小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年5月4日 星期三

生意前傳 -- 被人蝦的經歷

舊文重溫

我的財富累積大道(上)


首先預告, 下星期二如無意外, 可能不停有UPDATE, 原因暫時賣個關子.






小朋友又去左愉景新城玩,呢期無高達,因依舊抱恙,零進度。

見到魔術師講期權中的"雙龍閃",真係好耐無聽過人咁講了,而家得番D財演用專有名詞懶係勁。<原文請按連結>當然,我唔係受呢樣野吸引,睇到前輩初出茅廬搵錢唔多,又比上司蝦,諗諗下原來我都有過呢D經歷。

講打工,男主人打過六份工只有第五份工係生意相關,當時亦同時做下PART-TIME),即係係,2001-2005之間0既事。

首份工(月薪8000),做左九日(實收千幾),唔撈(正廢青!)無人蝦我,同事覺得大學生走黎做SALES好怪,都好FRIENDLY,可惜,我唔想利用我0既專業係呢度,同埋我隻愛貓剛巧去世。就是任性,唔做咪唔做。(呢份工由畢業起搵左幾個月架)

第二份工(時薪已忘記,肯定唔高),聽電話提人找卡數,即係CALL CENTER,其實係而家求職報入面個D TELEMARKETER 前身。完全係虛度光陰。咁0岩又係做左9日,一黎錢少二黎搵到新工,走。無比人蝦,只有個SENIOR 係度扮PRO正ON9。。。(男主人專業訓練中見過唔少呢D扮勁無料的人)

第三份工(月薪八千),文職仔,做左三個月即走。雖然準時番放,但路途遙遠之餘錢又唔多!最重要係,應承左試用期加一千蚊人工,到第三個月竟然要問大老細?!大陸同胞做野真係。。。星期六放長短週,放假重要一早打黎搵你。咪玩,即走。

第四份工(由七千至萬幾都試過),只係過渡性質,做左三個月,工作性質只係坐。作用同賣老番個D阿叔一樣,如有人黎查牌,你要認左壇野佢!有女睇有水吹,最開心係呢份。可惜間野拖糧拖一個月,幾乎無錢駛。後尾搵到第四份走。唯一得著,係識左初期炒旦個拍檔。

第五份工(月薪一萬,加埋PART TIME有近二萬),炒旦相關性好高,小老細係牛律碩士,因車禍轉行。一做做左一年。過左試用期加人工,都係小老闆自己掏腰包拎出黎。大老闆只係出錢過日晨。當時同時做幾份PART TIME,也是炒旦相關。一樣,無人蝦我,因為各有各做,吹水傾計就有。最後我因失了初戀<了解我的初戀 八千里路雲和月>無聊番番去讀書而辭工。

第五份工後,我已經同我舊拍檔一齊做炒旦生意。(每月都萬二至二萬幾,仲要係PARTTIME!)我拍檔唔會蝦我,無我,佢連交租都成問題。當時讀番書,女朋友係呢個

我的女朋友系列 外傳一


第六份工(最後一份了),自己讀完書,我番左我母校教書!這是我的志願,非常好玩,即使現在發夢都偶爾夢到呢D情景!無人蝦我,個個都十分鍚我。雖然我只是一個FUNDING位,又可能大家都知,所以都好照顧我。恩師變為同事,感覺好特別。一年過後,副校長一早話左我知無得撈,我當然亦都唔會去搵其他學校教,我只係想完成個願望而已。(當年校長亦批准我繼續去炒旦,人工加埋都唔少架)

之後開始我小小生意路,一開始首月已達三萬七(2005年)。

2011年一月,拆伙了,首月已多過10萬純利。

我只想講我在職場都無乜比人蝦,都係錢作怪。財富方面,請看文頂連結。

男主人家雖窮,不過受盡母親溺愛,連煮個飯都唔識,摺衫都唔識,真正溫室小花。受人氣我真係唔得,比著而家,實比班老屎忽話我後生仔唔捱得!喂,我捱得聰明有收獲,你捱得ON9係你0既事喎!

又唔想不停做,想抖下,快手搵夠咪算LAW!

三分工作,你會點揀?


各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

32 則留言:

  1. 真係唔講唔知當年見到你原來已經係你第六份工。當年教書我估應該會輕鬆過現在。

    Btw 都好佩服師兄你走出黎創業做生意果股勇氣同執行力。雖然我都只係職場初哥 (未有幸可以做生意) 但都spot 一點就係執行力好重要, 好多人都只係停留向得個講字既層面, sigh.

    另外愉城呢期真係好L多人, 主攻左family 線路, 個場旺左好多。

    回覆刪除
    回覆
    1. 果陣都係25,26歲0者,咁細個無野好輸,點解唔試下?
      愉景新城多四十幾歲老來得子0既中產,個個都捨得洗錢係小朋友度啦。

      刪除
    2. 有次同老婆坐向老麥食野, 望望對面d 鋪頭, 竟然發現有間鋪好特別, 應該係專做baby spa, 這種鋪頭出現就代表果區d 消費力唔係講少

      刪除
    3. 果班97樓蟹,捱過反彈,積左廿年財富,梗係有錢。

      刪除
  2. 謝謝70後兄的詳細分享!搵到屬於自己的世界,總比在office做一份自己唔鍾意既工好好多呢!

    回覆刪除
    回覆
    1. 係呀,咁受氣,會覺得對唔位父母,錢好閒事。

      刪除
  3. 你係咪沙士果年畢業架, 市道好似好差!

    回覆刪除
    回覆
    1. 我2001年科網爆破畢業。
      沙士時打工炒緊旦,齋出糧唔駛做。

      刪除
  4. 一心入來睇下邊個可以蝦到你, 點知冇!! XD 你太座同女女有冇蝦你架?!

    回覆刪除
    回覆
    1. 應該無人蝦到我,我好惡死,又唔駛依靠d 乜。
      如果真係要計,就只有中學小學個d 唔同你玩或者杯葛你既同學。

      刪除
    2. 每個人身邊總有技安同阿福的, 放心

      刪除
  5. D, 我將「失去了我的初戀」睇成係「失去了我的初夜」!

    回覆刪除
  6. 睇來睇去,好似只有你蝦人,見唔到人蝦你。

    回覆刪除
    回覆
    1. 有架...唔加人工係咪蝦我先?
      不過, 我又真係好鐘意郁D唔撈!

      刪除
  7. 玩0甘耐option
    都唔識雙龍閃, 真正on 9 了

    回覆刪除
  8. 期待你下星期二的update. :)

    回覆刪除
    回覆
    1. 謝謝收看, 因下星期放大假但邊度都唔去得, 所以可以打BLOG.

      刪除
  9. 回覆
    1. 任性的人.
      只能多謝父母老婆由得人我去癲.

      刪除
  10. 感覺上, 你好似咩都試吓做, 就係唔做返本科行業. 唔係好明你心態.

    回覆刪除
    回覆
    1. 應該唔難明, 就係本科唔好做.
      當然, 仲有其他原因, 例如行內唔團結, 社會地位又唔係真係高, 錢梗加只係普普通通.
      要同果班無乜用0既人一齊工作, 我寧願做第二D野.

      刪除
    2. 雖然大家理財目標差唔多,但我冇你咁有衝勁,比較似牛…… 慢慢爬。

      刪除
  11. 喂,離晒題wow,俾人蝦唔係咁wow

    回覆刪除
    回覆
    1. 拿,話左加人工又無得加,仲唔算比人蝦?
      其實一千蚊,而家炒一隻旦都唔止一千了。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...