2016年6月21日 星期二

心態決定境界 7 -- 壞男人AGENT

今次砌左下面個隻 SD BB 三國傳!孫尚香高達!



砌後感在文末

舊文重溫

心態決定境界1 <運輸街車哥哥>

心態決定境界 2 <文員姐姐無手尾>


心能決定境界3 - 論創業 <叫朋友做影相佢當我點佢>


心態決定境界4 <四十幾五十歲個班西口西面女人>


心態決定境界 5 -- 淺淡同學妻


(其實呢篇野打左成個月有多, 而家才PUBLISH 一黎自己爛尾,二黎肯定左男女主人立場先打啦。)

女主人話我有時太單純/一廂情願, 以為人地同你FRIEND 其實又唔係;同樣, 女主人成日同D 有金錢交往0既人成為朋友, 其實都幾危險。

AGENT 就係其中一個例子, 不論邊種AGENT,

有時, 佢地的確幫到手, 但係係咪FRIEND 到你可以縱容佢? 當然唔係.

樓盤AGENT 如是(阿大嬸其實幾好, 不過都係個句, 不能全信.)

保險AGENT 也是。

<文章較長,請必看人物介紹>

今集主角,是位保險男!
三個女仔,先後次序為



AGENT女,二十尾(現已結婚,有美滿家庭事業及一BB)

留學生女,二十尾。初戀,未婚比人攪大,無名份下分手

教琴女,三十中。已有家室及一患病兒。後自願拋棄家庭離婚及應承了男AGENT的求婚

先講明,免生混亂。

****

這位保險男,其實佢都幾得閒, 相信是一位食家, 佢上上一位女朋友(AGENT)雖然都係一腳兩船之下飛左男方, 不過都係因為男方曾偷偷溝公司另一同事....哈哈。

點解會講佢? 因為佢地都係女主人由金錢變朋友0既人!

分手後如何? 男方當然不停識女仔(正常丫!), 最後溝左件未拍過拖0既女仔。樣非常一般, 可能只因為個女仔係一手車(唔明0既留言啦)...份人係點我唔知, 零溝通。

最後,呢位AGENT男攪大左人地個肚,話要結婚。

點知,最後好似話想用單親家庭輪公屋(男AGENT透露過都月入三萬幾,女方點都有萬幾,出國留學架喎!),結果無結婚。

生左出黎之後,繼續無結婚無名份。

其實,我認為呢位男士出於怨氣同報復。

上上位AGENT女朋友飛左佢之後,已經好幸福同小學同學結婚再生仔(非奉子成婚),過住幸福愉快生活二人世界不用同家人同住公屋

男方結果好似想鬥快咁,又好快識條女,攪大埋個肚,係唔結婚咁解0既。可能真係巧合啦,不過我主觀就認為係自卑心同報復心作崇。(留學生女友好慘,成犠性品。)

今年年初,我同女主人發現佢地FB唔係好對路,結果佢地分手了。男方因為有第三者啦,全世界都睇下佢FB親密照,拿,大家都係男人,條女係佢圈子內的朋友,你話分左手先識真係無人信。

新果條女仲要係教徒!噢,最UPDATE係男0既都番左教會。當然,前度(幫佢生埋個女後分手果個)係FB講一句,姣婆又要貞節排坊!正喎!

最慘係,果位初戀拍拖再懷孕0既真單親媽媽,只係得29歲。

男方原因話個準老婆同老爺奶奶相處唔到,又話睇唔起對方家長云云。其實我地唔知係點,不過男人老狗有點承擔得唔得?同一屋簷下梗係難相處,點解唔搬離間居屋租屋住?又唔係無錢。

邊條女靚D?真係不相伯仲。(我會揀未婚媽媽留學生,至少人地仔都同你生埋,又後生D)

第三者最新資料!原來條教琴女都有家室。結果又要攪離婚,人地又係有個仔(8-10歲啦),做乜維生?原來係教音樂,不過教得好HEA,一個月幾千蚊。講明白D,就係所有洗費老公出,唔夠錢洗問下老公拎。

睇呢位第三者FB,典型港女!其實結左婚,重見佢放D高抄照飲飲食食相,真係搏比人溝咁0既格。

佢無厘頭搵左阿女主人傾訴心事(其實佢地完全唔識架喎),原因係佢覺得個男人(AGENT)厄佢,當時兩段關係起碼重疊左半年。

佢覺得自己唔0岩?非也,其實,佢都係想搵個人認同佢咁做係迫於無奈。三十幾歲人仲戀愛大過天!女主人最唔鐘意最不屑0既係:

佢要求男方以後唔可以再見佢親生女兒!而男方亦親口應承左!

女主人已是EQ極高容忍度極高之人,我再提呢對男女之時,女主人都語帶怒氣講唔想提佢地!(當然,佢身為媽媽一定好憎呢D咁輕易話唔再見自己仔女0既人!)

