2016年2月5日 星期五

鋪王其實都係我個客!

果D 收租仔呢,又無乜錢個D,出書又話自己好巴閉個D,已經死X左無野出。我係話緊求死隊長個班人,已經無哂墨水。出野?佢地女都無,射去牆度啦。。。

我呢度唔係投資BLOG,唔係搏出書,唔打算用黎搵錢0既,寫乜都得,長寫長有!各位0既留言,令我更敢言!

點解一開波講佢?因為條友成日唔夠講就搬佢D前輩朋友出來,又話佢地點樣唔駛撈點樣做善事。(但真係唔知有冇此人定係睇新聞見到當係朋友)。又例如果件小小雜卒老年公務員歪思,大家當前輩,其實講錢跟本唔入流,講工作成就就更加濕九。

(兩姐弟感情好左,個女似我!哈~)


UM。。。講識人?成日話有個"朋友",即係邊個?我有喎原來。

今日睇新聞

舖王波叔:2018年先至好上車

原來佢D"子女"三年前開始都係我個客!我都係今日先發現。

之前都聽過唔知咩咩鋪王咩咩關係,我不以為然。

我仲曾經覺得佢唔適合食我D炒旦,諗住唔再賣比佢。

我SEARCH 下D關連公司,先發現支票台頭係其中一間。哈哈~

話時話,人地對我都好有禮貌

同女主人D客一樣,越富貴,越好禮貌。

最無品就係個D有少少錢又唔係多但又想扮勁個班(即係DISCUSS入面郁D就叫人上土審個D傻仔啊!)。又或者係老師!認真,十個老師(三十至五十歲),七個仆街,尤其係住堆田區個D。持住自己扮講道理R呢樣R個樣。

相反,男主人唔怕呢D,我真係澳牛炒旦,可以唔做你生意。結果,D老師/有錢/無錢/強國土豪/鬼佬鬼婆都好尊重我。

能夠有份咁0既工作,真係三生有幸,當然我真人工作唔寸,只係覺得如果你認為唔0岩食不如唔好食!我用心制作事事親力親為,係本身咁細0既市場上應該無乜人咁做。

阿鋪王子女當初告知佢無貨供,當然好有禮貌打黎傾計啦,最後都無事,我好少下逐客令0既。

題外話,阿女主人有兩球現金係HKB,為左唱新銀紙去同經理SOCIAL,經理又係得兩層細價,又同女主人講樓價會回升。

經理覺得樓升原因?好多人結婚,所以有需求!

呢個原因,夠哂仆街。而家飢荒,買定D米賣比人?當然,呢D心態,總有報應。

其實結婚潮已過,我識個D影婚照0既舊同學,係FB都收哂皮!平時影完又POST相,客人又讚下佢地!而家,真係靜英英。

個人認為,需求主要係投資帶動

男主人近日睇到個租盤,追蹤一下,發現佢由$26000,每日減10蚊,日日係我手機個推播通知出現話減價。真係好無聊。

計下數,月供26000,息口1。8厘,樓價只值七百萬左右。實際上呢個單位最近成交都11XX-12XX萬。跟本COVER唔到。

女主人聰明豆上身,話人地買得咁大間,可能好有錢,或者一早買落!

又係喎!一早買落個班歪思之流,教人整餅,其實整埋個安全網比自己。

2015買而家已經要蝕賬面。2014 都打和。

好快到2013買個班了。

當銀行一路縮估價,你估加按重得唔得?惡性循環性之下,真係會有反彈?

期待二月尾租盤變化,大家話過年前係淡季,又睇下過年後係咪多D人租?

當你月供三十年,你當租金都係回報,少收一個月,就少收一個月,永不回頭。三十年後,層樓係你,到時你都老啦,仲講呢D?不如睇下你有冇老婆,仔女是否孝順把啦。。。。<我可以唔撈嗎 10

唔同年紀有唔同FOCUS呀!


女主人有日神神秘秘消失左,原來去左灣仔鴻興買玩具比我!

好大隻黃金戰士啊!! $1999!又放係公司做神物~!

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

51 則留言:

  1. 塘人覺得最串既女性通常都從事兩個行業, 一係教師, 二係服務業

    回覆刪除
    回覆
    1. 係,真係唔知好人好姐做左老師會咁衰。
      護士空姐都唔會咁。
      可能平日抑壓太多,找人發洩

      刪除
  2. 女應該似媽咪先好? 靚女呀嘛

    我係 google 歪思個 blog 先睇到呢度. 一路睇都好認同收租仔好 pk
    歪思反而係食正經濟高速增長個浪, 加上槓桿先有咁大成果姐. 咁佢聲稱返內地做善事幫下人都幾好既. 積福.
    歪思應該為"分享經驗". 但收租仔同財演係為增加知名道出書開班.
    最慘係有港豬俾錢上船, 等佢地仲話"加價" lol

    回覆刪除
    回覆
    1. 聲稱做善事,何不在香港做?
      可能坐洗頭艇順手救國。

      佢咁教人,其實係幫自己整堆buffer.

