小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年3月2日 星期三

買樓準備? 準備買樓?

睇新聞, 唔知真定假, 細價樓有唔少都平過三球, 非居屋喎仲要!

男主人個區, 又講下 ABCD 四種單位.

租樓分析租務市系列


A 盤開始企穩, 最貴, 租買都有D 成交, 因為早前租金下調, 有唔少有錢家庭都會租住. (有錢唔一定買樓0既, 有冇咁多鬼佬或房屋津貼人? 自己諗下)

B1, B2(男主人果度), B3 各有千秋

B3 跌到C 盤價, 結果都唔少租務成交. 梗係啦, 約十二三年樓又新又靚.

C 盤點算? 都有唔少租務成交, 因其交通方便, 不過因量多, 部份要降到早前D 盤價放. 應該質素決定租客, 差個D 真係無人租一路劈到D 盤都唔見租得出.

B1 B2 同價, B1 方便, B2 單位大(最細單位等如人地細價三房大小), 租務成交B1 WIN 哂, 因為一樣咁靚之下, 呢D 中價單位大多數打工仔要番工, 方便緊要. (男女主人要清靜同埋平時彈性時間, 反而鐘意B2)

B2 只有放租, 無人承租, 所以個價自上次出文已跌左百分之十幾(B1 B3 早期已跌, B2 最後才減價). 原因? B2 應該唔少生意人又五十歲以上(佢地三十頭置業吧), 已供完住左第二度. 不過即使FULL PAY, 管理費每月近二千, 無人租就白交.

C盤上文已講, C1 成交到, 價介乎B D 之間. C2 大部份都係B 盤價, 樓齡關係.

D 盤? 繼續未完成大維修, 而果班濕九收租仔又唔肯面對現實, 大量放盤之下都只係得一個租盤成左. 原因? 同樣價錢之下, 已可以租C租, 重要人地大多佢20%實用面積加上樓齡又新少少! 真係慢慢降低回報率.

有網友問男女主人有冇策略, 有. 都係個句, 每人取向不同以及風險承受能力不同, 請勿亂跟.

五月完約, 如租金0岩即走(成本? 哈哈, 九牛一毛, 換個新地方都開心D啦).

以現在情況, 新約租金應該可以傾(現任業主減都唔會留低, 我地鐘意住新野), 應比現有平多兩成睇下有冇可能.

否則, 搬大D, 應該加多幾K 就得. 當然夾眼緣不會衝動.

買? 哈哈哈....劈多兩成才進入射程. 比我地初想買個陣都係貴左兩成, FAIR PLAY.

D 收租仔成日話計0岩數入得...點計? 

http://www.mreferral.com/mortgage-calculator.html

(MREFERRAL 銷售員不要找我了, 無興趣搵雞仔數收入. 同時亦唔想此BLOG 言論受控)

設樓價1000萬跌到 800萬好未? 現供款18103, 加埋管理費都係21000! 加息3% 都係供多2000. (未計差餉)

印花稅30萬, 佣8萬. 首期320萬.

即係360萬攪掂. 錢唔係太大問題.

入息要過壓測, 搵44000 以上就OK!

終於完成, 1/100 knight gundam basic mode! 未完成都唔知咁靚! 經過一大輪粗口同質疑, 最後結果比預期更好. 點解? 因為一開始有哂plan, 無比d 傻仔左右law!!

從來置業自住非難事, 問題係, 值唔值得去買? 你肯定你真係鐘意住呢度?

同溝條女番黎結婚一樣, 你唔試下點知自己鐘意乜?

班傻收租仔笑人一年搬一次或兩年搬一次, 其實佢地唔明白, 有得揀住邊, 揀揀下先會搵到心頭好, 唔通靠睇樓就得?

早d 溝女結婚, 怕遲d 無女/禮金貴? 定係試下同不同女仔拍拖再揀下自己鐘意邊種女, 邊個結果好d? 留意, 每年都有年輕女仔比你揀! 你去娶阿婆?

