小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年5月20日 星期五

男仔中學成績可成為潛力股溝女?

訓唔著, 將入院前諗好左0既寫/打一次。

老實講,我N年無見過工,不過成績表仲收得好好,一搵就搵到。

唔見得人個D唔SHOW啦!

小弟BAND2學校(5個BANDS)出身,呢個成績可能係創校最好。不過,第二年已比人打破。哈哈!

或者,我係<BIG FISH LITTLE POND>,結果不甘做一粒齒輪。同同年紀0既人又唔係好溝通(而家同大部份人溝通都怕講錯野,所以BLOG聚唔敢去。免得罪一D我喜歡0既BLOG 友),走左去炒旦。

當然,自己有炒旦天份就肯定。同時,亦多謝帶我入行的J.LAM(真名!)帶左我去一片藍海,佢係牛津大學數學系碩士!

拿,讀書人,或者讀得書0既人,其實佢地D謀算未必同個D傻傻收租仔一樣一時你講回報,我地又計到回報盲點;好喇,而家租值下跌,又同人講生活質素,其實我地呢一刻食緊花生儲緊CASH,班收租仔仲還緊MORTGAGE再借又過唔到壓測(租金跌等於人工跌,慘慘豬)

講番成績表,小弟都係打波(唔勁,同同學放學玩下個D),打機睇漫畫個D學生哥。當年應該無溝女(未必算溝,傾下電話就實有),要數有人追,過左會考中六先開始有。留番外傳講啦!

我一D都唔靚仔(老婆話0既!),只能叫斯文(敗類)
可能讀書好似潛力股?

諗真,小弟年青時起碼做左十年以上潛力股,有女睇上(靚唔靚唔計啦)都真係有,唔駛收租樓。真正搵到錢以後,就更加要小心,邊有人會鐘意D女鐘意你D收入?(有樓有女呢句,真係咪講笑啦。。。有車有女就真0既!)

點讀呢幾條A出黎?

無架,當年我唔補習(家窮)中文睇明報學生版(講你都唔信,是有用的!),其他科只靠小量練習,早四個月開始讀。

明不是最難,咁大個人要明已經好基本,背才是重點。

跟住又有人丙話死讀書,痴九線,睇個醫生做手術,醫生D SURGICAL PROCEDURE 唔駛背?佢用"明"黎同你開刀?

DESIGN最多讀唔成書0既人讀,你估真。DESIGN唔駛背?有真正美術底子0既,相比以為唔駛讀果班,咪高低立見LAW!

牛津碩士話我知,佢當年PURE MATHS個A都係背番黎!!

小弟話你知,我A MATHS只係用左三日(四個月入面,臨考前三日),將十幾年試題背哂入去,一條數都無做過

死背?在背"劍招"而非背內容!

四個月入面,主力攻我A左個D啦梗係!中文都有得背,並非背課文(呢D基本),仲要背"估出題",諗下可以點組合黎問(唔明?咁講,即係自TIP試題!)

好喇,好似10A港姐咁哂左咁耐命,我想講D乜?

1。喂,邊個教你唔駛背只要明?一係玩九你,一係佢都唔識!收租仔教你0既,真係得?佢符6其實唔識咋下話?

2。讀書係咪真係無用?肯定唔係,查個外國WIKI對入面講解明白程度,讀書人同非讀書人理解已經好唔同。

3。溝女,MK可能真係WORK,不過男人過左25,MK與否無乜關係啦。如果講其他因素,講野同讀書係25歲前好有用。咪住!我記得中學女神17,18歲就比個大幾年0既醫科生溝左!咪又係前途用樓溝女?仲衰過做手術整大條J以為可以溝女,一樣可笑。

4。青春一去不復,細個唔努力,其實唔緊要。若然因運氣財大氣粗笑你隔離果個全級第一名唔夠你錢多,你真係未見過大蛇ALL尿。未見過叻又叻過你搵錢又多過你0既人。即係咁,物以類聚,你又點會識得到10A港姐呢?

