小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年7月7日 星期四

舊拍檔的男性中年危機 (心態決定境界9)

為免比人話我太HYPER,盡量分開D文黎打吧。哈哈哈~~~

男主人正放大假中,成日去砌高達,又慢慢清理下手頭上的工作!

今次係龍神導師仁宇(BB276),噴筆再補手油。請原諒大叔業餘水準帶點傷眼。砌後感在文末。



舊文重溫

心態決定境界1 <運輸街車哥哥>

心態決定境界 2 <文員姐姐無手尾>


心能決定境界3 - 論創業 <叫朋友做影相佢當我點佢>


心態決定境界4 <四十幾五十歲個班西口西面女人>


心態決定境界 5 -- 淺淡同學妻


話說男主人工作轉捩點有二,一為入行當年見到棟樓咁樣衰真係唔想上去(大半年前經過一次,已被拆,下面係GOOGLE MAP截圖)。。。結果上去改變一生。有時真係搵錢0既野,無樣睇。幾多人係靚靚甲級寫字樓打份唔夠兩皮文員工仲要日日捱貴飯。。。(有機會再行文講,今次主角唔係佢)


轉捩點二,可以話係我加入左以前拍檔一齊撈,否則我可能番左政府打工。當年我計過,一開波都有三萬幾一個月(2006),係2007,我達到人生第一個一百萬。

當年,佢只係一個2003被栽員0既報社小職員,當年33/34歲,我係2003同年因無野撈走去做PART TIME 識得佢(間公司現已上市,當年拖一個月糧攪到我要捱面包!)

本來,佢只係想充份使用個OFFICE,搵左我其他同事合作,不過唔穩定0既人工又邊有人理佢!我教左佢幾招當然幫到佢生意(我入行早過佢),後尾我要離開上面份工而去讀書,唯有借用佢場地當辨工室用。

開頭,我搵錢比例高過佢好多。但由唔知邊年(2008?)開始,因社會政策改變,佢生意好過我。咁0岩當年女主人又開始創業。。。

我個拍檔,表面無乜野,因為佢以前打工搵錢唔多,老婆係高職位社工搵錢多過佢。簡單D講,佢未到食軟飯,但係肯定係小男人,比老婆食住個隻。

到佢搵到錢,覺得自己有SAY,又識到D女。結果有三個小朋友都要離婚,當年佢39/40歲左右。佢老婆仲好ON9叫佢兩個一齊去婚姻輔導,其實個男人(我拍檔)想再識女仔重新過新生活,你點都挽回唔到,人地振夫剛一路抑壓住個老婆又FEEL唔到。

當年佢都係四十歲出頭,中年男人危機是也去到呢D年紀,拖又唔會再拍,工作又無乜上升空間,錢又唔係多唔係少。人生上已無乜衝擊帶來成功感,結果識女人/自暴自棄者眾。

拋妻棄子之後,個人開始變。其實應該咁講,佢本身D缺點出哂黎。

當年佢有個師弟,又係同行,做到有聲有色差唔多半個公眾人物(男主人從來無諗過要出名),我拍檔就成日同我講佢師弟當年又唔叻個樣成隻豬仲窮到問佢借錢!又覺得自己生意要改,改到好似佢師弟咁掂。總結一句,唔抵得人地發圍!

真係痴線,跟本唔同市場。。。如是者痴人說夢多年。

及後,女主人創業,其實一開始已有錢賺,不過唔多,過左一兩年後叫做幾好啦。咁我拍檔又成日卦在口邊,話我唔理鋪頭D野,集中老婆D生意。其實我無LAW,除左一開頭提供左D SUPPORT 之外,我99%時間都係無干預過我老婆D生意。

只係,佢認為女主人D生意好好,又開始妒忌。當時佢都係識緊大陸妹,只洗佢錢唔會幫佢搵錢。(靚唔靚?後生個D唔靚,唔後生個D更唔靚。)又係個句,唔抵得人發達。

再後,佢換女友(都係大陸後生女),換到個香港人但不是三粒星個D。
開始同佢查數,開始管佢D生意。

當然,一管就出事。發現我條數唔靚,可以係我個度再挖多D錢。

係我立場,只係諗住當初幫佢一齊頂租唔出黎攪。當越搬越大,其實我比佢果舊錢已經夠佢交鋪租。點知,佢/佢女人,想有現金流,可能又睇死我唔走。總結一句,貪心得黎又想過下老細癮。

其實當年佢都只係想收我$17000(我比12000-15000佢,視乎當月生意),其實比多兩千唔係咩大問題,不過我老婆話不如走開過第二間。

算是兩個女人在背後的決定吧!男主人心態係,換左有自主權,可以換好D0既機器,又可以坐得舒服D。當然,自立門戶後,每月連洗費都係17000內攪掂(多年後0既今日梗係唔得)

錢?首月純利(扣減支出)已衝過十萬。

由一個小男人點會變成一個妒嫉人?
唔知係咪更年期?

