2016年3月31日 星期四

我可以唔撈嗎15 (建行減派息 成功財務自由)


玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3 (減父母家用至自由咁仆街?)
我可以唔撈嗎 4 (葵花寶典)
我可以唔撈嗎 5 (你真係信做埋唔夠交租?)
我可以唔撈嗎 6 (幾日千萬富翁)
我可以唔撈嗎 7
我可以唔撈嗎 8 (我係溫室小花,你做唔做得起?)
我可以唔撈嗎 9 (性格是遺傳)
我可以唔撈嗎 10 (唔同年紀, 目標不一. 六十歲仲講有收租樓?)
我可以唔撈嗎 11 (讀書真係無用?)
我可以唔撈嗎 12 (深水埗玩具模型倉有我整0既模型)
我可以唔撈嗎 13 (買夠貨)
我可以唔撈嗎 14 (千金難買少年窮)

近排工作太操勞, 長話短說.

昨晚八點等到建行UPLOAD 上HKEXNEWS,

上年派RMB 0.301,今年派RMB0.274,少左9%

相比渣打減一半,真係濕濕碎。結果建行派息比率變番三成,同其他內銀一樣。

扣左股息稅,扣左大約0.1%手續費,用而家人民幣匯率計下,1手建行可派HKD287!

上隻唔撈14講過,如困0。27就達標。0。2就慘慘豬。

即係達標啦!

預計六月尾除浄,八月派息,做OPTION 的人注意了。

男主人預計派息57-58萬左右,細數係跟找換店牌價,大數係跟YAHOO RMB報價,即係四皮七一個月。

如果無乜物慾,還哂條LOAN已經可以自由。呢個數夠住屋開支,父母外母家用,小朋友每人幾千,自己HEA食早午晚。仲剩到少少去旅行!

金色自由,最終水貼完成。$300會有人買否?哈哈。。。


刻下策略等派息,唔做權。升到7蚊先至將股息回報降至4%,升到9蚊先變3%。

如無意外,條數12月就還完,提早同輝立SAY GOOD BYE!

東亞條數仲有三個月完,即係六月。如果佢再撩我借,九月我就借東亞來還輝立!東亞可以分兩年慢慢還,會輕鬆好多。

男主人炒旦生意如果條數一路都唔變,鋪頭租約完結時會有170萬現金在手,現價股票1000萬。只求溫飽應該唔係咩難度。

今次減派息,無影響自由之路。之前由交銀轉過來,交銀今次無加派息,繼續係派0。27。

另外,地產AGENT打黎,話有個平租盤。本來想拒絕,因為要到5月才走,而家三月咋喎!點知AGENT話,睇下先LAW,可能到時有緣份呢(潛台詞:租唔出)。拿,比起上年前年個D"你唔要就無盤"真係爭好遠,各位切忌心急。

不論價錢定係質素,而家都有好多選擇。

偷得浮生,同個囡去左玩佢唔識玩但又好想玩0既星光樂園卡GAME!

個機免費,不過唔好意思玩人部野,幫佢買番包卡,$28

其實係節奏音樂遊戲,幾簡單。個囡未玩到,我玩LAW。。。我唔差的。


同佢玩機,其實好多小學生妹妹會幫你手,好好溝通的!另,又有毒男(年紀大過我)係度玩,同埋向小學生兜售卡。。。

最難頂係,有D師奶係度又唔係玩傾湊仔經!!非常討厭!這是玩的地方OK?我也是來玩埋一份的,並不是看守者!

最後,原來呢個BLOG已經三十萬次瀏覽!多謝各位支持!
去到一百萬,抽獎抽高達~!

題外話,感謝各BLOG友(有部份更加係好出名個D)加左我入佢BLOG LIST,令我流量上升。

同時,其實我主要人流係黎自GOOGLE ORGANIC SEARCH。

如何令GOOGLE 搜到自己?這是男主人中學年代學識的東西,非常有用。不過同時亦係女主人商業機密,不能告知。

另有留言想我講如果以按代租?其實GOOGLE一下就有。若要行文,我會係一個租務市場瀕死時傳授,成落井下石之效。

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

49 則留言:

  1. 財務達標、囡囡越大越靚、blog瀏覽量越來越勁--又是馬太效應。

    回覆刪除
  2. 恭喜70兄!財務自由真爽皮!

    回覆刪除
    回覆
    1. 先謝。
      鋪租租約仲有年幾,一日未完一日都要做。

      刪除
  3. 恭喜、收57萬息、跟飛鳥媽保守的組合25萬比上年增長3萬真係小毛見大毛

    回覆刪除
    回覆
    1. 咁飛鳥媽老人家無收入, 齋收息已好正~

      刪除
    2. 話時話、如果検討之前繼續持有交行都維持一樣派息30%在0.3、但轉倉建行而家只0.274、想一想此次轉倉可能又是多此一舉、實際上收息交行比建行多、因為小弟都猜交行會下調派息去30%=>25%/20%(這3-4年有前科下調)、機會率高過建行35%=>30%~~~~

      刪除
    3. 又唔係既,我轉個陣交行股價高過建行。
      而者,0.274 比0.27 多左幾個%

      刪除
    4. 哈哈~~~我轉倉時都好在收左建行1年0.301息、如果冇轉省左手績費上年交行就要硬收0.27(打個和)
      又真係的、建行0.274真係比交行0.27多0.04~~~~
      小弟只是賽後轉倉檢討回想~~~那次轉倉做得不足~~~

      刪除
  4. Google SEO 我都摸索緊,而家網店流行,搞得掂真係正!

