2016年6月8日 星期三

心態決定境界6 -網誌被舊同學發現!

呢個係列,要寫真係要等機會。衰人好人街上好多,但係要有題材不易。

之前尖酸刻薄左幾集,今集貼番地少少。

各有寫BLOG的BLOG友請務必睇文末最尾幾句。

舊作一POST,因為隻ZZ未上哂水貼。我估隻MK II 賣到400蚊卦。。。哈!

心態決定境界1 <運輸街車哥哥>

心態決定境界 2 <文員姐姐無手尾>


心能決定境界3 - 論創業 <叫朋友做影相佢當我點佢>


心態決定境界4 <四十幾五十歲個班西口西面女人>


話說, 今日約左幾位大學同學出黎食飯。杯野飲幾正,仲有短褲韓樣女待應,靚唔靚見人見智。幾個都扮唔識中文。。。


旺角瓊華中心15樓!上星期已經想同女主人去,點知佢話想食冷面。。。

男主人大學個科都算出名,當年量化寬鬆之下,一班有成百四人,但小弟的聚會只有四人,何解?

因為可以大部份同學都做番本行,非本行者溝通唔到。再加上男主人仇家多(某中同用字),對男主人來說,可以成為朋友的,絕對珍惜。

在此感謝各方朋友(新聞組的,中同,大同的,模型友的)一直以來對小弟亂UP的容忍。

咪住,跟本佢地唔知我有呢個BLOG!!!

點知,今日聚會之時,我隔離果位同我講,原來佢一早睇過!我問佢點知果個係我,以為佢認到我D仔女啦,點知原來係咁。。。

有日佢SEARCH"心態決定高度"SEARCH到我個BLOG,睇我講讀大學0既事,佢發現事件同語氣都似我,再加多兩隻高達就穿左煲

我即時心裏一涼,究竟我有冇講過佢D咩呢,應該就無喇,佢老婆重係靚女一名,結婚果陣成個張燊悅咁!

如果你係現實生活識得我,又知我呢個BLOG,可否私下告知,或者,你FACEBOOK LIKE 我個PAGE,咁我知係你。求求你!朋友不要躲在暗角看,好嗎?

噢!唔記得講,佢係一位醫師!機緣巧合有次我9UP叫佢用某D方法起個網頁,結果係開業初期帶左唔少生意,至少輕易捱過創業捱租果一段日子。其實於我而言,都係得把口,朋友都好有勇氣覺得我唔係老點佢。

相比起 <心能決定境界3 > 果位中同,如果佢肯信下我,而家唔止呢D境界。

我當得你係朋友,就唔會陰你。我係由細到大都行古怪路古怪思想0既古怪人,心中所想的雖未必一定0岩,但好多時你未必諗到!

阿朋友現在至少都十皮野一個月,仲義務唔派卡片式講TALK,義診!聽到佢講比我地知,感覺佢又升左LEVEL。(班收租仔連書都未讀好,唔好講呢D)

另一朋友,善良非常(身邊總係呢D好人),已成為女警長!一路以黎,從佢口中得知果班激進民主大叔,是如何記者鏡頭前一個樣,鏡頭後又另一個樣。以我所識0既剩女黎講,阿警長都幾優質,奈何佢比較深歸,到而家都未有著落。

再另一朋友,教書先生。仲要住同區,佢住係D盤。連佢都同意老師一輩鐘意講道理,講埋一D橫蠻無理0既道理!呢位同學上年買多左層樓(不是收租,是家人住,或許是巨變),一買就跌左一成。九成按。。。不過兩公婆都係老師,現金流穩定。

樓上兩位同學,唔好爆我個BLOG出去啊!

雖然即使比人知,佢地越鬧,越鬧我懶叻無聊,我個人感覺就越爽!!!

女警長話齋,你讀書時候已經好鐘意寫BLOG!!

無錯,十幾年前我已經用HTML寫網頁寫BLOG!好多同學偷偷睇明明睇,睇下我有冇講佢地。百幾人講得幾多個?我重好無聊咁幫某D同學畫佢地個樣做埋角色比佢!

