2016年1月20日 星期三

租客開始可以話事

為免比人以為我資產下跌笠水, 簡單都寫番篇.

金屬色同珍珠色都上左陰影! 第一次試作!`

之前買入股票, 買入價5.01, 而家4.74, 唔見左 $175500, 不過, 有排都未洗補孖展, 連第一期都未駛還

我用0既係輝立股票分期, 未如預期咁好. 我0既意見係...

唔X好用佢, D 野唔清唔楚! 
(唔排除會改番好評, 不過呢一刻認真唔掂~)

以息黎講, 可能用其他行都唔差好遠.

順手UPDATE 一下, 男主人個區ABCD 四類盤又點

(四隻G-SELF 保護土萌螢)
HG G SELF ATMOSPHERIC PACK
HG G SELF REFLECTOR PACK
HG G SELF SPACE PACK
HG G SELF PERFECT PACK

A 地鐵上蓋, 優質(可惜唔可以養動物, 我無得住)
B 97年樓,用料靚 (B1係幽靜少少密度全區最低, 同類B2 盤就方便D同有靚景, B3 就好新但唔方便)
C 交通OK, 但好舊 (廿幾年了, 大量! 兩大屋苑C1, C2加埋十幾座, C2 有蚊型三房套廁)
D 好舊, 大過男主人, 大維修中, 比承建商玩死. 加埋7座

基本上...價錢最平係另煩居屋盤.

DC 價錢基本上已收窄到少於1000! 老老實實, D 盤已毫無吸引力. 係人工無減之下, 大家唔會活受罪. 食少兩餐飯都差唔多租到C!

部份C 盤同價0既係B3 同B1. B3 基本上唔好住! 班人買黎收租, 而家為焗出租減價.

另C1 同B2 係好近, 結果B2 都減到同C1 爭1000-500蚊!

男主人現在住B1, 盤少, 但已經有放盤平過現有租金(不是低層, 但男主人住在好高層)

B 盤加多1500 左右, 已有唔少A盤可以揀!

即係話, 由A至D 差價, 可能只係差4000-5000蚊. (無計錯數, 因為個個盤都有高低之分, 而上面係指最平同平均之差)

比最誇張8000-10000蚊跌左好多.

係貴個D 跌, 定係平個D 未肯接受現實去減?

拿, 如果LOAN SIZE 大, 如無租客, 每月還款肯定壓力大D. 連埋差餉地租, 就更加勁. 差餉估算仲有滯後, 租值跌, 差餉未跟到.

不過, 買得貴野收租, 梗有D 實力. 反而可能係細價個D 唔肯減, 自己拎份人工去供樓...每供一期, 相對收少左租, 回報更大減.

男主人四月夠期, 到時又可以諗下走定留.

其實, 我一路有一篇教租客點樣以按金代租0既文....

又係寫左好耐唔出, 就係等呢一刻, 大部份舊年硬食0既租客就完約, 點樣可以唔比人左扣右扣, 或者扮唔記得帶支票HOLD 你按金.

最後, 送各位一張低抄圖,收租仔條底褲著好未?潮要退了。。。


各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

31 則留言:

  1. 天理係一個CYCLE,
    教人整餅, 以租代供, 玩槓桿0既..
    應該就快摺埋,

    B2 估唔到邊忽, 俾0的HINTS..丫..

    回覆刪除
  2. 17萬幾,外人睇落好似好多,(其實都多架啦),不過計返都係蝕左5%左右。
    樓市似乎比想像中跌得急,依家都未減人工未加息都咁,之後更加惡劣,只怪之前樓價過份離地。

    回覆刪除
    回覆
    1. 股跌得急係正常, 升番又快. 不過如果有時光機我都會今日先買.
      不過我有貸款一半現金在手, 基本上好安全.
      另, 人工睇唔到會跌, 應該只有樓跌. 收租仔可以用人工供樓, 係無租收0者, 無有怕.

      刪除
  3. 呂志和:若樓價跌約10% 市民可考慮買樓自住
    嘉華集團主席呂志和表示,見到近2-3個月本港樓價回軟,提醒市民應該要謹慎,若樓價跌10%左右,可以考慮買樓自住,但不建議炒賣。他說,現時建築成本貴,市場不應期望發展商以低過成本價賣樓。
    呂志和說,不認為香港經濟有很大問題,又指香港是「福地」,法治及經濟體系完善,雖然最近經濟表現大上大落,但他認為並非香港引起的問題,而是受中國、美國及日本等地區問題影響。

    他指,現時經營賭場不能單靠從事純賭博業務,一定要加入家庭式元素,例如旗下銀河娛樂有百多至200家餐廳,會以娛樂休閒為發展定位。

    提到他在福布斯香港50大富豪榜上,排名下跌兩位,跌至第7位,去年財富急挫40%。呂志和形容為只是數字遊戲,毋須將錢看得那麼高尚,又指錢是煩惱。

    回覆刪除
    回覆
    1. 賭仔你信?
      等如, 如blogger 有自身利益, 佢講野你都唔好去信啦

      刪除
    2. 身家億億聲富豪點會真係明同埋幫小市民諗?...吹下水又當真 :O

      刪除
    3. 呢位富人都聞到棺材香,可能想等報應。
      開賭的,會剩幾多良心?

