2015年12月29日 星期二

了解我的初戀 八千里路雲和月

為免各位錯失左上一篇好文(至少係我咁多9UP入面叫有D 新意), 可按下LINK 追番







UM...呢篇又係想寫好耐,終於的起心肝 & 鼓起勇氣打埋出黎, 整理一下。

剛從惡劣細菌感染0既我死而復生(無咁誇),加上之前兩位朋友離世,真心講句,價值觀有點改變。正因生命有限,收租呢D陰質野,做左真係小心D老來出事。(阿大嬸,不用每個地方留言都提起吧!?咁睇得起我呀!)

呢個系列講女,此文必然有續集,因為,從身邊擦過的人,不止一個吧。

其實我已經好耐無聽新歌,呢首竟然常LOOP!佢咁簡單又無乜難度,直頭可以買支咪番黎自己唱番一個版本添呀!


感情0既事,真係要講唔知由邊度講起。女主人不要亂想,睇哂先講!

這個人人都有一個0既初戀,發生在大學時段,當然,係同學!

鐘意0既原因,我估無論我同佢而家諗番,都唔知點解。或許佢要一個人關心下,而我又想拍下拖。

如果要我VS佢,其實都幾唔同,但係又不是COMPLEMENTARY互補個種。

我,雞校;佢,名女校
我,公屋仔;佢,居屋0者
我,獨子;佢,上有家姐下有細佬
我,成績好多A;佢,只少我一個A!
我,好多野講;佢,好靜
我,脾氣外露;佢,收埋到有情緒病
我,唔希望讀乜做乜;佢,入得黎梗係做番本行。

唯一相同0既,可能係大家都好食得辣,同埋也鐘意貓。

讀書個陣,梗係番學放學見,成為習慣。我估同中學時代拍拖都係咁上下。(我中學集中打機打波睇漫讀書!)

分歧都係出現係畢業之後。

順理成章,因為我地一畢業就可以執業,佢做左佢0既專業人士。

我轉過下工,最後打左一份咩工?

我以前用茶記炒旦黎形容我工作(可按此我的藍海一: 我的生意像澳牛
),我一出黎,就好似走去做個待應咁。講比人聽,人地都覺得好普通(我無意眨低侍應,只係用黎比較有專業工作唔去做,做D大部份人都做到0既野)

比起而家炒旦,市場上真沒幾人,話唔埋獨步此區。(但有多士,牛扒,所以我唔係咁巴閉架咋)

當然,同樣都係佢同學又係我同學果班三姑六婆,梗係有野講,其實佢地唔明白,我都仲係度搵緊我想做D乜。佢D中學同學?哈哈。。。佢成績只係一般,佢D中學同學出路更好,無乜往來的。

之後,係我炒炒下旦0既一日,發現搵唔到佢,一個星期之後,佢同我講分手了。當日打擊梗係大啦,雖然未到天昏地暗,至少,我覺得佢未等到,亦未明白我想追尋什麼。

分手原因?

當時我分別係三個地方炒旦,加埋人工高過佢。。。BY THE WAY,唔一定係錢,一定唔係錢ONLY。當時可能諗埋一邊,包括我阿媽在內,以為嫌我窮,但現在人大了,明白多了,一定唔係錢ONLY。

這個領悟,卻用了足足十幾年時間(咁我又唔會不停去諗下話。。。)

不過,到呢一刻,我依然覺得分手係好事,因為走到果一段,真係唔係我同佢講,就係佢同我講。雖然大家原因未必一樣,至少了解分開好過繼續糜爛。

結果,我更加努力去炒旦。哈哈!為啖氣定係為錢?我記得半夜三更我仲預備緊炒旦的東西,明明客人好少,我炒足幾年份量。夜媽媽仲阻住我臨老做保安0既老豆訓覺。

結果,頭六七年工作,全靠呢D炒旦,令發圍後工作量大減,繼而當市場出現變化時,我幾乎係最早成功變陣。

之後,我去左讀PART-TIME,雖對炒旦無幫助,但付6地而家十分用得著某D東西!

所以,如果有邊個唔上進,比條女佢溝下再叫條女飛佢,可能激發到佢去努力去上進!

