次飯局中也文也武,話識睇老闆(即係上司,都係打份工而已)戴咩嘢錶⋯
      我咪即刻捋起衫袖問佢我戴咗好多年嘅錶係咩嘢牌囉。
      佢即場面色都變埋,賠笑曰:「梗係貴嘢嚟嘞!」
      對呢類人我先唔會客氣。

      刪除
    11. 我完全明白你諗乜, "一野爆出黎壓死佢"我都用緊, 不過係對付笑人"無錢唔好玩模型"個D人。一SHOW千萬身家即時收左皮。
      現實生活呢,大學同學已經老早不是對手,不用SHOW OFF,錢又多過佢,老婆又靚個佢,仔女又漂亮過佢。。。
      我炒旦工作不用著得好睇,已經由得我老婆買衫比我著。

      刪除
    12. 請問各位親愛的,知不知道啊婆有冇話過自己都幾多老本?見佢次次係人地blog主到做入息同資產審查好似要人家開底牌先可以講下投資。但睇下佢個大數據庫blog(通常轉自東方、蘋果、太陽及李居明)都唔知佢咩料有幾多金銀衣紙!?請指教⋯⋯謝謝!

      刪除
    13. 咁我又唔會同佢老人家計較。
      大家都係笑佢係A個BLOG度鬧B,係C個BLOG度鬧D。
      其他BLOGGER講(唔關我事呀下),話佢鐘意踢爆人,例如友好BLOGGER按樓買股,不過樓上又反踢爆佢十年前扮勁。

      我又講下,佢初初教化世人,仲打算活到老學到老,走去考MCSE(即係WORD EXCEL個D。。。),我唔出聲0者,其實我199X年已經有玩NEWSGROUP啦。

      係呢幾年樓市升,咪可以站在高地教訓下年青人,其實以前無乜人SO佢。

      刪除
    14. 大哥....佢個cv真係笑死街方...mcse ....整個ccie...ccna....Chartered engineer...RPE..CFA...CFP...MIET..先好同人講啦!又如果佢呢個年紀得一、兩千萬都唔係睇得自己咁高啦啊⋯⋯

      刪除
  4. 年青小伙子就真係唔敢當,扮下年青都重得。
    今日有幸一眾,的確頗有趣味。
    財自後有咩好做? 其實我有諗過學門買少見少既手藝,好讓承傅落去,但頭先講講下又忘記左講落去。

    回覆刪除
    回覆
    1. 學做紙紮公仔?糖膠拉公仔?點心蒸籠?真係有排學。

      刪除
    2. 有的,有古象牙入口,在西伯利亞冰層下挖出來,經碳14化驗之後就知年份。

      刪除
  5. 70兄好衰,成日Post嘢食引誘塘人**

    回覆刪除
    回覆
    1. 哈哈,你都可以post 下,番來一齊去掃街。

      刪除
  6. 啊婆佢真係冇料扮有料⋯⋯乜都扮代表......一把年紀都唔放過自己!

    回覆刪除
    回覆
    1. 佢教化世人原來由十幾年前已有。真係成班七十後青春少艾時比佢教訓到而家九十後都黎緊!
      有邊個受教?次次都開拖喎。

      刪除
    2. 做什麼所謂生意、經紀、寫blog真係唔知就猛料......知就佢本身都係一場笑料。⋯⋯帶好啲金銀財寶衣紙自己上路好啦!

      刪除
    3. 係! 如果我係佢, 會開始散下D錢。
      望都望自己子孫用不著自己一分一毫啦。

      刪除
    4. 真心好仔不論爺田地⋯⋯佢散左錢又驚啲仔女可能都不會回來睇下佢啦。咁多人頂佢唔住佢啲仔女都遠走高飛啦!

      刪除
    5. 無謂同佢計較啦。當香口膠,開心完,lur 左佢。
      一次性笑料。

      刪除
    6. 多謝香口膠....請多多利用......謝謝你!

      刪除
  7. 做你仔女真係好,唔愁無錢,又有家人陪住玩陪住成長

    回覆刪除
    回覆
    1. 都唔係唔愁無錢,太貴既又無乜用既就唔買啦。
      陪到十歲左右佢就唔要我架喇,到時又要再諗下有咩玩。

      刪除
  8. 咁快便可以出文?IT人確係有效率!

    回覆刪除
    回覆
    1. 你誤導其他人呢。
      曾經試過有人真係以為我做炒旦/做飲食。

      刪除
  9. 雖然你沒有指名道姓,但全部內容與人物都清楚明白,哈哈。

    回覆刪除
    回覆
    1. 止凡兄早,哈哈,吸取上次教訓,即時打blog 免唔記得。
      最爆都係上面提及而又年紀最大個兩個。
      如佢再用假分身,遲早比人識破。

      刪除
  10. 呵呵70兄過奬了,unlink一事我早已忘懷,平時blog内提及的"大師",是針對現象而非個人。其實我為人是幾淋善的,一哋都唔串=)

    期待下次的blog聚!

    回覆刪除
    回覆
    1. 係我多事,認為當中應是誤會。
      最pk 係覆留言個堆花生友。。。辣著火頭。

      Btw,期待下次blog 聚。

      刪除
    2. 我都寫咗篇歌劇,算唔算辣著?

      刪除
  11. '由一百萬到一億' --- 我唔知係邊個.

    '留埋D硬係有道理又唔知點覆佢好,就似IPHONE入面個SIRI咁!' --- 呢條友先正, 我都後悔串走左佢, 佢好似攝石人咁, 周圍都攝一下.