      佢幾錢入? 佢d 信徒又幾錢入?

      刪除
    2. 「加價」以免俾人買貴哂啲投資物

      刪除
    3. 哈哈,積左既福太少。
      折墮折壽就好有可能。

      刪除
  3. 黃金戰士,正呀。30幾年前我媽買過俾我。而家都仲記得。

    回覆刪除
  4. 男女主人, 你地兩個都開檔做生意, 平時邊個揍仔呀?

    另外有個小觀察, 就係香港過去十年一個樓市大浪, 中間有個YC; 同2007前美國次按爆煲前, 都有一個富爸爸。情況真係好似......

    回覆刪除
    回覆
    1. 平時四大長老來幫手湊,夜晚都要老婆湊。
      家有一老,如有一寶。

      刪除
    2. 依家仲有乜sir, excel股神,軟飯爸爸等

      刪除
    3. http://property.mpfinance.com/cfm/pa3.cfm?File=20140123/paa01/lah1.txt

      刪除
    4. 嘩,真係要食埋軟飯先夠!得個三皮野一個月學人講財務自由?當年當yahoo 新聞睇左就無理過呢件饅頭。

      刪除
  5. 不知何解? 女性老師真的串,住同一大廈,早上電梯遇上叫聲早晨,當我透明一樣。 Joe

    回覆刪除
    回覆
    1. 係。
      男老師又無呢d 問題。
      可能佢地太辛苦,番到屋企老公又無x佢。變成super dry 荷爾蒙失調。

      刪除
  6. 超合金黃金戰士?好羨慕呀!

    回覆刪除
  7. 跌10% 己收左聲, 真正入肉急插時會點呢?
    好期待....haha

    回覆刪除
    回覆
    1. Haha...佢寫都無野好寫啦。
      有幾多真見識?只係樓價上升個陣一朝得志0者。

      刪除
    2. hehe,資產同負債比太懸殊,要好高技術先玩得到,就好似用兩只手拋四五個波咁,玩得最多果個叫小丑。

      刪除
    3. 有二按, 做餅,
      但估價一跌, 銀行就call loan
      銀行好鍾意 落雨收遮。。

      刪除
    4. 作者已經移除這則留言。

      刪除
    5. 有排都未到call loan...咁又太誇張了。

      刪除
  8. 我估計哩一波樓市跌幅大概落到去CCL120左右就會有一班人出黎買樓, 然後樓市好友會有幾季開心...... 但未來兩、三年大方向都係繼續向下。

    回覆刪除
    回覆
    1. 同升市一樣,總有調整位。
      不過下行就幾肯定了。

      刪除
  9. 依家好多仆街,都係讀過下書,搵到叫中產人工,住緊d偽豪宅自以為人上人既羚羊。
    好多以為自己有d學識,講既就係道理,但其實佢哋只係困係小小既圈子入面,待人處世都唔識,老師係其中一行。

    回覆刪除
  10. 樓市升左咁耐,睇黎都係要還既時候

    回覆刪除
    回覆
    1. 預左要還.
      最慘係比人老點個班...
      股蟹左, CYCLE 短, 可以好快頂到.
      樓, 高位買左, 一等就十年以上.

      刪除
  11. 男主人覺得呢年內樓價回唔回到去13年價呢 ?

