小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2016年2月1日 星期一

我可以唔撈嗎 13(買夠貨)

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3
我可以唔撈嗎 4
我可以唔撈嗎 5
我可以唔撈嗎 6
我可以唔撈嗎 7
我可以唔撈嗎 8
我可以唔撈嗎 9
我可以唔撈嗎 10
我可以唔撈嗎 11
我可以唔撈嗎 12

因為已經係未必係最好0既時間出左界王拳,結果小弟0既自由之路變得比較簡單直接,寫出黎都實在D!

最後一次入貨係 $5.01,貸款約330 萬,分兩年還。現價?$4.74!

阿Q D 諗,總好過係7.5 或者5.5 個陣買,否則連翻身機會都無。

個人認為,內銀減派息機會唔高。最多,都係減三成,即使收入同股息兩邊一齊縮,我都可以完成任務。

講工作

每年呢D日子,又係反思工作成果階段,今年同預計差有點遠。做得好果D結果一般;唔知攪緊乜個D又做得勁好。莫名其妙!拉番埋,呢幾年都好過五六七年前平均水平。

收入?無乜變過。過埋六月又有變動,到時再算。

KEEP住係公司噴模型,令感覺無咁乏味,可能到時為左D模型繼續做?


 (BUILD BURING HEAD DISPLAY BASE)
左手邊為TRY BURNING,右手邊上左水貼用隻G-SELF插住先!


講資產

物業:我無,女主人有,在內地唔知要黎做乜0既樓一間

強積金:加加埋埋。。。十幾萬?哈哈,唔計呢D雞仔數啦!

保險:有!無計過值幾多,夠睇病又死左有D錢比阿媽咁LAW!唔計啦!

股票:約950萬;老婆唔知佢。。。

現金:160萬;老婆2XX萬(即係二人即時可以買番個800萬單位!不過又有冇咁傻?)

負債:約340萬,其實10萬係東亞低息貸款,其餘係股票分期,兩年後就會還哂,亦無乜打算提早還。

淨資產?僅僅掂到八位數字

真係大話怕計數,少得可憐。不過我又唔會好似80後求死咁亂吹,比人踢中就講佢有個朋友/前輩有幾疊水咁0既。


女主人出椅,我出高達,個女出ELSA!個仔?出聲。。。
(上面係童夢EX百獸王同埋六神合體!)

所謂人生大嬴家,唔剩止係錢!自己讀過書有學識,工作有小成唔駛DUP頭睇人面色(收租仔?哈!),有睇得下0既靚老婆(唔係幫你供樓個D七頭女MISSY/公務員/律師),有仔有女又生得靚靚,工作唔駛受氣,四大長老仍健在,仲想點?

講其他

又係講ABCD四類租盤,果然B3盤好多收租仔。睇中原租務成交,已經劈到D盤價,無睇錯。同時,D盤無人租無人買少得可憐(但放盤係同樣多的)。詳情睇 <租客開始可以話事

可唔呵以唔撈?肯定可以!

另外,原來已經結左五年婚!感謝你一路以來不離不棄這個怪人。

自助山,其實不如以前旋轉餐廳!
你睇我隻手仲女人過我老婆,就知我用腦搵食,丁點勞力都唔駛出賣!

23 則留言:

  1. 好鍾意睇70兄ge文,夠哂直腸直肚!

    回覆刪除
    回覆
    1. 謝謝支持。
      此系列是9up作。紀錄多於道理。

      刪除
  2. 70後兄,再跌你重會唔會入貨呀?
    我估內銀會減派息,
    計埋人仔貶值,會少一成左右,
    不過應該同你所講,唔會少過三成。
    另,兩口子好溫馨哩!

    回覆刪除
    回覆
    1. 不會撈了, 一黎無彈藥, 免加重負債; 二黎股票倉已夠. 錢應用在其他地方.
      另, 眨值就一定, 派息應該唔會減.

      刪除
    2. 上年中行同工行都派少左,
      不過今年就算減應該都有限

      刪除
  3. 70後兄,再跌你重會唔會入貨呀?
    我估內銀會減派息,
    計埋人仔貶值,會少一成左右,
    不過應該同你所講,唔會少過三成。
    另,兩口子好溫馨哩!

    回覆刪除
  4. 好鍾意睇70兄ge文, 令人有拼博的心!我都要加油

    回覆刪除
    回覆
    1. 對, 希望能夠幫到各位.
      鬥志比一切重要, 勿做咸魚.

      刪除
  5. 70兄我睇好你個939 唔洗撈計劃啊~ 兩年後必成功!

    回覆刪除
    回覆
    1. 希望成功啦.
      撈唔撈, 其實怕比客人叫留低做...

      刪除
  6. 八位數字淨資產都話少得可憐?香港咪成街都係可憐人?

    回覆刪除
    回覆
    1. 相比起四層以上的收租仔, 我呢D 算得係乜?

      刪除
  7. 有八位數字淨資產、靚老婆、有仔有女又生得靚靚、工作唔駛受氣、四大長老仍健在,70後兄的確讓人豔羨,夫復何求?

    回覆刪除
    回覆
    1. 因為"各有前因", 同時加上"你睇我好".
      寫到咁, 希望各位存有希望, 鬥志. 免被生活消磨心志.
      即使係小目標小心願, 花力氣去完成, 人生亦更美滿.
      (所以我唔贊成後生仔食面包儲首期, 而家買同一年前買, 爭幾X多個面包?)

      刪除
  8. 你點諗到你D投資計劃架@@

    回覆刪除
    回覆
    1. 無乜計劃可言, 其實真係亂黎.
      總知升市唔買...

      刪除
  9. 建行目標價3.50?

    回覆刪除
  10. 梗係講真啦,今日又向目標邁進一步!

    回覆刪除
    回覆
    1. 是的, 以現時速度, 大約一年後會到$1.5!
      現金水平可能近四球.
      大家努力, 睇到時買到幾多好唔好? 共勉之, 新年流流不能空談食花生啊.

      刪除

各位每個留言,係我繼續9UP動力,必覆。

Related Posts Plugin for WordPress, Blogger...