其實佢係咪激勵左我?非也,其實唔夠一個月,我已經有另一個女朋友(外傳1)。同埋,有個暗暗地戀左我幾年0既師妹好開心,當然我無接受佢(外傳2)。

其實,佢唔知我想點0者,而我0既脾氣同唔穩定0既情緒,都係令佢對生活不安以及能力0既質疑。無計,成年人世界,要成熟,要扮專業扮在行。

我實在做唔到!所以我先要去做單人匹馬都做到0既工作!有信念有熱誠,遠比扮成熟重要,人生就係要輕鬆簡單做番自己。

也講講,當年科網沙士開始炒旦,我有如此社交殘障都可以有如此小成(UP TO NOW 都叫做年入兩球0既。。。)其實只要年青一輩你有熱誠,創業係一件美事,衰左咪衰左,至少試過!後生龜縮留番老時馬後炮,同巴士阿伯有咩分別?

講番佢,當然而家大家都結左婚,佢應該唔生小朋友喇卦。我地已經完全無聯絡(當然!),對上一次已經係2005年食過一次飯,亦係分手後唯一一次見面。

言談間亦有講及當初分手理由,弦外之音,我足足花了十年才有少少頓悟!現在,只存一點感謝,感謝令我渡過非我所願0既大學專業訓練三年吧。

拍拖三年間,佢無令我改變(真係只有女主人先改到我少少,我固執亦很麻煩!),我亦無為佢努力過什麼。唯一只有,大家相處0既日子。

或許,連最基本互相支持都無,因為根本無機會,當時我只係窮,並無什麼難題,正因為窮才可以輸可以試!

有時,我什至會放棄想去支持我0既人(外傳3)。

如果要我只係要搵一個能夠幫我供樓有穩定職業0既人,真係大把(外傳4)。

現時為止,能令我覺得支持得正確的,就係我老婆。BLOG頂張圖D字各位有冇睇過?

其實,我只要三個字

"陪我癲"

你地找到這一位未?

註:外傳只是講笑,再寫會比人打!不過,如對某外傳有興趣,可留言。

60 則留言:

  1. 我霸頭位,第一個期待!

    回覆刪除
    回覆
    1. 哈哈, 謝謝。這篇已經冒生命危險打的。。。

      刪除
  2. 識你0甘耐, 都唔知你, 好食得辣。。哈哈


    回覆刪除
    回覆
    1. 係喎,以前同你都係食慳錢野多。。。

      刪除
    2. 搵日去譚仔三哥 試辣。。呵呵

      刪除
  3. 外傳三係咩,點解我唔知架!?

    回覆刪除
  4. 呵呵期待70後兄的愛情外傳,最好形容埋佢(哋)乜野樣啦:)

    回覆刪除
  5. 死左未又復生囉 (講笑), 期待外傳

    回覆刪除
  6. 勁! 竟然在女主人的'監督'下暢所欲言!

    題外話: 看了數篇兄台的長文, 看得出兄台是暢所欲言,直話直說的人. 討論A就一定是站在A點, 不會移形換影. 跟某些大師級blog友很不一樣呢. 跟他討論A, 他轉到B, 跟他討論B, 他轉到A, 小弟走了幾轉, 太累了, 唯有投降. 也對大師移形換影的功力歎為觀止.

    回覆刪除
    回覆
    1. 他們有利益所在, 所以任何人也不好得罪, 咪轉移視線故作中庸.
      咁我每篇文都諗下講D 咩先寫0既.

      刪除
  7. 買定兩箱啤酒,一路剝住花生等外傳

    bigtiger

    回覆刪除
  8. 專程上來睇下有冇家暴事件發生

    回覆刪除
    回覆
    1. 唔會啦....哈哈, 其實係借事件講下, 提下年青一輩去追夢又好, 創業都好.

      刪除
    2. 咁又係,莫等閑,白了少年頭...

      刪除
    3. 對的.
      我唔會教人買股, 教人買收租樓, 因為呢D 都只係錢.

      追夢, 同娶老婆一樣, 好多時候, 都係可一不可再.

      刪除
  9. 難得女主人咁開明俾你打上黎

    回覆刪除
  10. 嬉笑怒罵,率性而行。
    70後兄真是駑馬的榜樣。
    希望以後多多分享。

    回覆刪除
    回覆
    1. 駑馬兄, 謝謝支持!
      我一向敢言, 鬧你咪鬧你.