5。有時讀書好簡單,同投資一樣。遇到跌市,其實幾花巧都係輸,除非你好彩。反而控制注碼係自己可控

我對買股投資真係一D都唔識,不過有錢咪買下。策略好簡單,會否成為大鱷點心?唔怕,我有無限補時,因為我唔等錢洗之餘,亦已經夠貨。最差0既,咪捱多幾年捱到四十,一年儲一球,有咩好怕?

股票總值日日跌~


零售唔掂,我依然無變,排隊買炒旦依舊,揀客依舊。

開唔開分店?
請唔請人幫手炒旦?
SORRY,讀書人固執,有目標收夠柴就會頭也不回收山。過左四十,陪下家人小朋友,不亦樂乎?


仔似老婆,女似我。。。幾奇怪!?

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

42 則留言:

  1. 原來連70後兄都比人叫去blog聚!

    回覆刪除
  2. 回覆
    1. 無入院。意思係未入前已經諗好左寫呢篇。

      刪除
  3. 會考 28 分! 好叻叻豬. 拿~ 你英文成績唔夠好肯定係學校老師既問題, 唔係你既問題, 我相信係咁.

    回覆刪除
    回覆
    1. 由細到大都麻麻,又不能賴阿老師。
      定係你暗串我???

      刪除
    2. 唔係暗寸, 我見過好多CASE 都係科科好, 英文不好 (我自己都係). 大學之後, 我發現可能係中小學師資問題. 因為有D 大學同學都唔係特別SMART, 但佢地中小學英文老師比教識得教, 所以成績好D. 我讀村校的.

      刪除
    3. 環境都有影響既。
      個人就,小學學得唔好,中學好很難追。
      結果有限時間內,直接放棄。

      刪除
    4. 我唔知你係咪讀村校. 坦白講, 我覺得村校的英文老師的英文本身都好麻麻, 好難教出A 學生. (可能佢自己都係拎CDEF)

      刪除
    5. 窮小子梗係讀屋村學校。
      麻麻其實無所謂,識教先係重點

      刪除
  4. BTW 你呢個成績如果ALEVEL KEEP 到讀醫都得WOR. 可能成為左一個炒旦名醫 (I.E. 自己生意的醫生)

    回覆刪除
    回覆
    1. 搵到錢嘛. 有個醫生幫我同事睇腦, 3 次收 $280,000. 手術一球, PLEASE

      刪除
    2. 咁阿名醫三十歲可以唔撈了。除非因為身份唔捨得退出。

      刪除
  5. 中學女神 俾醫科生溝左咩?

    回覆刪除
    回覆
    1. 你指0個個係咪 以前住0係你現址對面山頭
      同有個細佬?

      刪除
    2. 女神只在當年心中,係邊個你又知黎為乜呢?
      哈哈,不過我知你女神是誰,而家應變了肥師奶。

      刪除
    3. 我女神,佢搬左去我隔離座丫嘛,
      唔知咩事,
      舊時母校0的人好鍾意我呢邊

      刪除
    4. 你係咪記錯左我住邊呀?哈哈

      刪除
    5. 我點會記錯. 佢搬黎你附近好正常. 雖然唔係ABCD 盤之內, 質素都係C 同D 之間架喎!

      刪除
  6. 70後兄三科sci A哂真係好勁!你同我的會考分數應該一樣,但我份人縮骨冇考A-level, 中六之後就離開香港了~

    男仔讀書時期成績好,對溝女真係有幫助的。但女仔要多人追,成績基本上是冇用的。主要都係睇樣、身材及性格~哈哈你篇文已啟發到我下次寫乜了=)

    回覆刪除
    回覆
    1. 家窮未能出國。不過,其實考alevel 都ok 丫。
      是的,男仔讀書搵錢叻,絕對有用。相對上,有錢同搵錢叻,後者加分更多。
      有錢不能在遺傳基因入面,但聰明同樣貌可傳下一代。
      Sexual reproduction 就係想有良好基因加入,增加chance of survival.
      幾萬年以上既進化,有錢都只係可以維持一百幾十年。
      女仔性格,細個有用,易比人approach. 大個左,只有樣同身材可遺傳。

