小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年3月14日 星期一

我可以唔撈嗎 14 (千金難買少年窮)

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3 (減父母家用至自由咁仆街?)
我可以唔撈嗎 4 (葵花寶典)
我可以唔撈嗎 5 (你真係信做埋唔夠交租?)
我可以唔撈嗎 6 (幾日千萬富翁)
我可以唔撈嗎 7
我可以唔撈嗎 8 (我係溫室小花,你做唔做得起?)
我可以唔撈嗎 9 (性格是遺傳)
我可以唔撈嗎 10 (唔同年紀, 目標不一. 六十歲仲講有收租樓?)
我可以唔撈嗎 11 (讀書真係無用?)
我可以唔撈嗎 12 (深水埗玩具模型倉有我整0既模型)
我可以唔撈嗎 13 (買夠貨)

哈哈...本來想寫下小小大地主思維, 不過真係寫得太多, 無謂悶親各位, 又廢事比人以為我詞窮啦.

搬屋在即, 兩個月唔買高達, 只砌.

買機動世界送0既 1/144 RX-78-2 VER KA
跟本係國產級數, 砌到講粗口! 今次噴珍珠色系.


講資產

錢, 男主人現金15x萬, 女主人兩球以上. 男主人每月有14萬<股票分期計劃>要還, 預計現金只會越黎越少, 如內銀派息不變, 預計兩年貸款會係一年內還清.

強積金及保險太少, 計黎無謂.

股票, 200萬股建行, 跌左蟹左. 不過總好過買渣打銀行0既. 有冇息派一件事, 暫時唔覺得有轉0既著數, 因小弟股票亂九黎, 勿跟.

講負債

東亞仲有三期, 每期二萬幾.
輝立, 唔好用! 仲有23期, 每期14萬. 其實欠310萬左右, 預計年底或可以還哂. 不用攤開兩年.

講樓

簡單講下, D 盤最殘最細, 仲未肯接受現實, BC 盤已同佢地差1000-2000 價位, 有個別盤幾百而已, D 盤真係慢慢等養老鼠.

男主人住B 盤, 租金已平左一二千, 走就必然, 換個新地方.

"唔溝多D 女/識多D 女, 又點知自己鐘意D 乜?? 你唔係靠SPEED DATING 睇兩野就覺得環境好交通好就去馬結婚下話?"

講工作

依舊順利, 如月固定收入. 無計過幾錢, 不過至少過15萬0既, 暫不能減產, 至少要肯定股票分期還哂先.

女主人個邊, 生意係差左, 好明顯樓市一縮大家消費意欲下降. 好事黎, 無乜開支個D 人繼續多D 錢, 加錢向上租樓又無乜。 無租收個D 繼續交錢, 利息比銀行, 管理費等等...

講股息

建行上年派0.301 人仔, 今年如KEEP 到已經超標, 派0.27 就達標, 如派0,2 或以下我就慘慘豬了!

計過數, 派0.301 我真係可以完全自由, 加上佢價升做SHORT CALL, 三四年內應唔駛煩.

************



再砌國產紅迷背包!主體完成左好耐,放左係深水埗玩具模型倉。星期六拎番番黎砌埋背包上去。
如你見到有時星期五有個四眼仔同個老闆吹水,可能係我黎。入面而家重有部GUNDAM DX + G FALCON 係我架!


地址:深水埗黃竹街15號,即係黃竹街球場側!

***********

三四年後? 到時現金又會更多了.

相比無窮無盡0既"優質生活", 我更希望可以做自己鐘意做0既事. 小朋友現在已經有一個唔錯0既底子, 走去鬥名校鬥補習其實無乜意思.

聰明的會聰明, 唔叻0既, 去做BIG POND LITTLE FISH 只會帶來自卑人生.

究竟, 邊個帶出港豬教育遊戲? 呢堆大茶飯, 邊個既得利益者?

我們這群學歷OK高, 搵錢算係OK, 有美滿家庭的人生上半場嬴家, 童年是什樣煉成的? (當年有點錢又出國都同學現在又如何? 當年玩走線同人爭搵份好工的機會主義者又去左邊?)

我都係個句, 錢堆砌得到的, 人人識做有咩用? 你真係覺得唔做會輸?

無論你有幾有錢, 幾多SUPPORT, 你永遠都嬴唔到公屋仔半夜匿係屋企個廚房一路溫書一路打甲由果種人.

千金難買少年窮

我講0既, 都係一般例子, 如你講你有個朋友(但又唔係你自己喎)點點點, 呢D ON9 諗法唔該自己收番埋吧。

我只要求我的小朋友知道自己鐘意D 乜,知道自己想點。而非我地家長帶動,我地只能帶佢見識見識。

呢樣亦係自由後其中一個目標

當然,高達繼續砌!


左邊係國產,右邊係BANDAI RG RX-78-2,年半前作品,邊隻靚D? 唔知有冇進步過呢? 

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

39 則留言:

  1. 呵呵70后兄的生活真的十分愜意,好多人恨都恨唔黎呢=(

    回覆刪除
    回覆
    1. 你睇我好,我睇你好架咋。
      無,有知足的快樂。
      有,有唔夠的煩惱。

      刪除
  2. 「千金難買少年窮」對你的小朋友未必適用,「千金難買早來輸」可能比較有用。

    回覆刪除
    回覆
    1. 對的。
      好彩股的跌市早出現,今次先可以輸少當贏。
      樓就慘了,而家先來一獲,人人儲夠貨先falling.