我認為唔係,只因金錢令人腐化,由無錢無意見,變有錢做大佬!這不是香港四五十歲個班老港豬寫照?現時人挾著年青人條J,社會挾持資源個班。真有錢個D已經拑住後生仔條項,一層樓玩死佢地做足一世;無錢個班?咪以前番深圳做大爺喝服務員,而家大陸經濟好左,只能留港消費下下要投訴員工,去麥當勞當去左香格里拉個D。

我離開之後,仲有聽到佢消息。生意好,個人串,粗口鬧客,無理趕客

結果?比客玩。。。攪到比人告(呢個亦都係我唔露面,唔講生意性質的原因),賠錢改公司名就當然。客人間的惡評亦加劇佢沒落。最重要係,政府政策令佢生意好左,但佢D功夫一路唔改善靠食老本,結果逆水行舟,不進則退。新入行個D都慢慢追過佢了,始終功夫到家係必需0既,捉緊短暫機會好難長久有生意。即係咁,佢生意已經大不如前,唔知係咪無人食,定係佢搵夠可以減產?

女主人話,好彩我走左,
如果唔係,官司纏身我一樣要承受。

我走左之後,個OFFICE咪空左出黎?係88DB見佢招分租,由開頭9K一個月,去到後尾3K一個月,有冇人租我唔知,不過當年要我17K,今日偷雞唔到蝕渣米了。。。

不如講下我意見,搵男人,梗係搵個有錢(唔係大富大貴,至少都好似我咁,後生已有搵到少少錢的滋味),否則到中年先初嘗金錢滋味,個人係會變得好勁。抛棄糙糠到時條女就好慘!!!

我拍檔,應該住係公司入面,訓覺沖涼都係。
仲有冇新女朋友就不得而知了。

再補上龍神導師仁宇兩張!其實,我連佢個仔都砌埋了!

我拍檔就係<典型惡化版中年危機>!

我自己?為免退休後變得沒成功感沒成就得老婆搵錢的中年危機,正發掘新興趣。砌高達是其一,寫BLOG也是其二。

下兩星期有幸被約BLOG聚,其實結交新朋友。同時,小弟有興趣開番個WHATSAPP GRUOP 吹水,但只希望係寫BLOG的朋友,如有興趣,SEND個EMAIL給我吧,我無乜要求,你個BLOG有五十篇文以上就可以了~~~!


48 則留言:

  1. 達唔到入gruop要求,希望男主人blog聚完出文講下感想

    回覆刪除
  2. 看來70後兄唔再做呢行, 是言出必行. whatsapps group我或者都有興趣, 我有50篇既, 我唔係住香港既, 接唔接受先?

    回覆刪除
    回覆
    1. 受,email 電話給我吧。
      Send 中東美女相來。

      刪除
  3. 70後兄個BLOG 咁受歡迎, 發文50就"入到會"的話, 大把人參加吧

    回覆刪除
  4. "為免比人話我太HYPER"~哈哈你又串番我=P

    "正發掘新興趣。砌高達是其一,寫BLOG也是其二"~我個人的興趣全部都係passive的,睇黎要多哋郁動下至得=)

    回覆刪除
    回覆
    1. 睇書,寫blog ,砌模型也是passive,但可交流啊。

      刪除
  5. 回覆
    1. 唔悲慘,可能個男人日日爽歪歪我地唔知。
      好過收租仔只係打完簿放番d 錢去供樓,而租金下調變相少埋收入。。。

      刪除
  6. 唔係歧視, 是統計; 個人生活圈中統計是, 同內地年輕女仔一齊後沒有好結果的.

    回覆刪除
    回覆
    1. 可能個男既唔想有咩結果玩下就算呢,唔係個個回內地溝女都想結婚。

      刪除
  7. ""無錢個班?咪以前番深圳做大爺喝服務員,而家大陸經濟好左,只能留港消費下下要投訴員工,去麥當勞當去左香格里拉個D。"" 公司都有. 叫餐茶走冰後覺得難飲, 要人地拎 3 粒冰比佢; 叫申辣面辣到自己食唔到, 鬧侍應. 我每天都怕比人加料.