仇家多?未必無因!不過我覺得好好玩!騎尼行為同學,走綫同學,我都會寫。

以公務員職級計,原來已經有同學去到副校長人工!噢SORRY。。。我唔想講錢,不過我係佢0既DOUBLE。走綫又有何用?

其實阿走綫女同學走綫都算走得有道義,不得不提係,佢當年都算OK,仲約我單獨打波,帶來我無限FANTASY,不過我好快發現,原來。。。


佢想約我番教會而已。
哈哈哈哈哈~~~~~!好彩我也嗅到事情不太正常。

最後,有一個令我覺得好婉惜0既消息。

我的初戀情人,原來已經離左婚。原因不詳,同學話係唔夾,我估同學所知都不多。

我同佢分手於2002年,而咁巧合我同佢都係2011年同自己另一半結婚,斷估阿初戀情人同佢老公未結婚前,至少都拍左6-7年拖呀,何解會唔夾?令人費解。

雖然分左十幾年,聽到呢個消息有點兒心酸我不是多情種(女主人放心好了),佢老公都係我同學,就係個D倒模出黎一D特色一D性格都無果D用J諗野0既男仔。只是,如果因為對方的風流或對方的不理解而分,我心中總有點點忿恨!

就好似自己朋友被別人欺負一樣!

我與她?了解我的初戀 八千里路雲和月

坐的士回家期間,同女老師傾過下,我寧願我D 仔女做BIG FISH LITTLE POND <香港教育系列 - BIG FISH LITTLE POND>好過係名校度唔上唔落,因為我見過呢位初戀情人,同我讀書成績相若,但從小被人睇唔起被家人忽略而令自信無乜0既初戀情人,最後成病。

醫師同學話,見過初戀情人多次係旺角出現,好瘦,或許我明白原因。

最後,說來慚愧,我個女份人似乎同我一樣咁麻煩,挑剔,牙尖咀利,揀朋友奄尖。好彩0既係,佢個樣生得好睇受同輩喜愛,至少不用走人條沒人認同只有酸葡萄偷看的路。

建行真係唔知出左幾多日陽燭了!連帶身家又過千。

最後,希望各BLOG友原諒小弟唔識做,其實好多BLOGGER 都LINK左我個BLOG,如果你都想我LINK番你,不論流量我都好樂意。請留言附上BLOG LINK,好嗎?我後知後覺,失禮哂。

送上靚女兩個!

41 則留言:

  1. 你好少post 你個仔d相,都好靚仔啊。

    回覆刪除
    回覆
    1. 因為佢坐唔定,唔敢成日單拖佢出街,相就自然少。講個樣,佢似我老婆多d

      刪除
  2. 會唔會被發現之後有所避忌,D古仔冇咁好睇架?

    回覆刪除
    回覆
    1. 十幾年前個blog,全部人都知,我一樣照鬧。哈。除非老婆(中央)下令,否則五萬年不變。

      刪除
  3. 我諗番起我十年前讀書,又係好鐘意寫blog,仲好多人睇,就連同班同校果d陰濕毒男都有份睇。但可能風頭太勁,佢哋日日track住我做過乜,仲係我背後打小報告,做埋D損人不利己ge事,俾左好多麻煩我,令我當時好唔開心。

    回覆刪除
    回覆
    1. 雲地是男是女?可能果陣我都大學,無乜小報告可以打。中學就真係可以攪你。
      你應該將陰濕毒男個樣畫出黎,玩九佢地。
      又或者,暗示佢地裝肥婆裙底。。。

      刪除
    2. 哈哈,我梗係男啦。如果我係女仔,搞我ge就係狗公而唔係毒男啦。當時讀緊高form,冇得罪過佢哋都煩住哂,真係煩到死~

      刪除
    3. 如我是你, 當年寫衰佢地對住班中肥婆D相打J!

