小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年7月28日 星期四

食息過活 建設銀行 2015 年股息派發

睇到女主人話講下佢工作0既草稿,得幾句,爛尾多。

我唔等佢了。UPDATE下近期收到0既股息先。

2016(今年)收到建行2015年度股息,為HKD 575701!可否做食息達人靠食息過活?

(我即時轉走左D股息去支票戶口的)

上年收到2014年度交行建行股息HKD41萬,加埋權金12萬總數53萬
(故事一匹布,自己睇呢篇 2014 年交通銀行 派息日 收到股息

再上年收到2013年度交行股息HKD44萬
(連結按此2013 年股息派發

再再上年收到2012手度交行股息HKD278000
(連結按此2012 年 股息

講番今年,平均每月有HKD48000洗用,夠唔夠財務自由?可否靠股息生活?如果慳慳地肯定夠。已計埋屋租,供養父母金額不變。最大變數係小朋友,同埋老婆仲想做多幾耐。

其實今年建行減左派息,由上年0.301 減到得番 0.274!估計唔會再減息喇卦,維持而家都OK。

持有股票總值約一千零六十萬。

買唔買樓?剛見到七月中有掂住五球0既成交,睇黎好多人想甩手呢。只係我住緊呢度少盤,減價減租現像無咁明顯。

睇番舊文,原來我預計今年有70萬股息,哈哈哈~相差好遠呢。

再三年前,個仔剛出世,昨日剛好三歲。


老婆辛苦了。(圖中為聖安娜汽車立體旦糕,兩磅,三百幾蚊。唔算好食。)

預計明年(2017)股息不變吧,應該派完息會有210萬現金(其中130萬是女主人的),即我實有80萬現金左右。又睇下準唔準。

再預計2019年鋪租完左,將持有現金400萬(扣左比女主人後);而女主人應該有現金300-400萬左右。

除非目標樓盤升到二千萬(三年咁樣升,你估後生一輩會否動亂殺業主?),否則8球現金買區內99%單位任揀無難度。

所以,除非女主人忍唔到手,否則從來不會急於求死。

以上未計股票升值喎!唔升唔跌也可以的,如果升番往年高位HKD7.5,即時股票總值大升,買乜都得啦係咪?

預計九月開始,會撥番三五七萬入去搡作買下股票,到時再分享吧。不過唔好仲意細細注當搵餐茶。。。

以下是BB LEGEND 370 KNIGHT GUNDAM 騎士高達!手油補色唔多,真易攪。



未手油前係咁


佢長大左係點?係咁樣。。。哈哈!(我一早砌左~~~)


再呼籲下,LIKE下我下面個FB PAGE丫,當流量不再單一時,更能令我暢所欲言。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

35 則留言:

  1. 70萬股息 。 勁! 我都期待佢升番上七蚊

    回覆刪除
  2. 嘩 😋 好和味
    我都收左少少CCB 嘅息

    回覆刪除
    回覆
    1. 大家都和味。哈哈。
      廧該唔少人有建行。

      刪除
  3. 呢筆股息可以睇到人人心癢癢呢:)

    回覆刪除
    回覆
    1. 香港買股,樓留番比後生仔自用,唔炒埋一份。
      美國梗係買樓,食佢地白人d 錢啦。

      刪除
  4. 我都收到了,終於可以買個飯盒食xD

    回覆刪除
  5. 勁, 我個本金同你比, 相差好遠, 所以我選擇買十幾隻股票, 收息再買股票, 目標係capital gain, 而唔係passive income (邊有你舊本金咁大...)

    回覆刪除
    回覆
    1. 我年紀大過你,咁比唔公平。
      我唔會好似老人家企係山頂咁教人投資,哈。
      只係我年紀大又有儲蓄,加上生意現金流滾存落黎。
      相比收租仔,我呢d 算係乜。

      刪除
  6. 個個都話:"投資股票高風險";"買股票梗係用黎賺價, 邊會用黎收息架…"
    計我話, 只要知道自己做緊乜野就可以!

    回覆刪除
    回覆
    1. 咁佢地都正確。
      牙刷可以用黎刷牙,我用黎刷模型,有人可能用黎刷廁所呢。
      你說得對。

      刪除
  7. 70後兄的收息生活,真係令人好羡慕=P

    但你囝囡都咁精靈漂亮,是其他很多偽中剷父母恨都恨唔來的~

    回覆刪除
    回覆
    1. 最後,娶個樣好一點既老婆。
      其次,要知道收租樓溝唔到靚女,攪掂自己其他條件先啦。
      首先,放棄娶唔靚但高收入老婆來供樓概念。

      倒轉睇易達成,但識既人一跳可跳到最後。

      刪除
  8. $1.95 XD 我都收到息啦. 大約小你 100 倍啦

    回覆刪除
  9. //最大變數係小朋友
    呢樣是真的。大小小又話要遊學,又話要旅行,又話要上興趣班。佢地主動開聲要求,你仲要滿心歡喜咁將D錢一舊一舊掟出去。

    回覆刪除
    回覆
    1. 係。
      不過自問教佢地探索世界我可自己做番,遊學可慳番。

      學琴學英文呢d 走唔甩。
      不過起碼高小才遊學,重有時間積聚資產。

      刪除
  10. 砌高達好快會滿足唔到你。
    今年我清倉股票,無得收息,真流曬口水見你收息咁正,也登你開心。



    回覆刪除
    回覆
    1. R 兄你割禾青更高招。
      講開滿足否,可能你無我咁沉迷,同埋有目標地砌架。
      再加上,仲有其他野玩,我d 個人興趣都唔係成年人興趣來,應該襟玩好多。

      刪除
  11. 生生不息,源源不絕,令人羨慕,超正!$

    回覆刪除
    回覆
    1. 謝謝支持。
      若內銀盈利大倒退,就無得再生生不息了。

      刪除
  12. 我都想食息過活,但是將大部份財富投資939,風險不低!

    回覆刪除
    回覆
    1. 雖然我四分一股票在內銀,939,1398,1288,3988都有!

      刪除
    2. My portfolio: 25%Bank銀行, 25%REIT, 25%Property地產,25% 共用股 & others!

      刪除
    3. 我未有錢到分散投資唔同資產住。

      謝謝支持

      刪除
  13. 老兄是真強人也、多飛鳥媽25萬息成倍都唔止~~~~內銀生生不息~~~~

    回覆刪除
    回覆
    1. Mola mola.
      下年應該都唔會加派息。
      飛鳥媽是師奶股神,想想低位撈貨

      刪除
  14. 回覆
    1. Haha. 一樣都係錢。謝謝支持。
      阿仔有冇新作?

      刪除
    2. 無啦,明天看看動漫展掃下貨先。唔知有便沒有-)

      刪除
  15. 隻騎士成人正喎! 呢隻真係一定要金屬色. 是內地模?Bandai 好似冇出過.

    回覆刪除
    回覆
    1. 原模係邊就唔知。
      此為內地翻件,人仔320定280。
      係我為一一隻gk 件。
      又無用心打磨,光黑底又無拋光,又唔識噴super metallic。其實好失敗。。。

      刪除
  16. 成57期,和味過和味龍啦!
    我今年得你十分一炸。

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...