2015年10月29日 星期四

租務轉角位 + 故人回憶

呢期也是在砌模型

RG 13 GP01FB FULL BURNERN ,上左淘寶RG水貼,唔用太厚的膠貼!COLOUR CODE 在文末!


一個壞消息,心情沉重了好幾日。

一個比我年長,為人老實可靠的朋友,離世了。

原因雖未知,應該是肝衰竭或真菌感染。

只探過他一次,我認為雖然情況會越來越差,但還是可出院的。離死亡,應至少還有一段日子。

或許,不應該做白老鼠去接受新療法。

如果是我,我會選擇快回家,至少待多兩星期家,好過一個月在醫院。

醫學非萬能,有時無得醫就不要醫,留些時間陪家人。

這個教懂我買股票的老實朋友,究竟埋單在市場上係正定負數? 父母有物業留給他,最後又如何?

傷感之餘,亦再次評估人生意義,不止金錢,不止住屋。

若能多些陪伴家人,老好幼好,也是福份。

極端一點,砌多些模型,免留下一堆未砌的,少點遺憾!

這位朋友無攻擊性,亦沒太多害人之心。私底下都同我講過,若非有物業,現在住屋問題很難解決。

有留言提及我鬧收租仔,人有人投資關我乜事?

收租,無問題。但借大槓桿收租,持著利用收入不高的年輕人血汗錢以自肥,同時將供應不多的細單位盡買令有生活需要的焗住貴買,是否太陰質?

最不知所謂,係個d 寫收租blog 仲也文也武,大言不慚地說沒有樓沒有人生,是失敗的,已玩完等言論,又是否正確?

樓市租市已入轉角位,不過慢慢來吧。

果班人自有天收,香港自住購買力或承租力其實已差不多用完。

租緊既已租緊,搬左又有一間空番。有人承租即代表又多一個租盤。內地生越來越少是事實,內地已有中介教人考ielts 去澳洲升學。

未必關黃絲事,只係內地人有錢左,已可直去外國。

買模型figure 都已經 amazon 直送,不用到香港了。

認真面對吧,不要睇太多 tvb, 香港人根本沒世界視野,英文水平亦唔講得上好,衝勁越多越少,只因大家心機花在住屋及租金上。

老朋友,一路好走,美好的時光永在心中。若時光可以從來, 我一定約你上黎我公司砌你久久未完成0既模型, 一齊噴埋油...

用左GAIA 121, 125, 黑, 白, 透明黃, 原色靛, 131, 星影讚石銀.





各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2015年10月22日 星期四

我可以唔撈嗎 11

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3
我可以唔撈嗎 4
我可以唔撈嗎 5
我可以唔撈嗎 6
我可以唔撈嗎 7
我可以唔撈嗎 8
我可以唔撈嗎 9
我可以唔撈嗎 10


*****

話說女主人上左大陸,呢兩日得番我一個。。。比機個會我去PLAN做一條毒男!

日日留係鋪頭砌高達,真係毒男的浪漫!!



(有冇人知呢隻乜黎?)

女主人上大陸,都係同佢生意有關。主要係想搵新貨,同樣我估佢唔想依懶某單一供應商,從而令貨源更可靠可控。

佢講左兩次,兩年後我地一齊上去?噢,乜咁肯定我會唔撈?

其實,係鋪頭噴下油都幾開心!雖然女主人都講過話租間有工人房比我去噴油。。。哈哈哈~

而家個市唔上又唔落,真係好難預計兩年後今日有冇信心夠數有突啊!

只能夠講,今年比我想像中好,條數掂到二字頭!!

繼續一如以往進取,先搵未來錢。希望快D夠數!

