小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年5月29日 星期日

一生三宅 可退休?




又係一篇成個月前0既TOPIC,臨入院前幾日同老婆行書局,睇到一路都唔知係乜水0既乜SIR本書。

一生三宅可保平安?
一生三宅可退休?
一生三宅可即時財務自由?

CASE1
(月入八萬,擁三層貴野)

我諗,影一頁唔算侵權卦?如有,不妨告下我或通知下我將佢REMOVE。


呢位乜SIR讀者,成功一生三宅(好似仲有一個係車位)!家庭月入8萬,支出每月消費支出五千真係嚇我一跳,一日洗百幾蚊咋陰公!不如唔好去旅行,每月洗一萬,個人鬆動D!噢,月入8萬咁慘苦0既。。。

重點,三層樓收租四萬五,我當你三十年已經FULL PAY,父母又已經唔駛養,咁就可以自由。但每月依然係五千蚊(或同等)生活質素,仲有老婆架喎。仔女應該無卦,咁將來會唔會有。

細心睇,佢係貼錢供樓0既,無計,佢逐間買,越買越細同貴,回報梗係低。

CASE2 
(DISCUSS 網絡紅人,唔知佢人工點加,不過買極都係三球)


「雙租族」5年買3層樓秘技大公開



又係同CASE1 一樣以租養租,不過一野比人篤爆左。一黎佢儲首期速度好快,人工升得好古怪。二黎佢咁快可先FULL PAY 第一層FREE 番個QUOTA 出黎。

我講0既都唔係技術上問題,三間唔同時間,三百萬樓,大中細三間,收得幾多租?尤其第二間2013年三球左右租到14K就有D奇。

點都好,未計供,得$38000,夠用?(未計租樓支出喎)

我只係想講,三層樓,一定唔夠財務自由,只能補貼下自已收入。我已經係當佢FULL PAY架喇。

咁,即係都仲係要做(番工),又同而家有咩分別?

CASE3
(男主人終極幻想)

三十年前,即係1986年,以男主人個區ABCD盤計,應該得D盤同埋當年新出0既C2盤!唔理佢開賣幾錢,我當你當年FULL PAY!

D盤呢一刻租緊唔駛一萬,C2盤都係萬一二左右。

你話喇,三十年後今日,你供左三十年(你供又好租客供又好,總之而家你是FULL PAY!),呢一刻,每月三萬蚊,唔鬼計果D差餉管理費地租大維修,真係可以安享晚年?

重有,你租樓開支未計。你住其中一間,兩皮野(扣埋得番萬幾蚊),真係係而家夠你兩公婆退休生活?

得!飲下茶慳D都夠!

但旅行,請工人照顧自己,睇醫生,就未必夠喇!

CASE1 CASE2刻下達唔到財務自由,CASE3最真實,當年一生三宅都唔係退到休。

當然,當年未有財技去加按,而跟住加人工你再買又另計。咁就唔係一生三宅,係一生十宅啦。我都計過,如果我要退休,要有十層!

香港係咪可以再重演一次經濟起飛?

當年三層樓價加埋都係幾十萬,而家至少九百萬啦。咪住,HKB當年幾蚊,最高位百幾蚊喎。。。都係三十年前咋。

究竟係咪有人有遠視?近而不見?你話估未來會點就難,用之前D舊樓黎計,樓價係升左好多,但收租到呢一刻都係唔夠用!早前租金升幅只係供求問題而非經濟實質增長喎!

我又要講多次,經濟已成下行勢。街上人少左,D人又慳左。連女主人消費思想都唔同左!

之前D人一開二三四,因為樓價上升預期上升,可以加按,可越升越加。而家樓價下跌或唔郁,用盡購買力個D收租仔買又買唔到,越少人買價就越殘,銀行估價更低。

無左呢堆加按人,焗結婚果D又結哂,大陸留學又唔係香港讀書,仲有一班認為樓價跌而縮沙0既人,需求仲剩番幾多?

早兩日砌0既,BB377 武者號斗丸!



最右果張未上手油

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

66 則留言:

  1. 哈哈, 連你都講埋乜sir!

    佢最叻就叫人去加按套錢,再孖展做債基或premium financing, 都唔知點解人人都可以加按幾百萬又唔負資產又過到壓測的. 夫婦分名買, 其實即係一人一層至1.5層,有時仲要亙相幫補做擔保,真係窮到褲穿窿都要供樓做收租仔!

    回覆刪除
    回覆
    1. 技術既野其實好多破綻,不過上文想講係若然自宮都未必成功。三宅唔夠用,現在或三十年後都係,只會唔湯唔水。
      同埋,加按後資產價格上升,先會做就疑似成功例子,如加按後即跌,仲有人咁勇咩?

