小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年7月21日 星期四

煩膠阿四 以為自己做生意(心態決定境界10)

唔知係咪佢有睇我個BLOG,阿師妹近排情海翻波打比我傾(已上報女主人,同埋佢N年都唔會搵我架喎!)。不過八卦事留番遲D寫,應該不太多人係八公八婆下話

上星期重噴0既 MG AGE-2 DARK HOUND

同樣,砌後感在文末



此文靈感來自上次同止凡 東昇 REX 及 MANDAY的飯局。

話說講開攪投資班厄人錢,講下講下講到特許經營,好多呢D店都好難搵食

通常投資者/合伙人,以下簡稱"水魚",比左夠錢以為可以做老細,有人番黎做野幫佢搵錢,月月有錢入袋,生生不息,千秋萬代。。。

不過現實係點?上網SEARCH就知。

便利店開完一間係你隔離又開一間,最後阿老闆(以下簡稱傻仔),偷雞唔到蝕渣米,要自己落埋場做先收支平衡。一個唔覺意員工同你玩射波,你可能要請埋假番去開鋪。加盟費未計,仲有要跟足佢0既UPDATE 同維護,你估個D錢個上線有冇賺你?

另外,個D加盟食店一樣,食材價貴到仆街,你又想唔落場做呀?無乜可能。

仲有,斯文一點,攪間弓聞色幫人補下習教下小朋友?哈哈哈,佢只係提供中五學歷0既雜魚比你,要求有一大學畢業生坐陣。呢個位咪又係要老闆(以下間稱校長)落場做!只要有學生,你就要留低,咪以為可以UN UN 腳收錢咁天真。仲有,佢有限制唔比你開其他古怪班,詳情?請各準校長上網SEARCH下啦!

男主人檔生意,十年前已經有人想分一杯羹。仲唔止一次,雖然已是好多年前。

"阿男主人,如果要資金(或擴充),預埋我一份。"

其中一位仲要係現職投資銀行0既IT友(好似係HSBC),真係算X數啦你。

如果真係搵大錢,我就自己食左佢啦,點會留比你。

如果係個坑,我叫埋你入去踩,咁又是否當你朋友?

所以,好多合伙飲食生意(非指真正飲食,只係男主人生意個類啦,包括此人的墨西哥餐及咖哩魚旦),最後都係有人出力有人出錢。出力者嫌出份糧同付出成正比;出錢多者嫌回報低

(其實可能好過好多股票,
你出十萬,每月有一千其實已經好勁。。。)

近年少左人問,因為大家都長大了,各有家庭,同學間見面自然少左。同埋大家都成熟了,唔會咁ON9覺得咁樣係幫緊你啦。

個班人,真係以為有少少錢可以打本比人做生意?哈哈哈。。。

之後幾年,樓市上升,有人用收租樓當做生意。。。哈哈。又計回報又計P/E!

其實偷偷話你知,我生意P/E係小數,ROE超高,真係一個月就回哂所有資產,又一個月就回哂一年開支,剩低十個月就係淨現金流!喂喂,點解你比舊錢我要我比番呢D回報你?你又唔黎炒旦,傻的嗎?盤生意根本唔需要任何資金。

忽發奇想,咁多人鐘意做老細,但係又唔想出力,只想出錢。但係呢,又甘心日頭繼續做個員工,做一份自己又唔太鐘意0既工,又何苦。

喂,我係講緊你啊,話自己收租財自,但係又仲要番工個D單身毒男啊~~~

MG AGE-2 DARK HOUND 左圖為未噴,右圖為重噴!





COLOR CODE如下
GAIA 121 STAR BRIGHT SILVER
GAIA 125 STAR BRIGHT IRON
GAIA 32 ULTIMATE BLACK
上面就係呢幾隻色溝左五種唔同色出黎。

下期有機會講下人壽保險,雖身家千萬,有番一二百萬COVER下都未嘗唔係壞事。

心態決定境界1 <運輸街車哥哥>

心態決定境界 2 <文員姐姐無手尾>


心能決定境界3 - 論創業 <叫朋友做影相佢當我點佢>


心態決定境界4 <四十幾五十歲個班西口西面女人>


心態決定境界 5 -- 淺淡同學妻

36 則留言:

  1. 人到三張有老婆仔女先創業會否太冒險?如果我諗到條財路,我都會搏。

    我都寫過人壽保險,賣下廣告先。

    http://halfemptypapa.blogspot.hk/2014/06/blog-post_5475.html?m=0

    回覆刪除
    回覆
    1. 對的, 好多人就係年少不更事,買左D 唔0岩駛0既保險.