預計由2015年八月至2017年十二月,會有四百萬現金,如果早左夠數就開始減產!當然現金來自工作收入及股息。

2016年八月收四十萬,2017年亦如是,假使我無入貨而佢又只減少少派息。

即係工作要跑320萬回來!現在有現金14X萬,即這26個月要從工作賺180萬。每月儲七皮野,這一刻沒一點難度。

若股市向下,提供入貨機會,股息會再多20萬一年。相反,狂升就無呢D機會了。

又講多次,如果你未夠貨,又點會想個市升?除非你知道自己永遠唔會夠貨!

話說男主人幾年前已是這小小小市煬的龍頭,由前年開始年年都做到有名出!前年好彩,舊年預左,今年以為無,點知真係神來之筆,又可能再次爆名!

下年?我一早預左又會出名。。。

即係話,係我退出唔做之前,我個招牌如無意外都會貼上金漆!生意應該不是太大問題。市場資訊已經唔算太流通,我條數都咁靚;如果市場更透明,生意多到更可怕!

近排有生客打黎,用上"鼎鼎大名"四字來稱呼我。。。其實我都唔係咁傳說人物,只係一個單打獨鬥在呢行打滾0既人。只係我產量好少,唔宣傳乜都唔攪專心做好本業而已。

我非常喜歡做緊0既工作,不過十幾年,想有個轉變而已。

在心底裏,我好怕我唔捨得。。。不過,別離是更必需的。否則不能走得更遠。

當年未畢業,我同我初戀情人講我想去做賣場賣"神奇收肚褲"個D大叔(而家可能係賣神奇菜刀!),或許佢同我一樣讀書唔錯,打算畢業後投身專業,覺得我好無聊好無大志。

我用左一年去搵我想做0既野,搵左一年,做左十幾年!

其實女主人小生意都係佢以前做秘書太得閒,我同佢貪玩搵野攪下,點知原來搵到錢,才促成今日女主人小茶飯。

如果叫我去教年青人做生意,我絕不勝任,因為我份生意要有特殊技能同性格。我只能夠講,專心一致,諗下點樣好做本業,不用抄人,真係做好自己就夠,因為自己係知識份子,讀過書,書本東西一定有用,女主人小生意都用得著!


話你聽讀書無用個D,只係佢無真正讀過書!
(典型收租仔咪係咁)


退休後砌模型?我都唔知,可能走去做YOUTUBER!






各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE


2015年10月20日 星期二

10A港姐 無敵是最寂寞

此文與投資無關


MG zeta vs rg zeta. 右邊支米加粒子炮是國產,產左色都ok 呀。

話說,港姐一向唔睇。

不過,今年tvb 好識宣傳,夾埋報紙一齊煲新聞,唔睇比賽都知有咩女。

今年有個10A 參賽者,tvb 擺明做佢,女拔畢業,學彈琴跳舞讀書好名牌中學加頂尖大學畢業。典型叻女例子,又比人話贏左起跑線。

當然,得獎後無其他佳麗恭賀,又比人話佢人緣唔好又乜又物。

其實,叻既人一向有呢d 問題,來源自自身之餘,又來自他人。

男主人無佢咁叻,不過由細到大都係呢d 情況長大。

第一,social barrier 一定有,原因係唔同level 溝通唔到,講佢又唔明,廢事講。

所以,呢班人都有support group, 又或者難得遇到同類有他鄉遇故知。

Great mind thinks alike.

同某d 人,不是我大牌,真係溝通唔到。尤其係以為自己好醒個d,一出聲就露底。

第二,來自別人妒嫉。自己讀普通中學,情況無咁嚴重, 正所謂槍打出頭鳥,你一突左出來就比人當異類。成班無出息反而成為一群顧影自憐的群眾。

出黎小生意後,因單打獨鬥,無人會妒嫉我。我仲要係行內龍頭,無人敢挑機。

女主人某兩個朋友,現已反面。開口埋口講句:"佢好叻咩,佢搵得錢多好叻咩"

我從來認為錢銀是浮雲。時間及頭腦才是最寶貴,聰明腦袋,誰也取不走,又可傳給下一代。

自問唔係我叻,只係你太低層次,仲留係錢既層面,sorry.