留學生離開後,帶一句:"你以後娶唔到老婆!"結果呢?男AGENT對教琴女友不停求婚,最終女方應承左。會否最後又成為怨氣而報復的犧牲品?大家拭目以待。

大家唔好以為呢D男人好廢好唔討人鐘意!其實如果你係女,你初見佢會以為好有料!佢係個D得把口樣樣滿口道理的人,即係D女無論有咩煩惱,都會想問下佢意見,以為有個見識廣0既人幫手,其實,唔係LAW!

以為自己好有道理,但其實無乜料到0既人。通常D女都好BUY架喎!(隊長要學野喇,唔可以次次講自己有樓收租架

女主人評價:"無責任心,似熟賣熟"同埋佢同生左個女果位女友一齊果陣,都有攪上女主人其中一位舊同學!(非女主人介紹)

女主人其中一份基金單,因為斷供而被迫沽清蝕錢。當然女主人有萬分責任,但同時佢亦輕信AGENT一句:"到期我會拎黎比你交錢"

<心態決定境界>,相比佢前前任女友(AGENT),同為AGENT,成就差好遠。

人地買番自己間公屋,同新男友(中學同學)結埋婚,已生埋,幸福美滿。雖然我最初唔鐘意佢,不過原來條AGENT仔都唔係咩好人。

女主人話,可能男AGENT有睇你個BLOG,其實我又無乜所謂,佢咪當我呢D係世俗人眼光LAW。

男AGENT 都成3X歲,仲咁亂黎,可想而知佢工作真係好極有個譜。就係當初女主人乜都唔識跟佢買單。。。女主人唔知點解會有三份人壽保單。。。WELL!

如果未玩夠,就唔好去攪大人地個肚,如果只係報復或唔想輸,唔該唔好害到其他人丫!可能今次係為報復而去同人結婚,又為自己拆散自己家庭去拆散人地家庭!

在此勸告各女,係無任何實質成就之下,誤信一D大條道理0既男人從而拍拖,真係危險非常!

亦因為咁,當男主人當年2X歲生意初有小成之後,有女埋身(尤其係老師女!)都會十萬個小心!究竟佢係為飯票定什麼?當時(十年前)男主人仲二十頭二十中,仲以為因為某舊愛拜金而走(不過肯定是原因之一,只不過未必是主要原因吧,現在對方也離婚了。誰人做了對的選擇?)

*****

女主人睇第一張相,問我係咪矇面超人。。。。頂。
呢個係孫尚香高達!

手油金邊好X辛苦!粉紅色係GAIA銀溝MR HOBBY METALLIC PEACH。為左翻新我二十年前的BB戰士而作練習!

未手油前:


手油後完成品





各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

44 則留言:

  1. 幪面超人! 正呀! XD

    男主人會翻新20年前既BB戰士, 好有愛! 我細個D BB 戰士好似去晒堆填區 T.T

    回覆刪除
    回覆
    1. 係,我係老餅,砌 100 號以下0既BB戰士成長的。當年重係小學生。
      根據我阿媽講,個堆BB仲係老家!無掉到!
      砌模型我都有SHORT TERM GOAL。 對上一個GOAL完成左了(砌一隻己過身朋友的愛機),今次係翻新二十幾年前的BB戰士!

      刪除
  2. 我以前都有後邊隻「熱爆」!

    回覆刪除
    回覆
    1. 呢隻出過好多次.
      我果隻係三百幾號BB LEGEND 來的。易砌好多,D分色都好好多。
      舊版個D超考功夫!

      刪除
  3. //最後好似話想用單親家庭輪公屋(男AGENT透露過都月入三萬幾,女方點都有萬幾,出國留學架喎!)
    做保險搵咁少? 借糧嗰種contract呀?我啲同學大把人係MDRT喎...

    //佢係個D得把口樣樣滿口道理的人,即係D女無論有咩煩惱,都會想問下佢意見,以為有個見識廣0既人幫手
    //隊長要學野喇,唔可以次次講自己有樓收租架
    做收租仔財務自由咪係「道理」囉!

    //在此勸告各女,係無任何實質成就之下,誤信一D大條道理0既男人從而拍拖,真係危險非常!
    哎呀!我都只係窮得只剩下層樓、投資組合、同埋學識,講「實質成就」真係無乜。

    回覆刪除
    回覆
    1. 1。應該唔係,做左十年有得食保單果D。師兄你較年資高,佢地都係33-35 咁上下年紀。不過唔太上進就一定。
      2。財務自由係道理,不過人地有錢仔坐法拉利,收租仔要上門幫人整水喉。
      3。學識已經贏哂啦~~~!仲有隨時唔駛做,可以保障另一半生活已經好勁。

      刪除
    2. "仲有隨時唔駛做,可以保障另一半生活已經好勁。"
      呵呵咁魔術師兄加油了!聽日就book埋機票去烏克蘭=)

      刪除
    3. 係呀!烏克蘭好多少女想要個穩定家庭,有人帶佢去一個安全地方相宿相棲。

      刪除
  4. 加油70後兄,繼續寫多D好文^^

    回覆刪除
    回覆
    1. 謝謝支持。
      好文講唔上,都係講下日常生活,講一D平時大家唔敢鬧0既野。

      刪除
  5. 又真係幾似矇面超人, 哈哈哈, 支持繼續九UP.