    回覆刪除
    回覆
    1. 哈哈哈!!!你呢個經歷好正,可以寫文,同事x 同事y。
      呢d 港人,膠事連篇,相信實會有後續。

      刪除
    2. 你有興趣講多D 你聽:
      有一次, 同一個人, 食LUNCH, 又蝦D SUMMER 工妹妹侍應. 妹妹: 小姐想選咩湯?今日有羅宋忌廉湯; X: 咩係羅宋忌廉湯? 點煮. 妹妹:呃...是羅宋湯或忌廉湯.... X(臭面):要忌廉湯, 裡面有咩?

      刪除
    3. 妹妹: 有....磨菇... X: 我唔食磨菇, 你入廚房倒忌廉湯時隔晒出來; 妹妹: -_-||.......我問下廚房做唔做到.

      點知做到.

      刪除
    4. 個廚房才是勁。
      可能有個阿婆用口飲完d 湯食左d 磨菇,吐番d忌廉湯出黎比佢飲。

      刪除
    5. 80後東昇" 公司都有. 叫餐茶走冰後覺得難飲, 要人地拎 3 粒冰比佢; 叫申辣面辣到自己食唔到, 鬧侍應. 我每天都怕比人加料.
      ==>^_^真係好膠~~~~
      我舊公司都有個刷鞋友癈人、經常勁心裡不平衡、成日玩仕應、"明明要快落單、又要同人講唔使急要快""叫餐茶走甜後覺得難飲、要人地拎返去加1些糖醬比佢""叫黑椒雞扒太辣、叫仕應鬧廚房咁辣點食、佢點餐點唔出聲""叫星州抄咪又話人地的米粉太銀、干抄牛河太油等"鞋油王係上司個天文台、我想脫隊都唔得、慘不忍睹的要天天睇佢玩仕應、當自己比少少錢食午餐就要當老世~~~我都好怕自己的食物比人加料

      刪除
  8. 2003被栽員0既報社小職員?印象中當時被裁的多是中高層,正是小職員上位的好機會。

    回覆刪除
    回覆
    1. 應該唔係咩高層,幾肯定,可能做左好多年吧。好似係明報。

      刪除
  9. 同塘人當年拍擋做生意一樣, 不過自己係被激走個個, 哈哈

    回覆刪除
  10. 回覆
    1. 唔係錢問題,係佢窮開,一搵到就以為大支野。

      刪除
  11. 發財都要立品先得0架,
    唔係真係 朋友多, 仇人更多

    回覆刪除
    回覆
    1. 唔關發財立品事。
      可能阿同學你他日發左 就將一路以黎受既氣爆番哂出黎。
      就好似而家d 四五十歲港豬咁

      刪除
    2. 未到呢啲階段, 評論不了

      刪除
  12. 男人到咁上下年紀,除非錢多到洗唔晒,唔係就千奇咪玩女人,一定無好結果!

    回覆刪除
    回覆
    1. 結左婚就唔好玩。
      離左婚玩,就要要認真。
      本來我都無咁好搵,拆伙後狂爆seed搵多好多。
      佢無左我份錢補貼,又結果要掏錢交鋪租。

      刪除
  13. 長期讀者,請問我可以入whatapps group 嗎

    回覆刪除
  14. 回覆
    1. Email 電話比我,加入whatsapp group 吹水。
      其實無乜人

      刪除
  15. 回覆
    1. Email 電話比我,加入whatsapp group 吹水。
      其實無乜人

      刪除
  16. 好好奇70s兄每個禮拜用幾多時間砌模,幾日就有新作。

    我砌模就成日斷斷續續。最煩係噴油,要set 好多野。趁放假今日完成左九成幾MG 沙剎比ver ka(搵極都搵唔到個六碌浮遊炮件,希望真係放左係倉).

    回覆刪除
    回覆
    1. 你有冇BLOG SHARE 下作品?
      我放緊假, 但番公司砌模型LAW.
      沙剎比VER KA 佢一出我就素組左...背包兩支燃料棒, 我唔知係乜, 搬屋時掉左...

      刪除
    2. 冇呀, 莫講話blog,我連Facebook ,whatsapp都冇呢.

      刪除
  17. 不如去做下義工,跟下明哥果d,唔係你財務自由左之後都幾悶

    回覆刪除
    回覆
    1. 義工真係無乜興趣, 一陣引埋D 師奶/中女0既"怪桃花"就無謂...
      靚女引唔到, 成日引埋D 怪物...

      刪除
  18. 我要勤力d寫blog先得啦...好耐冇寫過野~ haha

    回覆刪除
  19. 新BLOGGER, 可否加入個 GROUP 一齊吹吹水?

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...