小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年4月6日 星期三

租金物價,邊樣減先? 收租仔駛唔駛食?

拿, 近期熱話, 又寫多幾篇啦.


租樓分析租務市系列



上星期, 就如<我可以唔撈嗎15> 所講, 同左AGENT 去睇租盤.

其實仲有成個幾月先搬,AGENT亦已轉左區,都老遠過來。一黎佢係師奶級服務較為貼心,二黎終極男女主人都會買樓,雖然唔知幾時,但銀碼係區內都算幾大,算是一舊肥肉。

以私樓講,男人住住B2盤(睇番上面D文知小弟將本區分做ABCD四盤,不計居屋),B2算係咁多個屋苑最少盤的,因自住多,交通外人打工一族唔覺得方便,大部份係有咁上下錢區內長輩供完。

不過,都有六七個租盤!
(上年得兩個,真係無得揀)

因女主人對座向有要求,我地只睇其中兩個

結論好新淨,兩個都係同時放賣又放租,又係有得傾租金,其中一個係自住搬走。

男主人打算再劈多10%先租,AGENT當然覺得難,但係都無話無可能。大家共識係。。。

等,等佢一排都租唔出,就要平租架啦。

再者,佢租左,我地仲有其他選擇。

再再者,租約到期,都仲可以交租懶死唔走。慢慢等,急急走。

即使係FULL PAY,每月差管地租加埋都近三千,如有物業稅就更多。再者,女主人又話:

而家賣唔出,遲D再跌更加租唔出賣唔出。

因為,比得以前租金,可以租地鐵上蓋龍頭屋苑,或者B1向盤,或者B3好新三房盤。想比少D,現價平兩成有交通方便C1盤了。

D盤,依舊無人買無人租。班傻仔收租好鐘意買D盤,因為平,當初又好好租,你乜都唔執都有人搶住要,因為全城缺盤。而家?哈哈哈。。。真係用黎養老鼠。

見有D討論區打手話,租客要比佣,搬屋;業主又要空租,比佣。係LOST LOST,只益AGENT 喎。

其實,跟本唔同!錯哂。業主只要收到好租就得,如果租客走,D錢白用。租客真係用左搬屋服務,又掉下雜物,AGENT仲幫佢搵間新淨屋,D錢抵比架喎。(一早講過,住舊左,減租都唔會留低。大家住過公屋,十幾年住到又殘又舊,有幾多人咁好心機去翻新?)

又有人講,唔租就訓天橋底,又話住屋係必要,租樓老來乜都無。

我話,有冇租收,你都要食野!做乜唔自己開間餐廳?你日日係屋企食唔出街食叫做好?

有D錢,有能力係可以洗。

同樣,你有D錢,投資都可以積番D陰德,唔好傷害無咁有錢個班,或者年青個一班。

小弟生意繼續OK,無跌過。女主人今個月已經幾好,一砌變番正常。



我呢隻手連光都會為我而燃燒! 
都要為打倒你而歡呼喝采! 
爆熱 GOD FINGER!

近期新作, MG 1/100 神高達 GOD GUNDAM! 史上最熱血最古怪0既機動武鬥傳G! 為小弟繼Z GUNDMA 後的第二最愛!




都係個句,有錢個班唔會慳,無錢個班點都慳。如果你係收租仔,睇下自己有冇慳多左?拿,你收少左租0者,我D PRODUCT 一定唔會平比你,你一係唔好食等餓死LAW。係咪咁講?

最ON9就係個D以為租約未完減租無影響,你賣又賣唔到(連租約實比人鋤價),個租每個月跌少少,仲要未必有客想租。真係陰D陰D打回原形。

一早講過

樓價跌,人工唔會跟住同幅度跌!衣食行更加唔會,平左租,做開生意0既重安全,創業0既更加有勇氣。






昨日老婆同個女去左迪迪尼,人少到無人排隊!旋轉木馬後面無人玩架!

如果你諗住靠呢班忽然有錢0既人令你可以租金上忽然有錢?SORRY,一切已成過去,而家又係上一輩話事,因為你幫佢地接左火棒,同時佢地買入價更低。

邊個BLOGGER咁無陰公?大家自己諗下。



24 則留言:

  1. 使用權和擁有權是兩個不同concept,鐘意游水,唔通拎一大筆錢去起個泳池咩?

    回覆刪除
    回覆
    1. 點呀哥仔?想講乜0者。
      曾蔭權唔同盲丙權。
      理鬼得咩concept,condom 就有。
      人地投資細價樓仲大大聲扮地主,道義上已大錯。
      越拋書包的,越易厄人或厄自己。

      刪除
  2. 租低左, 對創業者或小商家絕對係好事. 社會不退反進是也.

