小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年6月5日 星期日

我可以唔撈嗎 17 (去蕪存菁;又上千萬)

今集好多圖!

剛訂下左下半年工作進度,影響深遠。其實一定互相影響,因炒旦生意有連續性。同時,亦估到之後兩三年0既生意額。現在咁鋪排,為退休前過渡工作留手準備,不用一刀切收檔,做人有交帶D好!

上回提要,入廠前呢隻野未上水貼,未手油背包飛機。用左兩晚(一晚手油,一晚上水貼),終於完成。

MG ROUGE STRIKE + IWSP
中文係嫣紅突擊高達,係女主角(?)回收再用男主角上一季0既廢棄機。係邊隻?

就係入廠果隻!

金屬粉紅溝左好耐先做到三隻分色!(我屎),對GUNDAM SEED係無愛,只係有日帶個女行過福利,佢話指住話鐘意粉紅色高達!砌好左。。。佢又無視!高達0既野,佢識條鐵咩!

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3 (減父母家用至自由咁仆街?)
我可以唔撈嗎 4 (葵花寶典)
我可以唔撈嗎 5 (你真係信做埋唔夠交租?)
我可以唔撈嗎 6 (幾日千萬富翁)
我可以唔撈嗎 7
我可以唔撈嗎 8 (我係溫室小花,你做唔做得起?)
我可以唔撈嗎 9 (性格是遺傳)
我可以唔撈嗎 10 (唔同年紀, 目標不一. 六十歲仲講有收租樓?)
我可以唔撈嗎 11 (讀書真係無用?)
我可以唔撈嗎 12 (深水埗玩具模型倉有我整0既模型)
我可以唔撈嗎 13 (買夠貨)
我可以唔撈嗎 14 (千金難買少年窮)

我可以唔撈嗎15 (建行減派息 成功財務自由)
我可以唔撈嗎 16 (入廠維修


<檢視唔撈指數>

<講工作>

其實每日番幾粒鐘好輕鬆,不過真係有點點悶,同埋個人唔係好激得。將一D唔好0既客慢慢轉走吧,或者咁講,佢好我就對佢好D,唔好0既,盡量都係唔好憐憫吧。對自己殘忍,一黎令自己更早萌生去意,結果其他客都無得食;二黎亦減少對家人影響,至少我活得健康D。

去蕪存菁,可以令自己工作上更加開心(不嬲都無壓力),去到呢個境界,已經奢侈到係自己ENJOY與否。

講健康,比模型WHATSAPP GROUP 谷友嚇一嚇,我買左呢樣野噴油,感覺好大陣象。



本來我有個八吋DIY抽氣箱已經無乜味,用左佢係咪好D?唔覺,至少噴左兩隻高達都未見舊棉變色(D人講到好誇張)

幾錢?3M淘寶90人仔。香港當然租貴唔止呢個價錢啦。

工作上唯一令我堅持的,可能就係砌模,或者如果可能女主人生意要執,我繼續做0既動力會大好多。擔起頭家,無奈我老婆雖搵得少過我,但已可以請我食軟飯!(SORRY,我食股息已OK)

<講資產>

物業:無。不過若住緊B2盤跌到6球以下(上個月成交剛剛穿左七球),可以考慮買住個三房先(本來想買四房),大半年前有人八球幾買入。呢百幾萬買忍一忍就得,否則夠租十年八年樓了。

強積金:依舊,少得不值一提,到65歲唔知夠唔夠買個骨灰位比自己!