其中一位同女主人初中玩大的,當女主人小生意開始上軌道後,便連我兩公婆一齊恨。對女主人生意幸災樂禍。。。自此不相往來。

話說女主人有小生意後,對某d 友情變質耿耿於懷,我都唔知點去開解佢。因我已見怪不怪,若你與人不同,就要有呢個心理準備。

港姐麥明詩係咪真係無朋友? 其實我好清楚明白,佢一定有朋友,但唔係其他港姐的水平。

大家睇新聞,食到一地花生之時,又有否一點點妒嫉?

撇開錢這方面,頭腦轉數,學習能力,認知解難,的確樹有高低人有高矮。這是與生俱來,你有十層收租樓都做不到的。

同樣,樣貌與幽默,亦好難練,你溝唔到女不要以為哂資產可以溝到女。

早兩日食早餐,有幾個阿毛講讀大學打份工無用,人地做老闆搵幾多幾多。

咩料? 讀完大學唔可以做老闆? 做老闆又家庭美滿,仲有靚樣仔女,就快財務自由,呢d 美好事情唔可以一齊擁有? 是否睇得tvb 太多,又或相信要等價交換?

留言吹下水吧,下圖是新砌 rg skygrasper 武器包。



女主人回內地睇貨三天。若有空繼續九up.

2015年10月14日 星期三

而家個市,做唔做short put?

好耐無寫blog. 股市又升番少少。

女主人唔駛做燈神。佢持有十萬蚊建行,買入價5.4 左右,現價5.7 左右。。。

佢話 :"如果5.1 果陣有買就好"


命運高達!RG DESTINY GUNDAM!
究竟這是命運,還是目的地!?
(其他相在文末)

機會其實時時有,如現在再抽上,其實。抽上果位無乜肉食,因為散戶要回氣,咁短期要建立或者厄番信心唔易。

我諗過開個short put 倉,十二月。

女主人話:"如果中間急跌,你被option 綁死左到時無錢買。"

又係喎。

照計咁快爆上無人得益。

本來今年打算去日本旅行,可能又取消,因為女主人想買0既野改左,而我又鐘意番內地。哈哈!

近排都係砌高達,少寫文,亦較少做倉。

現金水平145萬,月底約150萬。女主人估計好快近兩球。

股票連現金,繼續八位數字!我地唔講淨資產,只有個D傻仔收租又欠債先講出黎哂下命。

住屋,從來都唔係問題,FULL PAY無難度;溝女識男仔?從來唔係問題,因為我同女主人都係高質男女。

只有自己騎尼唔吸引,才會以為有樓先有女。。。非常可笑。

大把少男野戰中,真係住屋問題?哈哈哈。。。係你無得玩0者。得閒去銀行打下簿開心下啦。。。

 (貼同未貼膠貼0既分別,可能唔貼好過貼)



各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2015年10月6日 星期二

淘寶 買 模型油 液體 食物

點解成日唔講投資講呢D?

因為呢個唔係投資BLOG! 此BLOG 目的係想鼓勵年青人追夢以及了解人生其實不只有打工一條路而寫.

雖然有關文章唔多, 希望字裏行間明白由乜到無到有自己小生意, 其實唔難.

尤其年輕, 無野好輸, 怕D 乜? 認真初投資金唔多, 咪信個D 買樓收租0既白痴隊長講...佢無學識無大志咪只會睇到失敗例子. 你0既咩人咪只會見到D 咩朋友LAW!

為免各位錯過上一篇文章,可按<經濟轉差了 (二) 租客免佣



RG MK II + FXA50D (FLYING ARMOR + G DEFENSER)
後者係BTF國產貨! 49蚊人仔,真係平過模型油錢!

講番正題,淘寶買野唔難。

好多人問點樣可以淘寶運模型油!不如由頭講起,點樣淘寶比錢同點樣運黎香港!