      刪除
    4. 租客點樣以按金代租, 點樣可以唔比人左扣右扣, 或者扮唔記得帶支票HOLD 你按金. .... 我好想知道可以教教小弟嗎?上年硬食加左15%, 有小朋友要返學, 所以比佢在暑假前就焗簽....

      刪除
    5. 其實你search 下業主自己形容慘既post 就得。
      仲點係提出反對,出土審當日頭暈身慶。
      如佢比師爺厄玩封租,就玩大d 再拖耐d.

      刪除
  4. 70後兄數百萬當係碎銀,果十幾萬跳幾格就返黎啦。

    回覆刪除
    回覆
    1. 講得真係容易...
      不過好安全就真0既. 如果佢派息減一半, 就賠了夫人又折兵.

      刪除
  5. 呢排都有睇樓,啲業主都企得幾硬。
    返而租金就真係有跌幅。可能好多人都諗住與其平租層樓,都唔賤賣。

    回覆刪除
    回覆
    1. 企硬係好事. 要慢火煮佢地架.
      其實, 去睇樓就對了, 比多D 幻想佢地.

      刪除
    2. 其實依幾年都想買,不過真係好貴,我依啲打工仔,做錯決定就真係累死之餘做累埋下一代。

      刪除
    3. 對。可能小朋友大左已唔需要留港工作。
      香港失去競爭力只是遲早。

      刪除
    4. 我都係咁諗,所以現在死供爛供層樓,老實講,比個仔未必有用,咁自己咁辛苦做乜。

      刪除
  6. 我見你成日鬧收租仔, 但你又買咁多內銀股, 銀行借錢俾地產商地樓, 又借錢俾小市民按揭,又借錢俾收租仔....其實銀行咪又係你口中既吸血鬼....吸盡年青人的血....

    回覆刪除
    回覆
    1. 嘩,你咁都得?
      你又有道理喎,東華三院賣旗,我買左。
      佢養大左小朋友做地產代理。。。
      真係超級蝴蝶效應。
      謝謝收看。

      刪除
    2. Wing Tse 兄,
      乜叫"只許州官放火,不許白姓點燈"?,"五十步笑一百步"?
      可能佢"固執擇善"呢?

      刪除
    3. 仲有,建設銀行都一樣有出古惑理財產品吸血,信用卡超高罸息陷阱,又係良心企業?

      刪除
    4. 匿名哥, 大家都只係平民. 我又唔係靠BLOG 搵食, 鬧你咪鬧你.
      拿, 良心? 你番工係咪盡心盡力? 你老闆應該養錯人...
      唔係咁計0既. 匿名哥.

      刪除
    5. 其實這個世界都係互相吸血。
      試問那些高收入人仕醫生老闆一個月搵幾十幾百萬,又唔係吸其他人血嗎?
      又唔見他們收平D吸小D人血?可能他們會講這是我應得的。

      刪除
    6. 又一歪理。
      你講收入,就要加入共產主義了。
      我講收租仔,你講其他,並不能改變佢地陰質拆墮事實。

      刪除
  7. 銀行係吸血鬼? 合理地低息借錢比個人,公司....唔同財仔大耳X,銀行真幫到社會不知幾多人,至小創造就業。
    無銀行, 一切資金鎖就斷,社會邊可以發展起來?銀行界一樣樹大有枯枝,族大有乞兒,花X銀行米一樣夠賤,呢個世界無百分百完美。收租並不可恥, 70後口中的可恥收租仔, 是成日以成功人士身份自居去教化人升仙果D小小收租仔。


    回覆刪除
    回覆
    1. R 哥一語道破。其實我廢事講咁多,帶佢遊花園就算。你正經解釋佢會同你歪理連篇的。是對付on9 留言方法。
      題外話,有人幾十歲都睇唔明我講乜,仲四圍留言講我,十分無奈。
      唔通我笑佢聞到棺材香咩,我敬老。
      一向都係講緊個d 細價收租仔以為自己小地主,仲教人高位去做。

      刪除
    2. 依兩年入市果啲好令人擔心,朋友3球半買左個大西北單位, 租9500。真係未計息都要收30年租先回本。
      當然,如果個樓市好快又爆市,租又爆升,咁佢會好少少。

      刪除
    3. 收租仔推崇「細價樓」跑贏大市,不斷谷大「細價樓」需求真係PK....尤其係有條件投資十個八個「細價樓」收租嗰班...有少少錢就榨乾基層班租客,咁多錢又唔去買豪宅收租?

      刪除
    4. 佢地唔係一次個買十個,係透過加按。
      所以有平有貴。相信吹水者眾,真有此人者少。
      如有,已應有某一兩個單位蝕緊或打回原形。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...