      有得再揀, 我會買TERMS.

      刪除
    2. 我又賣廣告! 舊文一篇:

      http://magician__yang.mysinablog.com/index.php?op=ViewArticle&articleId=3093751

      刪除
    3. hey...暫時所有留言同篇文都係無關!~~~

      刪除
  2. 呵呵,等睇下集講啊鋼琴姐姐有乜情海翻波=P

    回覆刪除
    回覆
    1. 都係好一般的翻波.
      不過, 以佢中女年紀重咁妹妹仔就難攪一D.

      刪除
    2. 3字頭,諗野仲似妹妹仔~?
      咁可能仲停留喺"明愛暗X補習社"嗰哋年代喎...

      刪除
    3. 詳情唔知。
      不過言談上感覺佢無成熟過。

      刪除
  3. AGE-2故事唔錯,可惜AGE1已經趕走曬d人

    回覆刪除
    回覆
    1. 其實Age-1 主角鐘意果條女, 最後要對決, 果集都ok好睇丫.
      我最唔鐘意係佢個進化系統.

      刪除
    2. 進化系統好勉強講得通,而且主角既才能係隔代遺傳,可憐了age2個主角

      刪除
    3. 所以好多人鐘意age2.
      後天努力總是獲人讚賞,但其實山?邊個唔想先天已贏在起跑線?

      刪除
    4. 上個月睇完鐵血, 故事都幾好.
      70s兄大多作品都噴金屬色,有冇玩陰影同舊化?

      刪除
    5. 哈哈, 我只係噴色, 其他工序太繁複...
      同埋只愛金屬色咋.

      刪除
  4. 等待師妹的下集情海翻波篇

    回覆刪除
  5. 我都好想有師妹情海番波打來叫我安慰.....

    回覆刪除
  6. 做生意真係另一境界,當然付出比打工要多,尤其係開頭!

    回覆刪除
    回覆
    1. 都係既,不過有好多唔起眼又細如細菌既所謂生意,可以輕鬆搵錢既。
      不過講比人聽就比人車law...

      刪除
    2. 打工:「老闆就正啦, 返工唔見影, 好似唔使做, 但錢就佢賺大份」

      老闆:「打工就爽啦, 放工準時即閃, 仲月月有糧出, 我做得隻狗咁, 無OT又無得收工」

      我覺得香港教育制度好成功培訓年青人乖乖地做打工仔,每日輪迴職場勾心鬥角,沉迷喺升職加薪既遊戲入面。

      刪除
    3. 各有各好啦, 講搵錢, 大部份都係做生意多.

      但如果唔介意錢少, 打工作息定時又唔係負最大責任, 人生輕鬆D.

      刪除
  7. 算數啦, 買隻高息股票收股息算啦.

    回覆刪除
    回覆
    1. 親力親為先有世間財.

      收息股收極有個限度...都要靠工作收入買收息股啦.

      刪除
  8. //阿師妹近排情海翻波打比我傾
    代女主人問:點解個個唔搵係都要搵你?

    回覆刪除
    回覆
    1. 可能因為我係佢少數男性朋友?
      哈哈, 我估係我係佢心目中(細細個個陣), 算係可以問下意見0既人卦...

      刪除
    2. 呢個問題係男主人報案時,我第一句都係問左呢句。

      刪除
    3. 代女主人再問:如果佢跟住仲接二連三咁打來,你會點應?

      刪除
    4. 應該唔會, 我已經好似應付D HEA 問留言咁HEA 答左佢, 佢都應該無乜癮.

      刪除
  9. 找數,小弟劣作。
    http://learnwiththeflow.blogspot.hk/2016/07/gunpla.html

    回覆刪除
    回覆
    1. 正, 已去左你個邊留言!
      ZULU 我都想買, 可惜未砌完而家個D...無了期等待.

      刪除
  10. 可吾可以講下點做生意
    有咩曉門
    我自己都係做生意,但同打工差吾多,請賜教

    回覆刪除
    回覆
    1. 你有自己生意就易好多,萬事起頭難。
      1 有冇慳住d 開支?不要一開始假大空。
      2 要鐘意盤生意,鐘意才會去才善
      3 平時遇再咩困難或客人問咩多,解開左應幫助不少。

      放諸我或我老婆盤生意都work,希望幫到你。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...