比錢?可以有幾個方法。

1:內地銀行戶口連U盾,唔係個個有,我老婆用呢D比。好處係可以大額付款!用找換店可以轉錢上去。

2:PPS比錢,OK便利店有得自助申請,只要有提款卡就得。上限500定800。教學link

3:百達通!你只要網登記,再加上有機有nfc功能就得!(電腦八達通讀卡器都得,link有教學)咁唔夠18歲都用到!

4:去7-11買淘寶卡!好處係乜人都買到,唔好處係貴1.5%左右

5:叫爸媽幫你比。。。。

運野,直去香港,貴!

識玩梗係用集運!

有官方集運,順豐,4px,ems等等。。。即係話佢會將d貨寄去佢個倉先再一次去香港。可靠穩陣。

不過有唔少野唔比集運,例如液體,食物,魚缸用品等等!

可以用非官方集運,我用開呢間!

http://www.lxe168.com/

首重20元續6元,住宅或偏遠有附加費25元
用佢運過兩三次,係打包得無咁靚仔,但香港第三方送貨哥哥好好人!

32KG都係200蚊人仔,1XKG都係80蚊,買多幾件乜都慳番!
運乜野要30KG?我運木板!香港訂好貴!要D木板黎做乜?你估下。。。文末開估








只要係收貨地址打佢地個倉,再係佢地網頁注冊個戶口,再登記番每單0既單號,咁佢地會打包運黎香港!

唔好處?因為佢地香港個程係外判,衰左無得投訴。

好處?比官方平好多!同埋可以淘寶運模型油,淘寶運食物,淘寶運水族用品!

最後問題,係收貨!送住宅有付加費,25蚊,要到時比。工商廈唔駛。

因為係工作時間送貨,如果你日頭番工讀書,邊個收?工人?阿媽?

我,就送上我公司!

木板要黎做乜?哈哈哈。。。將高達放番公司,仲有好多塊!

五隻巨型MEGA GRADE齊集!


各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

2015年10月4日 星期日

篤篤新成品

最近煩惱特別多,問題都係源於同一個地方。 已狠心地斬纜,然後打算再尋覓一個新方向。

縱使生意比上月倒退50%,但我不是很介意數字上的上落。就當是先休息一下,為年底同事放產假後的忙碌先預支定閒暇。

今晚玩篤篤,單睇此圖肯定估唔到係咩

估到我係咩未....登登登登

太耐冇篤,有點生手,篤到有點不對稱,所以...我決定整條底底俾佢著。


原本圖紙係咁既...




2015年10月2日 星期五

二十萬人次了

原來此blog 已達二十萬人次,多謝各位支持。
下個目標? 我都唔知。



Plan 左玩vlog, 不過都係的唔起心肝做,否則各位會聽到我把靚聲。

見真人會大失所望。哈哈哈。。。

呢期維持一星期一隻高達,又忙工作,股市又唔起伏,真係無乜好寫。

成日鬧收租仔都悶啦,因為佢地都唔係咩叻人。君子好財,取之有道。

有能力搵錢或者專業人士,其實現金流好高唔會貪個少少錢,同時亦係不屑做呢d 折墮野。

大陸經濟其實好好,回調左都唔會差過以前。香港? 最好的時光已過。

小弟係追夢的人,亦希望自己下一代或現今年輕一輩可追夢。這個是當初寫blog 目的。

教人淘寶買高達亦一樣,太多錯誤資訊,令人錯失好多更好機會。

如有讀者仲係求學階段,請努力讀書。細個阿媽教我都唔信,大個才感覺到。

1 書到用時方恨少
2 知識係別人創不走的財富

知識,亦都係男女主人生意可以與別不同既關鍵之一。

拿,衝過一百萬,我地玩抽獎,抽高達。哈哈。

呼籲一下,如你十月生日,可幫我一個忙,去開戶。我扮你朋友有優惠,薄酬200港元。
Related Posts Plugin for WordPress, Blogger...