      刪除
    2. 買樓(住宅)收租過世呢個概念種已經被吹噓到根深蒂固,究竟幾時會爆煲呢?

      刪除
    3. 爆煲就唔知, 死都係死呢三四年比人老點個D 先.
      佢地係BUFFER, 阻止大跌靠佢地.
      不過, 收租並未能令你比人早D唔駛做, 其實都仲要做. 而老來退休夠就夠, 不過唔能夠做揮霍老人LAW.
      人生比賽中, 都係嬴唔到.

      刪除
    4. 買細價樓嗰啲仲大鑊,呢類劏房新樓睇怕會步鑽石廳後麈,租賣兩邊都唔會有好價承接。

      港豬的退休生活是收租=現在工作收入,一般中產唔係要大富大貴(但徧要仔女讀埋哂啲富貴嘢)。

      刪除
    5. 是的, 邊有人想蝸居?
      之前貴0者, 平番D 人唔會買細單位, 一黎要住, 二黎要面子.

      刪除
    6. 乜sir仲教人間劏房可以收多啲租,加速達成財務自由,呢下嘢我真覺得缺德。

      刪除
    7. 劏房同細價一樣可恥, 有本事0既, 應去食年長有錢一輩0既錢, 而唔係去剝削比較弱或同等0既一群.

      刪除
    8. 所以佢地會自認係「庸才」,無能力獨當一面,亦無本事賺有錢人嘅錢,只能做死一也拳王雷奧手下的嘍囉,蝦蝦霸霸以欺負弱者過活。

      刪除
    9. 唉,我隔離屋件業主~都將單位間左5個劏房出黎。我家人出門口時,有幾次見到有年輕couples上來睇樓~oh no,係睇房。

      那些黑心的業主,都係他朝君體相同吧!

      刪除
    10. 你對, 佢地只能做雷奧手下蝦弱者! 無本事令雷奧屈服!
      你咁講我好驕傲, 我唔供應炒旦, 佢再有錢(鋪王,明星,官)都要打比我傾計.

      下一篇可以用北斗做題材

      刪除
    11. CHERRY, 等如我以前住過"D 盤", 見到咁細咁舊都有年青人買同搬入黎, 好感慨.
      D 盤樓齡大過我呀

      刪除
  2. 每月消費支出五千蚊?!苦行僧式的生活都算自由?

    回覆刪除
    回覆
    1. 係喎! 唔知點駛...
      我初初出黎做野, 五千真係僅僅夠, 拍拖只能食譚仔....

      刪除
  3. 樓市周期以十年起跳,
    越加越有去玩槓桿遊戲,
    呢類思想已經有唔少信徒。

    唔屍骸遍野,0的人點會識死?

    回覆刪除
  4. $5000 唔夠入油拍車⋯⋯苦下苦下又過左十年,有咩意義 ? 有時都要活在當下。

    回覆刪除
  5. 我現正就係住緊呢類劏房,間屋本身都係300尺到再一開二,有好多野同你地講既都中晒。
    我間屋個業主都係仆街來架,搬入黎d果陣電器壞左唔肯換新,要同佢夾錢買第時留返比佢。我直接自費買如果搬就自己要返算。
    算啦,間得劏房租果班,真係十個有十個狗人。

    我同女友揾好少,加埋都唔夠三萬,公屋又排唔到,樓就更加買唔到,份工亦唔會加得多,總之成個香港都痴線。生仔,結婚?好似唔關我事。
    我唯一可以諗到既就係公屋照排,第時要辭職避審查,好似你地blog既唔洗愁人生,我只能夠睇下你地個blog感受下。唉。

    回覆刪除
    回覆
    1. 遇到你呢d case 好無奈,如文革,我會同你一齊將細價收租仔捉出黎打殺。
      其實佢都係出左好少錢,但為左幾百蚊斤斤計較。
      而家開始儲三十萬,儲左可以等跌買又得繼繼續租又得,個人安心好多。
      我都租過劏房,雖然只係用黎做功課同炒旦落場之間休息,明白生活難。小弟第一份工都係八千,難得有女朋友一齊生活,可能他日默默支持下搵到錢,變成糟糠,實屬難得。
      公屋當然要排!