保險:剛睇左四皮幾醫生,CLAIM番幾多?如下圖,我係宏利PLAN C(第二最平個隻)



股票:噢,個市又升番,個倉又變左千萬倉。本月除淨,小弟玩無限加時鬥長命,買入數目有嬴有輸。正因為價低,先買到咁多。股息預計57萬,除番$47K一個月咁上下。夠養長輩兒女交租自用仲有得儲。養埋女主人都得,慳D就可以。(搬去租平D又得~)

現金:因為部份資金係女主人借出(息口兩至三厘咁上下),為左還呢條LOAN,現金當零!預計下年年初還哂。

負債:東亞P LOAN最後一期還埋今個就完(APR2。X,抵架!),不過應該唔駛再借。

粗粗地估計,家庭資產1200萬左右,不過無樓,本家庭正失敗者,讀咁多書都無鬼用一群吧。

講其他

六月尾會去釡山旅行六晚,我同佢都鐘意去韓國。未拍拖前去過濟州,好RELAX。一兩年前去過首爾(感覺唔好,我同佢唔鐘意鬧市唔鐘意SHOPPING)。如有釡山好玩野介紹下。

再另,女主人走去讀電腦,話係工作需要。希望佢記性變好,真係記得學過D乜而又用得番啦。以前,佢仲後生,走去讀書都會有人溝,今次太多小朋友,同埋一人一機,佢無機會比人溝了!(男主人七頭一條,讀碩士果陣都有中女APPROACH。。。讀書就讀書啦,做乜亂攪男女關係!?)

補多兩張嫣紅突擊高達0既相!留意後面個兩隻,就係剛剛星期五噴的。




其中一部,是小弟某朋友愛機,亦係點解近呢半年係咁噴油砌高達0既原因。。。講比人聽,人地話個原因好沉重。我又覺得這才是人生!

咩原因?砌好先講,請看下回分解!唔好打我。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

44 則留言:

  1. 我一向主張保險只需買醫保,其次危疾,再其次先係人壽。尤其是係人壽,除非你覺得身邊人係廢,仔女又唔能夠分擔家務,開支又節省唔到,才叫做有「真正需要」吧。

    回覆刪除
    回覆
    1. 我三樣都有,唔係貴,畢業後兩三年內買的。
      始終入世未深又估唔唔到十年後自己係點,人壽堅無乜用,現在只叫做留低一份心意吧。
      受益人繼續係母親,因老婆唔稀罕呢D小數目。。。

      刪除
    2. 咁如果父母都未有醫保或危疾
      依家年紀又大
      咁應唔應該買? 定應先買危疾?
      Many Thanks

      刪除
    3. 年紀大好難買,應該話好貴。
      小事靠政府,大吉利事大獲野就自己淘荷包吧。

      刪除
  2. 份醫療claim到咁多ok喎...

    想問下70後兄每月保費幾多?

    回覆刪除
    回覆
    1. 我真係唔記得左, 應該一千內. 是投連保來的.

      刪除
    2. 幸好不是月供,只是低位時入左幾萬銀等佢慢慢扣。

      刪除
  3. 我全家都係宏X Plan C -:)
    阿仔年頭入過浸會,使咗3萬頭。claimed 2萬尾。

    回覆刪除
    回覆
    1. 係啦, 一樣係補幾千蚊.
      我小朋友無買保險.

      刪除
  4. 呵呵預祝70後兄及家人旅行愉快!

    靠讀書溝仔/女~我身邊真的有人為了此原因而報左MBA =_=

    回覆刪除
    回覆
    1. 噢...男人讀書應該唔會為左溝女.
      又一次期望錯配...
      女仔識男仔, 可以去上投資班, 或者砌高達, 好WORK!
      不過可能得毒男....

      刪除
  5. 釡山都冇乜野好玩,冇首爾咁多人係真的。

    回覆刪除
    回覆
    1. 睇景, 休息下, 食下野, 已經好好.
      SHOPPING 就唔0岩, 人多不如留香港.

