小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年7月30日 星期六

我的實習時代一 (男主人工作系列)

為免大家錯失舊文,連結在此。

難得女主人出文透露佢D客,我十萬分支持。佢真係見盡香港人PK無賴精神。

女主人職業 (by 女主人)

又黎老野回憶時間。見止凡兄一次過放咁多歌詞,其實我都有。


歌詞咁長,節錄如下

想 我都好想好似中o左頭獎
有野唔洗做 老細又吹我唔漲
日日等出糧 無乜野需要緊張
就係咁o既樣 乜都唔駛撈就至理
想我都好想好似中o左頭獎
有野唔洗做 老細又吹我唔漲
日日等出糧 無乜野需要緊張
就係咁o既樣 乜都唔駛撈就至理想

其實我好少聽RAP歌,當時實習日日同班大學同學唱。。。

男主人生意同大學科目完全無關,而呢個所謂專業,我十幾年間只係做過三日替工。每年比錢續牌就算,三四百蚊無所謂啦。

當年,由鄉下中學黎到呢一科半神科科目,見盡失手名校生,入到黎睇住佢地由屈屈不得志至被洗腦加接受現實,真有趣。我打從第二年已經唔想做番呢一行,就拍下拖玩玩下咁過左。

因為我真係好唔想做,阿導師(黃郁文咁0既樣)又成日扮哂野,扮專業串我地,但為人其實縮骨到不得了。

話說實習結束當日,我地叫左PIZZA同兩位導師FAIRWELL,同黃郁文講我地叫埋余生,佢話:"有魚生食咁好?"其實係我地叫埋另一導師阿余生咋。食矇左佢。。。

當年,佢入唔到U(1994年後呢科係DEGREE來啦),傻下傻下讀左呢科,咁0岩97又有移民潮,佢先上到位做呢個職位0者!再者,我真係覺得唔係咩專業,什至可有可無。。。

一同實習同學有五個,三男兩女。十幾年後今日,佢地係咪做到"大懶堂"境界?

***
又係晒高達時間,RGM-79Q GM Quel (MG)。重噴,武器全部唔見哂,角又斷。重噴金屬色,為左練習下一隻砌重高達!無砌後感,溝色其實好好玩!


五位同學如下

男同學SAM,讀書時為人驚死驚執輸都不得了,讀書就非常一般。畢業後去左讀電腦!又係讀個D無乜用0既MCSE!哈哈。。。之後成為左IT人。同大學同學迅速結婚(當年條女樣就一般,不過出黎做野又OK番,至少好過捱殘哂個班先。)

阿SAM做左幾年IT人,唔知點解又番番去做大學本科專業。唔知係咪IT唔好搵?定係想要穩定收入?(唔知佢係做政府定私人)

另一男同學阿蔡,當年實習六星期之間最FRIEND係佢,因為再對上一個實習又係同佢一齊。

同佢咁多野講,好有可能係比較唔專業(哈哈),當然,呢D嘻嘻哈哈朋友,畢業後唔會有聯絡啦。相信佢都唔想同我聯絡,因為我非他們族類呢。

畢左業先知,佢係NON-JUPAS入黎。我估大概係佢/佢家人唔想佢就咁打份工無技能,比佢入黎讀多三年吧。佢仲有家姐定阿哥係更高檔相關專業,可以彈生意比佢,順理成章佢一畢業就創業啦。(佢成績最差,應該政府唔會請!)老婆?好似睇過下相,非常唔靚就係,仲衰過BELINDA(邊個黎?按此淺淡同學妻)。

最後一個男同學阿STEVE,認真對佢好感有限。就係由開學已經對大家唔順眼果種,我又覺得你講野無聊你又覺得我七個種啦。實習期間都有交流0既,佢又係個D懶有道理講野好似好有智慧但其實無乜料果D。

畢業後?佢應該同我一樣都係無野撈,走過去做監考員(我並非讀教育相關學位,真係唔知點解佢有門路),200蚊一粒鐘,做半日。係當年失業0既我已經係好正。

而家,應該都係做番老本行,詳情真係唔清楚。

男同學0既發展都係唔好,我一向認為呢行又係女仔做先有著數。

另外兩位女同學呢?

女同學CAR,肥矮唔靚,又係衰過BELINDA(其實班上BELINDA都唔係好差,只因全班質素好一般!),我估佢畢業就入政府。至少而家係政府,有老公仔女幸福生活。

或許同阿老公係真愛,真係好難想像。廿歲已經成個師奶咁,如果唔係工作上識/軟飯王,最初相識時,真係好難令人動情。不過人地幸福就得啦,係咪?

最後一位女同學I!不得了,佢係班上少有樣算靚又身材好0既女同學。我0既COMMENT係樣黑左一D(我唔鐘意),有幾分似陳芷菁!身材係好,高瘦凸!我有冇溝過?梗係無啦,一黎呢D機會唔會係果陣時0既我,二黎我0既初戀身材更好(但其實我唔太睇身材,睇樣加分多好多,女主人童顏係最好的!!!要講三次!)!

讀書係點?又係幾乎完敗我(小弟已經算中上游個D,所有PRESENTATION都係A,WRITTEN差D0者)!