      刪除
  11. 多謝70後兄分享。
    哈哈,初時見到嗰幾個(外傳)我都以為有link可以click入去~~~

    回覆刪除
    回覆
    1. 哈哈, 不久將來可能真係有得CLICK 入去.
      不過每次總有野想表達0既

      刪除
  12. 其實我好佩服70後兄能夠同女主人用埋同一個blog,講真我個blog雖然無打咩特別野,不過唔知點解 亦都唔想我老婆睇到。

    回覆刪除
    回覆
    1. 就好似你唔會ADD 你老豆FB 咁...哈哈.
      其實我又無乜野0既

      刪除
  13. 我都好鍾意「到此為止」首歌,不過連詩雅唱歌太難聽,Dear Jane版更正!

    https://www.youtube.com/watch?v=rqLc6-AzrPU

    回覆刪除
    回覆
    1. DEAR JANE 太激昂...
      連小姐反而有點味道.
      首歌難度近乎零,所以點唱好重要.
      個人意見

      刪除
  14. 大家睇下, 原來巴黎兄係唔會同人討論, 可能唔小心吉中佢既利益要害, 佢第一時間刪除我既留言, 有相為証:
    http://s1166.photobucket.com/user/ParisValueInvesting/media/paris3_zpsbq26bon5.png.html?o=0


    原本既文章:
    http://parisvalueinvesting.blogspot.hk/2015/12/blog-post_27.html

    唉, 其實大家明知佢都係為搵錢, 認左大家都冇人怪. 但佢唔想認, 何必呢?

    回覆刪除
    回覆
    1. 拿, 我中立0既.
      不過如果我係佢, 我會捐哂突左個部份出黎.

      刪除
  15. 留名霸位,花生水酒都準備好,等睇下一集,外傳,前傳......

    希望從七十後兄身上學野。

    回覆刪除
  16. 做個花生仔先

    男女主人,聖年快樂呢!

    回覆刪除
    回覆
    1. 新年快樂!
      謝謝觀看~~~
      下一篇應該講樓, 除非股大跌.

      刪除
    2. 入射程範圍了?期待下幾篇係外傳+樓+股
      90's 蝸牛

      刪除
  17. 終於等到了,請寫多D :P

    回覆刪除
  18. 好耐無追blog, 一看70後你講初戀比女飛的回憶,簡直極有共鳴!!
    R可以稱得上神級,比一見鍾情及拍拖多年女友飛,R初戀女友一過英國讀master,識多左人上人
    幾個月唔夠就寫封英文分手信我嘆,嫌我公屋仔... 嫌打份普通文職工......總之傷心到我呢,
    比人飛,失戀的滋味真係過來人先知。 到現在回想, 好在當年大家分左手,而家R太太先能出現。

    回覆刪除
    回覆
    1. 有冇留起塊東亞病夫牌坊留念? 而家睇番都幾好笑架...

      刪除
  19. 好有共鳴呢,失戀的滋味真不好受。。。我仲搵緊肯"陪我癲"的女主人!70後兄篇文好勵志。BLOG頂張圖D字我第一次來就有留意啦。要繼續寫落去啊!

    回覆刪除
    回覆
    1. 謝謝支持收看!
      慢慢搵, 常常轉, 總會搵到

      刪除
  20. 另一半不能互相影響對方, 就會越來越遠, 最後各行各路......相反對方和自己配合和鼓勵, 最後可能一鑊熟, 但都會都不會分開.....

    回覆刪除
    回覆
    1. 對呀.
      不過配合都要睇邊方面.
      如果只因對方能為你供樓而愛, 咁就無意思了.

      刪除
  21. 買包花生先~~~等緊外傳超LINK可以按去睇~~~
    新年快樂

    回覆刪除
    回覆
    1. 飛鳥兄, 新年快上.
      呢期花生超買! 外傳還要構思.

      刪除
    2. 外傳還要構思?~~~^^ 明、在心中~~~
      話時話花生加左唔少價、以前萬里望$10包、而家加唔少~~~

      刪除
    3. 非也, 因除記事也想說道理.
      每一外傳, 人會成長.
      而家金龜麥唔係叫萬里望, 叫萬里香....

      刪除
  22. 恕我無知,炒旦係咩工?

    回覆刪除
  23. 男主人你好,喜歡你的文章,生動有趣,有自己的見地。好奇一問,可唔可以講下好多條A,即係幾多條?哈哈,八掛公一名:)

    回覆刪除
    回覆
    1. http://hk70s.blogspot.hk/2016/05/blog-post_20.html

      這一篇文章有講呢。哈哈。

      刪除
    2. 謝謝。哈哈,文章真有趣,且成績很好呢。原來男主人文章這麼生動有趣是有跡可尋的。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...