      刪除
    2. 多謝指導~我呢D 80尾後都係岩岩出來住
      但其實好似我呢D例子, 唔住劏房又可以住邊, 唔通真係工廈(冇窗), 因為入息所限,
      所有政府有關機構既津貼都拎唔到, 痴屋企住又唔得, 交貴租/唔住劏房又唔得
      所以香港地真係怨氣重, 怪自己, 更加怪地產霸權, 無能政府

      刪除
    3. 後生的話仲有大把世界,努力工作賺錢。如果已經係中年,消極D都係咁話,要諗諗辦法靠政府。

      刪除
    4. 係,中年要知命,無論富或貧。
      到時鬥子女生性,鬥自己同伴侶健康。
      中年身體先出事,慘過破產。

      再覆樓上,如果唔係呢班收租仔,唔會攪成咁。政府無辜既。

      刪除
  6. 言論自由的本質應該係講出嚟係事實就唔怕上身吧,不過有時影響到某些人的利益就不是咁簡單了吧;

    樓只能夠越來越老,越租越平,供完三十年後的殘樓只會變成窮人恩物,以前地理就讀過某理論叫“內城敗壞“就是指這類地段。

    回覆刪除
    回覆
    1. 對,一生三宅的盲點。
      咁而家買窮人恩物果d 人,三十年後變咩?

      刪除
    2. 如果係美國就會變成被Homeless免費住的Homeless恩物, 香港呢?

      刪除
    3. 咁正?應該政府收番平租比年青人或重建。

      刪除
  7. 唔係我消費模式改變,係我呢排洗大左��

    回覆刪除
    回覆
    1. 哈哈,女主人你平時會計自己洗大左既咩?

      刪除
  8. 雖然我未住過劏房,但亦都可想像到劏房環境好差,如有小朋友仲慘。,那些劏房業主確係好無良。 那位乜sir 教出黎的學生好多苦主話蝕左好多,佢地槓桿買入,萬一供唔起,就蝕入肉。

    回覆刪除
    回覆
    1. 有冇乜sir 苦主link 或証據?
      個人估計蝕既人實唔少,但為面子堅持扮坐貨扮有租收應佔大部份。

      刪除
  9. 去到七老八十老眼昏花,仲要管理兩層樓既租務,班友真係要保佑自己身壯力健,無病無痛先好

    回覆刪除
    回覆
    1. 七老八十上土審。
      又有人話,搵收租代理,咪又要斬你一筆。
      比仔女代收,一個小朋友還好,兩個就會爭了。。。到臥病在床之時,探你既會係你耳邊講乜?我未到呢d 年紀,真係唔敢諗。
      點都好,若然未報,時晨未到。

      刪除
  10. Case1條數好得意,差餉地租管理費物業税全部唔使計。幾樣野加埋一個月起碼$15000,即係比家用$10000同苦行僧$5000都冇埋。

    回覆刪除
    回覆
    1. 可能佢加埋左呢。
      八皮野一個月其實生活可以好輕鬆,為左供三層樓攪成咁。。。何苦?
      再者,當樓價下跌,苦盡未必甘來。

      刪除
    2. 買樓必賺哩個信念就等於07年之前買滙豐,超乎宗教信仰,d信眾真係神心過教徒每日祈禱,點會覺得苦呢。就算樓價跌都係咁話……

      刪除
  11. 樓價跌跌死乜sir果班間劏房剝削窮人既衰格業主亦是好事一件啊, 只係苦了一班近年供自住樓既人
    我學投資只係唔想俾+X同班大孖沙用通脹搶走我地d小市民既積蓄, 冇諗過用黎害人ga
    另外買股票方面我睇唔起d人買link(823)剝削屋邨邨民, 始終公屋老人家收入唔高, 不過無可避免既係我買左黑心港鐡(66), 因為搭車番學同埋高鐵單野比佢搶左錢我條氣唔順

    回覆刪除
    回覆
    1. 哈哈, 你連買股都咁正義喎!
      我簡單, 買H股, 佢搵內地人錢多...
      咁果班收租仔報應唔一定係金錢上0既, 可以係健康上, 可以係父母上, 可以係子女上. 報應不爽.

      刪除
  12. HI ,其實留下股票, 仔女會唔會爭??其實靠股息生活, 是不是想像中的輕易.....?當你見HSBC由$150跌到$33, 又去番$90再去番$50......當你見到中國銀行由大時代$5.5跌到$2.8....

    回覆刪除
    回覆
    1. 將股票賣左佢再分就輕鬆好多! 樓有大有細有平有貴, 好難公平分配.
      股價呢, 同樓一樣, 買入時機比一砌重要!
      當然, 退唔退到? 要睇如派息減半慳慳地過唔過到, 同埋有冇現金頂.
      大不了, 求其打番份工都過到0既~

      刪除
    2. 大吉利是講句, 收息退休, 唔得? 咪馬死落地行.

