小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年6月30日 星期四

心態決定境界8 - 短途旅行港人奇行種

舊文重溫

心態決定境界1 <運輸街車哥哥>

心態決定境界 2 <文員姐姐無手尾>


心能決定境界3 - 論創業 <叫朋友做影相佢當我點佢>


心態決定境界4 <四十幾五十歲個班西口西面女人>


心態決定境界 5 -- 淺淡同學妻


今次係釜山機場太悶開始打,上機後繼續吧。



此乃旅程 escort 韓妹,呀,其實係女主人黎既。。。同佢去三次韓國,都試過比人以為我地係日本人(LI康哥DES KA? 易耶!)。很肯定我個樣唔似日本仔!

酒店附近

釜山機場

海云台,可晒足半日,落去遊水會被淹沒,都幾大浪。

廣安海水浴場,其實都係沙灘

五六島,太大霧無去遊船

Busan gundam station。
價錢係香港一點五倍以上,睇下素組成品,唔順路的話不去也罷。

甘川洞文化村,懶係靚咁,又cross over 小王子。星期日去充斥好多真韓妹。

韓國海鮮非女主人想像中好食。不過一定抵過香港。

Line shop 正,買左唔少衫比男主人同仔女。


真正遊記有心機先打。留定個位先

<遊記按此>

老老實實,男主人唔太鐘意去旅行,語言不通又人生路不熟,不過女主人話要去就去啦。

麻煩奄尖0既男主人,去到邊都要彈一番,正所謂他鄉遇故知,見到(聽到)香港人特別興奮。

我尖酸地將佢地歸類,由後生到老餅。

1。港女青春系

呢班budget 有限,但食唔會慳。 常見既都係唔靚。點解?靚就同男朋友或者隻兵去旅行啦。一齊出遊都好醜,一肥一瘦又有,滿面瘡戴哂頭飾又有。最正係如果有奄尖女在內,另一半女仔就比佢當男朋友咁丙。。。抵你無人要既。

後記,上機回港遇到一個大口醜樣紙紮公仔咁化粧0既港女,以為自己好正,一路行一路四圍望有冇人望佢(哈哈哈!),仲好大聲講話有四個韓仔望佢。WELL。。。

我同女主人講,如果我死左,燒D高達落黎,真係要燒妹仔,唔好揀呢D樣!

女主人話:"嘩,佢個袋幾萬蚊(定萬幾蚊?),我都唔捨得買"

男主人神回一句:"幾萬蚊買個袋,點知坐廉航!"我張HKEXPRESS機票好似幾舊水仲打左個八折。

2。年青情侶系

通常唔出聲,就好似我地咁。除非衣著太老土,否則估唔到佢係香港人。各有各食野睇景,又唔嘈到隔離,影相又影兩張不用等佢大合照,幾好!

咩叫衣著太老土?大商場短褲踢拖扮悠閒,又或者背囊側袋插支水。

3。幾個港嬸去旅行系

呢種最易認,因為內地大媽未識自己去旅行(要同老公仔女去),幾件無胸瘦底眼鏡龜,其中一兩個短髮sporty look 就好有幾會係港嬸。

特徵講野大聲,但黎黎去去都幾句:

香港呢d 都有。。。

計番幾錢港紙。。。

講日常生活既事。

雖然我都會計下邊度抵,但係唔會隔廿米向住你班同伴大叫law,煩膠到不得了~~~!

老公去左邊?唔工作搵錢又點比佢地去旅行呢!又或者,無謂去到做班阿太0既人肉地圖同埋運輸車,留係屋企睇波好過啦!

4。一家大細系

就係一家大細,通常個老公都好八卦四圍望。(唔好再望女主人!)小朋友視乎年紀,某個歲數,去旅行是被迫及無奈的。

最無破壞力係呢D,各有各玩,你唔出聲我唔知你係香港人,除非阿老公又係背囊側袋插支水啦~

5。幾條佬系

莫名其妙!可能一齊去工幹,否則咁0既年紀,我大概會估佢地係去尋找歡樂。。。男人要聚舊,求其KFC都得啦。好心,叫D食得落肚架啦!當然,唔排除真係有咁鐘意旅行0既男人幫,又或者佢地係HEHE。

男主人識得0既HEHE,久唔久會去台灣玩(玩咩?當地有人接應照顧啦總之!),佢地有佢地旅群。

6。老野花旦小生去旅行系

就係好靜好靜觀光0既伯伯婆婆。唔出聲未必認到,因為衣著可以好唔同。如果要捱到七老八十先去旅行,我會選擇而家洗哂D錢就算~~~!

拿,我見到都係好似我咁cheap cheap 地去韓國個班人咋。你去澳門咁短,歐洲咁長,又係另一個niche 族群。

女主人沿途影左好多景同懶有詩意0既相,佢話第日要自資出書,而家用黎整插圖!我話,其實咁多張,成本書都係圖,貴到無人買!除非男女主人合力出一本,前揭後揭一雞兩味,可能唔駛蝕本0既。

各位留言是令我繼續九UP0既動力,必覆!
如有任何頭暈身慶,水土不服,或者約我去街HEHE一番
按此EMAIL 我啦!

43 則留言:

  1. 其實香港咁細,久唔久出去外地行下,當吸下當地靈氣,不過你既觀察都幾特別

    回覆刪除
  2. 會郁既紙紮公仔我都會望下。 呵呵。

    回覆刪除
    回覆
    1. 佢好大聲同個friend 講野,引人注意。
      注意左就比佢嚇一跳。

      刪除
  3. //通常個老公都好八卦四圍望
    70後兄肯定係第4類,唔係好八卦四圍望點寫到咁仔細既觀察?