    回覆刪除
    回覆
    1. 點知呢。
      不過,我想佢慢慢跌,溫水煮蛙得個桔。

      刪除

  12. 湯文亮料樓價6月才見底
    Apple Daily 蘋果日報

    【本報訊】政府數據確認樓價跌勢已成,紀惠集團行政總裁湯文亮認為樓市上半年會急跌15%,直至6月份才見支持位,全年二手成交量有望回升逾16%至4.8萬宗。


    CCL跌至60周新低
    湯文亮指出,今年樓市上半年會急跌一段時間,整體有15%,下半年才會靠穩。下跌集中細價樓市場,高價貨甚至豪宅都不會下調。他形容,「今次唔係成個樓市調整,只係細價樓調整」。現時平價沽貨的都是被迫賣樓,例如借財務公司或變成銀主盤的單位,真正自住的業主甚少會沽貨,所以當大部份被迫賣樓的單位沽出後,樓市會平穩。
    中原集團創辦人施永青日前確認樓價跌勢已成,相信今年第一季完結時,樓價將會較去年9月高位跌15%。湯文亮認為第一季樓市未完成調整,「起碼跌到6月先搵到支持點,因為今年新盤一定賣得平,二手都有壓力」。他預料,中原城市領先指數CCL跌到120點會喘定,即以現時計算再跌9%。由於樓價已下調,新年過後成交量將現小陽春,「舊年一批樓價太高買唔起樓嘅人會有機會買到,所以二手交投量會升番,估計有4.8萬宗」。
    此外,反映二手樓價的CCL報131.95點,按周跌0.72%,創60周新低。四區指數為近17周內第2次出現連續兩周下跌。港島指數按周跌1.87%,連跌兩周共3.77%。九龍區創66周新低,按周跌1.37%,連跌四周共5.11%。新界東按周跌1.35%,連跌兩周共2.12%。新界西按周跌0.22%,連跌三周共2.29%。市區樓價跌幅明顯比新界兩區為大。
    中原地產研究部高級聯席董事黃良昇指出,受大機構凍薪或加薪少影響,打擊中產家庭買樓意欲,市民削減租金開支,中產明顯衰退。預期市區中產屋苑領跌,新界上車屋苑跟隨其後。

    回覆刪除
    回覆
    1. 新聞人你好.

      你信老人家兒孫滿堂0既幸福人, 定係信窮得只有樓0既湯先生? 你估邊個有陰謀多D?

      越多理由游說你, 越可疑.

      刪除
  13. 講係負資產,當年我讀書時(1998-2003年)感受最深
    記得老豆望住間屋個樣,果種壓力非一般能夠想像,
    因為你賣左樓都係還唔哂d錢......

    話時話,上年好多人沖左去買九建個劏房盤,現在基本上就負資產,
    仲係三年樓花,加埋要二按既話,假如係剛剛好夠首期既話我真係祝佢好運

    回覆刪除
    回覆
    1. 我老婆都係咁講
      咩慘得過2015 年買樓? 就係2015 年買樓花個D!

      刪除
  14. 近幾年我都係租樓住…

    回覆刪除
    回覆
    1. 噢, 你係討論區入面個D JOE JOE JOE!
      不過大話怕計數, 樓價跌一球, 可能乜都抵番哂了.

      刪除
  15. 一路租一路收到外母温馨提示:「你地幾時買返樓呀?個個月比幾萬蚊出去,好多錢呀!」

    回覆刪除
    回覆
    1. 咁堅每個月幾萬蚊租? 實力雄厚, 要買幾千萬樓.

      刪除
  16. 如果幾千萬只係買到間千幾呎假豪宅, 不如攞筆錢去矽谷買幾間屋, 租比IT人, 又有地權, 感覺良好得多。

    回覆刪除
    回覆
    1. 點解揀 IT 人?小弟非IT人。
      不過又係靠收租,真係唔悶架咩

      刪除
  17. 必要時, 香港唔得, 都多個地方落腳。

    回覆刪除
  18. 我個人不太熱衷物業投資, 只係講到話要幾千萬買間樓, 以貨論貨, 大把地方可以買, 不一定要買港樓。

    回覆刪除
  19. 女主人好有心呀,識去鴻興買黃金戰士!!

    回覆刪除
    回覆
    1. 因為之前行街睇到...哈哈~
      今年情人節我無送野, 得佢有送. 慚愧.

      刪除
  20. 其實樓主都話自己係知識份子, 點解討厭老師??是否童年陰影??

    回覆刪除
    回覆
    1. 當然不是童年陰影, 你幻想力真好亦好負面. 老師好鐘意我呢D 好成績學生, 更加會偏袒.
      不過, 現在好多70後老師都只係一般學識(讀書唔好就去做老師), 知識分子應該未必到佢地, 扮係知識分子扮講道理同你R 著數就大把.

      刪除
    2. 其實收租仔回報又唔係好,風險又高, 老師本身又受學生氣,家長氣, 校長氣,厭惡行業, 你都無謂咁在意哩兩類人啦......我都好鐘意砌高逹, 所以都好留意你個BLOG..... 最愛是MG龜霸, MG愛爾蘭魔蟹,HG雙面蟹....

      刪除
    3. 老師最大問題係假期,同埋入職就幾乎要對住同一班人既人事壓力,加上呢幾年無目標既教改

      刪除
    4. 樓上WING, 我是一個非常執著的人, 意思是, 我唔講出黎就無人講.
      ALAN, 做得呢份工就遇左環境會變, 邊有又穩定又可站在道德高地咁筍呢!?

      刪除

各位每個留言,係我繼續9UP動力,必覆。

Related Posts Plugin for WordPress, Blogger...