2016年5月10日 星期二

我可以唔撈嗎 16 入廠維修

其他唔撈系列link 後補。

話說男主人燒左兩個幾星期,約左昨日星期一入院。



臨入院前燒已退得七七八八,不明燒都係check 下好。

結果照食道,胃,小腸,大腸走唔甩。

之前驗血肝酵素Ast Alt 均高於正常一倍,而家族人士有肝膽胰問題。

結果照埋下全腹超聲波,連埋前列腺。

驗血同尿走唔甩。

1 胃息肉已切

2 少少脂肪肝,叫我做運動

3 前列腺,脾,無事

4 食道,腸無事

5 就係唔知乜事發燒

明天出院啦

本來諗住若有野,黎多個 CAT scan.

燒退左,人定d.

上星期諗過。。。

如果係即死,末期xx,留低既錢同保險少量應夠高堂妻兒女生活ok。

如果幾年命個d,慢性唔知咩咩衰竭,即時唔撈休息下,做埋自己想做既事,雖然無乜。

如果要慢慢養病過d,責任上炒埋呢兩個月旦就唔撈,轉為休養加湊小朋友。

如果無事,繼續依計劃行事。

女主人早兩日4.77 買入建行十手,而家已蟹左。




病房中,為免整夜太悶,我淘左 1/72 突擊高達黎玩。大陸老翻來,叫強襲高達。

合金成份好重,連埋順豐到付,共港紙 850 左右。差唔多成隻pg 咁大,好正。

如果我係幾層樓係手收租,呢個位真頭痕,cash back 比家人都黎唔切。話就話收租,孤兒寡婦遇上租霸點算?如果十間有五間無租收點算?唔係供既問題,現金流會出事。

三十年賭局,即使表面似贏面大(只因通漲),你要頂足十幾廿年都唔係一定得。

炒旦既客人聽到,都好關心我,其實我非常暗爽。哈哈。

點都好,有冇事又同今次久燒不退有關就另當別論了。


58 則留言:

  1. 小心身體,仲有漫漫長路要陪d細路走落去

    回覆刪除
  2. 師兄我好鐘意睇您既blog,加油哦,多做運動身體健康可以狂買高達,我同我d朋友都好鐘意高達,我剛喺後樓梯用左幾十支噴礶噴左隻pg獨角出來,這裡可以放相上來嗎?快d好返一齊砌!

    回覆刪除
    回覆
    1. 謝謝關心及支持!真係要去運動下了。。。另外呢度應該留言放唔到相。
      齊齊砌梗係最開心啦。

      刪除
  3. 1日5000步,保費都有折頭,呵呵

    回覆刪除
    回覆
    1. 龍桃子就來出改版pg獨角,未好反就無得玩哦,加油

      刪除
    2. 保費折頭認真無乜興趣。
      內地國模要大力金剛指,如有同款我會買番bandai.

      刪除
    3. 每日跑5000步真係人都癲,我都係喺球場跑幾個圈就算,我之前都金剛指,頂唔順用廁紙包住把平鉗輕鬆搞定,龍桃子真係好有心,造型越來越正,真係睇到都想買,令外您隻特擊QC如何?

      刪除
    4. 我唔識睇qc. 感覺靚型就過關。
      龍桃只係砌過曉。

      刪除
  4. 保重身體!有時間做多d運動。

    回覆刪除
  5. 保重,多保重,多多保重。

    回覆刪除
  6. 幾時都係健康第一,保重身體!!

    回覆刪除
  7. 保重。日行10000步,可以買個小米手環計左,便靚正!

    回覆刪除
  8. 70後多多保重,我仲要睇你出文呀 哈哈

    回覆刪除
  9. 70兄,保重啊,睇住子女成長好可貴!

    回覆刪除
  10. 保重身體,健康最緊要。

    回覆刪除
  11. 財多身子弱,我可以幫你洗咁d。
    講笑姐,好好保重身體。

    回覆刪除
  12. 老婆買股坐艇事小, 夫唱婦隨哩吓信任事大! Check到冇事就好啦, 兩當生意有排玩呀!

    回覆刪除
    回覆
    1. 兩當生意快d 執就真。
      呢個係財務自由既前題。

      刪除
  13. 健康比金錢更值得投資時間!

    回覆刪除
    回覆
    1. 睇下剩幾多健康同可搵幾多金錢啦。
      好多工捱更抵夜仲要飲酒依舊大把人做,個個都想搵夠收皮。

      刪除
  14. 十幾年前,25歲左右,我都試過有段長時間成日發燒兼唔退,燒到成個人暈佗佗手腳軟,最終大大單要轉介入左威爾斯住左4日先退到燒。至今一樣病因不明。

    果段時間成日傷風感病喉嚨痛扁桃線發炎,看好多次醫生食好多藥及食抗生素,搞到抵抗力越食藥越差。
    好番D後做運動,改變生活作息,看下名中醫, 清下個底兼介口介冷飲,一起身學黎明話齋飲杯暖水,
    身體會慢慢強健好多。病因不明,就要搞好..運動、空氣,食物、水,休息睡眠呢幾方面..

    一家人,最緊要健康齊整,無左個一家之主,錢再多也無用。
    70後你同我case一樣, 賺錢無非是令家人生活過得更快樂開心。
    照顧好身體一樣重要及要精叻。

    成日病,




    回覆刪除
    回覆
    1. 謝謝分享!小弟齋燒無其他病徵,古古怪怪。不過應該同少做運動有d 關係既,飲食也是問題之一。
      非常感謝前輩意見及經驗分享。

      刪除
    2. 70後不用客氣,我同你屬同輩好近似,中佬一名,一樣有兩個細路一家之柱。
      祝早日康復,小病是福。 入廠維修下都好,當做年檢換迫力波籍計油,保養好副engine,人生下半場會跑得更順。




      刪除
  15. 成日病, 是時侯要檢閱下個生活作息pattern。

    回覆刪除
    回覆
    1. 都係要湊小朋友番學訓少左。。。
      我平均一日做四五個鐘就收鋪,應該不是勞累所致。

      刪除
  16. 回覆
    1. 應有排到未到比人叫肥仔。。。
      你問我先計下, BMI 23.3。

      刪除
  17. 好多大事等你做
    好好保養身體

    回覆刪除
  18. //結果照食道,胃,小腸,大腸走唔甩。

    要飲瀉藥, 痌到你腳軟.

    保重, 身體健康最重要.

    回覆刪除
    回覆
    1. 其實又未到腳軟,係後期杯野d味好寡。
      肚餓先最難忍,哈。好想食炸雞比。

      刪除
  19. 查實您鋪喺邊?我想來幫襯下

    回覆刪除
    回覆
    1. 要排幾年,再加上我揀客。
      你應該幫襯唔到我

      刪除
    2. 噢,原來係我儍下儍下,原來係我麻甩仔一個唔岩我的,我仲儍下儍下哈哈哈

      刪除
  20. 保重身體呀,70後。仔囡細老婆嫩,留d時間做下運動啦。
    一個睇晒你blog的karma上。

    回覆刪除
    回覆
    1. 謝謝關心,如真睇哂,好厲害!
      非常感動~

      刪除
  21. 小心身體呀,,買939跌左唔緊要,short call幫補少少啦

    回覆刪除
    回覆
    1. 謝謝關心,現位SHORT CALL 好有機會白做。

      刪除
    2. 當然要睇位做啦,好似你上年大時代short call交行咪幾好囉

      刪除

各位每個留言,係我繼續9UP動力,必覆。

Related Posts Plugin for WordPress, Blogger...