      刪除
  3. 男主人呢句係要同天下睇唔起公屋仔既人講(雖然佢地可能都係公屋出身)

    回覆刪除
    回覆
    1. 等同舊移民定左居笑人地新移民。
      公屋長大話人爭輪公屋。
      最不知所謂就係呢d.
      好多人白手興家都未出聲,班小小小地主就串到要人同佢世世代代做奴隸咁。

      刪除
  4. 「公屋仔半夜匿係屋企個廚房一路溫書一路打曱甴」--呵,在說池某嗎?
    其實這種生活還是頗有樂趣的,至少當時是這樣想,只是後來有了比較,回想起來才覺悽苦。

    回覆刪除
    回覆
    1. 對, 當時根本無比較, 唔知原來自己在苦讀.
      其實都幾好玩.

      刪除
    2. D高達就靚,但你影得唔靚

      刪除
    3. D高達就靚,但你影得唔靚

      刪除
    4. 哈哈,手機影又無美圖。將就下啦。

      刪除
  5. //我們這群學歷OK高, 搵錢算係OK, 有美滿家庭的人生上半場嬴家, 童年是什樣煉成的? (當年有點錢又出國都同學現在又如何? 當年玩走線同人爭搵份好工的機會主義者又去左邊?)
    我識得的最叻走線的女同學,去了單細胞中學,而家在A記保險做區域總監。其餘的不值一提。

    //你永遠都嬴唔到公屋仔半夜匿係屋企個廚房一路溫書一路打甲由果種人.
    我就係在木屋公屋同貓仔狗仔雞仔玩大的!

    回覆刪除
    回覆
    1. 我石屎森林, 同埋年紀細過你(哈哈哈!)
      都係入機鋪, 抽閃卡, 踢波打藍球.
      仲有0既, 去同學屋企睇咸碟

      刪除
  6. 右邊個隻醒目D. Joe

    回覆刪除
    回覆
    1. 右邊多水貼又多分色呀!
      終歸係左60右120 價錢差一倍.

      刪除
    2. 請問,邊度買高達模型(未砌)會便靚正?聽人講,淘寶買質素差,唔知真沒?謝謝。
      本人阿仔近排好喜歡砌高達,今天剛剛8歲。平時去吉之島買盒裝砌多。型號多到頭暈@_@

      刪除
    3. 如小朋友砌, 不要淘寶老翻模型, 好難砌的. 我只會淘香港比人炒貴個D BANDAI正版.

      香港買吧, 小朋友都係睇近期D卡通,深水步有三間, 一定平過吉之島一截.

      深水步 福利模型
      深水步 玩具模型倉
      深水步 精品

      三間都有FACEBOOK PAGE 可以SEARCH 下.

      荃灣川龍街都有一間, 點都平過大型商場.

      刪除
    4. 多謝70後兄用心回複。今個星期六日,帶阿仔去望下尋寶先,謝謝!

      刪除
  7. 70後兄有美滿家庭,有成功事業,最緊要係有趣!簡直係偶像:)

    回覆刪除
    回覆
    1. 你過獎了。
      我年紀比你大,你有更無限的可能。
      加油。

      刪除
  8. 70後兄有美滿家庭,有成功事業,最緊要係有趣!簡直係偶像:)

    回覆刪除
  9. 睇到有點自卑添。。呵呵…

    回覆刪除
  10. 終於追到第 14 期了, 好野~
    男主人可以講下點解 輝立唔好嗎? 另外我想知零售市道係咪真係差左好多? 仲有我粗粗地計下如果建行KEEP 到派息, 你都有 24 萬落袋. 呢 24 萬輝立會收你幾多費用? 我之前睇過O2 個BLOG 變晒做實物股票, D 手續費唔益銀行OR BROKER, 男主人你點睇?
    另外我分析建行應可維持派息, 不用太擔心.
    "我們這群學歷OK高, 搵錢算係OK, 有美滿家庭的人生上半場嬴家, 童年是什樣煉成的? "呢句好岩聽!
    祝早日財自~

    回覆刪除
    回覆
    1. 零售市道應幾差。從運輸業朋友可見到,我玩模型識的。
      200 萬股建行派息約63萬。變做實物股票好在手續費少,留在行可做 cover call.
      最方便係開個caass戶口。
      其實銀行收手續費先高,證券行收幾平。
      輝立分期搵笨,有空再行文。

      刪除
    2. 輝立case study:
      http://magician__yang.mysinablog.com/index.php?op=ViewArticle&articleId=13111982

      刪除
  11. 其實你鐘意聯邦定自護?見次次都係高達咁濟

    回覆刪除
    回覆
    1. 我唔好渣古, 所以好多敵方機都唔駛砌
      我有卡碧尼, THE O...

      刪除
  12. 70 兄,請問租盤成交數據係咪得大地產代理網上的3 個月資料?想搵返同一年前比較可以點?
    TK

    回覆刪除
  13. 剛發現各下的BLOG, 好有趣, 一路砌高達, 一路講投資!

    回覆刪除
    回覆
    1. 客氣了,多D來交流交流~~
      高達我好低手,只係自己開心就砌,工序求其莫見怪。

      刪除
    2. 砌高達係我童年時玩意, 最近人到中年才重拾興趣, 又因股市淡靜, 每日下午有空上網找找高手教學, 希望賜教! BTW, 你的自制抽風箱很好, 希望我可以照做, 謝謝!

      刪除
    3. 我係低手。
      不過整抽風箱我算叻,因為同模型無關。哈哈。
      真係幾正,無味,嫌大風又可較速度。

      刪除
  14. 建行今日出業績了,好緊張啊~~~

    回覆刪除
    回覆
    1. 你好,每1手派287蚊左右。扣左稅同少少手續費。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...