    回覆刪除
    回覆
    1. 我係聽的。。。
      係都集中望韓妹啦。

      刪除
    2. 望足咁多日,有無啲厭。

      刪除
    3. 不論是望我個偽韓妹escort 定真韓妹,應該都未厭。

      刪除
  4. 女主人身材真係好索XDD

    依家考完DSE,好多後生仔女去咗日、韓旅行~睇佢哋post上FB/IG既"拍拖福利相",都夠我笑足成日^^

    回覆刪除
    回覆
    1. 佢後生果陣係見得下人。
      而家童顏都仲有dd,客人當佢係員工。(員工比人當老闆)
      我又唔見有拍拖福利相喎

      刪除
    2. 呵呵,我IG入面多舊學生,福利相+福利文一大堆,暫時最"勁"係呢段:(copy唔到哋公仔)

      "happy half year
      真係好愛你 同你經歷咗好多
      每天都要在一起 就算幾忙都可以見到
      咁樣真係好幸福
      往後既日子我都會喺你旁邊比你撓住
      有我在就唔使驚 晚晚都會陪你瞓"

      刪除
    3. 原來你D 學生都咁大個. 喂, 下次BLOG 聚叫埋我丫~~~

      刪除
    4. 可惜現實同想像總有差距,哈哈

      刪除
    5. 好呀70後兄,下次搞blog聚~你攜眷帶埋女主人出席吧=)

      我哋上次傾計,衰到連其他blog友的profile pic都講一番~~佢哋話想見下魔術師兄真人咩樣喎XDD

      刪除
    6. 我講真架, 拿, 約到魔術師更加好!
      我估我同佢都成條...書蟲咁樣!~~~~

      刪除
    7. //我估我同佢都成條...書蟲咁樣!~~~~

      唔係精蟲咁樣就得喇!

      //福利相

      所謂「福利相/文」,其實係咪「Fxck 你」的音譯?

      刪除
    8. 好難似精蟲呀。
      另,無解錯應為網上美女哂腿哂胸,益d 兵有得睇下既員工/兵福利。
      我諗cherry 誤用左,應為晒幸福文/相至0岩。

      刪除
    9. Sorry係我搞錯咗,下次用番"晒幸福文/相"呢個term先=)

      同意正常人嗰樣好難似精蟲~除非頭極大身極細啦(諗起阿河童"痴鋒"㖭)~

      刪除
    10. 最近似既,可能係小丸子爺爺個頭。。。

      刪除
  5. 我最近也去了首爾,似韓劇般的靚女韓妹沒見到,但韓妹一般會打扮化妝是真的。

    回覆刪除
    回覆
    1. 係,結果平均水平都高。
      佩服佢地肥腿果班都著超短褲出街,好似長城牌午餐肉。

      刪除
  6. 女主人俾人望係正常喎,又長腿,我老婆去街話成日俾啲七八十歲阿伯望,哈哈!今天建行又上番啲,恭喜哂!

    回覆刪除
  7. 至憎第三類,大大聲,
    出左國以為人地唔識聽,
    做乜都得,影衰0西

    第五類可能組團想識韓妹,
    聽過韓國0的夜場都好多年輕人,
    當然最後應該多數失敗而回

    回覆刪除
    回覆
    1. ME TOO! 最憎港嬸! 不論係香港定外地, 佢地都好膠煩!! 女主人遇唔少呢D.

      組團識韓妹,不如試下FACEBOOK 識.

      刪除
  8. 大口醜樣紙紮公仔咁化粧0既港女----好想睇下係點樣....哈哈

    回覆刪除
    回覆
    1. 化到所有紅色系都OVER哂個D.
      今日我DOUBLE CHECK 女主人, 叫佢唔好燒紙紮公仔比我, 燒個紙紮印傭, 肯定值錢好多!

      刪除
  9. 回覆
    1. 風景都幾好。韓妹也不錯。
      最正係有女主人相伴。

      刪除
    2. 下次試下我一個去睇, 番黎話你知有咩唔同吧.

      刪除
  10. 嘩! 女主人好靚女....

    另外有冇計過今次建行收息約收幾多錢?

    回覆刪除
    回覆
    1. 戴左line公仔面具梗係可愛。
      建行應該56萬左右,人民幣不停跌。。。本來近58 萬的。

      刪除
    2. 有冇考慮過轉中電個D防守性再強d既股呀?
      因為內銀派息要比國家抽10%, 加上人仔會跌, 內銀又好似好多負面消息.....

      刪除
    3. 負面極都跌唔落,無諗過買中電。
      內銀唔算抗跌力好,不過派息高。

      刪除
  11. 比轉倉個篇文張韓妹相引左入黎
    成日見你讚女主人 原來真係好索 成張J圖咁 haha
    係街見到會以為係dse妹妹
    我真係一心黎睇投資文 唔係睇J圖架
    多謝男主人福利圖

    回覆刪除
    回覆
    1. 哈哈,DSE 妹妹。。。我都想。
      女主人話眨到真人會失望。

      我好少寫投資了,買哂貨坐係度等咋。

      刪除
  12. 雖然我是旅遊expert, 但我有時背囊側袋插支水wor,口乾架大佬.

    回覆刪除
    回覆
    1. 下次放入背囊入面啦,哈哈。
      我係旅遊新手。。。。

      刪除
  13. btw 做咩出賣女主人啊~? 又btw, 我家女主人會同幾個人妻去韓國shopping. 你下次睇下有冇少婦團?

    回覆刪除
    回覆
    1. 少婦好難認。。。
      另外,我地少去shopping,所以應該遇唔到你太太。例如首爾去過一次,太熱鬧了。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...