畢業後呢D跟本入硬政府(再之後出番私人執業),之後又係結婚生仔(老公都有錢,唔知是否醫生定係咩專業),可惜。。。

到最後離婚收場。

個仔跟番阿媽,成為阿媽寄托。阿媽走出陰霾後去做自己鐘意做0既事,行山,毅行,三項鐵人,越野單車,獨木舟,潛水。。。(拿,連運動都勁,你話呢D咩女黎?點會吼我呢種IT LOOK?),仲要唔係齋參與,有獎個D級數喎!

早半年,見到同班男性七頭痴埋佢度一齊行山,拿,我唔知佢係咪想溝人,但當年讀書佢已經係小兵一隻。當然,最後呢位女同學都係單身啦(至少FB見到係咁)。

當年真正大懶堂,又有誰做到?或者當年真係太無聊,只係隨住時代唱這歌吧。。。

最後呢次實習,我咩成績?C+!真係幾乎最差個次(睇番張TRANSCRIPT,分別係B+,C,B+,C+,C+,B+),攪乜鬼係飄忽?係LAW!呢D咁主觀0既實習評分,其實我係後期已唔L出力,拎到好GRADE只係扮下野扮下高深就得。

呢個都係我唔鐘意扮專業代表有料0既原因。當年今日,事業上有突破個D,全部係當年有熱誠個D,而非走線死讀爛讀個D。

好GRADE大部份落左女仔手上。。。

最近留意到,我個科其實到今日都幾難入,五科最好(BEST FIVE)要28分,即係點?即係最少三個5*兩個5!中大醫學院讀醫都係多兩分,即五個5*。

讀得咁辛苦,畢業入政府都係兩皮左右,今時今日做個SALES都有,做個靚靚秘書都唔差好遠。

其他相關文章

男主人工作系列

15/9/2014 我的藍海一: 我的生意像澳牛
7/10/2014 我的小生意續約了
11/11/2014 墨西哥餐: 做乜要咁辛苦?
31/12/2014 小時候 小茶飯 做咸SITE!
1/2/2015 我的財富累積大道(上)
3/2/2015 我的財富累積大道(下)
20/2/2015 新年比人問搵幾多?
16/4/2015 最沒信心的事 -- 傳承
23/6/2015 我深信的人生遊戲
24/7/2015 退休教授 -- 意想不到的 facebook friend request
17/7/2015 年青人應如何創業(一)
18/8/2015 三分工作,你會點揀?
9/11/2015 如何活得無悔? 收租死不足惜
1/12/2015人生遊戲二 魚與熊掌
5/2/2016 鋪王其實都係我個客!
21/3/2016 教育路上奔馳
4/5/2016 生意前傳 -- 被人蝦的經歷 
13/5/2016 港仔做生意 - 墨西哥餐去左賣咖哩魚旦



25 則留言:

  1. 我當年讀U都有實習,一年咁長。

    不過無grade,純粹pass or fail,一般成常人都唔會fail。

    回覆刪除
    回覆
    1. 咁pass or fail 壓力少好多啦。
      其實出grade 又係弱智,阿導師無education 底,比分可以好主觀,多數拉curve,你同勁人出就慘。

      刪除
    2. 係啦,係唔同公司實習又無得比較,有grade真係靠害

      刪除
  2. 話時話,淨係俾錢唔駛工作証明都可以續牌,咁都幾抵玩。

    回覆刪除
    回覆
    1. 係。
      講話行cpd 講左幾年,無實行過。
      而家自願性上報,我仲有得續。

      刪除
  3. 收生要求咁高,但出路又講到一般般,好想知男主人究竟讀乜科添。
    Morris

    回覆刪除
    回覆
    1. Morris 兄,小弟不便透露。
      不過網上年年都有小朋友問。通常係神科的後備志願來,即係唔係神科。
      講出黎都威威的,當年外母都問過我點解唔做番本行。

      刪除
    2. 我估係護理或物理治療之類

      刪除
    3. 哈哈。估到了。池某化骨龍個表姐想報呢個學系,一睇要28分有啲驚驚地。

      刪除
  4. 呵呵,我也有興趣聽女主人爆多哋她的舊同學呢=P

    回覆刪除
    回覆
    1. 佢唔太鐘意成班舊同學, 無謂戴假面具, 所以應該無乜機會了~

      刪除
  5. 佢又係個D懶有道理講野好似好有智慧但其實無乜料果D----- 你好似串緊某一個blog界中人...

    回覆刪除
  6. 我都想搵到舊同學黎講, 但實在所知有限, 畢業後就真係各走各路, 哈哈

    回覆刪除
  7. 我記憶中 係很久遠既blog 文 70後兄有提過佢讀邊科

    回覆刪除
  8. 睇過幾篇實習文,似乎估到70後兄係咩科 haha
    我都係嗰科 :p

    回覆刪除
    回覆
    1. 竟然係咁?
      實習對我黎講係浪費光陰.
      口痕問下你邊年畢業呢?

      刪除
    2. 09...嗰幾年畢業好好景,接近全部都升哂
      認真講,做左CD ROM好耐,不過睇你地幾位BLOGGER都有好多啟發,各有各長處,你的執行力亦都令我大感佩服!HAHA

      刪除
    3. 咁好開心喎, 一世人做到60, 有千幾萬.

      刪除
    4. 正正係呢個心態,我發現好多同學都唔會去學下投資理財,可能覺得一個月嗰幾皮野人工好巴閉...

      刪除
  9. 作者已經移除這則留言。

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...