    回覆刪除
    回覆
    1. 可能魔兄你寫雜評多,佢專攻投資類文章做BACK LINK。
      所以無上你身。

      刪除
    2. 終於搞清楚ROBOT大叔係邊個。原來池某都係好早期就將佢鬧走左,難怪冇晒印象。

      刪除
    3. 霸氣不是一朝一夕練成的。哈哈。另外,池兄入來做dummy 也好開心,日日有人放美女圖的。

      刪除
    4. ROBOT搞唔到我,唔係70兄提我都唔覺。

      刪除
    5. 70s: 你都唔係財經blogger,佢又會去搞你嘅?

      刪除
    6. 我估佢trace 其他blogger link 來留言吧。

      刪除
  12. 拿, 講身家我就比不上你, 但我本身冇咩物慾, 大快活可以一餐, 自己是但煮一些野都可以一餐. 計過條數, 我過多2-3年都已經到左可以財自既level. 所以你呢篇野後尾有關財自既思考我好有共鳴, 因為我全部都諗過. 慢慢摸索中...

    回覆刪除
    回覆
    1. 噢,食左留言,咁遲D打撈番上黎。。。大快活我都成日食,仲有譚仔!
      如果一支公,可能我三十歲前已經財自了!!

      刪除
  13. 世事都被你看透,70s兄,你個blog真係好過癮 :)

    回覆刪除
    回覆
    1. 謝謝收看。
      大話怕計數,如果對方跟本無成功或者未成功,走去教人係咪等如害人?
      即係咁,如果而家班收租仔要去到五十歲先財自,咪同收租大嬸一樣,失去了最美好的時光?

      刪除
    2. 70s兄手執照妖鏡, 現形吧XD

      刪除
    3. 咁都係常理推論。
      係,唔通一分一毫都要公開?非也,但如果你真係work 又係專家,show 下quali 令信徒更信服唔好咩?

      刪除
    4. 負能量既人總會側埋一邊睇世界,但點解會煉成凡事批評完全信自己那套否定晒成個世界總有前因的,我只是宇宙中的過客,一粒微塵, 我甚麼都不是:)

      刪除
  14. 有趣, 有趣…無料扮四條…成日都話人地投資唔理風險…真係壞左既鐘…一日總有兩次岩既…

    回覆刪除
    回覆
    1. 見習生兄,你好強。
      一野擊中大嬸個G點,呀,係盲點先正確。
      佢係唔係都話高風險,實有幾次中。

      刪除
  15. 讚!我仲未寫blog 聚 。。。
    不過透露少少,你果晚拍了我膊頭下,講: 傻豬黎既、你估個個blog 講既野都係真架咩?
    我倒有點深刻!

    回覆刪除
    回覆
    1. 哈哈,我發現你當時個反應都好正。
      應該好耐無人咁語氣同你講。。。哈哈。
      得罪莫怪。

      刪除
    2. 70s, 你果晚對東昇講左2次 "傻豬黎既"
      我都覺得幾好笑,哈哈

      刪除
    3. 第2次係你問70s 韓國旅行時有無艷遇?
      佢話:有...都唔會話你知有啦~傻豬黎既

      刪除
  16. 水療森同基金佬係搵水魚,隊長相對係搵人認同姐,雖然都可能害死人。。。

    回覆刪除
    回覆
    1. 隊長都有攪project,不過無人show 佢0者。
      認同與否就要睇你成功與否。
      佢現實零存在感就應該真,blog 中言語間講左啦。

      刪除
  17. 無追一排看blog. 有D甩,好多人物事件也不太知,Robot大叔,一億人⋯⋯係边位。

    回覆刪除
    回覆
    1. R 兄,我地都有提起你日本旅行故事。(因市面上有R 及RRRRR)
      感覺你的故事是真的。
      ROBOT 大叔是巴老頭像,可以去止凡/CHERRY BLOG看看留言。
      一億果位未成氣侯,都係其他人講,我睇過一眼咋。

      刪除
    2. 明白,有時間爬下blog update下先。
      我寫的係草根貼地自家制的日記,有不少踏屎的往事,但有時不敢寫太白,得罪人地揾食,怕被起底。
      寫blog纯興起即寫,70後錢銀不可太揚,小心税局。

      刪除
  18. IT大叔,算係乜都敢講既bolgger

    回覆刪除
    回覆
    1. 喂,我唔係做IT的~~~
      再者,乜都講,最怕都係無左份工。
      但我根本就唔會無左份工。。。呢樣亦都係收租仔最怕的。

      刪除
  19. 我很少在Blog界打交道,儘量保持低調,鼓勵我寫投資Blog既朋友,在我開始之前已告誡過Blog界係一個是非地,尤其那些出過書既Blogger, 儘量不要跟他們有爭拗,因為他們背後很可能是一個利益集團,而那些告誡過我的朋友依家亦無再寫投資Blog了。

    回覆刪除
    回覆
    1. 你所講既Bloggers, 除咗水淹土,80收租及大嬸外,其他都唔知係邊個,可能我太孤陋寡聞吧。

      刪除
    2. 寫BLOG都係興左幾年,利益團體犯不著同你正面對抗。佢地重有討論區,FB,YOUTUBE,報紙可以搵食。睇BLOG人數其實唔高,大部份點擊要靠搜尋器。
      謝謝前輩告誡。
      我大膽D講,若正面衝突,我又起一個利益集團LAW。。。我份人都幾難纏架。建議佢地唔好去攪我呀。

      你識得個三個已經好夠,其他都係花邊新聞而已。

      刪除
  20. 路遙知馬力, 人久見人心...

    回覆刪除
    回覆
    1. 當然, 不過可以一個大話蓋一個大話, 有D BLOGGER 都講左三五七年了.

      刪除

各位每個留言,係我繼續9UP動力,必覆。

Related Posts Plugin for WordPress, Blogger...