      刪除
    2. 噢我冇家底的,只是嗰陣時有哋去北京讀書的獎學金計劃,我參加咗先離開香港咋~

      可能我個人唔太信優生學,而且dating/marriage也不算是efficient market, 所以我不太覺樣、身材或智慧是一定能遺傳給下一代的。反而,養育及啟發的方式更為重要。明星、商人的上一代,也不見得個個都是有錢/樣靚的呢。

      擇偶方面,我是傾向互補型的,不會特別看成績或樣貌呵呵=)

      刪除
    3. 你在北京讀書?d 人好勁。。。真係人外有人架喎。
      樣一定係遺傳。
      只係父母平凡生活無做明星。
      互補型也可,咁好多女覺得自己靚好正常,所以偏向揀聰明男性。
      結果,擇偶本來只選樣,變成頭腦也很重要。
      是新興左廿三十年的 evolutionary psychology 來。

      刪除
    4. 70後兄講得啱,我同屆真係唔少人畢業後再去ivy leagues深造。但他們某些人的一生,都只係讀書讀書...我個人就真係捱唔到啦!

      Sorry我對evolutionary biology冇乜認識,或者你用呢個theory講下你的仔女,點樣分別遺傳你及太太的優質基因,一定好有趣=)

      Btw,"互補型也可,咁好多女覺得自己靚好正常,所以偏向揀聰明男性。" ~ 哈呢句驟眼睇好似串埋我咁喎=P

      刪除
    5. 總有D 人覺得讀書是好玩的, 尤其係一路嬴開個班.
      是psychology,不是biology,很有趣的.
      我唔係串你, 個個女仔都點都覺得自己靚架啦.用另一個例子, 矮會個高佬, 街上肥婆拖住件人乾....

      刪除
  7. 三張成績表都令人羡慕。第一張見才,第二張見財,第三張人見人愛。

    回覆刪除
    回覆
    1. 噢。好大頂高帽。不過我無諗過第二三張係成績表。
      人到中年,仔女老婆最緊要。

      刪除
    2. 以人生的重要性而言,第三張>第一張+第二張
      呢樣絕非讀書求分數、投資求帳面數字的人能領略得到。

      刪除
    3. 不過,好多人都可以有小朋友。
      其實,真正追求既野唔難達到,何必為錢而傷害年青人置業問題?何必買細價樓收租害無咁有能力既一群?

      刪除
    4. 生易,養易,育難,難過自己讀書考試好多,呢張成績表最難。

      刪除
  8. 嘩, 我D成績同你比, 差成條街! 我下下都係緊緊熟......

    回覆刪除
  9. 70後兄讀書好叻,我當年讀左成年amaths都係讀左成pat屎咁...

    而家出左黎做野5,6年,睇番同期同學,讀書叻的又做到醫做到精算的真係搵到錢。不過就算讀得唔叻,a level考唔到大學,去左讀工程asso(當年工程貪曾年代唔算heat)去左讀護士學校而家都搵好多...

    回覆刪除
    回覆
    1. 去左trash 度昨日搵番個留言。
      你d 同學係專業人士人工當然廿?高,就以我畢時,我人工比佢地低。
      不過創業後就高過佢地,高到你點升聝都去唔到既地步。
      你可能細我十年八年,大把條件去追夢,不要等老才後悔呢。

      刪除
  10. 中文取A,唔怪得手文筆咁峰利,言而有物兼簡而精。
    題外話,有否覺欠左歷史,經濟及會計這三科。
    除語文外,現實社會搵食最息息相關就是這三科。













    回覆刪除
    回覆
    1. 過獎了。其實已開始三幅被,講黎講去笑假收租仔,不過又笑得好爽。
      歷史中三已好夠我睇戲睇劇用了,只要仲記得。會計可搵人代勞。經濟小弟成日覺得是偽科學,心理學可解部份,而經濟學太新興,不停變不停改有d 搵笨。

      刪除
  11. 塘人反而係背唔到書個類, 可能頭腦抵抗, 哈哈:D

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...