2016年2月25日 星期四

我的女朋友系列 外傳一


上文提要

<了解我的初戀 八千里路雲和月>


話說, 年初二番外母屋企食飯, 之前同老婆行下荷里活廣場...講開某小學, 講開原來我第二任女朋友都好似係讀呢間. 老婆串我, 不如一齊約佢出黎食個飯!


行荷里活買左呢個.

哈哈, 人地結婚生埋仔, 鬼睬我/佢.

不過, 我認真講左句, 如果真係見到, 我呢個(EX)"外傳一號"應該會自卑.

點解? 因為講樣, 我老婆靚幾條街, 講身材都係完勝.廢柴D 講句, 講收入, 都係我老婆都係完勝...

我諗如果真係有得揀, 會一面倒投女主人一票.

有BLOG 友叫我講下D EX 咩樣, 我又講下....

佢, 高瘦平. 170CM 但好瘦, 識佢果陣, 我先得22歲, 佢18, 仲讀緊中七. 女校出身, 英文非常好, 乖乖女一名, 有d 似唔靚素顏版張可頤. 同上一任一樣, 我又係佢0既初戀.

當初點解同佢一齊? 我又係唔係好知, 如果走到最後睇番最初, 應該係....

"搵一個鐘意自己0既人, 好過搵一個自己鐘意0既人"

呢個只係當時諗法, 絕不代表現在想法.

無可否認, 佢最好0既係, 填補左我失戀0既空檔...係我自信低落0既時候比左唔少支持我. 拍拖都係行街食飯睇戲, 當年經濟唔好, 基本上睇戲實有好多位, 食飯直入唔駛等(除非你去名將個D 窮人恩物啦). 經濟唔好一定人工減? 非也, 我人工節節上升! (現今樓價跌三成, 人工都最多跌一成, 邊個suffer? 笑人工跌九成個d 真係好可笑...資產泡沫同經濟下行唔一定同步喎.)

當時我收入到係萬幾二萬左右. 因為我都讀緊POST GRAD., 如果最初係做待應, 果陣我已經炒緊旦. 只係當時係普通滑旦, 功力未夠火喉未夠.

同佢一齊大約係2003-2004 左右. 當時佢仲沙士考ALEVEL. 我成日都覺得係咪拍拖拖累學業, 不過佢話唔係啦!

分手? 某一個MOMENT 比佢FEEL 到我唔鐘意佢, 佢又傻到問我, 我咪SAY NO...就係咁就分開左.

我阿媽對佢評價都OK, 就係有禮貌. 佢阿媽? 話我係獨子負擔大, 其實都ON9, 搵到就無乜負擔. 通常有呢D 諗法0既女人, 佢地另一個仔通常都不孝, 報應黎0既.

分手後一兩年, 曾經有一個MOMENT 佢想離開現任男友(即而家個老公)同我復合, 只等我開口, 不過, 我無講, 因為我知道我唔會鐘意到佢一世.

原因?

一黎外表唔係我杯茶(其實佢唔係差, 有點似醜版張可頤, 又高.), 
二黎我覺得佢太蠢, 
最重要係, 我覺得佢唔明白我係一個鐘意唔穩定工作0既人!

當年, 我剛讀完POST GRAD., 可以去做某薪高糧準半專業人士(至少功能組別有一票, 我UNDERGRAD 又係另一個功能組別). 我估佢都想我去做, 咁就可以肯定將來生活正常穩定.

可惜, 我唔係咁諗, 如果要咁樣做, 我不如一開始就做番UNDERGRAD 果行啦.

我想走不同的路. 或者, 佢以為我一路炒旦都只係暫時性, 只係一份PART TIME.

你要女人定要事業? 喂, 而家唔可以兩者同時都有咩!?

搵個明白你事業0既女人啦傻仔...真係睇得太多tvb 了. 

砌緊 852 gundam unicorn! 稱為可能性之獸, 事情點樣發展有無限可能性! 唔一定讀書搵工買樓結婚生仔之後死0既...好多事情多數可以一箭雙雕而非等價交換!

要搵, 緊係搵個互相鐘意架啦!!

十二年後, 而家佢係點? 好似用生育技術生左對龍鳳胎, 做左小學英文老師, 生活應該好OK. (男家個邊有點錢. 只係老公又老又七...) 佢老公, 係佢中學時代0既老師, 大佢十二年, 果真穩定職業.