    回覆刪除
  6. 好鍾意睇70後兄爆人感情生活既文,好睇過癮!
    請繼續加油=)

    回覆刪除
    回覆
    1. 謝謝支持。
      係條友三十幾歲人都唔定性先咁好睇0者。。。
      D 女又唔係正喎,不停轉都係食普通貨色,不如穩定搵個靚架啦

      刪除
  7. //又真係幾似矇面超人

    呢個同意,好難怪女主人會認錯左。佢知乜野係矇面超人已經好難得。我屋企哥個...

    //砌模型我都有SHORT TERM GOAL
    咁有冇long term goal? PG? 五星物語?

    BTW, 最近決定砌 Hi-Nu MG Ver KA. 70S兄有冇砌過?

    回覆刪除
    回覆
    1. 咁細個會睇卡通,雖然女主人唔係果個年代,但係會同佢阿哥打機。
      未有小朋友以前,佢可以同我打高達無雙或者三國無雙,分工做任務。
      LONG TERM GOAL 係砌一幅高達牆!

      刪除
    2. HI NU 無愛, NU 就有MG TITANIUM 版

      刪除
  8. 我好鄙視D人搞散人地屋企, 特別係有小朋友家庭...

    回覆刪除
    回覆
    1. 最抵死係兩邊都有小朋友, 一邊無結婚,一邊有結婚。

      刪除
  9. 哩條撚樣仲要一炮雙响,搞两個破碎家庭出嚟!哩種人唔死都冇用。

    回覆刪除
    回覆
    1. UM。。。咁一家唔知一家事。
      只當AGENT就夠了,朋友的話,難保呢D人他人攪你老婆攪你屋企,真係估計唔到的。

      刪除
    2. 我覺得有些人,係專爭哋本身已有另一半的~

      Single & available的,佢唔揀,反而專揀哋已拍拖/已結婚的,貪爭贏玩具的新鮮感。

      刪除
    3. 就係哩種衰格最唔要得!

      刪除
    4. 係喎!
      靜靜雞講下,第三者我都做過一次。外傳三見,哈哈。。。
      女主人最唔鐘意呢一個。。。

      刪除
  10. 回覆
    1. 佢應該唔係SELL自己壞個D,係SELL有見識可以幫人解困難果D。
      即係無料扮潛力股扮藍籌!

      刪除
  11. 路過支持。
    不過標題好似改做"賤男人"更貼切。
    我都識好多壞男人,壞男人未必會害左個女仔一世,但係賤男人會。
    賤男亦係我最睇唔起嘅物種,影衰男人。

    回覆刪除
    回覆
    1. 係,個女仔初戀咁就一世,識過第二個好有難度。
      不過我最睇唔起反而係食軟飯,再靠老婆也文也武個d 男人。

      刪除
  12. 回覆
    1. 係! 好心用套! 至少, 呢個男人係面對困難定逃避問題? 真替佢D 客擔心.

      刪除
  13. 玩還玩, 整散人地家庭呢D人, 真係PK

    回覆刪除
    回覆
    1. 我估個教琴女都唔好得去邊.
      牛唔飲水....哈.
      兩個加埋七十歲啦...

      刪除
  14. 回覆
    1. 扮嘢男人通常講嘢都係陰聲細氣,camp camp 地,懶溫柔咁。

      刪除
    2. 不是啊, 係果D 好大條道理0既男人。講野好時事評論員咁的。
      開口就係。。。
      "拿!"
      "其實呢,"
      "正常黎講。。。"

      刪除
  15. 肯同個壞男人生仔又唔結婚,個女人本身都有啲問題,森而有個女同事,啱啱先30就已經同4個唔同男人生仔,都唔知叫壞定叫白癡,所以唔一定係男人衰晒,呢種白白地癡既女人,就算之後有幾命苦都係抵!

    回覆刪除
    回覆
    1. 森而兄首次留言,你好。
      呢D真係愛到幫人生仔~
      我文中果個係初戀而已。。。只能講遇人不熟。

      刪除
  16. 回覆
    1. 當然唔係,中型熊人身型。
      如果靚仔,就唔會食極都係中下質素外表既女啦。

      刪除
  17. 我上份工個同事話睇岩既人地老婆都照去追,佢話只不過你俾多個機會對方選擇WO

    回覆刪除
    回覆
    1. 呢d 人唔會做佢朋友。難保他日佢比個機會你老婆。

      刪除
    2. 唔會深交,講緊約出黎食飯都應該少

      刪除

各位每個留言,係我繼續9UP動力,必覆。

Related Posts Plugin for WordPress, Blogger...