      刪除
  4. 睇相睇到流晒口水....我指嘢食, 下次gathering去試下先

    回覆刪除
    回覆
    1. 係幾好食,兩個人去就爭d,多人食多幾款就唔同了。

      刪除
  5. 呵呵70後兄對前度s的資料都掌握得好update喎=)
    婚姻的幸福不是必然,真的講緣分及努力經營。

    可能我工作/義工時遇過不少單親家庭,
    所以無論FB/blog等,我都冇乜親情、愛情嘢擺出來的。可能我多心吧,我是怕有人看到會不開心。唉,女士諗野係複雜哋㗎啦/_\

    回覆刪除
    回覆
    1. 因為佢都係舊同學,所以講下其他同學近況實會講到。其實都唔update,因為原來都離左幾年。
      有時我post 投資,有d葡萄友(唔算係朋友啦)係會係背後話你既。

      刪除
  6. 回覆
    1. 哈,可惜佢地不是一對。
      大個可能變豬扒。

      刪除
    2. 我覺得外貌係一條increasing function,可以繼續向好,但好難變返好差!哈哈!
      我睇緊70兄的射倉文章,原來一通一過咗個threshold就變得好貴!

      刪除
    3. 講開一通, 改左期權收費形式, 相對上抵左好多(如果你張數夠多).

      刪除
  7. 你D建行有冇打算short call?
    記得你上年大時代short call 交行12月...明智之舉呢~

    回覆刪除
    回覆
    1. 應該時機未到,若然升到七蚊先有得諗。
      即係?要升多四成,以現時咩好消息都無既情況之下,似乎無咩可能吧。

      刪除
    2. 咁你D交行short call因為都唔到價,最後都冇被行使吧!
      同埋你D交行係咪賣哂喇?

      刪除
    3. 到價了,比人行使埋。
      最後全部換哂建行。

      刪除
    4. 唔緊要啦,黎緊建行有息收,有乜野收左息之後先打算啦!

      刪除
  8. 我個blog無咁多野睇不過都無話俾識既人知,雖然唔係寫咩,不過都唔想佢地知。
    朋友真係唔使多,有幾個作深交或知己已經夠啦!

    回覆刪除
    回覆
    1. 我的朋友特別少, 所以珍惜每一個. 哈哈哈~~~
      我唔介意佢地睇, 不過睇0既就話我知. 我怕醜.

      刪除
  9. 塘人BLOG就被一個八婆親戚發現後被她玩野, 雖然以前無寫過佢D野, 被她發現後就開始寫了

    回覆刪除
  10. 比晒全部熟人知既, 真係不能暢所欲言呢.

    回覆刪除
  11. 你個女咁靚,識你實認得啦

    回覆刪除
    回覆
    1. 哈哈,大個變豬扒。
      係,第時個blog 放個仔,仲細無咁易認到。

      刪除
  12. 大學同學情侶結婚,
    試鍊在於 如何拒絕引誘及維繫感情,
    每個人都會變,變成一齊走不下去時,
    離異總比困獸鬥好

    回覆刪除
    回覆
    1. 應該咩人結婚都一樣要拒絕引誘同維繫感情喎。

      刪除
    2. 沒有經驗的,對於誘惑的抗拒,
      很難維持的。。呵呵

      刪除
    3. 千萬不要去烏克蘭度蜜月啊!

      刪除
    4. 長州度蜜月啦!
      可上新聞,80後夫婦勁慳,儲錢一生三十宅。

      刪除
  13. 好奇, 你出了BB 仔女的相, 會唔會都比其他家長認到? 小心美少婦找上門哦~

    回覆刪除
    回覆
    1. 我都有諗過, 不過其實同其他家長無乜溝通, 睇到都唔怕.
      至於"美少婦"....只有第三個字才說得準確.

      刪除
  14. 你個女的確係可愛,即使麻煩,挑剔,牙尖咀利,揀朋友奄尖,過一陣就會原諒佢,看臉的時代~~~

    回覆刪除
    回覆
    1. 由原始時代至今, 樣的確有好處, 不論男女.

      至於能否收成正果, 又睇下有冇受其他東西誘惑走上歪路. 靚仔多女食, 相對讀書工作無咁專心...

      刪除
  15. hi,本想多些交流,但版面真的令我辛苦,是否可以選擇普通版本?

    回覆刪除
    回覆
    1. 如是顏色應不會改。否則所有網誌會出問題。
      排版可改。
      不過,辛苦d 乜??

      刪除

各位每個留言,係我繼續9UP動力,必覆。

Related Posts Plugin for WordPress, Blogger...