(講明先, 我覺得老師多無賴, 同以上完全無關, 因為佢地年齡唔係我講果班麻煩友之內.)

33 則留言:

  1. 呵呵,之前留言話想開個樣的blog友,應該包括我吧=)

    一般心地唔好/同自己唔夾的人,我們都會傾向覺得佢係醜哋。期待70後兄繼續分享呢^^

    回覆刪除
    回覆
    1. 是的. 不過我估我溝得0既都仲係女仔樣, 唔會令人食唔落飯0既。
      再者,係靚係唔靚,我都會實話實說。

      刪除
  2. 男人又老又7, 唔緊要,
    靠份穩定職業,
    就可以呃到個老婆返黎,
    生埋對 仔女, 正呀。。

    回覆刪除
    回覆
    1. 咁人地有感情0既,但係師生戀就有點問題。
      打從最初,用左自己個AUTHORITY去建立好形象。

      刪除
  3. 等緊女主人出黎表態, 呵呵XD

    回覆刪除
  4. 打左咁大篇野,重點係女主人完勝,咁兜個圈讚老婆實冧啦!

    回覆刪除
    回覆
    1. 咁事實女主人完勝。
      千揀萬揀啦,你溝得越多女/比女溝得越多,就會知自己鐘意D乜。

      刪除
  5. 有時感情嘅野好難講,身邊有女仔本身係富家女,自己搵緊3,4萬一個月,都同左個大一個生肖嘅人一齊。

    今日做老師真係好易癲,識得人淨係追飯錢都做到癲(彈票/明明冇交過又話自己有交)

    回覆刪除
  6. 哈哈。睇落反而有小小似吃不到的葡萄,定係河東那邊有壓力?

    回覆刪除
    回覆
    1. 唔係卦,真係不太大興趣食回頭,二奶都包唔過喎。。。

      刪除
  7. 女主人完勝,咁先可以繼續寫..哈哈

    回覆刪除
    回覆
    1. 都可以咁講。
      不過,事實的確如此。
      其他外傳有1/4混血。。。

      刪除
  8. 你同女主人對買樓時機問題,睇法有冇共識呀?

    回覆刪除
  9. 做男人做到咁仲好似好威咁,幾句説話睇清楚晒你人品如何!就算俾你成日話某個位隊長都至如咁啦?

    回覆刪除
    回覆
    1. 係喎,我真係廢柴一條,千祈咪學。
      匿名兄你好。

      刪除
    2. 同感. 睇完呢篇,即刻覺得70兄唔係好人.
      你EX見到會好唔開心呢.
      Bonnie

      刪除
    3. Bonnie 你好,佢不會見到。
      不嬲都不以好人自居。
      我壞到不得了啦頂。。。
      女主人都講,一定有d 唔靚既女人出來反擊,意料之內。
      Blog 非搵錢,想講乜就講乜。
      建議不要再來,因其他系列係講拜金,猴禽,口氣臭,肥妹。。。乜女都有,可能會中各位要害。。。

      刪除
  10. 回覆
    1. 你指外傳這個女朋友正, 定係指呢篇文?
      同買股票一樣, 買完唔理佢十年八年睇番....

      哈哈, 佢已經變成阿嬸了(佢本身個人都不太貪靚), 反而女主人就重省得下鏡(平均食一餐飯都比隔離男人望, 人數為2)!

      刪除
  11. 我都係獨子,一人供養父母,「以相同資質」的人來比較,負擔相對較大,不過又可以培養自己的責任心和有原動力去提升能力啫。

    回覆刪除
    回覆
    1. 無錯, 至少細細個就想讀好D 書第時改善佢地生活環境. 當然大個發現讀書有用但同搵錢相關性又未有咁直接!

      不過我係古代港童, 三十幾歲人連摺衫, 炒隻旦都唔識. 家窮但溺愛是一樣的. 亦都係形成我乜都唔怕講出黎0既原因之一.

      刪除
  12. 回覆
    1. 步步你好
      外傳二係四分一中日混血兒. 不過我唔敢寫, 老婆好唔鐘意佢...
      可能寫下比人追0既經歷. (當港女知你炒旦搵得多, 真係會主動追你架)

      刪除
  13. ex的事,記住好的片段就ok。
    男人結婚前,越多拍拖經驗,其實就越好! 搵最夾的,結左婚,永遠屋企老婆係最好。


    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...