2016年3月21日 星期一

教育路上奔馳

伸延閱讀
我深信的人生遊戲
我的財富累積大道(上)
我的財富累積大道(下)

廢物利用,超舊版 HG流星號加自由高達。果隻自由高達分色差到。。。最後全噴金。

"金"錢加"自由"高達,寓意財務自由!!



睇到苦瓜 BLOGGER 文章

失敗者, 非也, 好多時候眼界更廣, 成就更高更有彈性.

男主人係教育制度半個成功者, 讀書從來都在頭十。除入大學後無呢支歌仔唱。

又講當年,女主人又會話我悶。

男主人讀專業科目出身,成班粉腸同學,好多成績好好,只係成績唔夠好入唔到某神科。屈屈不得志。

當然,現實係要面對,佢地書就要繼續讀。因為唔止要讀仲要做,結果明爭暗鬥少不免。

上一集講過,當年玩走線0既同學如何?

畢業後,呢科順理成章應該係入政府做,當年經濟最差時,人工已經是神級(仲未興講IBANK),入得去政府,成績要好。

入唔到,求其次,有份工都好。只要一年工作經驗,就可以自己執業。

結果,私人工都爭崩頭。有份1/4 工都有人爭!(你無睇錯,工作量可能係一半,但糧出1/4)

更攪笑者,寫信去自薦,做三個月免費勞工!!

拿,咩叫經濟唔好?而家有冇呢D現象?

男主人0既初戀情人<了解我的初戀 八千里路雲和月>,當年就搵工搵到九月定十月,去左做人助手,人工13K。當年,董建華話大學生應由6K起步。

我打從一畢業,就無做番本行。去搵自己鐘意又搵到錢0既工。

十幾年後今天?

如果佢一路做老散,頂薪POINT 24
如果升過, 頂薪 34, 應該未夠年期去到頂薪
如果再升多一級, 頂薪先至39, 印象中無人做到.


唔好講我自己, 講下其他無走線0既同學!

私人執業個D, 叻個D好好搵,詳情唔知。唔叻個D靠上下電視懶威威。

有部份,已跳出自己框框,另創新天地。

人地搵幾多我唔知,我估做政府佢點升都搵唔到我個數。。。

錢唔係重點,可以早D自由先有用。更有錢,只帶來更多物慾。

近排女主人搵少左,都洗得無咁豪氣!
哈哈哈~~~

所以呢,讀書係咪無用?一定唔係,不過讀唔到書都未必係絕路。睇你條路點行(廢話)

不過如果讀唔到書,只係比人搵多少少(租金收入),就笑人讀書無用,咁真係太可笑。

回應番最上BLOGGER個主題,雖然我無走在教育的失敗路上。但教育的成功路上,都唔一定成功!比你爆哂GPA都無用。

你以為最平坦0既路,不一定是好。


33 則留言:

  1. 甚麼是美滿人生? 有錢? 有家庭? 樣樣有一些?
    我讀專業。入政府。現在是你圖中最高級的人工。在政府做專業人士是好辛苦的。
    我有同事,和我同人工,單身,勁買奢侈品,一個月剩不到2萬。
    另一個同事,和我同人工,勁博想升多級,未升到,但想生仔多年都生唔出。
    有一個上司,好有料,大家都好想佢升多級,點知差唔多到佢時,佢中咗風。之後都冇返過嚟。
    我以前常常趕工,睡得少,血壓高。後來驚死唔敢亂嚟。即是自斷米路,無得升。

    純粹發言,沒有結論的。

    因為講公司事,今次不方便留名。

    回覆刪除
    回覆
    1. 你應是前輩.
      政府統計數字,至少要23年先升到,未計頂薪.
      不過去到咁盡好易出事.
      另,政府工一向比人好輕鬆喎~

      刪除
    2. 我不是前輩。我這個專業,只要升職一次,就有機會有上圖最高的人工了。
      外人以為好輕鬆。其實不是。我認識的人當中,個個都工作量大,而且難做。不過,樹大總有枯枝咁囉。輕鬆的人當然有。你看吳克儉多輕鬆! : P

      刪除
  2. 讀書靠勤力,工作靠際遇,生活靠智慧。
    讀書好不是高人工的保證,高人工不是生活happy的保證。

    回覆刪除
    回覆
    1. 讀書, 工作, 生活, 都係要智慧.
      勤力, 際遇只係附加.
      運氣反而更有用~

      刪除
  3. 呵呵70後兄的分享真有趣。其實鍾唔鍾意讀書都好,做人最緊要找到屬於自己的世界。資產(我好少講薪水)和自由兼得,便最正了=)

    回覆刪除
    回覆
    1. 有錢又有自由梗係最好~~~!
      最好有權又有勢TIM!

      刪除
  4. 老兄,人生際遇存在不確定因素啊,沒有人知道自己條路係咪最好,只能走落去了。

    回覆刪除
    回覆
    1. 至少, 忠於自己, 盡量不受人影響.
      自己揀,願賭服輸; 跟人尾又做唔到,怨天尤人.

      刪除
  5. 最緊要自己知道自己想點. 最慘一批人, 就係完全唔知自己想點, 讀書幾勁都冇用.

    回覆刪除
    回覆
    1. 完全唔知自己想點, 但讀書勁, 點都唔會好差.
      完全唔知自己想點, 但讀書廢, 咁就...

      一定要揀, 你揀邊樣?

      刪除
  6. 讀書重來唔好,除左小學未試過入前十。
    最後會考唔好,如果升A level只能入band 3學校。
    最後揀左讀high dip,不過high dip讀既反而係自己一路鐘意既野,又比我碌到入傳統三大。
    上左大學就理得你死啦,掛住玩同上莊,都預左無honor畢業,但係又碌下碌下碌到third hon返黎。

    一向覺得做自己鐘意既野係會事半功倍,迫自己行相反方向只會事倍功半。

    回覆刪除
    回覆
    1. 咁又真係幾開心喎.