      刪除
    2. 食野就啱,有一條食街,食店好集中。生魚片,超正。

      刪除
  6. 拿拿拿,遂樣講,太多字幫我撈返出來:
    1. 最高境界是可以選擇job 來做,真係妒忌死人;我工作上仍要硬食;
    2. 你該不會去割息肉吧?做咩唔去公立醫院插隊?
    3. 市況真是差了,多了公司炒人,真不太樂觀。
    4. 韓國好好玩啊,我女主人年年都去一次!
    5. 建行唔知做咩上星期升番好多,好似連升9 日了?
    6. 女主人還有市場吧,你咁講佢架…

    回覆刪除
    回覆
    1. 都唔係架, 係有限時間內搵完某個數量0既錢, 有時都要硬食, 有得揀就硬食得開心D 定激氣D.
      其實開頭唔知咩事, 不過最後真係無關痛癢地割左一粒息肉. 未必同今次入廠相關.
      其實男主人鐘意番大陸玩, 女主人鐘意去亞洲小島.
      我朋友講, 殺熊証.
      係,女主人未變C9....

      刪除
    2. 70 兄我上次用M ASTERCARD 禮賓服務BOOK 餐廳,好得. 你去BUSAN 可以一試; 我家女主人唔LIKE 大陸, 我地冇得去; 建行傻架, 12 枝陽燭, 印象中是第一次; 最尾果項, 等女主人出來發表, 哈哈

      刪除
    3. Book 邊間餐廳?我地都係無目標去食。
      星期五建行咪陰燭左。
      佢市值大,殺牛熊,拉動指數首選。
      中移都係咁。

      刪除
  7. 留言太長食了,麻煩 70 後兄你了。

    回覆刪除
  8. 70後兄, 有時間黎中東杜拜玩下, 小弟我可以帶你周圍去~

    回覆刪除
    回覆
    1. 好呀!不過小弟最遠都好似未衝出過亞洲。。。

      刪除
    2. 原來大部分已婚既師兄, 對烏克蘭真係咁有興趣

      刪除
    3. 咁就係烏克蘭攪BLOG 聚, 再網上直播! 直播梗係我地個個唔出樣, 只播出街上好風光~

      刪除
  9. 嫣紅突擊高達噴得好靚(你之前話自己係BB班實在太謙太謙了]。金屬粉紅是否混了珍珠粉?
    後面隻MG (?) ZZ 是Bandai 出的嗎?怎麼好像修長了?百式看不清楚啊。是Ver 2.0?我都砌了隻,今次隻金色好靚,我冇洗電鍍,只噴了紅藍兩色就算了。

    另,唔知70後兄有冇睇過下面呢個網,入面的作品絕大多數都是傑作,我經常都會參考

    http://gundamfamily.blogspot.hk/

    回覆刪除
    回覆
    1. 金屬粉紅好Q難溝,因為紅色唔可以加白色,一加就無左金屬感.
      原來MR HOBBY 有出METALLIC PEACH! 只要溝GAIA 星光銀就可變粉紅色幾種. 如加珍珠色會無左金屬感.
      (因我鐘意金屬色, 主流都係噴陰影, 我呢D 只能自己玩玩而已)

      後面係百式2.0, 應砌埋米加粒子砲先放出黎BLOG.
      隻ZZ 係國產翻模BTF! 如無必要真係唔好砌, 花心機多但成效差!(有可能係個人問題)

      刪除
  10. 七十後兄每日返幾個鐘都覺得悶,咁退左休咪仲悶!

    回覆刪除
    回覆
    1. 旦炒得多會悶,同工時無關呢。
      退左,多d 時間做其他野啊

      刪除
  11. 釜山我既印象都係食海鮮,向東走(唔記得叫咩名)有個城市出名食蟹。

    回覆刪除
    回覆
    1. 我見女主人有提過去食。
      重有冇咩推介?

      刪除
    2. 東萊蒽煎餅真心推薦,幾年前食覺得抵食又好味

      水族館也是不錯的選擇

      刪除
  12. 楼主 你好 之前你博文有教淘宝集運
    個篇文 我想係大陸寄番香港
    請問可以發給我嗎?
    謝謝

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...