拿, 我唔係投資角度出發, 我只係以人生滿意度成功度出發.

你細價收租扮大地主, 令年青人高追求死? 我祝你屋企人0既健康去哂你個度. 得你一個長命百歲....報應總會來呢.

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

26 則留言:

  1. 您甘多模型完成品。 放玻璃柜? 可否拍張照片看看? 一排排Gundan肯定好震撼! Joe

    回覆刪除
    回覆
    1. Joe,我們是否認識?
      這個都係土地問題,現在放d 係公司又放d 係屋企。若單位夠大,可造模型牆。

      刪除
    2. 我們不認識的,不過我常來看您的作品。 我覺得最難是上色,您好有心機!

      刪除
    3. 哈哈,過獎了。
      就好似收租仔咁講,我只係模友入面最bottom 果10%,唔係扮傔虛,我d 作品係佢地眼中好傷眼,只能post 上blog...

      刪除
  2. 到你百年歸老…你個女可能丟Q晒你D模型喎😊
    我有個同事,佢老頭走後留低好多郵票…幾十本滿滿的…佢俾人睇過話得極少部份值吓錢…其他唔值錢…因為老頭純興趣收得雜又冇保養,最後佢丟晒😢

    回覆刪除
    回覆
    1. 如我早死,已交帶老婆原價放。haha.
      如百年之後,掉哂也ok 啦。我用來玩之ma.
      本來都唔太值錢。
      第時有3d 打印,無人砌模型啦。

      刪除
  3. 同意買樓唔係難事,最緊要係唔係自己想買。買完又唔開心買泥托咩,買貴左但係自己開心嘅貴少少又何妨。 (帶定頭盔:純從個人出發,絕對唔係教人點投資)

    回覆刪除
    回覆
    1. 係架, 買左又唔係真係咁鐘意, 又要扮係自己DREAM HOME, 有時都幾可憐...

      刪除
  4. 請教下, 做生意的壓測會否嚴DD? 定一樣??

    回覆刪除
    回覆
    1. 真係唔知喎. 我地都係出分糧比自己.

      刪除
    2. 自僱生意,樓按不一樣。齋商業登記的,看稅單交足稅,簡單個人入息考量。
      有限公司董事自己受薪出糧就有難度,銀行怕食你自家制的烏冬,
      要做變型金剛合法地將高達改成進化受僱版就ok。



      刪除
  5. 回覆
    1. 又唔好咁講。仲要做。
      做左神仙都要侍奉玉帝啦

      刪除
  6. 落多两成,我估要等一年到年半,大家鬥吓耐性。反正樓價跌,冇增值,買嚟自住,使費仲多過租樓。

    回覆刪除
    回覆
    1. 是的。樓價一路跌,管理費差餉地租無咁快跌的。

      刪除
  7. 唔知樓價係咪真係會繼續跌,但agent 冇乜生意係事實,我依啲講到明話未諗住買的混吉客,個agent都係咁約睇樓。

    回覆刪除
    回覆
    1. R生意呀。
      我同agent 講租既0者,佢無咁aggressive. 相信亦同更少人租樓有關。

      刪除
  8. 近期先留意到師兄既blog! 觀點好相似!求死隊長嗰條橋應該黎緊十年都唔會再work. 俾盡你渣得二三十义野就話自己財務自由。真正財自應該係睇心態,睇sustainability 。
    小弟係八十後做左幾年自己生意,而家都係寧願拎d錢去自己生意reinvest 好過買樓,覺得買樓回報已經太低無upside。

    回覆刪除
    回覆
    1. 先唔理投資價值,如果為左一己私利,將後生仔上車盤買高哂再吸番佢地血。仲要扮大地主。
      係有報應的。

      刪除
  9. 回覆
    1. 是的。
      改件多數靚過bandai.
      所以佢係近期佳作之一。

      刪除
  10. 邊個高達是你最愛?我想買MG愛爾蘭魔蟹, 但好少見

    回覆刪除
  11. 沙田一田百貨模型特價,有興趣可去看看。Joe

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...