      不過小弟串少少, 連讀書我都事半功倍0既.

      任何人做自己鐘意做0既事都會特別好, 更勁0既, 做自己中性0既事, 用少少心機, 都會比平常人好.

      唔鐘意做0既, 當然唔做, 同叻唔叻無關.

      刪除
  7. 個人認為,讀到書但冇個性冇獨立思考嘅人,其實都係悲情人物。哩類人為數不少,中國人專出哩d品種。

    好多行完一生旅程,on99以為自己做野係為社會、為屋企、為公義… 其實成世人都只够膽按本子辦事、講客套話、墨守成規。

    講到尾,邊個人做野唔係某程度上追求解决基本生理需求呢?所以,一個人只講錢,肯定係一個問題;但完全唔講理財,做所有野都好似同錢冇關咁,其實係自欺欺人,冇坦誠面對自己。

    结果,哩類冇個性讀書人,好難會明白揾到真我嘅滿足感。

    回覆刪除
    回覆
    1. 係喎, 又黎四難.
      A 讀書唔知自己點
      B 讀唔到書又唔知自己點
      C 讀書又知自己點
      D 讀唔到書又唔知自己ON9

      以人數來計, D 類先最多最慘.

      刪除
    2. 哈哈… D就一定係慘架喇,哩個係人類定律。讀書得唔得,多少係智商問題;知唔知自己想點,有冇獨立思考,係基本智商之上,有冇足够智慧問題。

      冇智商、冇智慧,其實比較接近動物界别,响人類世界梗慘啦。

      刪除
    3. 是的.

      無奈地, 無人會認自己係"唔知自己點", 而教育上低分的比例又多.
      結果充斥好多D 類以為自己好知自己係點...

      求死隊長為一例, 希望佢唔好再害人.

      刪除
  8. 謝謝兄台提及拙作呀!其實寫那篇文章的目的,純粹是想為學生連串輕生事件出點綿力,畢竟這個世界"失敗者"必定比"成功者"多,希望鑽牛角尖的朋友看到拙作後有點啟發。

    回覆刪除
    回覆
    1. 瓜兄篇篇好野就真, 平時財務個D 我唔識, 呢篇難得可以搭句咀.
      其實好多學童輕生, 未必一定係成績, 多為人際關係, 再加上傳媒報導...

      刪除
  9. 讀書叻不代表工作成功,碩士生找不到工作的新聞也常聽見,曾經聽過最能賺錢的大學生不是一級榮譽的畢業生,這絕對可以理解。

    回覆刪除
    回覆
    1. 不過如果統計一下,讀書同人工必然有關。
      大家平時拎d 異數出來講而已。
      不過,讀唔到書唔一定搵唔到錢,只係同等機會及能力下,會比讀過書的人搶去工作。

      樣貌也一樣,有機會行文講下。

      刪除
  10. 讀書叻不代表工作成功,但現在很多工種都需要一定學歷作為入場券。 始終第一眼是看學歷,真正工作表現要入職後才見真章! 如大學成績一樣,那就比拼在那所中學就讀.....
    現在機會真的比80,90年代少很多! 有時我會問自己,如我出生在90年代,按我當年的路再行一遍,一定不會有現在的生活水平。 Joe(70後)

    回覆刪除
    回覆
    1. 若我更早出生, 我肯定會成為賽跑老鼠穩定打份工.

      刪除
  11. 現在年青人工作/學業壓力都比以往大。 我(70後)年少時家裹環境亦不好,但社會還給我一個願境,知道一邊工作一路進修到若干年後會達到某個生活水準。 現在學歷已是最基本的入場券,沒學歷變相給您發揮工作能力的機會亦少很多。
    Joe

    回覆刪除
  12. 現在機會真的比8,90年代少很多很多。 Joe

    回覆刪除
    回覆
    1. 機會只是多了而不是少了,不要人云亦云。
      分別在於競爭大了,所有人的底線都高了一線。
      你睇曹仁超年代,可能有中學畢業便可出人頭地,但又唔諗下個時中學畢業比而家入三大仲要難。

      沒有懷才不遇,只有你夠不夠努力,認真。

      刪除
    2. 機會少左, 因為60. 70, 80 後上左位未走人又未死.
      機會多左, 因為大部份人都讀到大學, 相對唔會齋鬥讀書.

      出人頭地從來都唔係輕易, 睇番你我父母都只係兩餐溫飽湊大我地, 豈不算一大成就?!
      只是現令物慾太強, 資訊流通, 令人人有比較.

      刪除
  13. 介唔介意問問你大約幾歲?小弟八十後,縱觀身邊朋友好多本身都無咩機會 ,就算才華橫溢既可能都時不我與,有好多生活無憂既好多都其實靠上一代食老本。其實機會現今一來少左,二來香港地方細而且資訊太流通,大家見面容易自然容易互相比較,所以做到大家兢爭好大。

    回覆刪除
    回覆
    1. "才華橫溢既可能都時不我與"即係佢未夠才華。。。
      我爭好少好少好少就係80後。
      互相比較才是重點,結果人人覺得自己唔止咁少貨。實情係樹有高低人有高矮呢。

      刪除
  14. 還記得你上次說過, 有方法可以按代租唔犯法, 有時間可否一談?

    回覆刪除
    回覆
    1. 其實GOOGLE一下就有。若要行文,我會係一個租務市場瀕死時傳授,成落井下石之效。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...