    回覆刪除
    回覆
    1. 未有網店時, 十幾廿年前已用緊.

      男主人走在時代尖端....哈哈!

      刪除
  5. 恭喜!羨慕70兄自由成功,口水一大片.....下省三千字。
    另外上次介紹的模型店,果然價廉物美。阿仔超喜歡,已經瘋狂掃貨幾件。謝謝啦:-)

    回覆刪除
    回覆
    1. 去左邊間?
      模型倉? 精品? 福利?
      模型倉是朋友開的

      刪除
    2. 哈哈,去左褔利和精品,模型因為唔近mtr所以下次先去。
      晒70兄出來扮熟唔知有折扣沒有?哈哈

      刪除
    3. 應該無折,本人才有少少。
      同埋得老闆認得我,員工識我老鼠。

      刪除
  6. 回覆
    1. 只是我年紀比你大吧.
      儲到的錢自然多少少

      刪除
  7. 恭喜哂70後兄!財務自由後可以日日砌Gundam了=)
    (Btw最新套高達在日本點解收視咁低既~?)

    回覆刪除
    回覆
    1. 日日砌GUNDAM 比人鬧架可能. 陪多D 小朋友才是目標.

      新個套? 鐵血的孤兒? 因為佢叫高達但D 樣又唔係高達, 致命傷, 老中青唔睇, 小朋友睇唔明.

      另, 日本做緊雷霆XX, 應該幾好睇.

      刪除
    2. 雷霆戰域兩邊都打到俱亡咁

      刪除
    3. 聽你講完,昨日星期日連追哂三話,正喎!!
      之後即晚睇埋漫畫版,完來劇情是同步。

      刪除
    4. 外傳好睇D,起碼唔會有個新人類走出黎屈你機

      刪除
  8. 70 兄, 本人現在煩緊加按屋借100 萬 出來買REITS 收5% 息, 年息3 厘, 因為我從來無控制過咁大舊錢, 可以分享下心得嗎?

    回覆刪除
    回覆
    1. 無乜心得無乜經驗.
      不過而家鋪租急跌中, REITS 真係可以維持派息?

      刪除
  9. 輝立真係咁唔好用???仲衰過一通嗎??

    回覆刪除
    回覆
    1. 一通佣平,自助。
      輝立,至少股票分期係搵笨七。
      千祈咪用。

      刪除
  10. Congratulations ~ 其實70兄之前預大幅減派息是十分保守。祝早日達成!

    回覆刪除
  11. 可能多左興趣又多左洗費呢,CARD GAME無窮無盡的

    回覆刪除
    回覆
    1. 是的。
      影印qr code 都用到,變相唔駛買卡。

      刪除
  12. 57萬,搵多份兼職都搵唔到咁多
    利害

    回覆刪除
    回覆
    1. 做生意同打工的分別。
      蝕個陣無人可憐你的。

      刪除
  13. 恭喜!打爆機了。可以玩第二隻!!

    回覆刪除
    回覆
    1. 已係第一季成績好少少。
      未爆機,未投得胎住。

      刪除
  14. 57萬,恨死人咩!
    我今年就慘啦,應該得返5/6萬蚊股息,一黎套現左無投入返,二黎持有既都減派息,重要減唔少添,除非將手頭上既買返晒,先叫有少少增長,如果唔係得返上年既一半。
    早d睇定租盤,揀多幾間都無壞,等你報告租務市場近況。
    小蘿莉越黎越可愛,我見唔少細路女以至宅男都有玩呢d card game,似乎係無底深潭。

    回覆刪除
    回覆
    1. 呢d card game 係幾好玩。 卡又靚,儲黎睇都好開心。
      好多盤賣唔去,變放租。租又無乜成交,但樓價跌得更快

      刪除
  15. 我都有個跑數目標,就係保持1/3cash,2/3資金買野收生活費,年息4.5%計,每月收6萬。

    回覆刪除
  16. 去邊度買模型抵?呢排想砌返部PG

    回覆刪除
    回覆
    1. PG 有排砌。
      都係深水步福利,玩具模型倉,精品。
      格下價,三間互有平貴。

      刪除
  17. 很喜歡看你的Blog,一來自己也是喜歡砌模型,二來最近研究投資。
    看到師兄之前的Blog說原本沒甚麼身家到現在收息收到手軟,真的是小弟的奮鬥目標!

    回覆刪除
  18. Many thx for the great article! Would you mind sharing your recommendations of private banking ?

    Thank you

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...