      刪除
  13. 我覺得成個社會最大問題係點解大家好似趕住退休或者財務自由?係咪因為資產增值攪到大家鬥懶,鬥返得少工?
    小弟自己都係炒旦,80後尾,基層公屋仔,有老婆無車無樓,炒旦搵既錢已經夠財務自由。不過我覺得人係要工作,要貢獻社會,做野辛苦好正常,最多係揀客(無基本尊重叫佢食屎)。搵得多我用黎回饋員工,而唔係好似劏房仔揸到盡。
    而家人人都話要收租,但係呢個世界邊會everyone is the winner ? 香港如果遲d正式裁員減薪,呢班搵得幾萬蚊既人睇佢點供。

    回覆刪除
    回覆
    1. Blogspot 竟然食左一個咁有霸氣留言。
      26歲仔做生意財自好勁!可以出書呀。
      小弟我單挑,無員工,只能用blog 作普渡。
      我就真係唔想再炒,未有收租仔前已有念頭,因炒旦有年齡限制。
      果班收租仔只係怕老細先唔想做0者。

      刪除
    2. 80後中先啱,不過無咩重要。好認同師兄話要搵上一輩既錢,我其中有d業主面口真係好難睇,身體有樓既朋友亦都不可一世。
      而家連新聞都話要幫小朋友做業主,我覺得香港既價值觀已經歪到痴筋。
      我唔相信風水輪流轉,不過花無百日紅,發財要立品,有能力應該要貢獻社會(不過小弟反對捐錢,中間太多食夾棍),提攜後輩,令身邊既人快樂。而唔係劏房劏舖,純粹因為早過人地岀世好撚彩 或者 走法律"la" 劏下房就也文也武。

      刪除
    3. 唔講人地以為我自問自答.
      GREAT MIND THINK ALIKE.

      刪除
    4. 咁多人一生三宅,仲要劏埋房,第日人口老化,仲邊有咁多租客?

      刪除
    5. 大陸學生少左, 沙田佐敦區多左吉宅。
      焗買0既年青人上左車,唔駛租。
      最後,雙柤族個班攪屎棍資金鍊斷埋,搬番自己個度住,邊個租?

      刪除
  14. 條乜SIR 仲啜核到叫人用槓桿買債基, 成日話輕鬆收息15%, 痴根, 升哥陣未輕鬆囉, 好多人炸一聲無左幾十萬就係因為呢條粉友, 好憎佢

    回覆刪除
    回覆
    1. 我好好奇, 如果真係有苦主, 點解無人寫文鬧佢0既?
      不過, 舊年買樓入市個D, 賬面都唔見左一截了.

      刪除
  15. 70後兄你個CASE 3真係簡單又易明...

    回覆刪除
    回覆
    1. Case 3 係而家有得加按,而息低,失業率又低既情況好講唔通。
      不過實質唔少阿婆買間姑婆屋養老,點知頂唔住大維修要賣樓走。
      買唐樓果d,等於現在細價,下場係點我唔駛講啦。

      刪除
    2. 可惜好多人都只看到成功例子,好似幾十年前買兩間太古城個種,但無諗到單棟舊樓唐樓個d

      刪除
    3. 到退休時,你點都要full pay的,否則以租金收入供樓,即係唔使食。但現在加按增加了負債(午紀大還款期變短亦係問題),full pay會鎖死更多資金,食乜?樓舊咗變賣錢少了又無「收租效果」,坐食山崩,諗極都唔明收租仔/sir條數點計。

      刪除
    4. 大話怕計數,2007 年一生三宅都只係萬五蚊租,五千一間一個月,大學生畢業好少少都唔止呢個數。
      其實大部份時段,一生三宅都係唔夠食。
      十萬股hkb 以前是夢,放諸今日,而家市咁都33000 一個月股息。
      之前風光未計。
      買入時機吧。

      刪除
  16. 買樓,升值+收租 ---> 加按,再買樓,升值+收租, 不停loops,之後財務自由。
    但d人之前完全唔會諗樓價會跌。

    其實收租仔的確好似雷奧既嘍囉咁差勁,但最可惡既,其實係雷奧,即係地產商,見到本地富豪榜全部都係地產商就真係感到香港無望。

    回覆刪除
    回覆
    1. 雷奧都要努力同上流,最初還是有理想上進的,我持平,始終霸權之下有工開。
      收租仔一心食人打工血汗,折墮程度差之千里。

      刪除
  17. 呢幾年買樓個班大多無經歷過97/98 ~ 03/04 呢段經濟週期

    回覆刪除
    回覆
    1. 係. 一路順風順水, 覺得有借有還就好穩陣.

      刪除
  18. 呢頁我都係書店睇過,然後順手仍走本書。諗樣。

    回覆刪除
    回覆
    1. 再GOOGLE 一下, 原來條友都幾PK.
      債基仲要用槓桿!

      刪除
    2. 佢叫D 人叫買bond fund 有得分?

      刪除
    3. 奇怪無苦主走出黎踢爆個操作。
      開班搵錢。
      買債基,可能有轉介服務

      刪除

各位每個留言,係我繼續9UP動力,必覆。

Related Posts Plugin for WordPress, Blogger...