    回覆刪除
    回覆
    1. 是的。至少對年青一代,創新機會多左,同時初入職場0既年青人負擔又少左。
      大家0既未來都要靠佢地,如要繼續引以自豪,呢班年青人拼摶係必須,而唔係一D生產力都無0既收租仔。

      刪除
  3. 差管地租唔減,供樓條數唔減,只有租金減,難怪地產討論區之前班大大聲gogogo既硬好依家冇晒聲氣。

    回覆刪除
    回覆
    1. 對。
      結果又有D無聊淡友出黎踩兩下。
      其實未到恥笑0既LEVEL,連雞肋都未到。

      刪除
  4. 照計 rate and rent 是會減的。不過,因為現在政府常常減免 rate and rent,而經濟差時可能政府以沒有錢為理由不再減免,因此實際上業主會覺得經濟差時 rate and rent 方面的支出多了也不出奇。

    回覆刪除
    回覆
    1. 差餉地租管理費為空置成本,唔減租就硬蝕。
      另外,一路賣唔去一路跌,更陰公。
      好多人當玩樓似玩股,未賣唔當蝕,但往往回頭已是百年身,仲要有槓桿喎!
      幾多人因為自己低位買而按兵不動

      刪除
  5. 師兄,咁你點睇老美唔加息,樓市會唔會倒頭回升呢?

    回覆刪除
    回覆
    1. 加唔加息唔關事。
      重點係供求關係,少左人買樓收租,接火棒遊戲就會停。
      結果無人屯貨,好多人由放賣又放租,租金進一步下跌。
      加息只會死得更快,唔加唔會令到租金回報上升。

      果班BLOGGER老中青,低位入叫人用高價入。。。跟本唔會出事。

      刪除
    2. 確實係見多左貼紙仔,好明顯仲要係同一人有幾個盤,師兄,你心水要再跌幾多才入市?

      刪除
  6. 70後兄,多謝你長期對樓市的客觀分析,很好的心靈雞湯. 以至我沒有誤入歧途(上年差D忍吾住娶咗個阿婆樓自住),哈哈!
    現都有開始睇樓, 做定準備, 希望可低市價10%入到自住, 繼續慢慢等.

    回覆刪除
    回覆
    1. 唔關我事。
      你把持得住又運氣好0者。
      我都未睇樓,只係睇租盤咋。

      刪除
    2. 運氣好..哈哈, 就是因為我曾經勇字97買樓,04賣樓.有了這痛苦經歷後, 所以想再買時就...
      這2,3年不斷被傳媒,xx隊長等洗腦, 睇得多當時真係覺得買樓就是唯一成功之路.
      好彩當心煩意亂時, 就看返你寫D文,即刻清醒晒.

      刪除
    3. 哈哈,阿乜sir日日都話一生三宅係人生目標,剝削租客讓其他人為自己資產增值,達到財務自由,租金仲可以隨通脹上升,是「高級版被動收入」咁話。

      刪除
    4. 佢又錯唔哂,如果低位買。
      幾年來tum 到唔少人成為佢地既安全網呢。
      不過乜sir 無小朋友無老婆?我計過full pay 五間我先夠錢用,做按揭要十幾間。。。點退休?
      買股票反而仲有機會呢。

      刪除
  7. 70後兄,第一次留言,同呢個topic無關的,因為怕覆舊文你睇唔到就留呢度。
    我上網查查期權係咩東東...但都係唔明,70後兄可否提供資料讓我了解一下?
    純粹學習而已~

    回覆刪除
    回覆
    1. 唔係敷衍你,當初我都係上網睇。
      有個自在居士blog,同埋最緊要係實戰一次。

      刪除
  8. 之前d人成日話剛性需求幾咁強勁,但最近煥然壹居銷售慘況,就知到底所謂既住屋需要有幾迫切,

    回覆刪除
    回覆
    1. 你講左我可能係下一個topic 0既話題。
      其實並無剛需,數據正確推斷錯誤,結果人人以為硬道理。
      不過,而家樓價都只係番2014水平。
      番到2009 就有戲睇

      刪除
    2. 人總係盲目,受情緒影響,明明無需要都要狗衝,唔買驚死一世無得買,奇怪奇怪

      刪除
    3. 而家又好多人唔肯買。
      認真,hold 左咁耐cash 個d 無大茶飯都唔食你啦。
      要加按個d 又J短無膽買。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...