2016年2月19日 星期五

男女主人的地產經紀

呢篇係忽發奇想打0既...

本來應該係感情二三事的外傳, 不過思考良久未能好好講解, 不如SKIP 左先.

似乎, 就黎連我無太大興趣0既樓市, 都可以寫一個系列.

仲有, 近期高達攪左件大龍鳳出黎....完成左自己能力範圍外0既事, 特別開心! 砌左騎士高達!!

KINGHT GUNDAM 1/100 BASIC MODE RESIN KIT!! 

呢隻野唔係BANDAI 出架. 要用MG WING GUNDAM 骨架再買左二百幾人仔GK白件黎砌!

女主人問, 做乜買白雪雪0既件....因為呢, 反正都會上色, 佢本身係咩色根本唔重要~!



兩幅圖有咩分別? 原來SM08 再上透明紅琺瑯漆有如此效果!!! 件斗篷我求其搵個女D 顏色紙剪出黎. 我呢D 業餘人士, 自己開心就OK 啦.

講番正題, 男女主人, 不論係鋪定係住宅, 都係用開一個AGENT.

不約而同, 佢地都好平民好住家FEEL, 都係中年人士, 至少清楚我地想點, 又表面老老實實.

住宅果個, 其實係因為三年前租樓識, 未簽組條業主已經好麻煩, 煩到AGENT 都怕左佢, 我估而家呢個勢, 個業主已經唔可以咁串.

講番呢位經典人物, 教壁球, 收入唔多, 好彩佢有個長輩無兒無女, 死前送層樓比佢. (FULL PAY 的), 簽租約時不停強調自己好多樓收租又話自己做會計, 其實完全無料到, 一間D租盤(本區最差的), 一間大角咀舊樓單棟(點解我知? 佢諗住入小額錢債告我要寫自己地址, 遲D 寫文教下各位安全以按代租), 再加一間天水圍居屋....WELL. 真係好多錢喎...賣左都唔夠我找條股票數.

講番AGENT, 老婆又同佢UPDATE 下我地想搬大D, 佢即SEND 左佢公司內部電腦CAPTURE SCREEN 比我地睇. 價未0岩, 搬就一定, 最多搬番同SIZE又可以慳番千幾蚊一個月! 無錯, 照計番中間價, 應該講完價可以平.

(廢事比人話我扮70後求死...CAP 埋圖, 並非吹水, AGENT 識就話識, 唔識唔會玩終極幻想!)


下? 搬有成本, 又要比佣? 係喎! 咁叻仔比你發現左, 不過住屋都係開支, 住舊左唔鐘意咪搬, 同一屋苑又唔影響交通.

當年果位傻仔業主, 覺得比我以按代租好慘, 仲千叮萬囑要AGENT 係租客備註寫明:

"不可兩公婆都是做生意!" 下圖為証! 自動轉賬又係笑死人...要CUT 又有何難? 而家CUT 有線咩. 佢年紀同男主人差唔多, 不過水平真係....唔怪得佢仲係毒J 一條! (我點知? 搵到佢FB 啦....)



真係正爆!

同樣, 老婆租鋪都係用開一個, 貼心又明白我地要幾大, 因商鋪唔少係老人家業主, 我地呢D 新行業全靠AGENT 溝通先租到好野(唔係平貴啦)! 不過, 呢兩年都應該無搬鋪0既需要喇!

今日又睇下新聞, 唔知真定個別事件, 唔少新界西同北都已經番番2013 年價格喇. 即使你2013 買, 都仲有租金收, 但點解唔叻仔D 之前賣左佢?

樓唔同股, 你估真係會反彈就反彈? 果種MOMENTUM, 要積聚多少才會轉向? 你睇下樓市一路上升期間, 幾多淡友變好友需時多久?

即使我係淡友, 都唔代表唔會買, 跌多三成已經可以用呢一刻現金安全買入, 唔使沽股票, 亦唔影響我還股票分期條數.

相比成八位數字0既樓, 現有租金使用跟本九牛一毛, 等待成本十分低.

相反, 千萬盤, 管理費差餉都要三四千一個月, 現值租金七除八扣, 回報真係少得可憐....

股票蟹左其實唔太膽心, 因為機會時時有. 樓蟹左, 真係一等就十年八年.

又計下數, 例如800 萬0既樓, 只要首期320 萬就攪掂(未計其他駛費), 呢一刻我同女主人現金已經達到有突啦. (估計現有約380萬)


石破天驚拳!

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

18 則留言:

  1. 老老實實啦;其實會唔會趁勢買樓?

    回覆刪除
    回覆
    1. 買乜都要趁勢,不過而家仲有排跌。
      邊有人買樓咁on9?

      刪除
  2. 管理費越來越貴, 又係另一種間接稅......

    回覆刪除
    回覆
    1. 稅?都唔係政府收喎。
      管理公司都係做生意要搵食,掠收租仔一筆係正常。
      如我有得揀,我都會特登加收租仔價啦,租金上升,收租仔都要食,唔搵佢地硬食搵邊個笨?

      刪除
  3. 真係咩業主都有...你忍到佢都好野

    回覆刪除
    回覆
    1. 佢真係乜都唔識學人收租個D, 我特登玩佢0既.

      佢煩0者, 最後我激到佢鬧我唔交租. 仲白痴到想用佢條鎖匙入我屋, 如果唔係保安發現, 我估差人已經拉左佢.

      刪除
    2. 你估下?咁少錢,我又唔會厄佢錢既。
      不過玩9 d 傻仔係好過癮。

      刪除
  4. 好奇一問: 男女主人現金流咁強勁,租樓budget係幾多?

    回覆刪除
    回覆
    1. 真係好彈性, 幾K 又租過, 十幾K 又租過, 廿幾K 係女主人心中BUDGET.

      刪除
  5. 不少好友~覺得淡友是因為不夠錢才看淡,實際是他們太主觀而已。

    祝70後兄及太太搵到心頭好呢=)

    回覆刪除
    回覆
    1. 相反, 好多好友以為自己好夠錢好安全....實際D 錢只係加按賬面.
      要還0既.

      刪除
  6. 個 agent 好吹得, 吹牛個吹
    樓市正常調整0者, 都仲未最急跌
    慢慢0的人等錢駛就黎料0架啦。。。

    回覆刪除
  7. 真係各說各有理。好友覺得龐大需求仍在,元朗新盤賣萬元一呎已引發人龍。淡友覺得仲有排跌。真係要拭目以待。

    回覆刪除
  8. 依家d新樓盤,特別係d高級劏房或者細單位,已經同同區既二手樓價差唔多,咁d人既心態梗係買新唔買舊,而依家香港經濟仍未急劇惡化,有樓既人暫時都唔會急放。不過新盤慢慢會吸走d購買力,到二手樓真係想放既時候都無人接lu。

    回覆刪除
    回覆
    1. 政府似乎有意放寬逆週期措施以釋放購買力了,新盤未必能吸走所有購買力的,還是有一部分會流到二手樓。

      刪除
    2. 似乎, 即係未必
      有意, 即係未諗定.

      個人認為, 經濟唔到底都唔會變措施. 唔係樓價...
      樓肯定跌得快過經濟, 即樓跌三成, 人工只跌一成.

      刪除

各位每個留言,係我繼續9UP動力,必覆。

Related Posts Plugin for WordPress, Blogger...